تجربتي بالصور للعبة Aion المنافسة القادمة لـwow (مثقل بالصور)

السلام عليكم
حسب طلب اخونا Samo سويت الموضوع هذا للي وده ياخذ فكره عن اللعبه الجديده Aion

سمعنا كثير يتكلمون عن أنه لا توجد لعبه منافسه حقيقه للعبة wow وأنه كثير ألعاب نزلت قالوا انها بتكون قاتلة wow ولكنها جميعا فشلت في سحب البساط من شركة بليزراد

لكن الحين اقدر اقول بكل ثقه انه بليزارد لازم تخاف من هاللعبه الرائعة Aion

في البدايه انا من عشاق wow ولي اكثر من سنه العبها ومرت العاب كثيره ولا فكرت اغير عن wow ولكن سياسية الشركة التعفسيه وغرورها وتخريب اللعبه من باتش إلى باتش خلاني افكر جديا في البحث عن لعبه اخرى تكون بمتعة wow بس بعيد عن عقلية الشركة المتخلفه
وإلى هنا وبعد سماعي عن اللعبه وقرائتي لمواضيع عنها قررت اني اجربها واشوف الوضع فيها

صراحه من بداية اللعب ما كنت مرتاح وكنت اقول ياشيخ هاللعبه ما تنافس wow وين الهورد ووين ووين ولكن قلت خلني اطول في اللعبه والفل لأنه اذكر بداياتي في wow نفس الشئ بدايه ممله ولكن بعدها استمتاع وادمان :D

اللعبه تنقسم إلى ريزين
Elyos مثل Alliance في wow
Asmodians مثل Horde

الاليوس شعب النور المتغطرس والمتكبر
الاسموديان شعب الظلام المقهور والغاضب

الاختلاف بين الشعبين انه الاسموديان ايديهم وارجلهم زي المخالب واجنحتهم سوداء بعكس الاليوس البيضاء وكذلك الملامح والاشكال في التصميم مختلفه حيث تميل بعض الملامح للوحشيه والعنف في الاسموديان :أفكر: (يوجد شكل شيطاني بالمره خخخخخخخ)

التحكم في عمل اللمسات لصوره الشخصية متاح بشكل كبير بحيث انه صعب جدا تلقى شخصيتين متشابهتين في اللعبه:) فيديو هنا يوضح ذلك

حتى الجير لأحد الريزين يختلف عن الجير في الطرف الآخر بمعنى المجالدين في Elyos جيرهم شكل ثاني عن المجالدين في Asmodian وراح يتضح في الصور القادمه إن شاء الله
اللعبه فيها مهن وانشانت ولكن بطرق مختلفه عن wow ويبيلها تعود

الاكشن هاوس في اللعبه شئ مختلف بالمره :D
اذا عندك بضاعه تبي تبيعها فيه حاجه اسمها privet Store تحط الايتم اللي تبي تبيعه بالسعر اللي عاجبك ولما تجي تبيع وقت لما تبي تطلع من اللعبه او تكون AFK في هذه النقطه ما ني متأكد بحكم اني توني جديد ، تقلب شخصيتك زي البياعين في الحراج خخخخخخخ تكون جالس وتنادي على البضاعه ويكون فيه زي الرايه وراك توضح انك تبي تبيع وتقدر تحط الكلام اللي تبيه تقوله للمشترين يوضح وش اللي عندك واللاعبين يجونك يشوفون وش عندك بس لسه مادري اذا فيه اكشن هاوس مكان معين للبيع والشراء ام لا وكله ان شاء الله نكتشفه مستقبلا

والشات في اللعبه متطور جدا وممتاز

اللعبه جرافيكها عالي وتحتاج لجهاز محترم عشان تشوف كل ابداعات الجرافيك او تشغلها على حسب قدرة جهازك

الكلاسات في اللعبه تبتدي مفتوحه إلين لفل 9 وبعدها تتخصص والمهمات تنقسم نوعين مهمات عاديه ومهمات خاصه بكلاسك وهذه مهمه جدا ولازم تسويها بدون ما تفوت ولا كويست لأنها ترفع من السكلز الخاص بالكلاس وطبعا فيه مدرب كلاس تشتري من عنده التطوير لقدرات لاعبك وطبعا التلفليل لكل ريز في منطقته ما يتعدى و لايشوف الريز الثاني الا في المنطقه المشتركة اللي هي Apyss اللي هي منطقه تطيح منها الجيرات الايبك بالاضافه لانها منطقة Pvp وفيها حاجات كثيره ما عرفها حاليا لأني ما وصلتها ولأنك ما تقدر تخشها إلا على لفل 20

