اللي حصل حصل واللي فات مات

السلام عليكم


كيف حالكم اخواني واخواتي الاعزاء


يمكن اني غبت شهرين بعيدا عن اللعبه ... حتى اني فكرت بتركها دون رجعه ...
لكن كنت دائما افكر في بعض الاشياء والاخطاء اللي حصلت معي ومع البعض منا
فااا انا من سيرفر بيسمارك وقد انتقلت في السابق الى سيرفر راجناروك لفترة 3 شهور
وبعدها دخلت مع لينك شيل عربي معروف كثيرا هناك، ويمكن 80% من اعضاء هذا اللينك شيل
هم بالاساس اعضاء هنا في المنتدى ... دون ذكر اسم اللنك شيل ... لكني رأيت بأن نفس
الاخطاء اللي كانت تحصل معي في سيرفر بيسمارك هي نفسها حصلت ايضا في رجناروك
وهذه الاخطاء هي بسبب الحقد والحسد وعدم التعاون بين الاخوان العرب .

وايضا لما رجعت الى سيرفر بيسمارك وجدت ان كل شئ قد تغير، حتى الناس القدامى
تفرقوا واصبح كل منهم يعمل او يلعب سولو، وحتى العرب المشتركين في لنك شلات
اجنبيه أو يابانيه قد لاتجد بينهم الاخوة والتعاون سوى المصلحه، والكل ينظر الى الاخر على
انه عربي ولا به شئ من المنفعه .

واقصد بالعرب هم ( الخليجيين ) ...

فدائما تصلني اخبار سيرفر رجناروك اولا باول، فمنهم الذي لم يغير من طبعه
ومنهم من انتقلوا الى سيرفرات اخرى، وقليل منهم ترك اللعبه.

لما يحصل كل هذا بينهم ؟؟؟ ولما هذه الاخطاء والمشاكل !!!

من المسئول ..؟؟؟ صاحب اللينك شيل ؟؟!!

ام ذاك الذي ترك صديقه ولم يقدم له المساعده !!!

على فكره ترى سمعتنا في اللعبه (تسود الوجه)

متاسف على هذا الاسلوب ... لكن هذه الصراحه ....

انا اعرف كل كويتي وسعودي ووووو في هذه اللعبه ... وحتى اعضاء هذا المنتدى (FFXI)

واحب ان اوضح لكم ان سبب خروجي من رجناروك وومن لينك شيل (...)

هو اني لم اجد التعاون الصادق ولا حتى اي لتقدير ولا احترام .....

انا اقدر واحترم كل شخص خليجي كان في سيرفر رجناروك ودون ذكر اسماء ...
حتى اني اخبرتهم بوجهة نظري فيهم لكن وجدت فيهم عدم الخبره وعدم اللا مبالاة ...

اللي حصل حصل واللي فات مات .....

لكن يجب على كل شخص أن يتعلم من اخطاءه وهذا مش عيب

لكن اصبحت هذه الاخطاء تعججبهم وهم ومعتادون عليها، واذا قلت لهم

ان هذا الشئ غلط ... ردوا عليك جميعا بانك لاتعرف ولاتفهم في شئ ....

يا اخوان ... عندي الخبره الكافيه في اللعبة واعرف امور وتفاصيل كثيره ....

لكن لن اسمح بان تتكرر معي هذه الاخطاء مره اخرى ...

ويمكن جميعكم قرأ بعض مواضيعي هنا في المنتدى

باني اريد ترك القيم .. واني اريد بيع الكراكتر الخاص بي ....

لكني الآن ترددت وسوف ارجع للقيم ولن اخرج من سيرفر بيسمارك

انا من الكويت وارحب بكل من يطلب المساعده سواء كان من اي سيرفر في اللعبة

وموجود حاليا ً في سيرفر بيسمارك Bismarck واسمي Top

وارجو من اي شخص يريد المساعده في بيسمارك ان يكلمني او يرسل لي (اضافة صديق)

لكن ان شاء الله سوف اصنع لينك شيل جديد كبير جداً وسيكون منافس لكل لينك شيل خليجي

وانا عند وعدي باذن الله ...

فلن ارضى التفريق بين احد ...

ولن يكون هناك يوم استراحه في الاسبوع :D

وسأجعل الكل يكسب المال من اللعبه ولن يكون هناك شراء للجيل

ولن اجعل هذا اللينك شيل الجديد خاص للخليجيين فقط بل حتى الاجانب واليابانيين ...

ساجندهم على تعلم اسلوب اللعب من باستوك الى Wings of the Goddess .



والله ولي التوفيق ،،،
والسلام عليكم.

السلام عليكم... الله يكون في عونك, وكلامك صادق
بس الواحد يتخذ بالاسباب وانا خوك
مع ذالك الله يهدينا ويصلحنا اجمعين ...

