[ نقـــــاش حاااد ] اسباب خروج المنتخب الاماراتي من البطولة دون مستوى...

بسم الله الرحمن الرحيم

اول شيء حبيت افتح الموضوع لمناقشة اسباب خروج المنتخب الاماراتي من البطولة دوووون مستوى >_<

يعني طلعنا مثل ما دخلنا البطولة...

يعني ما قدمنا شيء في البطولة...حتى تهديد للمنتخبات ما سوينا شيء...

يعني شو ممكن اتكون اسباب خروجنا من البطولة..

انا من وجهة نظري السبب الرئيسي هو >> ميتسو << إلي ما قدم شيء في البطولة و جازفة بالبطولة بعناصر شابة...يعني ما استخدم عناصر الخبرة في البطولة...و ظحى بالبطولة...و ياليت ظحى بالبطولة و نحن طالعين رافعين راسنا..لا ظحى بالبطولة و نحن راسنى بالأرض و ذلك بسبب المستوى إلى ظهر فيها المنتخب...كان يجرب خطط و يدخل لاعب و يخرج لاعب في كل مبارة مب مستقر على خطة وحدة حتى الاعبين لما اتشوفهم في المباراة اتشوفهم يتمشون ما يعرغون شو يسون....فالميتسو بالنسبة لي هو السبب الاول و الاخير في الخروج في البطولة...

فاشو رايكم انتم..؟ من هو السبب الرئيسي او الاسباب الرئيسية لخرووج المنتخب من البطولة و بمستوى سيء ..؟

السلام عليكم
انا باقول اللي بخاطري

اقتباس:

---

إلي ما قدم شيء في البطولة و جازفة بالبطولة بعناصر شابة...يعني ما استخدم عناصر الخبرة في البطولة

---

عناصر الخبرة مو جالسين للأبد يعني التغيير جاي جاي , ولابد من التغيير لازم يصير يعني مع احترامي لكل المنتخبات العربيه , الى متى بنصير نستعجل النتائج المبنيه على حلول سريعه ؟؟ كل هذا عشان مانبي نضيع بطوله وللا بطولتين بدون أساس صحيح (مابني على خطأ فهو خطأ)

يعني حتى الدوري في الامارات والدول الخليجيه مو مطبقين نظام الاحتراف كامل و نبي نتائج ؟؟ حتى لو قلنا نبي محترفين في الخارج مافيه . طيب من وين نجيب لعيبه ؟؟

لو تقارن لعيبة الامارات بفيتنام شنو تشوف ؟ شوف الفرق بالروح , بالانتشار بالتحرك بدون كره , يا اخي حتى شوف الفرق في الضغط على اللاعب . ارجع للمباراة وشوف الهدف الثاني لليابان شوف اللاعبين جالسين يتفرجون على التمريرات الى ان وصلت داخل خط ال18 والله ثم والله لو كان اللعيبه حقين فيتنام كان ياكلون لعيبة اليابان قبل مايدخلون منطقة الجزاء .

يعني المشكلة مو مدرب مو الروح , المشكله من الاساس , المشكلة من الدوري المشكلة في تعليم (علم) الكره وأقولها بين قوسين (علم) للاعبين من نشأتهم .

وللعلم ان الدوري في فيتنام اقوى من دورياتنا الخليجيه بس حنا مسكرين عيوننا وعايشين في عالم الاحلام .

اما عن ميتسو فهل تلومه ؟ يعني الرجال عايش كأنه ملك وياخذ راتب وعايش حياته و كل يوم والثاني يطلع يتفلسف عن الكره و يسكت الشارع الرياضي اللي تحمل الكثير و الكثير .
بينما المدرب واللاعبين عايشين فرحة كاس الخليج الى الان و الجوائز الخ الخ الشعب يحترق من الداخل على سمعة وطنه والانجازات اللي بتروح بسبب انعدام حس المسؤوليه يعني والله حرام هذا التهاون والتخبط و التلاعب بسمعة الامارات .