شرح طريقة الكلاسات

Warrior -1 إلين لفل 9 وبعدها يتخصص ياتكون Gladiator-DPS أو Templar- Tank
Scout -2إلين لفل 9 وبعدها يا Assassin أو Ranger الرانجر هنا هنتر
3- Mage إلين لفل 9 وبعدها يا Sorcerer زي الميج أو Spiritmaster زي الوارلوك
4- Priest إلين لفل 9 وبعدها يا Chanter زي البريست Disp أو Cleric زي الهولي بريست

مع ملاحظه انه الكلاس الوحيد اللي يتنك هو Templar والكلاس الوحيد اللي يهيل هو Preist سواء كان Chanter أو Cleric لكن الأول اضعف في الهيل بحكم انه Dps في الأساس

جربت deul مع لاعبين ثاني وانواع الحماس والإثارة
من جد افضل بكثير من wow
لازم سرعه وفن ومهارة وطبعا انهزمت فيها خخخخ بسبب اللخبطه بس ما يمنع اني اتفننت شوي :D

من عيوب اللعبه انك ماتقدر تسبح :D بس قريت انه في باتشات قادمه يمكن يعدلون الشئ هذا بس ما همني صراحه يكفي انه يطير بجناحه من لفل 10 :biggthump:biggthump بس مدة الطيران محدده وتقدر بالبوتشنات تزيد هالمده والشئ العجيب اني مالاحظت ولا bugs في اللعبه على الرغم من انها بيتا وهذا شئ يحسب لهم بصراحه على عكس wow في كل حته bugs :D:D:D:D

بعد المقدمه الطويله نجي للصور واعتذر مقدما في حالة القصور وعدم التوضيح اكثر بخصوص الانستانس والرايدات في اللعبه لأنه الفترة قصيره واللعب في البيتا مو الرسميه


صورة البداية Login
نفس الصوره أدناه ولكن Animation يعني فيها شلالات وحركات :p

بعد الدخول واختيار السرفر تجي لك الصفحه اللي تختار منها الريز
http://up4.m5zn.com/9bjndthcm6y53q1w.../wl366pf5b.jpg


صفحة الدخول لإختيار الكلاس من Elyos
http://up4.m5zn.com/9bjndthcm6y53q1w.../25rwp1qiz.jpg
http://up4.m5zn.com/9bjndthcm6y53q1w.../h2qfpilge.jpg

صفحة الدخول لإختيار الكلاس من Asmodian علما بانه الشكل اللي تشوفونه للكلاسات هي الجيرات الايبك وزي ما تلاحظون اختلاف الجير بين الريزين

http://up4.m5zn.com/9bjndthcm6y53q1w.../3k5oecciq.jpghttp://up4.m5zn.com/9bjndthcm6y53q1w.../5htn67vth.jpg


الحين نبتدي الدخول في العمق :p

صور شخصيتي Warrior lvl 6
لاحظوا كيف التفصايل وجودة الجرافيك

http://up4.m5zn.com/9bjndthcm6y53q1w.../c8p356mmv.jpghttp://up4.m5zn.com/9bjndthcm6y53q1w.../kj4pacacc.jpg


http://up4.m5zn.com/9bjndthcm6y53q1w.../te1p7268q.jpg


بعض المناظر من بداية اللعب والتلفيل

http://up4.m5zn.com/9bjndthcm6y53q1w.../sq1no5dsi.jpghttp://up4.m5zn.com/9bjndthcm6y53q1w.../9t7chyouf.jpg


http://up4.m5zn.com/9bjndthcm6y53q1w.../gow786cs6.jpghttp://up4.m5zn.com/9bjndthcm6y53q1w.../gacelzflj.jpg


