أغلبية الأعضاء - إذا مو كلنا - شاف أنميات لا تعد و لا تحصى إذا صح التعبير -_- ... و بعضنا يديد على هذا العالم و ماعنده خبره في الأنميات أو على الأقل في اختيار الأنميات إلي تناسب ميوله
فكرة هذا الموضوع ممكن تساعد كل الأعضاء... فكل عضو مطلوب منه من الأنميات إلي شافهم - ما نبي إلي قروا تقرير أو شافوا لقطات- مرة ثانية أقول ، العضو إلي شاف أنمي نبيه يتكلم عنه فيكون هذا الموضوع مثل مرجع للأنميات ... ما أدري إذا وصلت فكرة الموضوع و لا لأ
يشمل الرد :
- تعريف بسيط جداً للأنمي و رأي العضو بالأنمي من حيث القصة، الشخصيات، الرسم .. قصة حياتكم مع الأنمي ... بدعوا في هذا الجزء لأنه من خلاله راح يعتمد هل راح نشوف الأنمي أو لأ
- نوعه
- عدد الحلقات
- سنة انتاجه
- وضع وصلات التحميل ( دايركت أو تورنت)
- معلومات إضافيه ( مانغا، ألعاب، فيلم، OVA)
هذا الموضوع راح يشمل الأنميات
شي أخير ... ما ودي يكون فيه مناقشات عن الأنمي المكتوب ^^.. يعني أكتب عن الأنمي بس، خاطرك بسؤال و لا شي ممكن تروح
و إذا واحد كتب عن أنميك المفضل أنه مو زين أو ما أعطاه حقه و رفع لك ضغط ، عندك الرسايل الخاصة تقدر تتهاوش معاه على راحتك ^_^ <<< أدري إني حمامة سلام XD
ما كتبت وايد لأن يمكن ما تنجح الفكرة ، و قلت ما له داعي أتعب نفسي XD
المهم ...
