الفرق بين التنشيف و التخسيس
بسم الله الرحمن الرحيم
السلام عليكم ورحمة الله وبركاته
مساء الخير على الجميع
مثل الكثير كنت من مدمنين المصارعه وطبعا حبي للمصارعه هو
السبب الرئيسي لحبي للعبة كمال الاجسام
انك تشوف جسم المحارب او هوقن في ذيك الفترة وقوتهم شي طبيعي
انك تتمنى تصير مثلهم
يوم جيت العب حديد في ذيك الفترة كان الحديد مثل الموضه
كان عمري صغير 17 سنه تقريبا
بديت العب انا وفي كثير لعبوا وعمرهم مثل عمري
هم في نادي وانا في نادي ثاني
وكلنا ماناخذ مكملات ولا نمشي على برنامج غذائي محدد
يوم التقيت معهم بعد فتره
هم اجسامهم صارت ضخمة اذا شفتهم تعرف انهم يلعبون حديد
لكن اجسامهم شكلها غريب عريضه زياده عن اللزوم
انا اذا لبست بدلة تعرف اني العب حديد او تتوقع
لكن جسمي موب منفوخ
تتوقعون وش السبب ...؟؟
...................
شخصين واحد طوله 170 ووزنه 70 لنفرض اسمه محمد
والثاني طوله 170 ووزنه 90 لنفرض اسمه خالد
الاثنين يحبون الحديد
ويبون يلعبون حديد بس المشكلة
مايعرفون البداية من وين
بدوا يقرون عن الحديد
وعرفوا ان في شي اسمه تضخيم وفي شي اسمه تنشيف
محمد قال انا ببدا تضخيم وانت تنشيف
سجلوا في نادي
المدرب قال لمحمد انت لازم تبدأ تضخيم تبني عضل وبعدين تنشف
لكن انت ياخالد ماتقدر تضخم لأن عندك زيادة 20 كيلو تقريبا
بعد التضخيم يمكن تزيد 10 كيلو فوق وزنك صح انك
بتحرق دهون لكن راح تتعب في التنشيف
والحل الامثل انك تدخل تخسيس
قاله طيب وش الفرق بين التخسيس والتنشيف
قال ياطويل العمر
التنشيف يكون لواحد عنده عضل بس مغطى بطبقه خفيفه
من الدهون
فهو اللي يسويه انه يدخل برنامج قاسي علشان يحرق الدهون
اللي مغطي العضله واذا حرق الدهون بانت العضله
لكن واحد مثلك عنده كمية دهون مهيب بسيطه
ولا عنده عضل لازم يدخل تخسيس اول
وينزل وزنه طبعا التخسيس
هو انك تلتزم بنظام غذائي وتتمرن بدون اوزان
اعتمادك بعد الله يكون على وزن جسمك
وبعد ماتشيل الدهون
تقدر تلعب حديد علشان تشد الترهلات
...........
لاحظت الكثير يلخبطون بين التنشيف والتخسيس
حبيت اني ابين الاختلاف بطريقه بسيطه
ان شاء الله انها تكون واضحه
واتمنى انكم تعذروني على قلة
وجودي والسبب الاختبارات
الله يوفقنا فيها
رد: الفرق بين التنشيف و التخسيس
العنوان هذا شغلكم وانتم ابخص به
المهم ان الهدف يوصل
انا معكم بجميع الحالات
في بداية الموضوع
ذكرت المحارب
المحارب قطع المصارعه لأكثر من 10 سنين
وقرر انه يلعب مباراة في 2008
ورجع يتمرن للمعلومية المحارب انولد في June 16, 1957
هذا مقطع له يوم كان يتمرن لاحظوا عضلاته
http://www.dailymotion.com/video/x5q...n-the-sh_sport
رد: الفرق بين التنشيف و التخسيس
اقتباس:
المشاركة الأصلية كتبت بواسطة alakrab
العنوان هذا شغلكم وانتم ابخص به
المهم ان الهدف يوصل
انا معكم بجميع الحالات
اخوي العقرب ياليت تفهمني كلمة هذا شغلكم انتم ابخص به @@ استغرب هالرد منك والله العظيم اما انك مستعجل ولا انتبهت لردك !! او انك منت العقرب اللي نعرفه ؟
نحن ما نشتغل عند احد الله لا يهينك !! يعني لو تبيني ارد عليك واقولك شف شغلك مره ثانية ولا تكتب عناوين بهالطريقه ؟؟ يعجبك هالرد ؟
لالا والله عيب عليك هالاسلوب وانتظر رد منك للتوضيح لاني بعرف اللي اكلمه منو وليش هالطريقه بالكلام ؟
رد: الفرق بين التنشيف و التخسيس
مشكلة اللي يفتح منتديين بمتصفح واحد
انتم هنا شغلكم رسمي والمنتدى الثاني ماخذين الموضوع سهاله
ولا فيه تدقيق
انا ماكان قصدي اهانه بالعكس الهدف من ردي انكم ادرى مني
لكن الله يصلحك اخذت الموضوع بعصبيه
لو تلاحظ بردودي القليله ما احب اخذ الامور برسميه وهذا تصرفي بحياتي
حنا اخوان ماتوقعت ان احد يفهمني غلط
عموما اذا انتم تشوفوني مخطي انا اعتذر والرد لكم ويحق لكم تحررونه
...............