الأسباب تقدر تقول ثقه زايده و تهاون بالخصم ..

كل منتخبات شرق آسيا اشوف لاعبينهم انواع الكرف إلا حنا الاعب ينتظر الكوره تجيه ولا يبي بعد الحارس يبعد عشان يدخلها قول < هذا إذا ما طلعت بره ..

لازم الواحد يقدر انه في هالمكان و بيده يرفع راس بلاده او ينزله

ان شاء الله اللي صار مع الإمارات يكون درس لباقي العرب و بالتوفيق

و ياريت يصير فيه تعاون منهم مع قطر على الأقل نستفيد من بعض شوي :D ..

اما وضع اللوم على المدرب فأتوقع انه مو صحيح .. المدرب عنده خبره و احسن مني و منك في هالأمور طبعا فما اتوقع انه راح يفرط بمباريات مهمه عشان يجرب لاعبين !!

مشكور اخوي ..

أنا أظن انه جا الوقت الي لازم نحاسب فيه اللاعبين مو كل شي نحطه على الحكم أو المدرب يعني أظن كل الي شاف مباريات المنتخب شاف انه فاقد الحماس و الروح ما شفت لاعب بالمنتخب يلعب من قلبه غير ماجد ناصر ( بس لو يترك عنه النرفزه ) يعني اللاعبين ضربوا أمثال في عدم المبالاة خاصة بعد مباراتهم مع فيتنام اليوم الي بعده شفت تقرير في دبي الرياضية و اللاعبين قاعدين ياكلون و يضحكون و كأنه ما صار شي المنتخب صار عبارة عن لاعبي سيرك بقيادة بشير سعيد و الله انا لو لعبت بلاي ستيشن او لعبت بالفريج كرة و خسرت بزعل فما بالك بمباراة بالمنتخب ترفع فيها شعار دولتك في محفل آسوي تخسر و تتصرف كأنه ما صار شي

مباراة اليابان جبنا هدف و كان باقي 20 دقيقة قام بشير مارس هوايته في الاستهبال و انطرد و بعدها المنتخب بدل لا يضغط عسب يجيب هدف على الأقل او التعادل شفناهم هادين لعيبة اليابان على راحتهم يمررون باصات و محد يضغط عليهم يعني الفريق كان جسد بلا روح

ناس يقولون ان سبب الخساير هو ان المنتخب اعتمد على عناصر شابة أقول لهم شوفوا المنتخب السعودي ما شاء الله عليه شو سوا بالعناصر الشابة جدام المنتخب الكوري و كان ممكن يفوز عليهم و شوف المنتخب العراقي في حالة حرب مع ذلك يلعبون باسم العراق يلعبون ليرفعوا اسم العراق متى لعيبتنا بيلعبون عسب يرفعون اسم الامارات

و الله قهر خروج من كأس آسيا بدون نقاط و بدون مستوى طلعنا و نحن الحلقة الأضعف مع ماليزيا

الله يسامح اللعيبة

الاسباب كثيره
كل لاعب ما يترك موقعه لما المفروض يغيره عدم الخبره الا عمرها ما بتكون موجوده اصلن الاخطاء الدفاعيه القتاله الكره تمر جنب المدافع وهو نايم والله المفروض يعاقب كل لاعب ليش هالامبلاه ولا مسؤاليه انت تمثل منتخب بلدك اذا انت مش قد المسؤاليه لا تلعب بالمنتخب وحبيت اضيف كلام المعلق نحن نبني من سنة 1997 ونحن نبني المنتخب مدري مته بنخلص من بناء المنتخب ^_^

الأسباب تقدر تقول ثقه زايده و تهاون بالخصم ..

اقتباس:

---

كل منتخبات شرق آسيا اشوف لاعبينهم انواع الكرف إلا حنا الاعب ينتظر الكوره تجيه ولا يبي بعد الحارس يبعد عشان يدخلها قول < هذا إذا ما طلعت بره ..