موفق خير اخوي بس خلنا لا نعطي الموضوع اكبر من حقه ترا كلها لعبه :)
وانا عن نفسي مو داخل اسولف او اتعرف لو ابي اسولف في برامج محادثه ولكن انا داخل العب يعني لو محد عجبني او اسلوبه او اخلاقه ابتعد عنه او بلاك ليست موشرط اغير السيرفر والعرب مو شرط يكونون مع بعض في عرب رجال وفي عرب اطفال فانا مو مجبر اني اكون معاهم بالعكس انا داخل العب واستانس يعني لو لقيت لينك شيل ياباني كلامهم ما افهم منه شي تقول معكرونه مو كلام بس لقيت اني استانس معاهم راح اروح معاهم شي اكيد اما عن موضوع ان العرب يكونون مجتمعين في شيلات واجد عندنا ولا تقنعني انه لازم لينك شيل واحد لازم يجمعنا لان كل واحد يبي يسويله شيل خاص فيه وربعه واللعبه اسمها لعبـــــــــــــــــــة مو حياة حقيقة او غيره يعني لا نعطي الامور اكبر من حقها الي ما يعجبك /blacklist add name
وريح بالك :)

هذا رأي الشخصي واتمنى لك التوفيق

اخوك ابو عبدالله

انا من راي الي مو عاجبك ابد ابسط شي تسويه طنشه
وريح بالك ولا تفكر كثير فيهم
والواحد لا يهتم في اللينك شيل كثير ويخلي تركيزه على الفريندز ليست اهم

الله يعينك أخوي ^^

للأسف وايد ناس باللعبة تصرفاتهم مادري شلون ..

يعني مب لعبة هذي صارت من الأفضل ومن الي مستواه اعلى ^^"

بس مثل ماقال اخوي سب سفن انت عليك انك ماتهتم الى هذي الدرجة والعب مع اي شخص مب شرط يكونون عرب ..

ياكثر أجانب تلاقيهم متعاونين احسن من العرب ( ماقصد حد وماقابلت إلا شخص وساعدني )

انا بعد كنت مخططه اني اغير السيرفر واشوف سيرفر الأكثر فيه من اوربا ..

الصراحه ملل أصغر سؤال اسأله No English لأن الأغلب من اليابان

قبل فترة كنت ابحث عن جروب عشان ارفع نقاطي لكن ماحد مستعد يساعد كانوا يقولون لي اليفل too low فلذلك مافيني غير اني العب Solo واجمع كل النقاط بنفسي ^^"

بس مب الكل بهذي الطريقة يعني أوقات وايد احصل مساعده كبيرة وكنت اطلب شىء بسيط ^^

واوقات كنت احاول اساعد الي مستواهم أقل مني فكانوا يرفضون لأن مايبون اني انشغل في الوقت الي أكون نفسي محتاجه نقاط ^^"

عشان جذي اللعبة فيها الزين والشين ..

محد جاني ورديته
وان سألت سألت اولا العرب قبل الأجانب
واصفط للعربي قبل الاجنبي

اما مسألت لنك شيل عربي انا حاولت مع Fahi نكون لنك شيل عربي واعلناها هنا
والصراحه مااكتمل عددهم فالرجال قال كنسلها بس ماحولك احد وكنسلناها
انتقالي من سيرفر فيري الى روجناروك فقط " تغيير جو " والحقيقه السيرفر بالحيل اعجبني وماضنتي ارجع :)

اقول, الا شو صار فموقع ffxi العربي اللي ذليتونا عليه ؟

السلام عليكم .... اسف لانقطاعي عن المنتدى. واوعدكم لي رجعه معكم قريبا ان شاء الله

هلا فيكم اخواني وكل عام وانتم بكل خير
ومشكورين على الردود *

الاخ الكريم Hawu
انا بالفعل كنت عند وعدي وحجزت مساحة ودومين والموقع كان جاهز ...
لكن الاخوان ماعجبتهم فكرت اني اكون صاحب الموقع والفكرة كانت لغيري مثل مايقولون
واقفلت مواضيعي في المنتدى وحتى صاحب الفكرة اختفى الله يستر عليه.



أطيب تحيه

اذا لانك مب صاحب الفكره ترا اقولك

"لكن ان شاء الله سوف اصنع لينك شيل جديد كبير جداً وسيكون منافس لكل لينك شيل خليجي

وانا عند وعدي باذن الله ... "

انته مب صاحب الفكره بعد, بتلغي اللينكشل؟

"على فكره ترى سمعتنا في اللعبه (تسود الوجه)"

مب بس فاللعبه فكل مكان, وقبل ما تطلعون اغلاط غيركم المفروض تعدلون اغلاطكم.

