ختمت هالو 3 : وين الي قالو ان اللعبه قصيره ؟ وين الي قالو تخرب الجهاز ؟

السلام عليكم ورحمة الله وبركاته
قبل لا اشتري هالو 3
كنت مو مقتنع بالجزء الثالث من كثر الي سمعته عنها بالمنتدى !!
مع اني لاعب الجزء الاول والثاني عالاكس بوكس الاول
قلت خل اجرب واشتري الثالث !!
ويوم شريته ....
وحطيت السي دي على الاكس بوكس 360
وبديت العب
ينيييت
ياخي لعبه ولا اروع لعبه غير طبيعيه
واحلى لعبه لعبتها حتى الان
لكن مو هذا موضوعي
موضوعي هذا عباره عن رد على كل من قال التالي :
لعبه هالو تخرب الجهاز
لعبه هالو طلعتلي لمبات حمر
لعبه هالو فيها باتش
لعبه هالو قصيره جدا

وانا الي ارد على هالكلام :
هالو 3 خلصتها بيومين
وبايوشوك خلصتها ابيوم واحد
يعني ياحبيب قلبي
هالو 3 اطول من بايو شوك
وبايوشوك بالنسبه لي كانت طوييييله
فمابالك هالو
انتو تقولون انها قصيره لانكم لعبتوها على الـ easy
اكيد بتكون قصيره اي لان الوحوش يموتون بسرعه !!!

اما بالنسبه للي قالو انها تخرب الجهاز
انا مستعد احلف واقسم بالله انه الي قال هالكلام ماعنده لعبه هالو 3 اساسن
كل ربعي عندهم هالو 3
وماصار بجهازهم شي !!
واعرف واحد تاريخ تصنيع جهازه 2005
ماصار فيه شي !!
عدد الي داشين اونلاين بهالو 3 وصل مليون لاعب !!!
يعني هالمليون لاعب كلهم ماخترب جهازهم وانت بيخترب جهازك ؟؟
معقوله مليون لاعب ماخترب جهازهم الا انت ؟

المهم
اي واحد يبي يشتري اللعبه خل يشتريها بدون تردد
لحد ياخذ على كلام بعض شباب المنتدى
تره والله يخلونك ماتشتريها بالمره بسبب كلامهم الي مافيه حتى دليل
لحد يتردد مثلي
ويعطيكم العافيه

but Your Gamer Tag Say other wise?!! Are You Sure You Finished The Game ?

انا قاعد العبها ع الليجندري من اسبوع
ترى اللعبه صعبه ليلحيني بالمرحله الثالثه
يبيلها قيمست :D

انا خلصت اللعبه على النورمل مع ولد خالتى بخمس ساعات او ست ساعات هذا الحجى الفجر صار بليل قلنا خل نلعب على الليجندرى عشان الاشفيمنت وحياتك المرحله الاولى مانى قادر اعديها
اللعبه مافيها شئ لاتعلق ولاتخلى الجهاز يخربحتى السيف الى يقولون عنه خربان مافيه شئ بس للحين مالعبت اولاين ماكو لايف:dead1::dead1:

مبروك على الختمة

مالعبتها للحين انا :D

وبالنسبة لموضوعك اعتقد انه مو موجه لي لاني عمري ماتكلمت عن هالو << جنه خايف

ثانكيو ماي برو

انا وصلت المرحله الرابعه في هالو وبعدين صكيت اللعبه لما رجعت ابى اكمل شغلت اللعبه وسوى لودنج لما
اكتمل الجهاز طفى وولع لمبات حمرا

انا عندي اثنين من ربعي خلصوها على الليجندري وعلق السي دي :\
شباب انصحكم بالاون لاين حده قوي

الكلام اللي طلع هو ان بعض نسخ هالو فيها خدش من الشركه وهو اللي يتسبب في انك ما تقدر تكمل احد مراحل اللعبه ,,
بس ما أدري إذا انه يتسبب بتخريب الجهاز أو لا وبعدين وشفيك كاتب هالموضوع بطريقه مثل ما تكون كأنها تهجمية وكأنك
تدور وتبحث على المشاكل !! خذ لك لفه على المواضيع بالمنتدى وبتلقى المواضيع اللي بنفس صيغة عنوانه تقفلت ..مثل ..
http://75.126.249.149/~director/vb/i...t_hot_lock.gifللذين قالوا ان هالو2 سبيه بجرافيكس هالو 3 , احكموا بانفسكم..

