البلاي ستيشن 3 موجود في الإمارات ( تم الدمج )

السلام عليكم ..


البلايستيشن 3 وصلت الى الأمارات وبالتحديد في مجمع ..حامد سنتر في مدينة أبوظبي ;) ...
وواحد من ربعي أشترى البلايستشين وخبرني عن سعرها .....
سعر البلايستيشن عندنا في الأمارات هو ...

3500 درهم
...يعني من الأكيد أنها بتكون في السعوديه بـ 3500 ريال:09: ....وهذا كان خارج توقعاتنا اللي كانت تقول ان البلايستيشن بيكون بـ حدود 6000 درهم :boggled: ....وهذا الخبر متأكد
منه 100% ..وربيعي خبرني ...انا ماصدقته لكن هو حلفلي :D ...

وحبيت أبلغكم بس عشان تشوفون المحل ..وهذا الكلام أكيد لسكان بوظبي :p ...

رخيص .
أنا عبالي انه بكون فوق ال5000 يمكن انت قصدك نسخة ال20 جيجا .

مشكور اخوي على الموضوع و اذا طلع السعر هذا لنسخة ال60 جيجا بكون أحلى خبر سمعته .

الامريكية للحين مانزلت !

هاي اليابانية ويمكن 20 جيجا ..

JP not NTSC
بس الشعر ممتاز
نعدر نقول الأمريكي بيكون بـ 4000 دقريباً عند الإصدار ومع انتشارة رح يقل سعرة
ان شاء الله باخذة في شهر 6 من 2007 وهو افضل وقت ^^

ممكن تقول لربيعك يعطيك رقم المحل ^_^

اليوم سألت عنها فى محل فى دبي و سعرها 5800 النظام ياباني و 60 قيقا :أفكر:

السلام عليكم ورحمة الله وبركاته

اليوم ذهبت الى محل حامد سنتر في ابوظبي

انا اصلاً كنت رايح اشتري Gears of war الى لقيتها انتهت من زماان وأخونا رح يجيب شحنة ثانية بعد ثلاث ايام :31:

وبينما انا كنت محطم الفؤاد ومنكسر الخاطر لعدم حصولي علي GOW :D اذ بي أرى البلاي ستيشن 3 يقف شامخاً خلال زجاج احد المحلات وتعود البسمة لترتسم على وجهي !!

وهذا الحديث الذي دار مع الرجل بالضبط والله اني مو قادر اصدق @__@

انا : السلام عليكم ورحمة الله
صاحب المحل: وعليكم السلام والرحمة
انا : كيف الحال؟
صاحب المحل : بخير انت كيفك ؟
انا : بخير الله يخليك , اشوف عندك البلاي ستيشن 3 !؟
صاحب المحل : هيه اخوي البلاي ستيشن 3 وصلنا اليوم في الصباح والشحنة كانت 15 جهاز
انا : الجهاز ياباني صح ؟
صاحب المحل : نعم ياباني
انا : الأمريكي متى بيوصلكم ؟
صاحب المحل : في خلال خمس ايام من صدوره في الولايات المتحدة إن شاء الله
انا : كم سعر الجهاز نسخة الـ 20GB والـ 60GB ؟
صاحب المحل : سعر نسخة الـ 20 جيجا بايت هي 3200 درهم اما سعر نسخة الـ 60 جيجا بايت 4000 درهم
انا : وايد غالي << هو بنظري رخيص لكن قلت احاول معه :D
صاحب المحل: اذا تبي تجيني بعد شهرين لأنه نسخة الـ 60 جيجا رح يكون سعرها طاح للـ 3000 درهم اما نسخة الـ 20 جيجا ما رح تزيد عن الـ 2500 درهم
انا : الحين كم جهاز انباع ؟
صاحب المحل : باقي 5 أجهزة بس من بينها 1 بس نسخة 60 جيجا بايت وهم كانوا 6 نسخ من الـ 15
انا : انزين متى بتييبون شحنة ثانية؟
صاحب المحل : ما رح نييب نسخة ثانية لأنه الجهاز ياباني لكن بعد اسبوعين بالكثير رح تشوف المحل تارس أجهزة امريكية إن شاء الله

طبعاً انا قلت له حط لي حجز لنسخة 60 جيجا الأمريكية لكن هو نصحني ما اشتريها الحين على الأقل بعد شهرين لأنه سعرها بيكون طاح والمشاكل الى بتكون في النسخ الأولية كلها اختفت


That`s It

في لحظة من اللحظات عقلي قال لي امسك الجهاز واضربه به راعي المحل على راسه واشرد لكن تمالكت نفسي :D

ياحظكم ..

انا حلمان اني ابشوفه جدامي بس مو قادر << الله يستر من هالحلم !

الحمدالله .
والله أحلى خبر سمعته
4000 رخيص
توقعت يكون ب5500 .
لكن خلال شهرين بكون ب3000 و هذا سعر مناسب جدا و رخيص .
و بما ان البلايستيشن3 أصلا فري ريجن
متأكد ان النسخة الامريكية بنفس السعر .

مشكور حمد على الخبر الحلو .

thanx for the news, i think i will wait till the summer then i will buy it, by that time i will be graduated from college

ياحظك ياخوي حمد ويا حظ الإمراتيين نزل عندكم ونحن بالسعودية مانزل!!
وبعدين أشوف السعر حلو والله 60 جيجا بـ 3000 درهم؟؟!! بعد شهرين؟؟!!

إحنا بعد 8 شهور على الأقل بصير بـ3200 ريال سعودي!!!!!!!!!!!!!!

والله السعر اوكي جدا ^^
بس بسأل الحين مو يقولون ماكو أوروبي أو ياباني؟
كله فري ريجن ؟
ترى دخت T_T
وإذا السعر مالك 60 جيجا أبي آخذ واحد ^^

ياسلام....حلوة تنعمل مسلسل...خخخخخخ...مشكور

اللي عندنا قالو لي بتنزل فالاسابيع الجايه بس سعرها بيوصل ل 6300 ريال!!!!!!!!!!

بس قالي انتظر لين 2007 بتنزل الدفعه الثانيه وبتكون مشاكلها اختفت وسعرها نزل لل3200 ريال


هذا الكلام على نسخة ال60 جيجا


والحين اقدر اطلبها من موقع Play-asia بحوالي 3200 درهم مع الشحن كامل وتوصلني خلال 3 ايام

بس قلت انتظر احسن

للعلم سعر الجهاز فالموقع ارتفع ل 999$ بعد ماكان 599$

السلم عليكم أحمدوا ربكم يالي مب في السعودية وصلكم من الأسبوع الأول ولا أحنا مساكين ولله :02:


(بيكثرون الحساد) بس عندي نصيحه سمعت أن النسخة اليبانية والأمريكية بتكون عندها مشاكل في الكهرب في الشرق الأوسط وأوربا عشان نظام الكهرب عندنا غير بس أنتظروا النسخة الأربية في مارس 2007 وبتكون النسخة تتوافق معنا في الكهب حقنا هذا كلام سمعته... قد أنذر من أعذر لا تقولون بعدين البلاي فيه مشاكل أصبرو ترى الصبر زين .

أتمنا أكون فدتكوم بااااي