http://up4.m5zn.com/9bjndthcm6y53q1w.../85c8rsu6x.jpg


http://up4.m5zn.com/9bjndthcm6y53q1w.../j8yih4vuu.jpg


http://up4.m5zn.com/9bjndthcm6y53q1w.../u9bpudsxw.jpg


أحد الوحوش اللي بتقابلها في اللعبه :D

http://up4.m5zn.com/9bjndthcm6y53q1w.../8jtfkhl6k.jpg


الفلاير من منطقة إلى أخرى وصدقوني اسرع بمليون مره من حق wow وفيه تلبورت ايضا للتنقل بين المناطق الكبيره بين الجزر اللي تفصلها المساحات المائية

http://up4.m5zn.com/9bjndthcm6y53q1w.../vzz8oj79w.jpg


http://up4.m5zn.com/9bjndthcm6y53q1w.../5owymt5jo.jpg


صور مدينة Pandaemonium الكبيره والمقر الرئيسي للـ Asmodian اللي لكبرها حاطين تلبورت داخلي :biggthump وهي مثل مدينة Orgrimmar الطيبة الذكر للهورد

http://up4.m5zn.com/9bjndthcm6y53q1w.../0firx0t5h.jpg


http://up4.m5zn.com/9bjndthcm6y53q1w.../oc2d470m2.jpg




http://up4.m5zn.com/9bjndthcm6y53q1w.../xriz4wlke.jpg


http://up4.m5zn.com/9bjndthcm6y53q1w.../vnt9eaubn.jpg


http://up4.m5zn.com/9bjndthcm6y53q1w.../ipcz6of1e.jpg



في النهاية اتمنى الموضوع يلقى استحسانكم


تحياتي

http://up4.m5zn.com/images-2009-8-2-...aus8p6.jpg-jpg

ما شاء الله تبااارك الله على موضوووعك خياااااااااااااااالي والله وبقوووه

اقدر لك جهودك وتعبك على الموضوووع :biggthump

اقتباس:

---

المشاركة الأصلية كتبت بواسطة Warchif

Warrior -1 إلين لفل 9 وبعدها يتخصص ياتكون Gladiator-DPS أو Templar- Tank
Scout -2إلين لفل 9 وبعدها يا Assassin أو Ranger الرانجر هنا هنتر
3- Mage إلين لفل 9 وبعدها يا Sorcerer زي الميج أو Spiritmaster زي الوارلوك
4- Priest إلين لفل 9 وبعدها يا Chanter زي البريست Disp أو Cleric زي الهولي بريست

http://up4.m5zn.com/images-2009-8-2-...aus8p6.jpg-jpg

---

انا حبيت اسألك عن هذي النقطه اذا ما عليك امر

اذا مثلا اخترت Mage spiritmaster اقدر اغيره لـ Sorcerer او لا خلاااص ابقى على زي ما انا عليه ..؟

اتمنى الاجااابة ومشكووور على المووضوووع الجبااار مره 2 وان شاء الله بجرب اللعبة قرريب :) :biggthump:biggthump

مع ليش اخوي بس ممكن تعطينا رابط اللعبة + كم حجمها ؟؟

واسف على الاطاله :)

وكم اخر لفل فيها ؟؟

اقتباس:

---

المشاركة الأصلية كتبت بواسطة mage4ever

ما شاء الله تبااارك الله على موضوووعك خياااااااااااااااالي والله وبقوووه

اقدر لك جهودك وتعبك على الموضوووع :biggthump



انا حبيت اسألك عن هذي النقطه اذا ما عليك امر

اذا مثلا اخترت Mage spiritmaster اقدر اغيره لـ Sorcerer او لا خلاااص ابقى على زي ما انا عليه ..؟

اتمنى الاجااابة ومشكووور على المووضوووع الجبااار مره 2 وان شاء الله بجرب اللعبة قرريب :) :biggthump:biggthump

---

مرحبا اخوي ومقدر لك ردك الكريم

بالنسبة لسؤالك لا ما تقدر إذا تخصصت في كلاس خلاص تبقى عليه
بس الحلو انه ما عجبك تقدر ترجع تلفل ثاني وكلها 9 لفلات وانت مغير :)

بالنسبه لسؤالك الثاني
أنا حملت اللعبه عن طريق الاستيم ولازم فيها اوردر عشان تحملها ويعطونك السريال وفيه طريقه تحميل اللعبه اللي حجمها 5,250 جيجا وتاخذ سريال تجريبي بس المشكله انه البيتا راح تتقفل بكره وتفتح مره ثانيه في اخر الشهر
وراح تنزل رسمي بنهاية رمضان تقريبا يعني بتاريخ 25 سبتمبر