فأنصحك تبعد عن مثل هالأساليب لأنها تسبب حزازيات بين الأعضاء ..وبالنهاية كل موضوعك يعبر عن رأيك الشخصي ..
ويمكن انت انهيتها بوقت طويل لأن غيرك امهر منك فأنهاها في وقت قياسي , او انك انت تستكشفها بزياده , هذا غير ان
عامل درجة الصعوبه والسهولة يلعب دور كبير ..

اا خلصتها من قبل جم يوم تقريبا على Normal وماكو اي مشاكل معنه عندي النسخه ليمت ادشن
وحاليا انا قاعد العبها على الليجندري في المرحله 6 وماكو اي مشاكل

اخوي الكلام الي تسمعه منا صحيح انت لو جربة جميع اجزاء السلسله شان عرفة ليش نقول الجرافكس متشابه

يمكن انت ما عندك خبره في انهاء بعض الالعاب يا حبيبي انا خلصة اللعبه في 5 ساعات طبعن ما راح اكذب عليك انا خلصتها على الايزي بس حتى لو في العاب كثيره من الجيل القديم اطول من هالو3 مليون مره وهذا حسب خبرتي لاني من الناس الي ينهي العاب كثير على فكره ترى هالو2 اطول من هالو3 اشان تعرف قصرها

اللعبه لم تقدم شيء جديد ابدا جميع الاشياء موجوده في الجزء السابق جميع الاعداء هم اصلن موجودين في الجزء السابق جميع الاسلحه والمركبات وكل شيء موجود في الجزء السابق لا ادري ما هو الجديد حتى الجرافكس خيب امالنا لم يكون فيه اهتمام كبير لاحض وجوه تعابير اصدقائك وشوف الاهمال

مشروع هالو3 كانهم يقولوا سووا اللعبه بسرعه ولا تهتموا بشيء واهم شيء تهتموا بالاون لين اشان ندر ارباح يعني ما يبوا يتعبوا انفسهم وفي نفس الوقت هم متأكدين من ارباح اللعبه افكر ميكرو ليسة عليي انا انا فاهم طريقتها عدل

انا ما بقولك انا تندمة على شرائها فهي ممتعه في الاون لين اشان كذا احس انه تستحق الشراء واشان كذا تشوف مبيعاتها عاليه

والله لو يلغوا الاون لين في هالو3 والله ان اللعبه ما تسوى ولا نص ريال في مليون لعبه احسن من اسلوبها بكثير الله يكثر العاب التصويب صارت مثل النمل

مبرووووك أخي الكريم إنهائك لهالو ......

ولكن الذي استغربه بأنك تقول بأن بيوشوك ختمتها بيوم واحد ، بصراحة لاتزعل مني هذا ليس صحيح ، ومن سابع المستحيلات أخي الكريم تنهي بيوشوك بيوم واحد ، اللعبة 20 ساعة سواء على مستوى سهل أو مستوى المتوسط فكيف ختمتها هل يعني سبقت الزمن ، هذا لم نتكلم عن الخفايا يلي فيها على العموم مع احترامي لك مافي أحد ختمها في العالم كله بيوم واحد ، اللعبة صعبة وطويلة ومعقدة ، يعني كأنك تقارن لعبة بيوشوك بلعبة كراش بانديوكوت يلي يتم ختمها بيوم واحد فريق التطوير ظل سنوات يطور فيها للعبة علشان تقول بيوم واحد حرام بصراحة ، معلش أخي الكريم الموضوع عن هالو لذلك خلي كلامك في هالو فقط ، رأيك نحترمه ولكن انك نتبالغ فيه فهذا خارج عن الصحة ،وعموماً هالو حرام الواحد فينا يلعبها على السنغل بلاير لأنوا هي على اللعب الجماعي أجمل بكثير ومتعة اللعبة في اللعب الجماعي أكثر منه في السنغل بلاير ، هذا برأي الخاص طبعاً وأكيد كل انسان له رأي ونحن نحترم وجهات النظر ، ولكن انا من الناس الذين لايحبون المبالغة ... بالنسبة انوا هالو تخرب الجهاز فالحمدلله انا ماصار معي هي مشكلة ولقد اشتريت اللعبة نسخة أصلية وانا ألعب عن طريق الاونلاين تحديات كبيرة وبطولات ولم تواجهني أي مشكلة ...