"انا اقدر واحترم كل شخص خليجي كان في سيرفر رجناروك ودون ذكر اسماء ...
حتى اني اخبرتهم بوجهة نظري فيهم لكن وجدت فيهم عدم الخبره وعدم اللا مبالاة ... "

انا اقدرك واحترمك بعد, ومالي خص من اي سيرفر انت, بس فالنهايه عربي والعرب كالعاده يقولون كلام مب قده.

اقتباس:

---

المشاركة الأصلية كتبت بواسطة Hawu

اذا لانك مب صاحب الفكره ترا اقولك

"لكن ان شاء الله سوف اصنع لينك شيل جديد كبير جداً وسيكون منافس لكل لينك شيل خليجي

وانا عند وعدي باذن الله ... "

انته مب صاحب الفكره بعد, بتلغي اللينكشل؟

"على فكره ترى سمعتنا في اللعبه (تسود الوجه)"

مب بس فاللعبه فكل مكان, وقبل ما تطلعون اغلاط غيركم المفروض تعدلون اغلاطكم.

"انا اقدر واحترم كل شخص خليجي كان في سيرفر رجناروك ودون ذكر اسماء ...
حتى اني اخبرتهم بوجهة نظري فيهم لكن وجدت فيهم عدم الخبره وعدم اللا مبالاة ... "

انا اقدرك واحترمك بعد, ومالي خص من اي سيرفر انت, بس فالنهايه عربي والعرب كالعاده يقولون كلام مب قده.

---

صح لسانك والله صدقت في كل كلمة قلتها

ما شاء الله ناس تدخل عشان تلعب وناس تدخل عشان تدور السوالف وبالنسبة لصاحب فكرة العرب يسودون الوجه اقول ( كل واحد يرى الناس بعين طبعه ) فالعرب الي نفس الشباب في هالموضوع يخربطون اي كلام وداخلين يتهاوشون ليش انت ما سويت وليش ما سويت هم الي يخربون الصورة وبسكم افلام هندية يا بشر ما نبي دراما واكشن وشنو لينك شيل عربي كبير ومنافس ويكسر الدنيا انت داش معركه ولا تبي تسوي شيل ؟ الي فيه خير ينافس باسلوبه واحترامه لاخوانه مو اكبر عدد اعضاء بالشيل والشيل المفروض انه شغله مو اساسيه عشان الواحد يحترق دمه عشانه :)
على العموم اتمنى يا اخوان نقلل من هالسوالف والرسول عليه الصلاة والسلام قال : من كان يؤمن بالله واليوم الاخر فليقل خيرا او ليصمت


يعني اكتب رد يفيد الشباب عن مشن او كويست او انم او اي سالفه ظريفه حصلت معاك مو اخرج لنا فلم هندي لو تبون ممكن تقترحون للاخ المشرف يسوي موضوع مثبت للدراما والاكشن اذا ما تقدرون تتركونها

طولت عليكم ماعليه بس حبيت ابين وجهة نظري
وموفقين خير

Sub^Seven

انا مب يايه اسوي مشاكل, بس اذا بتعدلون صورتكم , انصحكم انه بدال ما تقولون بنسوي وبنسوي

سوو عقب حطو فالمنتدى ها ترا احنا سوينا جي حد يبا يدخل ويانا؟

ولا عاجبنك جي كل مره كلام فالهوى؟

-----------------

وان شاء الله انا ابا اشوف هاللينكشل الكبيره اللي فبسمارك, لو يمدحونها بسويلك دعايه شو تبا اكثر عن جي؟ :09:

والله ما زلت عند رأي انه اللعبه بالمبدأ مو شرط العرب مجتمعين كل واحد يشوف المكان الي يناسبه وبالنسبه في راجناروك في شيل شكوبو قرودو اسباني وكثير عرب فيه فهل معنى هذا اقولهم لا تروحون تعالو معاي انا اسوي شيل ؟ مو شرط الواحد يشوف الانسب والشيل نوعين واحد HNM.... والثاني سوالف وانا كلامي عن الاول
والله يوفقكم في سيرفركم وعساكم تتهنون بالشيل وانا ما احتاج دعاية الحمد لله الشيل الي انا فيه عاجبني وموفقين خير

السلام عليكم اخواني واخواتي الكرام


يا اخوااان ... كلامي كان واضح وصريح......
اللينك شيل موجود وتم افتتاحه بتاريخ 1 فبراير 2008م
واسمه Terror الارهـاب وحالياً مسجل به 12 users
وشغالين HNM and small event
* لينك شيل Terror في سيرفر Bismarck
اللي يحب يسجل معانا حياه الله بشرط Sky Access & job 75


أطيب تحية