شوف هذا الموقع فيه روابط تحميل اللعبه والباتشات تبعها بس طريقة الحصول على السريال التجريبي اظن من موقعهم الرسمي ماعرف بالضبط لاني زي ماقلت لك مسوي لها اوردر يعني شاريها :)

الموقع


نسيت اقولك اخر لفل فيها بحسب ما شفت هو 50

تشكر على هذا الموضوع الجبار
وانا قررت اترك واو عند صدور هذا اللعبة وراح اكون باذن الله بريست Chanter لأن شجرة الديسبلن تمشي بعروقي لول

وراح اكون الالينس عفواً Elyos ^^

اخوي مشكور على الموضوع الرائع بس حبيت اعرف كيف احمل العبه

وهل هيه مجانيه ولا كل شهر تدفع لهم وليـــن كم التلفيل فيها

اقتباس:

---

المشاركة الأصلية كتبت بواسطة a7lamajro7

اخوي مشكور على الموضوع الرائع بس حبيت اعرف كيف احمل العبه

وهل هيه مجانيه ولا كل شهر تدفع لهم وليـــن كم التلفيل فيها

---

حياك

التحميل في ردي على اخونا mage4ever

لا طبعا اللعبه تدفع رسوم شهريه بس الحلو انها بالساعات يعني مثلا تدفع حق 240 ساعه تبقى هي 240 ساعه لو ما لعبتها شهر شهرين او اكثر هي ساعاتك محفوظه إلين ترجع وتكمل لعبك
على عكس نظام بعض الالعاب الثانيه
والتلفيل إلين 50

اقتباس:

---

المشاركة الأصلية كتبت بواسطة SR388

تشكر على هذا الموضوع الجبار
وانا قررت اترك واو عند صدور هذا اللعبة وراح اكون باذن الله بريست Chanter لأن شجرة الديسبلن تمشي بعروقي لول

وراح اكون الالينس عفواً Elyos ^^

---

هلا اخوي وحياك على مرورك
مفوت ردك معليش

انا قريت انه البريست كلاس صعب تهزمه في اللعبه :D

فييه صوره رهيبه بس حافظها عندي تقريبا هي الي حمستني على العبه
وعلى فكره الMobs هناك يفتحون النفس مهب زي wow ...

ممكن سؤال ...؟

سمعت عن الاشتراك انه لازم كاش يو و جيم كارد ...

طيب الي ماعنده يروح جرير يشتريها خخ او اي محل ثاني ..؟
+
هل العبه لها اجزاء ؟ قدييمه زي واو 60 -70 -80 ؟
+
هل لها جزء قدييم للعبه ؟....ولا هذا اول جزء ترا هذا السؤال مع الي فوقه ...

+
ماتشووف ان الكلاسات شويه يعني فييها اشيا راح يضيفونها ؟او زياده

وانا عندي التحميل حقها بس خايف تكون قديمه او انها تجريب لاني خلص الباتش الاول باقي الثاني وطوووول معي ...
+
همممممممممم
احس اني اقلقتك صح ؟

مكشور اخوي على الأفاده بس يارييت تقولى كم شي زياده إذا مافى كلافه

الحيــن هي فيها سيرفر واحد ولا سيرفرات نفس واو وإذا فيها ياريت تقول انت في اي سيرفر

وإذا ممكن هل متوفره العبه تجريبيه يعنى بدون فلوس

اقتباس:

---

المشاركة الأصلية كتبت بواسطة Sobared

فييه صوره رهيبه بس حافظها عندي تقريبا هي الي حمستني على العبه
وعلى فكره الMobs هناك يفتحون النفس مهب زي wow ...

ممكن سؤال ...؟

سمعت عن الاشتراك انه لازم كاش يو و جيم كارد ...

طيب الي ماعنده يروح جرير يشتريها خخ او اي محل ثاني ..؟
+
هل العبه لها اجزاء ؟ قدييمه زي واو 60 -70 -80 ؟
+
هل لها جزء قدييم للعبه ؟....ولا هذا اول جزء ترا هذا السؤال مع الي فوقه ...