---

منتخب الامارات منتخب جيد لكن اللوم يقع على الشعب الاماراتي
الذي يسمي منتخبه اسماعيل و رفاقه فمن هو اسماعيل مطر

ثانيا فوز الامارات بكأس الخليج لم يأتي الا في اسوء مستوى لجميع دول الخليج و الدليل هالبطولة
xxx
و في لاعب كان عاجبني وله مستقبل اللي هو احمد دادا بس لو يقص شعره

اقتباس:

---

ثانيا فوز الامارات بكأس الخليج لم يأتي الا في اسوء مستوى لجميع دول الخليج و الدليل هالبطولة

---

اولا مستوى فرق بكأس الخليج كان جيد جداا ما عاد الفريق الكويتي الا اذا انت افهم من محللين قناة art والجزيره الرياضيه ودبي الرياضيه والفرق بين البطولتين 6 اشهر الفريق الا اخذ استعدد جيد اكيد بيحقق نتجيه ترضي وترضي جماهيره ام منتخب الامارات الا كان نايم خلال هال 6 اشهرا مستحيل يحقق نتجيه يجي قبل شهر من البطوله ويعمل مباريات تجريبه ويبي يتاهل للدور الثاني مستحيل طبعا الا بضربت حظ

والامارات غلبت اليابان سنة 2005 في بطولة كيران باليابان تعرف ليش ؟؟

لانه الدوروي اليابانى كان موقف من فتره 3 اشهر او اكثر بقليل بينما الدوري الاماراتي كان موقف من فتره بسيطه ما اذكر تقربيا اسبواعين يعني اللاعبيه كانو جاهزين ولالقيه البدنيه عاليه بعكس منتخب اليابان الا ابي اوصل له اذا تبي تفوز وتحقق نتجيه لازم تستعد وتبذل جهد نفس لاعبية منتخب السعوديه الا تصميمهم علي الفوز كان واضح في مبارة اليوم ضد اندونيسا وسجلو الهدف الثاني باخر لحظه بينما منتخب اندونسيا انهار بسبب ضعف الاقيه البدنيه
xxx

أخوي نيدفيد ياليت تقلل الاستفزاز شوي بردودك...والكلام منبطق على الجميع طبعا :)

بالنسبة لرأيي ، من أشد الأسباب اللي عصفت بأداء المنتخب الاماراتي الاعلام اللي بالغ في وصفه ورفعه أعلى من قدره...صحيح انهم حققوا انجاز كأس الخليج لكنها ما عكست الأداء اللي بيشفعلهم خوض بطولة قارية كبيرة مثل كأس آسيا ، خصوصا ان فرق شرق آسيا أسلوب لعبها مغاير تماما لمنتخبات الخليج وتحتاج تكتيك وتشكيلة وأسلوب لعب مخالف و يتناسب معاهم ، لذلك هذا مدهم ببعض الخذلان وعدم الاكتراث خصوصا بأن مباراتهم الأولى ظنوها ستكون جسر العبور للأدوار الثانية ولعبوا بتراخي مما جعلهم صيد سهل للضغط والسرعة الخاصة والاستعداد الجيد للفيتناميين بجانب عوامل الاستضافة ، وهذه النقطة اشترك فيها أغلب الخليجيين بمبارياتهم مع أبناء شرق آسيا والتي تكون تحت اطار عدم احترام الخصم ، فكانت هذه مفترق طرق لهم بالبطولة...
أما عند ملاقاة اليابان فكانت الظروف كلها ضدهم..سواء من الضغط اللي عليهم والنفسية المحطمة وحتى من هيبة اليابان "حاملة اللقل" المعروفة ومن دراسة اليابانيين لمنتخبات مجموعتهم واستهتار ميسو فجاءت النتيجة غير بعيدة كثيرا عن التوقعات..كانوا يحتاجون بشدة لنقطة عالأقل من فيتنام حتى يمتلكون دافع قوي لتقديم الأفضل ضد الكمبيوتر ^^
عالعموم أكثر ما يفتقر له الفرق العربية الضغط على حامل الكرة والانتشار الجيد..وبتواجد هالعاملين كنا بنشاهد نتائج أفضل كثيرا لهم..
وشكرا لك أخي عالطرح :)

