عجمان تزيد رواتب موظفيها 70% وسط توقعات بزيادة مماثلة ببقية الإمارات

السلااام عليكم

توالت زيادة رواتب العاملين في الإمارات العربية المتحدة،
فبعد الزيادة في أجور الموظفين في الحكومة الاتحادية،
جاء الدور على إمارة عجمان، التي أصدر حاكمها عضو المجلس الأعلى الشيخ حميد بن راشد النعيمي،
أمس الأربعاء 28-11-2007، قرارا بزيادة أجور جميع العاملين بالدوائر المحلية بنسبة 70 % من الراتب الأساسي
اعتبارا من أول يناير/كانون الثاني 2008.

وتشير توقعات إلى أن الإمارات الأخرى ستبادر
كذلك بزيادة رواتب موظفيها المحليين، لتتوافق
مع الزيادة التي أقرتها السلطات الاتحادية،
ولمواجهة غلاء الأسعار الذي يضرب بقوة في
الأسواق الإماراتية، مع تخوف من قبل المواطنين
والمقيمين من أن تستنزف هذه الموجة من
الغلاء، الزيادة في الأجور، وعدم القدرة على كبح
جماح التضخم، بحسب تقرير للصحفي سلمان
الدوسري نشرته جريدة "الشرق الأوسط"
اللندنية اليوم الخميس.

--------------****************---------------------

تكاليف المعيشة ترتفع 24 %

وكانت دراسة اقتصادية قد أشارت إلى أن تكاليف
المعيشة في مجلس التعاون الخليجي قد
ارتفعت خلال عام واحد إلى 24%، كما أنه نتج عن
الزيادات المتلاحقة في تكاليف المعيشة التي
استنفدت زيادات الأجور حدوث فجوة عميقة بين
الإحساس بحجم الزيادات المستحقة في الأجور
والتوقعات الفعلية للزيادة مما أدى إلى زيادة
الشعور العام لدى الموظفين بعدم الرضا بظروف
عملهم الحالية. وفي هذا الصدد، انتشرت في
الأوساط الإماراتية وعلى نطاق واسع دعوات
ورسائل محمول تدعو إلى مقاطعة جمعيات
تعاونية ومحلات هايبر ماركت كبرى ومحطات بيع
الوقود، وذلك "نحو وقفة جماعية ضد الغلاء"
وفقا لهذه الرسائل

المصدر
الاسواق العربيه

السموحه اذا كان مو مكانه

تحيااااااااااااااتي

يااشيخ هذا البلد مو عندنا تخلف لا زيادة روااتب ولا شي لا وزياادة الاسعاار نااار شي يقهر >_<

اقتباس:

---

يااشيخ هذا البلد مو عندنا تخلف لا زيادة روااتب ولا شي لا وزياادة الاسعاار نااار شي يقهر >_<

---

ونعم في الاماارات .... بس ترا حكومتنا ما تقصر


وسمعت انها راح تكون فيه زياده قريبا ^^


بس الين الحين ما تأكد الخبر




شكرا للمرور



تحيااااااااااااااااتي

على فكرة الزيادة الأخيرة كانت للوزارات والهيئات الاتحادية ... يعني الموظفين بالهيئات الحكومية مالهم زيادة بالرواتب !!

وبعدين يا جماعة موظفين الهيئات الاتحادية اللي زادوهم من فترة من الله رواتبهم طايحة يعني قليلة ... يعني حتى لو زادوها مو ذيك الزياااادة اللي تساعد مقابل زيادة الأسعار...!!

بالنسبة للخبر هذا خاص بإمارة عجمان أقصد الهيئات التابعة لهالإمارة يعني مالهم دخل بباقي الإمارات ...
بالنسبة للموظفين التابعين لأبوظبي أعتقد والله أعلم زادوهم من فترة قبل الزيادة لموظفي الحكومة الاتحادية ...

الزبدة ....
إن الرواتب تزيد من هنا والأسعار تزيد من هناك ...

و كنك يا بو زيد ما غزيت ...

وشكراً

السلامة عليكم ورحمة الله وبركاته
صحيح زادو الرواتب و الزيادة الأخيرة كانت للوزارات والهيئات الاتحادية
مثل ماقالت الأخت shjoonal3in
لكن التجار والمستوردين مايعرفون هالشيء
كل خبر ينزل عن زيادة يعني عندهم رفع الاسعار في كل متتطلبات المعيشة
من الايجارات حتى رغيف الخبز
وتطيح في راسنا آخر الشئ
الشكوى لغير الله مذلة
تحياتي
..........
,,

اقتباس:

---

على فكرة الزيادة الأخيرة كانت للوزارات والهيئات الاتحادية ... يعني الموظفين بالهيئات الحكومية مالهم زيادة بالرواتب !!