+
ماتشووف ان الكلاسات شويه يعني فييها اشيا راح يضيفونها ؟او زياده

وانا عندي التحميل حقها بس خايف تكون قديمه او انها تجريب لاني خلص الباتش الاول باقي الثاني وطوووول معي ...
+
همممممممممم
احس اني اقلقتك صح ؟

---

لا عادي اخوي خذ راحتك ;)

بالنسبة للعبه وتجديد الاشتراك تراها موجودة حاليا على مواقع بيع مشهوره زي Offgamers يعني مافيه مشكله من الناحية هذه وإذا انت تشتري من اوفجيمرز بالكاش او الفيزا او الباي بال كله متوفر بدون مشاكل واتوقع اول ماتنزل رسميا وتشتهر بتحصلها تنباع في جرير والنسر
يعني حمل اللعبه من اي موقع واشتري السريال من اوف جيمرز والتجديد كذلك
مافيه اي إشكال;)
*************
اللعبه مالها اجزاء يعني هذا زي ماتقول الكلاسيك الحالي بس ينزل لها باتشات تطوير زي واو

*************
بالنسبة للكلاسات انا قريت انه مستقبلا ممكن تنزل كلاسات جديده بس خلها اول تثبت رجلها بالسوق :D
بس صراحه انا اشوف الكلاسات كفايه يعني لغاية الحين 6 كلاسات
حتى في واو انا مالفلت غير 3 كلاسات 80 من اصل كم كلاسات كثيره
بس مشكلة واو انه اغلب الكلاسات مشتركه في خصائص كثيره مع كلاسات ثانيه زي الهيلرات فيه 3 انواع والتانك فيه 3 انواع فا يسبب الشئ هذا مشكله بالنسبه للعيبه زي ما حصل للدرويد تانك

**************

بالنسبه للتحميل لا تخاف هي اصداره وحده فقط وباقي بس تحمل الباتشات حقها
طبعا حجم التحميل الاساسي 5,250 جيجا
انا حملتها مع الباتشات وصلت 8 جيجا من الاستيم :D

اقتباس:

---

المشاركة الأصلية كتبت بواسطة a7lamajro7

مكشور اخوي على الأفاده بس يارييت تقولى كم شي زياده إذا مافى كلافه

الحيــن هي فيها سيرفر واحد ولا سيرفرات نفس واو وإذا فيها ياريت تقول انت في اي سيرفر

وإذا ممكن هل متوفره العبه تجريبيه يعنى بدون فلوس

---

لا طبعا فيها أكثر من سرفر حالها حال الالعاب الثانيه بس يقولون انه كل سرفر متوازن مايخلون ريز يطغى على ريز

بالنسبه للتجريبه هي بكل بساطه تقدر تحمل اللعبه ولما تركبها بيطلب السريال
انا بشوف الشباب اذا فيه سريالات تجريبيه وكيفية الحصول عليها وان شاء الله يعطوني خبر وافيدك بإذن الله

اسم المنتدى warcraft في قسم ثاني اسمه العاب الاونلاين هناك تحط الموضوع
لحد الان مافي منافس حقيقي لWoW والللعبة اللي بتنافسها هي next MMORPG من Blizzard

والله شكلها خياااال من الصور والشرح :D
بس مشكلتها التحميييل :(
بحاول أنزلها وأجربها !

مشكور على الرد السرعي بس حبيت اسال ...
جهازي يحفر على شان واو وفييه تقطييع في امكنه فييها زحمه
تتوقع جهازي يقدر يتحمل ؟...ولا اقويه ؟

تسلم أخوي على الموضوع ..

بس صرآحة مآ أعجبني في اللعبة الا الرسم والجرافيك بس ..
مشكلة واو الجرافيك .. اذا كان رسم حلو وآضح تنفتح نفسك تلعب ..

لكن مآ آظن آني بجربهآ الا اذا اثبتت نفسهآ ..

ويعطيك العافية مرره ثانية ..

اقتباس:

---

اسم المنتدى warcraft في قسم ثاني اسمه العاب الاونلاين هناك تحط الموضوع
لحد الان مافي منافس حقيقي لWoW والللعبة اللي بتنافسها هي next MMORPG من Blizzard

---

مآ يضر اذا كان شيء له صلة فواو .. هذي مقارنه .. <<
وللحين محد يدري يتلحق وارهامر ولا بتخلص على واو .. :D