**شرح لمشكلة الثلاث اللمبات الحمر و بعض الحلول البسيطه**

Three Red Lights

http://www.360maniac.com/images/3-red-lights.jpg

طبعا اغلبنا اذا حاشته هذه المشكلة بيودي الجهاز لعند المحل الي اشتراه منه
لكن هل تضمن انه راعي المحل راح يراعيك يمنكن يقولك تعال بعدين و يخلي الجهاز عنده مده طويلة يمكن يقولك ما يتصلح و العديد من التصريفات :blackeye:
انا بشرح لكم كيف تعرفون المشكلة و السبب من الثلاث لمبات الحمر

اذا طلعت لك ثلاث لمبات مثل الصورة :
http://www.360maniac.com/images/3-red-lights.jpg

1-اضغط زر الـSync الموجود في اليده
زر الـSync هو الزر الي تضغطه لمن تكون توك شاري اليده
الزر هو المحدد بالاحمر
http://img165.imageshack.us/img165/3...trollerda1.jpg
2- اضغط و خليك ماسك زر الـSync الموجود في الجهاز
الزر محدد بالاحمر
http://img153.imageshack.us/img153/3...consolegi6.jpg
3- الحين اضغط زر الـEject اربع مرات (زر اخراج الشريط) < انزل شويه تحت و اقرأ شلون تطلع الإيرور كود
المحدد بالأحمر
http://img165.imageshack.us/img165/1...tbuttonod4.jpg

لمن تضغط الزر علشان تعرف مشكلتك لازم تعرف رقم الكود حق الايرور :
اذا كان الاربع لميات حمر فهذا يعني صفر
اذا كان لمبه وحده فهذا يعني واحد
اذا كان لمبتين فهذا يعني اثنين
اذا كان ثلاث لمبات فهذا يعني ثلاثه

مثال:
سويت كل شي و طلع لك اربع لمبات بعدين لمبه وحده و بعدين اربع لمبات حمر و بعدين ثلاث لميات
فهذا يعني انه الأبرور كود هو 0103

الحين اذا عرفت الأيرور كود شوف شنو مشكلتك من اللستة يأشهر الـError Codes :
0001 - مشكلة بالمحول
حاول فصل كل البلاكات و توصيلها مره ثانية تأكد انه المحول على مكان غير طري كالسرير و السجاد اذا ما انحلت المشكلة تغير المحول يمكن يكون الحل
0002 - مشكلة في الشبكة
0003 - غير معروف حتى الآن
0010 - المشكلة ارتفاع حرارة الجهاز
حاول تجعل الأكس بوكس بمكان بارد نسبيا و مفتوح حتى يبرد اذا لم تنحل المشكلة البعض ينصح بمروحه
0011 - المشكلة ارتفاع حرارة الجهاز
اذا حصلت على هذا الأيرور بعد ان فكيت الجهاز تاكد من ان الـHeatsync Screws الثمانية مغلقه بإحكام
0012 - المشكلة ارتفاع حرارة الجهاز
0013 - المشكلة ارتفاع حرارة الجهاز
0020 - غير معروف حاليا (يعتقد البعض من انه المشكلة ارتفاع حرارة الجهاز)
0021 - المشكلة بالـDVD Drive
السبب الأساسي لهذه المشكلة هو تعديل الجهاز و قطع الكوبي
0022 - خلل في الـGPU او ارتفاع درجة الحرارة في الـGPU
0101 - غير معروف حاليا
0102 - غير معروف
و اتصل العديد بمايكروسوف و قيل لهم ان الأيرور غير موجود أصلا لكن العديد من الناس يشتكون منه !
فيديو لشخص يعاني منه (ممكن تفهم منه كيف تطلع الأيرور كود :D )
0103 - غير معروف حاليا
0110 - عطل من الميموري او زيادة الحرارة في الميموري
0200 - غير معروف حاليا
1000 - غير معروف حاليا
1001 - غير معرف حاليا
1002 - غير معرف حاليا
1003 - عطل في الهارد درايف
قد يكون العطل من الهارد درايف نفسه او من المدخل الموجود في الأكس بوكس حاول ان تلعب بدون الهارد درايف
1010 - عطل في الهارد درايف
1011 - غير معرف حاليا
1012 - غير معرف حاليا
1013 - غير معروف حاليا ( يعتقد البعض انه من ابديت لـDashboard)
1020 - غير معرف حاليا
1021 - غير معرف حاليا
1022 - مشكلة في موصل الـAV
الي هو يوصل ألأكس بوكس بالتلفزيون حرب واير آخر
1023 - غير معرف حاليا
1030 - غير معرف حاليا
1031 - غير معرف حاليا
1032 - غير معرف حاليا
1033 - غير معرف حاليا