وشكراً

عبود الغريب

التقاييم و مبيعات اللعبة أقوى دليل أن اللعبة من أقوى ألعاب الشوتر ، ما يبغيلها كلام ، في ناس أعرفهم لعبة هالو 3 بدون ما يلعبوا 1 و 2 و عجبتهم بقوة ، اذا انت ما تحب اللعبة كيفك

و أنصحك أنك تلعب اللعبة على الليجندري أو المستوى الي قبله عشان تحس بالتحدي و بطعم اللعبة الحقيقي

مش تلعبها على الايزي و تقول أن اللعبة عادية و مافيها شي جديد و الخ :أفكر:

اللعبة فيها اضافات بس طفيفة

و طور الكامبن يعتبر تكملة لقصة هالو ، مش شغل على السريع عشان يركزون على الأون لاين

و بخصوص الجرافيكس

أساسا اللعبة بيئاتها ضخمة جدا و عوالمها كبيرة عكس ألعاب الشوتر الثانية ، فلازم ينقصون من الجرافيكس ، و أضف على هذا الأون لاين ، و حلاوة اللعبة بالجيم بلاي مش الجرافيكس

صعب يسوون جرافيكس خارق جدا مع عوالم ضخمة و كبيرة

اذا هالو ما تسوى شي بالأون لاين ، الجزء الأول يسلم عليك

ما كان فيه اون لاين و نجح نجاح قوي

الحين ندخل بالموضوع

بخصوص الخرابات

يمكن الشباب انتو اشتريتوا نسخ اللميتيد اديشن

لأن الليميتيد تغليفه سيء جدا و السيديات تكون مخدوشة

عن نفسي شريت النسخة العادية و ما صار أي مشاكل و الحمد الله

انا بصراحه نهيت اللعبه بمستوه نورمل خلال 9 او 10 ساعات
وهذا لاني تعوت من الاجزاء السابقه اني ما اخل اللعبه الى اذا نهيتها :D
وتوني مخلصها هارد
واللجندري موراضيين يرحموني ومن سابع المستحيلات جنودك يعيشون بهل المستوه :D
واتعيش بروحك اتواجه اللجندري لوووووول :D
بس من ناحيت الاضافات باللعبه انا اشوف انه في اضافات مثل فكرت الاكس والدروع الي اتحطها
وهناك اشياء معدله باللعبه كانت بالاجزاء السابقه مسويتلي مشاكل :D
كل ماكان يعيب اللعبه انها عله وضوح 640 هذا الي اشوفه

اقتباس:

---

اخوي الكلام الي تسمعه منا صحيح انت لو جربة جميع اجزاء السلسله شان عرفة ليش نقول الجرافكس متشابه

يمكن انت ما عندك خبره في انهاء بعض الالعاب يا حبيبي انا خلصة اللعبه في 5 ساعات طبعن ما راح اكذب عليك انا خلصتها على الايزي بس حتى لو في العاب كثيره من الجيل القديم اطول من هالو3 مليون مره وهذا حسب خبرتي لاني من الناس الي ينهي العاب كثير على فكره ترى هالو2 اطول من هالو3 اشان تعرف قصرها