منتدى عدد المتواجدين فيه حاليا
المتواجدون حالياً: 1111 (عدد الاعضاء » 474 و عدد الزوار » 637)
مانيب قايل اسمه علشان مايصير دعايه
ويوم قلت المنتدى الثاني قلتها وانا صادق فيها
كنت ارد هناك وارد هنا
علشان لا يفهم قصدي غلط
كل منتدى وله قوانينه وله نظامه
777
77
7
رد: الفرق بين التنشيف و التخسيس
تسلم يالغالي على توضيح الفارق والي الكثير يجهل هذي الامور
بارك الله فيك
اقتباس:
حنا اخوان ماتوقعت ان احد يفهمني غلط
احنا اخوان يالغالي ولكن اسلوبك صراحة اكيد بيكون جارح للادارة .....
منتدى ثاني ماخذين الامور عادية ؟ انا صاحب 3 منتديات وصراحه ما اتهاون مع قوانين المنتدى عندي لانه هذا الي ينظم المنتدى ويجعله مميز عن غيره ..
رد: الفرق بين التنشيف و التخسيس
على عيني وعلى راسي اخوي العقرب بس هذا مو اي منتدى هذا منتدى المنتدى
والشغل صدقني مو رسمي بس كلامك كان شو قوي" هذا شغلكم "
ولو ان قصدك شي ثاني بس كان المفروض من البدايه تقول " انتو ادرى مني "
ومثل ماقلت نحن بالأول والاخير اخوان عزيزي واعتذارك مقبول اخوي
رد: الفرق بين التنشيف و التخسيس
وحصل خير انا ما اخذت الامور باكثر من حقها صدقني
بخصوص موضوعك ممتاز والفيديو عجيب يعطي امل للي يفقد الامل في حصوله على عضل
لكن لا يخفى على الجميع المحارب كيف كان شكله بالسابق كان مصيبه حتى انه يوم تعارك مع هوقان ما قدر عليه هوقان
ايام والله وذكريات هالمحارب الاخير :)
رد: الفرق بين التنشيف و التخسيس
يعطيك العافيه ووشكراً لانك وضحت الفرق
لان كان عندي لبس ولخبطه بين الفرق
رد: الفرق بين التنشيف و التخسيس
موضوعك رائع ياعسل والفيديو من جد رووعة للمحارب . . .
الف عافية
رد: الفرق بين التنشيف و التخسيس
رد: الفرق بين التنشيف و التخسيس
مشكور أخوي على المعلومة الرائعة ....
رد: الفرق بين التنشيف و التخسيس
اقتباس:
المشاركة الأصلية كتبت بواسطة y1zed
يعطيك العافيه ووشكراً لانك وضحت الفرق
لان كان عندي لبس ولخبطه بين الفرق
العفو
وهذا الهدف
نورت ياباشا
رد: الفرق بين التنشيف و التخسيس
رد: الفرق بين التنشيف و التخسيس
يعطيك العافية على التوضيح
يا ريت توضح لنا ايضا.. هل يوجد اختلاف بالبرنامج الغذائي ما بين من يقوم بالتخسيس ومن يقوم بالتنشيف؟؟ وما الفرق في غذائهم؟؟ يا ريت يكون بشيء من الوضوح والتفصيل