------------------------------
ان شاء الله اكون افدتكم
طبعا الموضوع مجمع من العديد من المنتديات الأجنبيه
و مترجم بنفسي و بشرحي انا ما استعملت برامج الترجمه
بالأخير اذا ماعرفت تحل المشكله مالك إلا المحل اي شريته منه

اليوم رحت محل إسمه جيم تراك ألاقي بالصيانة صفوف طويلة من أجهزة الـ360
لكن شكرا ويجعل المساعدة من ميزان حسناتك ;)

مشكوووووووووووووور اخي الكريم الموضوع مفيد جدا جدا صراحة وفرت علي مشقة طويييييييلة...
شكرا عزيزي على المعلومات^_^..ولي الشرف اني اكون اول من يرد عليك قصدي ثاني واحد لوووول ^_^

مشكور اخوي والله موضوعك مره مهم

وجزاك الله الف خير وان شاء الله الي يعني من اللمبات يستفيد
ومايروح لبعض اصحاب المحلات الحراميه

بحفظة عندي

مستقبلا اذا حاشتني اللمبات ومااشتغل الجهاز انشالله مايحوشني

مشكور وماقصرت وموضوع مفيد جدًا

اقتباس:

---

المشاركة الأصلية كتبت بواسطة ][-][Mr.ZeNoN][-][

اليوم رحت محل إسمه جيم تراك ألاقي بالصيانة صفوف طويلة من أجهزة الـ360
لكن شكرا ويجعل المساعدة من ميزان حسناتك ;)

---

العفو اخوي

اقتباس:

---

مشكوووووووووووووور اخي الكريم الموضوع مفيد جدا جدا صراحة وفرت علي مشقة طويييييييلة...
شكرا عزيزي على المعلومات^_^..ولي الشرف اني اكون اول من يرد عليك قصدي ثاني واحد لوووول ^_^

---

ان شاء الله افدتك و ما تفرق اول او ثاني :D

اقتباس:

---

مشكور اخوي والله موضوعك مره مهم

وجزاك الله الف خير وان شاء الله الي يعني من اللمبات يستفيد
ومايروح لبعض اصحاب المحلات الحراميه

---

صحيح في بعض اصحاب المحلات مايعرف شيسوي يقوم ينصب عليك او يصرفك و يقول انا مالي شغل
و ان شاء الله تسفيد بالموضوع ^^

اقتباس:

---

بحفظة عندي

مستقبلا اذا حاشتني اللمبات ومااشتغل الجهاز انشالله مايحوشني

مشكور وماقصرت وموضوع مفيد جدً

---

العفو و ان شاء الله ما تحوشك :)

حلوووووو الموضوع مفيد جدا ولازم اتثبت

طيب انا يشتقل الجهاز عندي بعد يومين ولا ادري ايش الخراب

الحمد لله للحين ما صار عندي 3 ديد لايت

مرحبا .. مشكور أخوي على الموضوع ( إلي جاء في وقته صراحة ) ..

أنا ظهرت عندي ( Three Dead Lights ) :( .. وأتبعت طريقتك .. بس لللأسف طلع الكود إيرور غير معروف :)
الظاهر إني رح أجهز كرت الضمان :)

بطل و ربي

الحين رامي الجهاز على المحل (بيت الكمبيوتر) لي اسبوعين ولا لهم نية يسوون فيه شي :(
حسبي الله عليهم

ما قصرت والله حبيبي

وابروح للمحل واعلمهم

ولا واحد جوب على المشكلة الي في جهازي

مشكووور اخوي على الموضوع

العفو و ان شاء الله تنحل عندكم المشكلة :)

اقتباس:

---

المشاركة الأصلية كتبت بواسطة الشهري9

طيب انا يشتقل الجهاز عندي بعد يومين ولا ادري ايش الخراب

---

اخوي لمن يطلع ثلاث لمبات طبق الي انا كاتبه و شوف الإيرور كود
اذا موجود شوفه و تحصل حل ان شاء الله اما اذا ما حصلته ابحث عنه صدقني انت مارح تكون اول واحد تحوشك المشلكة و ان شاء الله تكون مشكلة سهلة :)

الإيرور كود هوا 0103