اقتباس:

---

المشاركة الأصلية كتبت بواسطة راؤول الأسطورة

بالنسبة لرأيي ، من أشد الأسباب اللي عصفت بأداء المنتخب الاماراتي الاعلام اللي بالغ في وصفه ورفعه أعلى من قدره...صحيح انهم حققوا انجاز كأس الخليج

---

أخوي راؤول ... أنا ما أدري وش جاب كأس الخليج لــ كـــــأ ســــ آسيــــــا ... صحيح ان الخليجيين يعتزون بهالبطولة لكنها لا تسوى شيء بالنسبة لـ آسيا طبعاً ... اللي حبيت أوصله انه مهما حققت بطولات ودية أو خليجية أو أي شيء من هذا القبيل لن يعكس مستوى البطل في بطولة كأس آسيا لأنك راح تواجه أعرق المنتخبات في آسيا و تقدر تقول العالم ..

اقتباس:

---

المشاركة الأصلية كتبت بواسطة Predator101

أخوي راؤول ... أنا ما أدري وش جاب كأس الخليج لــ كـــــأ ســــ آسيــــــا ... صحيح ان الخليجيين يعتزون بهالبطولة لكنها لا تسوى شيء بالنسبة لـ آسيا طبعاً ... اللي حبيت أوصله انه مهما حققت بطولات ودية أو خليجية أو أي شيء من هذا القبيل لن يعكس مستوى البطل في بطولة كأس آسيا لأنك راح تواجه أعرق المنتخبات في آسيا و تقدر تقول العالم ..

---

ايه وهذا اللي قلته لو بس كملت جملتي اللي بالاقتباس :09: .. ما المسألة ان أداء المنتخب يختلف بكأس الخليج عن آسيا أو ينقصهم شي عن المنتخبات الأخرى ، ولا حتى الفرق المنافسة أقوى أو أنها لزاما ستكون أعرق من الفرق الخليجية وخير دليل فيتنام وتايلند وحتى أندونيسيا ...
لكن النقطة الأساسية هي أسلوب اللعب المختلف كليا عنهم ، يعني حتى باوروبا نرى أسلوب ونهج أقرب لنا منهم ، ولذلك رأينا ما فعله منتخبنا العماني وكذلك العراقي مع أستراليا مقارنة بتايلند رغم الفوارق التاريخية بينهم ^^
بتقول لي ان أسلوبنا مختلف لهم كذلك..هنا النقطة الأساسية لاحظ هذه الفرق ولاحظ منتخباتنا..
المنتخبات الشرق آسيوية تابعت مران ومعسكرات المنتخبات اللي معاهم بالمجموعة وبنت من خلالها التكتيك والخطة اللي بتشارك فيها بينما منتخباتنا استمرت على أسلوبها بكأس الخليج واقتنعت بنتائجها هناك دون البحث والتقصي كثيرا عن البلدان المستضيفة بالخصوص وخير مثال ميتسو لما قال انه ما يملك أي معلومة عن فيتنام قبل المواجهة بخلاف مباراة البحرين ^^

اقتباس:

---

عناصر الخبرة مو جالسين للأبد يعني التغيير جاي جاي , ولابد من التغيير لازم يصير يعني مع احترامي لكل المنتخبات العربيه , الى متى بنصير نستعجل النتائج المبنيه على حلول سريعه ؟؟ كل هذا عشان مانبي نضيع بطوله وللا بطولتين بدون أساس صحيح (مابني على خطأ فهو خطأ)

يعني حتى الدوري في الامارات والدول الخليجيه مو مطبقين نظام الاحتراف كامل و نبي نتائج ؟؟ حتى لو قلنا نبي محترفين في الخارج مافيه . طيب من وين نجيب لعيبه ؟؟

لو تقارن لعيبة الامارات بفيتنام شنو تشوف ؟ شوف الفرق بالروح , بالانتشار بالتحرك بدون كره , يا اخي حتى شوف الفرق في الضغط على اللاعب . ارجع للمباراة وشوف الهدف الثاني لليابان شوف اللاعبين جالسين يتفرجون على التمريرات الى ان وصلت داخل خط ال18 والله ثم والله لو كان اللعيبه حقين فيتنام كان ياكلون لعيبة اليابان قبل مايدخلون منطقة الجزاء .