اللعبه لم تقدم شيء جديد ابدا جميع الاشياء موجوده في الجزء السابق جميع الاعداء هم اصلن موجودين في الجزء السابق جميع الاسلحه والمركبات وكل شيء موجود في الجزء السابق لا ادري ما هو الجديد حتى الجرافكس خيب امالنا لم يكون فيه اهتمام كبير لاحض وجوه تعابير اصدقائك وشوف الاهمال

مشروع هالو3 كانهم يقولوا سووا اللعبه بسرعه ولا تهتموا بشيء واهم شيء تهتموا بالاون لين اشان ندر ارباح يعني ما يبوا يتعبوا انفسهم وفي نفس الوقت هم متأكدين من ارباح اللعبه افكر ميكرو ليسة عليي انا انا فاهم طريقتها عدل

انا ما بقولك انا تندمة على شرائها فهي ممتعه في الاون لين اشان كذا احس انه تستحق الشراء واشان كذا تشوف مبيعاتها عاليه

والله لو يلغوا الاون لين في هالو3 والله ان اللعبه ما تسوى ولا نص ريال في مليون لعبه احسن من اسلوبها بكثير الله يكثر العاب التصويب صارت مثل النمل

---

اخوي زيين منك تكلمت بمصداقيه ولا اهني فلمنتدى هالو وهالو كانه ما في لعبه غيرها و اسطوره زين يوم بينت اللعبه برؤية صاادقه
ولا تسمعلك وااحد الجرااااااااااااافيك جبااار شو بتقوول عنه و انت عيني عينك شايف الجرافيك انه عادي
كلمة الحق لازم تنقاال في النهااية

اقتباس:

---

المشاركة الأصلية كتبت بواسطة المجهول الحقيقي

مبرووووك أخي الكريم إنهائك لهالو ......

ولكن الذي استغربه بأنك تقول بأن بيوشوك ختمتها بيوم واحد ، بصراحة لاتزعل مني هذا ليس صحيح ، ومن سابع المستحيلات أخي الكريم تنهي بيوشوك بيوم واحد ، اللعبة 20 ساعة سواء على مستوى سهل أو مستوى المتوسط فكيف ختمتها هل يعني سبقت الزمن ، هذا لم نتكلم عن الخفايا يلي فيها على العموم مع احترامي لك مافي أحد ختمها في العالم كله بيوم واحد ، اللعبة صعبة وطويلة ومعقدة ، يعني كأنك تقارن لعبة بيوشوك بلعبة كراش بانديوكوت يلي يتم ختمها بيوم واحد فريق التطوير ظل سنوات يطور فيها للعبة علشان تقول بيوم واحد حرام بصراحة ، معلش أخي الكريم الموضوع عن هالو لذلك خلي كلامك في هالو فقط ، رأيك نحترمه ولكن انك نتبالغ فيه فهذا خارج عن الصحة ،وعموماً هالو حرام الواحد فينا يلعبها على السنغل بلاير لأنوا هي على اللعب الجماعي أجمل بكثير ومتعة اللعبة في اللعب الجماعي أكثر منه في السنغل بلاير ، هذا برأي الخاص طبعاً وأكيد كل انسان له رأي ونحن نحترم وجهات النظر ، ولكن انا من الناس الذين لايحبون المبالغة ... بالنسبة انوا هالو تخرب الجهاز فالحمدلله انا ماصار معي هي مشكلة ولقد اشتريت اللعبة نسخة أصلية وانا ألعب عن طريق الاونلاين تحديات كبيرة وبطولات ولم تواجهني أي مشكلة ...

وشكراً

---

السينجل بلاير حلاوته إنك تلعب مع اصدقائك co-op صدقني لو جربته راح تحبه أكثر وخصوصاً إذا لعبته على صعوبة الليجندري :D ... المجهول الحقيقي ممكن تعطيني gamer tag حقك أبي اضيفك عندي ومنها نلعب سوا بعد العيد إن شاء الله :D