للكويتيين لحد يشتري لعبة الدوري الياباني نسخة الps3

قوه شباب شلونكم ورب الكعبه نصابين الي في الرحاب وخصوصا الحرامي الكبير جيم سنتر الي ما يخاف ربه طالع نازل ياخذ فلوس انا اليوم الثلاثة رحت مجمع الرحاب لأنه وصل لي خبر انه لعبة الدوري الياباني نسخة الps3 نزلت الكويت وتنباع بالرحاب على 19 و 20 دينار هذا الكلام الي وصل لي امس الاثنين المهم اليوم الثلاثة رحت الساعه 5 ولا اشوف المحلات اسعارهم على 25 استغربت وقلت امس بسعر واليوم زيادة مو طبيعية المهم قعدت افرفر في جميع المحلات وكلهم نفس السعر الي اهو 25 وقالولي جم محل انه جيم سنتر اهو الي يايب اللعبة واهو يتحكم بسعرها المهم طلعت من الرحاب ورجعت له الساعه تقريبا 8 ونص ولا اشوف المحلات تبيع اللعبة ب30 دينار ونصهم يبيعها ب35 دينار الله يرضى شنو هالمسخرة وربي احنا الي معطينهم ويه ولا معقولة احد يشتري لعبة بهالسعر وفي كلام يدور انه لي باجر بيصير سعرها 40 دينار !!!!! والله حرام وين حماية المستهلك عن هالحرامية فأنا انصحكم لحد يشتري ونطرو لين تنزل بتاريخ 26 رسمي وكل المحلات بتنزل ويظطرون ينزلون السعر للسعر المعقول وسلامتكم

عزيزي شي طبيعي

بالبدايه لما تكون اللعبه متوفره يقل سرعها..ولم تقل بالسوق ترتفع

انا امس كنت بالرحاب وشريتها ب20...

ومشكور على حرصك

20 ان شاريه ويالى خبر ارفعو سعره

مو شي يديد.. :p
الحين موضه صارت اي لعبة يديده تنزل بالسوق تكون 25 وفوق..
ومثل ما قلت السبب انه معطيهم ويه..لو عيال الفلوس ما يعطون ويه :09: ما أضن يرتفع سعره
انا شريت هالو 3 الليمتد اديشن ب26 :blackeye: .. اهو مو بس هاللعبة .بشكل عام الألعاب القوية واليديده بعد دايم تقط ال25 .. , انطر علينا أسبوع راح تنزل لي 20 دينار وهو السعر الثابت مع انه هم فيه فايده عليهم هههههه

وعلى فكره هالموضه ما طلعت معاهم الا مع ظهور ايام ال360 والحين البلاي3 ...
لأنه الناس بدت تعتمد عالأصلي فقط .. فالمحلات لاقينا صيده للأسف يرفعون السعر واحنا ندفع

انا ماخذه ب 20 امس وصاحبي اليوم شراه من نفس المحل ب 27 :\

20 دينار النسخة حاليا ..
اتمنى نسخة ميتل جير تتهرب أيضا T,T ولو يبيعها بـ30 شاريها شاريها :banana:

الرحاب نصابين خاصة راسهم العووود اللي بالنص جيم سنتر
بس اقعد فوق راسه و كاسره أنا مطلع عيونه

بس بالنسبه حق الدوري الياباني أنا متحمس له بس باخذه آخر الاسبوع ادش عليهم المحل على رواءه اتفاهم معاهم :P

نطرتو سنه كامله موقادرين تنطرون جم اسبوع
انا عن نفسي انطر اسابيع ولا اخلي الفلوس اطب فبطن هل الحرامي

.. 20 دينار سعر معقول و طبيعي للدسكات الأصلية , بس أما أنه يرتفع ويوصل الـ30 وما فوق .. هذا شي أول مرة أسمع عنه !!!
شغل نصب عينك عينك يا جيم سنتر !!

..


عموماً .. كلها أسابيع و ينزل السعر بأذن لله
شكراً عالتنبيه

ياشباب كلها صبر ايام ويتعدل السعر

شباب محل تومب رايدر بالفروانية مجمع مناور يبيعها ب 25 ولو تكاسره ينزلك يمكن انا اخذتها او يوم نزلت الصبح ب 25 روحوا شوفو جم يمكن ارخص من الرحاب

إلي ماخذها بـ 20 خل يحمد ربه لأنه أنا توني شفتها على الأمازون مل بريطانيا بـ 39.99 باوند يعني إذا تبي تكسرها بدينار يطلع تقريبا 23 دينار فمفروض تصير 25 دينار على الأقل

للاخوان في الكويت .. اللعبة بتنزل بتاريخ 26/10/2007 يعني بعد باجر .. وهي اصدار اوروبي يعني مخصص لمنطقتنا وبتحصلها عند الوكيل بالسعر الاصلي .. والمحلات الثانية نصابين بس يبون ينصبون بسبب شهرة اللعبة .. والله يعين من لعبة ميتل جير4 كم بيضربون في السعر .. (( ويقولون حقوق فكرية !!))

وصلت الرياض واليوم الإستلام من المحل ودفعنا سعرها مقدما
وكان 260 ريال يعني بالدينار الكويتي 19.5 - 20 دينار تقريباً
المبالغة في الأسعار شي طبيعي ..
وهي فرصة للتجار الجشعين خاصة انهم يعرفون ان هاللعبة
عليها طلب ويعتبرونها فرصة .. وعلى قولتهم التجارة شطارة
بس عاد نقول ليتهم يخفون علينا شوي .. اجل وشلون يبي
يكون سعر Metal Gear لما تنزل هههههههههههه
اعتقد يبون يسوون مزاد علني..

لازم يكون في نصب مدام في اقبال كبير على اللعبه