يعني المشكلة مو مدرب مو الروح , المشكله من الاساس , المشكلة من الدوري المشكلة في تعليم (علم) الكره وأقولها بين قوسين (علم) للاعبين من نشأتهم .

وللعلم ان الدوري في فيتنام اقوى من دورياتنا الخليجيه بس حنا مسكرين عيوننا وعايشين في عالم الاحلام .

اما عن ميتسو فهل تلومه ؟ يعني الرجال عايش كأنه ملك وياخذ راتب وعايش حياته و كل يوم والثاني يطلع يتفلسف عن الكره و يسكت الشارع الرياضي اللي تحمل الكثير و الكثير .
بينما المدرب واللاعبين عايشين فرحة كاس الخليج الى الان و الجوائز الخ الخ الشعب يحترق من الداخل على سمعة وطنه والانجازات اللي بتروح بسبب انعدام حس المسؤوليه يعني والله حرام هذا التهاون والتخبط و التلاعب بسمعة الامارات .

---

انا معاك اخوي في كل نقطة إلا نقطة عناصر الخبرة...كان عدنا اخوي عناصر الخبرة و هم موجودين في الاحطياط امثال سعيد الكاس و نواف مبارك و غيرهم...بس المدرب ما حب يدخله و ما اعرف ليش..؟ يعني شوف سعيد الكاس اول ما دخل ما ياب جوول ..؟ يعني عناصر الخبرة موجودة في المنتخب اخوي...بس هو كان تهاون و استهزاء بالخصم...

اقتباس:

---

الأسباب تقدر تقول ثقه زايده و تهاون بالخصم ..


كل منتخبات شرق آسيا اشوف لاعبينهم انواع الكرف إلا حنا الاعب ينتظر الكوره تجيه ولا يبي بعد الحارس يبعد عشان يدخلها قول < هذا إذا ما طلعت بره ..


لازم الواحد يقدر انه في هالمكان و بيده يرفع راس بلاده او ينزله


ان شاء الله اللي صار مع الإمارات يكون درس لباقي العرب و بالتوفيق


و ياريت يصير فيه تعاون منهم مع قطر على الأقل نستفيد من بعض شوي :D ..

اما وضع اللوم على المدرب فأتوقع انه مو صحيح .. المدرب عنده خبره و احسن مني و منك في هالأمور طبعا فما اتوقع انه راح يفرط بمباريات مهمه عشان يجرب لاعبين !!



مشكور اخوي ..

---

اما عن الثقة الزايدة في الاعبين فنا اعتقد انه ما عندهم ثقة اخوي >_<

بس كان عندهم استهزاء بالخصم...يعني كانوا و هم داخلين المبارة الاولى جدام فيتنام واثقين من الفوز و التأهل و حصلوا الي ما كانوا يتوقعونه و هو الخسارة..و اما عن وضع اللوم على المدرب فالمدرب هو الاول و الاخير يتحمل الخسارة اذا كان الاعبين ما يعرفون شو يسون في الملعب..يعني معقولة اتشوف الاعبين يتمشون في الملعب و الدفاع متلخبط ..؟ يعني المدرب ما مخلي الاعبين يتمركزون في المكان المناسبة...