وبعدين يا جماعة موظفين الهيئات الاتحادية اللي زادوهم من فترة من الله رواتبهم طايحة يعني قليلة ... يعني حتى لو زادوها مو ذيك الزياااادة اللي تساعد مقابل زيادة الأسعار...!!

بالنسبة للخبر هذا خاص بإمارة عجمان أقصد الهيئات التابعة لهالإمارة يعني مالهم دخل بباقي الإمارات ...
بالنسبة للموظفين التابعين لأبوظبي أعتقد والله أعلم زادوهم من فترة قبل الزيادة لموظفي الحكومة الاتحادية ...
الزبدة ....
إن الرواتب تزيد من هنا والأسعار تزيد من هناك ...

و كنك يا بو زيد ما غزيت ...

وشكراً

---

انتم اخبر ^^

بس على حسب اللي قريته هم بدو بالزياده في عجمان .... والمفروض بعدها تبدا الزياده في الامارات الباقيه
ولو على كلامك ان رواتبهم ضعيفه .... كويس انهم زادوهم ... مع اني متأكد لما تكون فيه زياده
راح ترتفع الاسعار اكثر

يعني زي ما قلتي
كنك يا بو زيد ما غزيت ...




حياك شجون


تحياااااااااااتي

وعليكم السلااام ورحمه الله وبركاته

اقتباس:

---

صحيح زادو الرواتب و الزيادة الأخيرة كانت للوزارات والهيئات الاتحادية
مثل ماقالت الأخت shjoonal3in
لكن التجار والمستوردين مايعرفون هالشيء
كل خبر ينزل عن زيادة يعني عندهم رفع الاسعار في كل متتطلبات المعيشة
من الايجارات حتى رغيف الخبز
وتطيح في راسنا آخر الشئ
الشكوى لغير الله مذلة

---

من جد الله يعن على هالارتفاع ><"

عاد هذي الارتفاعات الحكومه لازم تشوف لها حل

وتدري قريت امس على ما اذكر في الجريده ان زياده الاسعار مو من التجار ومالهم ذنب !!

اجل من اللي له ذنب ><"


شكرا على مرورك اخوي


تحيااااااااااااااتي

اقتباس:

---

المشاركة الأصلية كتبت بواسطة أنــفــاسـ

انتم اخبر ^^

بس على حسب اللي قريته هم بدو بالزياده في عجمان .... والمفروض بعدها تبدا الزياده في الامارات الباقيه
ولو على كلامك ان رواتبهم ضعيفه .... كويس انهم زادوهم ... مع اني متأكد لما تكون فيه زياده
راح ترتفع الاسعار اكثر

يعني زي ما قلتي
كنك يا بو زيد ما غزيت ...
حياك شجون
تحياااااااااااتي

---

من قال إن عجمان اللي بدت ... بوظبي ودبي قبلها و يجون بالمقدمة لأن رواتبهم عالية بالمقارنة مع الباقيين... طبعاً على حسب وظيفتك وبالتالي على حسب انت تابع لأي وزارة أو أي هيئة !
يعني مثلاً لو شخصين نفس الوظيفة ...
راتب اللي فبوظبي غير ( أكثر ) عن راتب اللي في أم القيوين!

اقتباس:

---

ولو على كلامك ان رواتبهم ضعيفه .... كويس انهم زادوهم ...

---

تكفى !! أقول حتى لو زادوا 70% تخيل إذا الراتب أصلاً قليل طبيعي الزيادة راح تكون قليييلة ... لا تغرك 70 على أنها وااايد ...
لما تجي تقارن راتب واحد بالاتحادي بعد الزيادة حتى مع راتب واحد بوظيفة حكومية فبوظبي مثلاً فرررق شاسع ...
واثنينتهم يواجهون نفس غلاء الأسعار !!
الله المستعان ...

اقتباس:

---

المشاركة الأصلية كتبت بواسطة أنــفــاسـ

وسمعت انها راح تكون فيه زياده قريبا ^^

---

كثر خيرهم الحكومة..مانبي زيادة ولاشىء


كل اللي نبيه..


تنظيم للاسعار....مهوب كل واحد يحط السعر اللي يبيه..


