جوعانين والا مب جوعانين...مالي شغل بتاكلون غصبن عليكم!!
تراي لفيت ودرت ثم لفيت ثم رجعت درت
وافكر ثم افكر ثم فكرت وقلت مالت عليتس ياسيلفي...من فتحوا منتدى الصرقعه وانتي ولا خطيتي بقلمك الذهبي اي موضوع ,,, وماسويتي انجاز يذكر
قلت مابدهاش....شكل مخي فاضي هاليومين
فأحسن حل اطبخ لهم طبخه ياكلون كي بورداتهم من وراها,,,
وأي طبخه؟؟
كبسه؟؟ لا
مندي؟ لا
مثلوثه؟ لا
ضب,,,ايه نعم ضب
نص منتدانا تماسيح.....يعني عيال اربع وعشرين ساعه بالبر....
وتلقون نصهم يذبحهم الجوع هناك ولايعرفون يطبخون....الا تسان خبز مع جبنه بوك وحليب ابو قوس !!
يله عاد....جهزوا المقادير...اي مقادير....الا اقول بس انتبهوا معي..
كيف تطبخ الضب؟!
أول شي لازم تلاحق الضب ولازم يكون معك زبيريه + هايلوكس
وانتبهوا ترى فيه فرق بين السحليه والضب والبريعصي الكبير.:أفكر:
المهم بعد ماتصقع الضب بالزبيريه ويغدي مايعرف يمينه من شماله
اسدحه وديور به كما في الصوره:
http://www.majedpage.com/upload/dab1.jpg
بعدين اصلخه اصلخه صلخ ليمن تطلع بيضاته :":
http://www.majedpage.com/upload/dab2.jpg
<--------- اوووووك ياتسبدي حايمه,,,:":
بعدين حطوه بصحن...
http://www.majedpage.com/upload/dab5.jpg
<------ حطت الصوره وعيونها مغمضه
(((( خخخخخخ اخوي الصغير شاف الصوره....قال وش ذا؟؟ لقيمات؟!)))) <----بزر ومتحمس لرمضان
بعدين حطوهن بقدر....وانتبهوا لاتشيلون القدر الا لما تشوفونه يطبخ يطبخ طبخ الين ماتحسون ان الضب تحلل
لايقوم عليكم بعد يخرعكم بالمطبخ.....خبركم الضب بسبع ارواح (مثل سكوال يعني)
http://www.majedpage.com/upload/dab3.jpg
بعدين حطه مع الرز
ولاتنسى تشلح من سواقكم حبحر عشان يطلع الطعم تسذا >>>> يد قايلن ابهامها فوق
http://www.majedpage.com/upload/dab6.jpg
وبالهناء والشفاء
واللي بايع كرشته...ياكل
والله يعطيني العافيه...
وعقبال مااطبخ لكم على السحور الاسبوع الجاي ضفادع على الطريقه الايطاليه
ايه صح....نسيت اقول ترى الموضوع منقول....والا من وين بجيب هالسنع يعني؟ بس منيب قايلتن لكم من وين جايبته....معصي
شي ثاني بقوله....اللي يقرف لايدخل <------ بدري !!
اعييعععيييععييعيعيع يع يع