اقتباس:

---

منتخب الامارات منتخب جيد لكن اللوم يقع على الشعب الاماراتي
الذي يسمي منتخبه اسماعيل و رفاقه فمن هو اسماعيل مطر

ثانيا فوز الامارات بكأس الخليج لم يأتي الا في اسوء مستوى لجميع دول الخليج و الدليل هالبطولة
xxx
و في لاعب كان عاجبني وله مستقبل اللي هو احمد دادا بس لو

---

منو قالك انه منتخب الامارات بس اسماعيل مطر ..؟ اذا كان منتخب الامارات جي ليش ما تأهل لدور الثاني من البطولة اذا كان اسماعيل مطر هو المنتخب..؟ اسماعيل مطر و بدون مجهود غيره كان ما سوى شيء يعني انت ناسي دور الدفاع و الوسط ..؟ يعني الجول إلي يابه اسماعيل مطر جدام عمان في نهائي كأس الخليج ما كان إلا تمريرة من عبدالرحيم جمعة لاسماعيل..يعني منتخب الامارات مب اسماعيل مطر بس...!
و اما عن احمد دادا بيكون له مستقبل هالاعب ^^
و انت وش خصك في شعره..؟ هو شعرك و لا شعره هو الريال كيفه يحب يطول شعره..

اقتباس:

---

اولا مستوى فرق بكأس الخليج كان جيد جداا ما عاد الفريق الكويتي الا اذا انت افهم من محللين قناة art والجزيره الرياضيه ودبي الرياضيه والفرق بين البطولتين 6 اشهر الفريق الا اخذ استعدد جيد اكيد بيحقق نتجيه ترضي وترضي جماهيره ام منتخب الامارات الا كان نايم خلال هال 6 اشهرا مستحيل يحقق نتجيه يجي قبل شهر من البطوله ويعمل مباريات تجريبه ويبي يتاهل للدور الثاني مستحيل طبعا الا بضربت حظ

والامارات غلبت اليابان سنة 2005 في بطولة كيران باليابان تعرف ليش ؟؟

لانه الدوروي اليابانى كان موقف من فتره 3 اشهر او اكثر بقليل بينما الدوري الاماراتي كان موقف من فتره بسيطه ما اذكر تقربيا اسبواعين يعني اللاعبيه كانو جاهزين ولالقيه البدنيه عاليه بعكس منتخب اليابان الا ابي اوصل له اذا تبي تفوز وتحقق نتجيه لازم تستعد وتبذل جهد نفس لاعبية منتخب السعوديه الا تصميمهم علي الفوز كان واضح في مبارة اليوم ضد اندونيسا وسجلو الهدف الثاني باخر لحظه بينما منتخب اندونسيا انهار بسبب ضعف الاقيه البدنيه

---

انا معاك اخوي عن الدوري و كل شيء ...بس المشكلة كانت في الاعبين و ذلك لتهاونهم في المبارة الاولى و الارتباك في المبارة الثانية و تشكيلة المدرب الغبية ادت الى خروجنا دون مستوى من البطولة...

اقتباس:

---

بالنسبة لرأيي ، من أشد الأسباب اللي عصفت بأداء المنتخب الاماراتي الاعلام اللي بالغ في وصفه ورفعه أعلى من قدره...صحيح انهم حققوا انجاز كأس الخليج لكنها ما عكست الأداء اللي بيشفعلهم خوض بطولة قارية كبيرة مثل كأس آسيا ، خصوصا ان فرق شرق آسيا أسلوب لعبها مغاير تماما لمنتخبات الخليج وتحتاج تكتيك وتشكيلة وأسلوب لعب مخالف و يتناسب معاهم ، لذلك هذا مدهم ببعض الخذلان وعدم الاكتراث خصوصا بأن مباراتهم الأولى ظنوها ستكون جسر العبور للأدوار الثانية ولعبوا بتراخي مما جعلهم صيد سهل للضغط والسرعة الخاصة والاستعداد الجيد للفيتناميين بجانب عوامل الاستضافة ، وهذه النقطة اشترك فيها أغلب الخليجيين بمبارياتهم مع أبناء شرق آسيا والتي تكون تحت اطار عدم احترام الخصم ، فكانت هذه مفترق طرق لهم بالبطولة...
أما عند ملاقاة اليابان فكانت الظروف كلها ضدهم..سواء من الضغط اللي عليهم والنفسية المحطمة وحتى من هيبة اليابان "حاملة اللقل" المعروفة ومن دراسة اليابانيين لمنتخبات مجموعتهم واستهتار ميسو فجاءت النتيجة غير بعيدة كثيرا عن التوقعات..كانوا يحتاجون بشدة لنقطة عالأقل من فيتنام حتى يمتلكون دافع قوي لتقديم الأفضل ضد الكمبيوتر ^^
عالعموم أكثر ما يفتقر له الفرق العربية الضغط على حامل الكرة والانتشار الجيد..وبتواجد هالعاملين كنا بنشاهد نتائج أفضل كثيرا لهم..
وشكرا لك أخي عالطرح :)