عقوبات قوية على من يزيد السعر بدون أي داعي


قوانين صارمة من الجهة المخولة بحماية المستهلك..


حبيت أسأل..هل هناك وزارة أو هيئة تسمى حماية المستهلك..؟



شكرا لك...,

اقتباس:

---

حبيت أسأل..هل هناك وزارة أو هيئة تسمى حماية المستهلك..؟

---

نعم يوجد ..

فرحانين يتربصون للي في البطحاء بالرياض و ياخذون بضايعهم ~_~ ..

الله يكون في عون الأماراتيين سمعت انه حتى الخبز غالي عندكم !! ..

الله يستر ما يصير هالشي عندنا < ما اقدر اعيش بدون خبز خخخخ :p

بالسعودية راح يزيدون 30% قريب :o ..

و مشكور عالخبر .. اتوقع مكانه في قسم الأخبار العامه ^^" ..

اقتباس:

---

المشاركة الأصلية كتبت بواسطة Word Life

فرحانين يتربصون للي في البطحاء بالرياض و ياخذون بضايعهم ~_~ ..

---

قصدك أن المهايطة تكون على الضعيفين راعين البسطات..


وأما التجار أصحاب الكروش والقروش..-لاأرى..لاأسمع..لاأتكلم-


أظن أني فهمت وش تقصد...


شكرا لك....,

اقتباس:

---

المشاركة الأصلية كتبت بواسطة بليجرو

قصدك أن المهايطة تكون على الضعيفين راعين البسطات..


وأما التجار أصحاب الكروش والقروش..-لاأرى..لاأسمع..لاأتكلم-


أظن أني فهمت وش تقصد...


شكرا لك....,

---

~_^ ..

و من هنا "من الضغوف" و هناك" الكروش" يطلعون فلوسهم ..

بالرشاوي و السرقات ..

الزيادات اول شي كانت لموظفين البلديه ... وكانت بنسبة 100 % .... قبل فتره تم زيادة موظفين وزارة الدفاع ... والداخليه ( الشرطه والقوات المسلحه ) بنسبة 70% .... وأبتداء من شهر 1 بيتم زياادة كل الدواائر الحكوميه ....بنسبة 70% .... وبالنسبه لزياادة الأسعاار فحتى هذي اللحظه الزيااده مب بالشي الكبير يعني .... يعني بالنسبه لـلـ خبز مازادو عليه غير نص درهم على ماظن !! ومااظن ان النص درهم يأثر ... وحتى لو زاادو أسعار المستهلك فمااظن انها بتكون غاليه جدا .... بس اهم شي مايزيدون سعر البترول XD
وعلى فكره الفلوس هذي بتنفعك اذا سافرت للخاارج ...وخاصه اذا سافرت لدوله عملتها اضعف من عملتنا (&)
وبخصوص اماراة عجماان ... فـ بو ظبي و دبي زادو قبلها .. ^^

والحمد الله على كل حاال ... والله يخلي شيوخنا وحكومتنا ^^

اقتباس:

---

بالنسبه لـلـ خبز مازادو عليه غير نص درهم على ماظن !!

---

بذمتك ! أنا مو متأكدة من المعلومة
بس كلام أبوي من يومين على أن الخبز مدبلين سعره عن قبل ...
بعدين هم يزيدونها حبه حبه ... أول زادوا نص والحين زادوا نص...
فكأن السعر اتدبل ... !!

اقتباس:

---

ومااظن ان النص درهم يأثر ... وحتى لو زاادو أسعار المستهلك فمااظن انها بتكون غاليه جدا

---

وين ما يأثر الله يهديك ...
يوم تدخل الجمعية وتترس ذاك القاري.... ذيك الساعة تشوف تأثير النص والدرهم ...!!
وبعدين ياليته صدق نص درهم على قولتك ... فيه بضايع يزيدونها خمس دراهم مرة وحدة !
وبعد ها كله ما تبى يأثر ...!!
وكل شي يغلونه و يردّونه عالبترول ... ليش تغلون ... يقولون البترول غالي..!

وبعدين البترول مب جنه زادوه وخلصوا XD

الله يهنيكم تستاهلون يا شعب الامارات ^^ ..

احنا ان شاء الله بزيدون الرواتب 400% >> اي هين XD ..

احنا طلع خبر انه بزيدون الرواتب قاموا التجار والشركات بزيادة اسعار السلع ..

الله كريم والفال لكل الدول ^^ ..