اللمبات الحمراء في ضيافتي

الســــــلام عليـــــــكم



اللمبات الحمراء في ضيافتي :bigok:

http://www.t7mel.com/Files4/591048d461.jpg


الله يسلمكم قبل فتره كانت تعلق عندي الاكس بوكس ,, قلت شي طبيعي وتجاهلت الموضوع

وفجئه واذا بي احصل اللمبات الحمراء

وللأسف الاكس بوكس خير شر ما تشتغل بس اللمبات تطلعلي

والحين وديتها محل التصليح ,, قالي ما اعرف شو المشكله ,, وانه في محل بيوديه عنده هو بس الي يقدر يصلحها وبعد مش اكيد يمكن ما يقدر

ويقولي اتريا 15 يوم قلتله خيبه ليش؟ قالي 60 جهااز عنده كلهم خربانات

المهم انا غسلت ايدي من الموضوع وخايف كل مره تخترب علي وبنتظر 15 يوم

وناوي اخذ اكس بوكس ييديده وابيع الجديمه ,, و ناوي على الاكس بوكس السوداء 120 جيجا

http://blog.wired.com/games/images/2...le_control.jpg

ونبغي مشورتكم في الموضوع وهل للنسخه اليديده اي خلل او نصلحها


===

ملاحظه اشتراكي في اللايف بيروح ع الفاضي ؟ مع الاكس بوكس القديمه؟؟ ولا اقدر ادخل منه على الاكس بوكس اليديده ؟

وهل تقيمي للألعاب والجيم سكور بعد راح علي ولا اقدر اسويله كوبي للأكس بوكس اليديده

وشكرا

اخوي ود جهازك لبلوتو في دبي بيصلحه لك

لانه وكيل مايكروسوفت

بعد الي صار بعدك ناوي تشتري ال360 ؟؟ الله يعينك .. نصيحه لتاخذه بدون ظمان.. محد يعرف يمكن بعد يومين يطلعون لك اللمبات الحمر في جهازك الجديد..

لوول قال صاحب المحل عنده 60 جهاز كلهم فيهم اللمبات الحمر هههه شو بيصلح فيهم :09:... هذا بس محل واحد

زين الغالي ممكن تدليني مكانه

بنروحله من بوظبي وتعرف دبي من دخلها لازم يضيع فيها

والشارع الي يوديك ما يردك

وشااكر لك ممنوون

هههههههه

حبووب اكيد بخذ بظمان ناوي هالنيه ان شاء الله ناوي ع كارفور هههههه

عندي ظماان سنه لو صار فيها الي صار ارجعها واخذ يديده

طبعا قبل ما تنتهي السنه بس شهر بيلس اللعب فيها 24 ساعه لين ما تطلع اللمبات الحمراء ويعطوني وحده يديده هع هع نذااله


تسلم ع مرورك x11

=========


بس يا ريت تجابووني ع اسألتي الأخيره

اقتباس:

---

زين الغالي ممكن تدليني مكانه

بنروحله من بوظبي وتعرف دبي من دخلها لازم يضيع فيها

والشارع الي يوديك ما يردك

وشااكر لك ممنوون

---

هذا رقمه

0097142618111

اذا جهازك امريكي بيصلحه بفلوس 250 تقريباً

اتصل فيه واستعلم

شاكر لك وممنوون

قالي الي في بوظبي اونه ب 400

ع العموم تسلم وان شاء الله نشووف ونستعلم

مشكوور

اقتباس:

---

شاكر لك وممنوون

قالي الي في بوظبي اونه ب 400

ع العموم تسلم وان شاء الله نشووف ونستعلم

---

خلاص بيصلحه

الحمدلله

اقتباس:

---

المشاركة الأصلية كتبت بواسطة X11

بعد الي صار بعدك ناوي تشتري ال360 ؟؟ الله يعينك .. نصيحه لتاخذه بدون ظمان.. محد يعرف يمكن بعد يومين يطلعون لك اللمبات الحمر في جهازك الجديد..

---

:D هههه شفت شلون الناس تحب ال360...مهما كانت الظروف..
انا عن نفسي بأخذ الxbox360 falcon لو صار شي بجهازي الأبيض..

