قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
السلام عليكم
مااطول عليكم الصراحه غرفتي كل شي فيها بلاي ستيشن2 و3 واكس بوكس360 ودي اس ال سرعة 1 ميغا ونظام سينمائي وبكل زاويه فيها سماعه هذا غير الكبيره اللي بجانب التلفزيون وموصل وايرين دي اس ال للاكس بوكس والبلاي3 للمودم يعني متعت نفسي عالاخر بس ناقصتني شغله وابي نصيحتكم
انا ابي اخذ تلفزيون اللي يدعم نظام الاكس بوكس360 والبلاي3 وباخذ اكبر بوصه وانا سمعت يقولون انه برافيا اكس احسن واحد وانا الصراحه ماتهمني الفلوس اهم شي امتع نفسي واتمتع:bigok: بس اي تلفزيون تنصحوني اخذ؟
وعندي اسئله عن البلاي3
1-انا كنت بفتح حساب عالبلاي3 بس لما وصلت يقولي فيها حط ايميلك ورقمك السري ولما سويت كل شي وطقيت كونتينيوا قالي فيه شي غلط:33:
2-اخواني يحبون العاب السيوف والسيارات فشنو الالعاب الحلوه اللي مثل هالنوع نازله ديمو؟
3-سماعة البلاي3 شسمها؟ووين احصلها؟
4-يصير اتصفح النت بالبلاي3؟
5-انا سمعت انه فيه وصله سعرها تقريبا 20 دينار وهي تحسن صورة التلفزيون العادي تنصحوني اخذها تقزيره على مااشتري التلفزيون بالصيف؟
6-خاص بالموضوع:انا ابي تلفزيون احط فيه وايرات الاكس بوكس360 والبلاي3 مره وحده يعني مو اذا بغير بين الجهازين لازم اشيل واير جهاز واركب واير الجهاز الثاني;) يازين التثبيت الابدي:D
7-لابس خلاص الظاهر اني كثرت عليكم الاسئله:p الظاهر جهاز wiiلاحقهم بعد سنه:biggthump
رد: قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
اقتباس:
-سماعة البلاي3 شسمها؟ووين احصلها؟
اظن اي سماعة بلوتوث تركب عليها
اقتباس:
-يصير اتصفح النت بالبلاي3؟
اي نعم عادي " بس ما ادري عن المواقع العربيه ! "
اقتباس:
خاص بالموضوع:انا ابي تلفزيون احط فيه وايرات الاكس بوكس360 والبلاي3 مره وحده يعني مو اذا بغير بين الجهازين لازم اشيل واير جهاز واركب واير الجهاز الثاني;) يازين التثبيت الابدي:D
اقتباس:
انا ابي اخذ تلفزيون اللي يدعم نظام الاكس بوكس360 والبلاي3 وباخذ اكبر بوصه وانا سمعت يقولون انه برافيا اكس احسن واحد وانا الصراحه ماتهمني الفلوس اهم شي امتع نفسي واتمتع:bigok: بس اي تلفزيون تنصحوني اخذ؟
انصحك بتلفزيون سوني برافيا X هذا آخر تلفزيون وهو أقوى تلفيزون نازل
full HD
يدعم ريزولوشن 1080p
فيه3 فتحتات HDMI ..
أظن ان هذا هو التلفزيون اللي تدوره ..
الـ 40 بوصه عند وكيلها بالكويت ب 1000 دينار !