---

انا معاك اخوي في انه الاعلام احدى الاسباب >_< لانه كبر المنتخب و خلووه فريق شبيه بالبرازيل او الارجنتين >_< يعني لو تفتح قناة دبي الرياضية قبل البطولة كله راح اتشوف حاطين اعلانات عن المنتخب و كأنهم خلاص ما خذين البطولة و اللعيبة بعد مب مصدقين انه بيطلعون في التلفزيون >_< يعني شو انسوي الله يسامح الاعلام...وانا معاك في مشكلة سرعة الانتشار و كل شيء بس هذا السرعة الا شفناه عند الفيتنامين هم الحماس الشديد الي ما كان عند المنتخب الاماراتي >_< بس شو انسوي هذي هي حال الدنيا >_<

اقتباس:

---

أخوي راؤول ... أنا ما أدري وش جاب كأس الخليج لــ كـــــأ ســــ آسيــــــا ... صحيح ان الخليجيين يعتزون بهالبطولة لكنها لا تسوى شيء بالنسبة لـ آسيا طبعاً ... اللي حبيت أوصله انه مهما حققت بطولات ودية أو خليجية أو أي شيء من هذا القبيل لن يعكس مستوى البطل في بطولة كأس آسيا لأنك راح تواجه أعرق المنتخبات في آسيا و تقدر تقول العالم ..

---

لاتعليق معاك في كل نقطة :28:

اقتباس:

---

ايه وهذا اللي قلته لو بس كملت جملتي اللي بالاقتباس :09: .. ما المسألة ان أداء المنتخب يختلف بكأس الخليج عن آسيا أو ينقصهم شي عن المنتخبات الأخرى ، ولا حتى الفرق المنافسة أقوى أو أنها لزاما ستكون أعرق من الفرق الخليجية وخير دليل فيتنام وتايلند وحتى أندونيسيا ...
لكن النقطة الأساسية هي أسلوب اللعب المختلف كليا عنهم ، يعني حتى باوروبا نرى أسلوب ونهج أقرب لنا منهم ، ولذلك رأينا ما فعله منتخبنا العماني وكذلك العراقي مع أستراليا مقارنة بتايلند رغم الفوارق التاريخية بينهم ^^
بتقول لي ان أسلوبنا مختلف لهم كذلك..هنا النقطة الأساسية لاحظ هذه الفرق ولاحظ منتخباتنا..
المنتخبات الشرق آسيوية تابعت مران ومعسكرات المنتخبات اللي معاهم بالمجموعة وبنت من خلالها التكتيك والخطة اللي بتشارك فيها بينما منتخباتنا استمرت على أسلوبها بكأس الخليج واقتنعت بنتائجها هناك دون البحث والتقصي كثيرا عن البلدان المستضيفة بالخصوص وخير مثال ميتسو لما قال انه ما يملك أي معلومة عن فيتنام قبل المواجهة بخلاف مباراة البحرين ^^

---

إلي يعجبك في متسو انه يتفلسف وايد في البطولة هذي المرة و ما سوى شيء >_<

و اشكركم على التفاعل للموضوع...;)

اسباب خروجنا من الدورة مثل اسباب خروجنا من اي دورة او خسارتنا في اي مباراة

يعني يوم يكون لاعبين المنتخب ما يستحقون انهم يلعبون فيه لكن اعضاء اتحادنا العبقريين يفرضون تشكيلة متفقة بينهم على المدرب لان كل واحد يفكر في مصلحة ناديه مب مصلحة المنتخب....تشوف لاعب طول المباراة ما يسوي شي والمدرب ما يقدر يغيره مثل بشير سعيد وهلال...واستطهم قوية وما يطلعهم الا الكرت الاحمر

كل نادي وله اعضاء وممثلين في اتحاد الكرة وكل عضو يبغي لاعب ناديه يكون في المنتخب بغض النظر عن استحقاقه باللعب في المنتخب او لا...المهم انه يشارك مع المنتخب ويكتسب خبرة ويوم يرجع ناديه يلعب احسن.

الاسباب معروفة..
صابهم التشبع .. خلصو كاس الخليج وبعدين الدوري .. دورينا هالسنة تاخر واول ماخلص
اجازة اسبوعين وبعدين معسكر المنتخب
خلاص ملو من الكورة .. وماجد ناصر بعد الخسارة الثانية صرح بغياب الروح ..
وابودنوس المحلل الرياضي فسر الخسارتين والاداء الهزيل بسبب التشبع

الاعبين يوم حسو انهم بردون البلاد والجماهير بتاكلهم وحسو ان المركز الاخير عار
لعبو عشان الفانيلة قدام قطر اللي كانت تبا تتاهل وتفوز

ميتسو المفروض يحس ان في لاعبين مالهم نفس عشان يلعبون ..
واتمنى محاسبة هاللعيبة .. طبعا مب كلهم ..
وليعلم من لا يعلم :
في اذاعة ابوظبي .. الكعبي سوى لقاء مع احد الجماهير الاماراتية في فيتنام .. والمشجع صرح وهو منكسر الخاطر ان احد اللاعبين الاساسيين للابيض قاله بصريح العبارة :
ماعندك سالفة ياي فيتنام تشجع !!
...........
ولا تعليق

وعن المدرب :
وميتسو اخطا يوم دز بالتشكيلة الشحي ودادا ويوسف جابر مرة وحدة بلقاء الافتتاح مع فيتنام !!
والتشكيلة كانت غريبة الصراحة ..
وللاسف سيف محمد لم يلعب ولا مرة في البطولة .. كنت اتوقع سيف محمد مفاجأة البطولة
للاسف يا ميتسو ..مادري ليش خليته يلعب بالوديات كلها !!

اولا الاسباب ما اعتقد انها صعبة
حتى الامارات في كاس الخليج كان مستواها متوسط :D
يعني حتى ضد السعودية كانت السعودية مسيطرة بشكل واضح
وضد عمان كانت عمان مسيطرة :D
بعدين الاعلام والجمهور يمكن يكون كبر اللاعبين فوق حجمهم خصوصا ان هذا اول انجاز يحققونه بعد انجاز التاهل لكاس العالم مرة واحدة فقط !!
الخسارة من فيتنام يمكن يكون شي غريب
لكن ضد اليابان فاليابان منتخب قوي :D

بسبب النفخ الأعلامي الأماراتي بعد بطولة الخليج

من كلمات وغيرها ترفع معنويات الاعبين اكثر من الازم

مثل

" الأمارات جاييك يا آسيا "

هناك ابطال امامك الأمارات على العين والراس

ولكن اتوقع هذا

احد اسباب خروج الأمارات

والأدآء السيء جدا ً

وهذا الكلام مب نقد للمنتخب

ولكن من حبي لدولة الأمارات

واتمنى التوفيق لجميع المنتخبات الباقيه العربيه

وخاصةمنتخبنا المنتخب السعودي

دعواتكم لنا بالتوفيق في هذي البطوله

اخوكم : السامبا الكروي