بالمناسبه ..ليش تخرع الريال؟ ترا جهاز الelite صارله فتره نازل..
وليومك مافي احد اشتكى من اي مشاكل خصوصا الredlights ..:أفكر:

تقريبا صار لك مثل ما صار لي
بس انا كانت عندي مشكلة عادية جدا
بس انا كبرتها
على العموم انا بصلح الاكس مالتي و ببيعها
و اشتريت قبل أسبوع اكس بوكس يابانية مؤقتة
و ان شاء الله السنة الياية بشتري الفالكون اليت و السويتش .

بالنسبة لك
يا انك تصبر و تاخذ الفالكون
أو تاخذ الاليت .

اقتباس:

---

ملاحظه اشتراكي في اللايف بيروح ع الفاضي ؟ مع الاكس بوكس القديمه؟؟ ولا اقدر ادخل منه على الاكس بوكس اليديده ؟

---

لو بتنقل الهارديسك مال الاكس الجديمة حق الجديدة عادي .

اقتباس:

---

:D هههه شفت شلون الناس تحب ال360...مهما كانت الظروف..
انا عن نفسي بأخذ الxbox360 falcon لو صار شي بجهازي الأبيض..

بالمناسبه ..ليش تخرع الريال؟ ترا جهاز الelite صارله فتره نازل..
وليومك مافي احد اشتكى من اي مشاكل خصوصا الredlights ..:أفكر:

---

لوووول فارس لا تتعب نفسك .

اقتباس:

---

المشاركة الأصلية كتبت بواسطة FARES360

:D هههه شفت شلون الناس تحب ال360...مهما كانت الظروف..
انا عن نفسي بأخذ الxbox360 falcon لو صار شي بجهازي الأبيض..

بالمناسبه ..ليش تخرع الريال؟ ترا جهاز الelite صارله فتره نازل..
وليومك مافي احد اشتكى من اي مشاكل خصوصا الredlights ..:أفكر:

---

ومن الحب ما بيعك ثياابك عشان تشتري اكس بوكس ههههههه

ناوي عليه ال elite بس للأسف ما نزل معتمد من اماكن عامه مثل الكارفور وغيره مع ضماان

اما محلات الفيديو جيم الله يعينا عليهم يعطونك الشي بدون ظمان

ع العمووم نشوف خير

متى بينزل في الخليج رسمي elite ؟؟؟؟؟؟؟؟؟؟؟؟؟؟؟؟؟؟؟؟؟

شكرا ع مروورك

اقتباس:

---

المشاركة الأصلية كتبت بواسطة hamad_007

تقريبا صار لك مثل ما صار لي
بس انا كانت عندي مشكلة عادية جدا
بس انا كبرتها
على العموم انا بصلح الاكس مالتي و ببيعها
و اشتريت قبل أسبوع اكس بوكس يابانية مؤقتة
و ان شاء الله السنة الياية بشتري الفالكون اليت و السويتش .

بالنسبة لك
يا انك تصبر و تاخذ الفالكون
أو تاخذ الاليت .



لو بتنقل الهارديسك مال الاكس الجديمة حق الجديدة عادي .



لوووول فارس لا تتعب نفسك .

---

تسلم ع النصيحه بس عندي سؤال

الفالكون هي نفسها اللايت؟؟؟ ولا غير ؟؟

وشكراا

صلح صلح ^^"

أنا بقولك اشلون تنقل ال بروفايل إنها طريقة سهلة
تدخل على dash bord مندون أن تكون داخل على أي بروفايل
و تروح على ال Recover gamer tag
و راح يطلبو منك أن تضع الايميل و الباسورد إلي إنتا حاطا لل gamer tag
و بعد ذلك سيبدأ تحميل ال بروفايل
و لأي إستفسار أنا حاضر

اقتباس:

---

تسلم ع النصيحه بس عندي سؤال

الفالكون هي نفسها اللايت؟؟؟ ولا غير ؟؟

وشكراا

---

لا
الفالكون غيروا معالجه من 90nm الى 65 nm
يعني أصغر و الفايدة هي انه يستهلك حرارة أقل
و لوحة مذربورد جديدة
و الأفضل مشتتات حرارة أقوى ( هي السبب الرئيسي الي خلا الاكس 360 حساس للحرارة لان مشتتات الحرارة في الاكس بوكس العادي وايد صغيرة ) .