رد: قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
مازيد على اخوي برشا بشي..كفا ووفا :)
رد: قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
انصحك تشوف ال samsung 1080p قبل ماتشتري ال برافيا هذا اذا كان موجود عندكم
طبعا هو lcd
40" 46"
ارخص وافضل
رد: قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
السلام عليكم
بالنسبة للتلفزيون فهو بلازما
ولكن مبين عليك ان فراشك من فلوس وتاكل فلوس
انا ps3 و lcd وغصب
وانت كل هذا وتقول بعد
ما اقول الا ماشاء الله والله يزيدك من خيره
)لاتأخذ كلامي على محمل الجد (
رد: قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
بالنسبة للتلفزيون
خذ سوني برافيا X
70 بوصة Full HD 1080 وبسعر 19999 ريال سعودي بوكيل سوني
رد: قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
السامسونغ أرخص ولكن ماهو أفضل
شفت الفرق بين الشاشتين ولصالح السوني برافيا
أنصحك بالبرافيا وأبعد عن السامسونغ
رد: قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
رد: قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
اقتباس:
المشاركة الأصلية كتبت بواسطة humaed
مشكلة السوني غاااااالي :cray:
رد: قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
شاشات سوني فالاصل من سامسونج <<<<<<< درينا والله
فالافضل انك تاخذ الاصل صحيح؟؟
سامسونج الافضل في جودة الصوره دائما وابدآ لكن الريموت كنترول غريب ولحسة مخ البرافيا الريموت حقهم ممتاز وبسيط وسهل الاستخدام
والجهازين عندنا فيهم مدخلين hdmi + كروت ذاكره اذا تبي تعرض صور او افلام ...الخ
نصيحتي لك تاخذ السامسونج اذا مصمم تاخذ واحد الحين اما لو تبي تنتظر لين منتصف 2007 بتنزل انواع جديده ومطوره من الشركتين
والجهازين الكونتراست فيهم 6000 : 1 بالعربي مافيه فرق
رد: قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
كل إلي يقول Sony غلطان انا عندي BRAVIA X
وصج تحسفت الـ Samsung أقوى بوايد و أرخص صج تحسفت
بعدين انطر هلا فبراير بسوون خصومات وسحوبات و صدقني بالترتيب العالمي :
Samsung
Sharp
Sony
رد: قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
^^^^^^^^^^^^^^
انا اوافق على كلامك بس فالصوره فقط
الخيارات الثانيه سوني افضل
رد: قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
كلهم (برافيا و سامسونغ) ممتازين وانت و ضميرك
انا انصح ببرافيا لانه متوافق مع البلاي 3 100% + جهازين من سوني اكيد يتوافقون كفائه كبيره
اما سامسونغ فاشوفه ارخص و الكثير ينصحون فيه بعد تجارب مع الاكس 360 و البلاي 3
انصحك تنتظر لان مع مرور الوقت تنزل الاسعار وتزداد الجوده
رد: قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
مشكورين
بالنسبه للي يقول فيه 70 بوصه امس رحت وقالي اكبر شي 50 بوصه برافيا اكس
واللي يقول برافيا اكس موشي انت ماخذ برافيا من متى؟لانه برافيا اكس صارله ثلاث اسابيع نازل الكويت:)
والصراحه حيرتوني ناس تقول سامسونج وناس تقول برافيا اكس بس شكلي باخذ برافيا اكس لانه نفس شركة بلاي3 ;)
هلا فبراير بداية شرائي للتلفزيون:biggthump
رد: قمة الترفيه المنزلي راح يكون موجود بغرفتي ولكن باقي اللمسات الاخيره وابي نصيحتكم
صج نسيت لا اقولكم
انا مايهمني بالتلفزيون المميزات الثانيه بس اللي ابيه يكون شاشته اصفى باللعب سواه للبلاي3 او الاكس بوكس360 وثاني شي ابي اكبر شاشه موجوده حاليا بالسوق هي للسوني او سامسونج؟لاني باخذ اكبر شي ولازم نمتع انفسنا الحياه ماتكرر مرتين:) وبسألكم هو صفاوه للاجهزه بس ولا للقنوات بعد؟لاني انا من متابعين دوري المتعه الدوري الانجليزي ولازم احس نفسي قاعد بمدرج الملعب :09:
وشنو نوعه السامسونج اللي تقولون عنه؟سوني وعرفناه اسمه برافيا اكس انزين وسامسونج؟
ونفس ماقلتلكم ابي تلفزيون مااغير فيه الوايرات كل شي اخليها مره والسلام عليكم:kiss:
