اربعة اسئلة عن استخدام الترو ماس True Mass

اولا اعتذر للمشرفين لاني انزلت موضوع كامل
بس عندي اربع اسئلة ماوضحت بالنسبة لي
وودي يوضحونها لي الاعضاء الله يعافيكم

انا مبتدأ في اللعبة وابي اسمن ولي تقريبا شهرين فيها
طولي 177 وزني 55

ابي اعرف كيف ابدأ في الترو ماس لان ماعندي اي خلفية
ماني فاهم لما تقولون ثلاث سكوبات وش تعني
المنتج قدامي وانا اطالع فيه مو عارف كيف ابدأ

اسئلتي تدور حول طريقة استخدام الترو ماس وهي التالي :

1- وش يعني السكوب كم مقداره بالضبط بالنسبة لي ؟
2- كم مرة اشربه في اليوم
3- كم اعبي الكاس بالماء لما اصبه ؟
4- متى ازيد الجرعات ؟



لقيت مكتوب على العلبة :

Serving Size : 3 Scoops : 145 g
Servings Per Container : 18

وش يعني هذا ؟؟ :)



وياليت تجاوبون الاربع اسئلة الي كتبتها :)

السكوب هو الكاسه الصغير الي تكون داخل المكمل
وتخذ المكمل ثلاث مرات في اليوم واحده قبل ما تنام ووحده بعد ما تصحى والاخيره بعد التمرين على طووووووول
بالنسبه للمويه انا انصحك تكون بالجرعه الي تكون بعد التمرين والجرعات الثانيه حليب احسن والتوقع من 250 مل الى 300 مل
وسؤالك الرابع ااااسف ما اقدر اجاوبك عليه بس التوقع مع تقدمك للعبه على المدى الطويل

ماقصر الوحش بارك الله فيه

وبخصوص السؤال الرابع

حبيبي استخدمه على حسب الموصى به المنتج :)

طريقة استعمال الترو ماس ..... 3 سكوب او ماتصحى الصبح وواحد سكوب قبل التمرين وسكوبين لعد التمرين مباشره ... السكوب راح تلكاه في بطن العلبه ..

اهاااااااا

فهمت الفكرة

لا تنسى انا وزني 55 وطولي 177

بالعرررربي

بالصبح كم سكوب ؟
قبل التمرين كم سكوب ؟
بعد التمرين كم سكوب ؟
قبل النوم كم سكوب ؟

عزيزي كأس واحد بعد التمرين وأخر بعد إستيقاضك وأخر قبل النوم

?????????????????

اخوي تقدر تستخدمه ثلاث مرات باليوم كل مرة سكوب ..

Serving Size : 3 Scoops : 145 g
Servings Per Container : 18

ومعنى هذه انك اذا استخدمت ثلاث سكوبات في اليوم العبوة بتخلص بعد 18 يوم

وبالنسبة لوضعك لو تاخذه مع الحليب يعطيك زيادة وزن افضل من الماء

وعلى حسبة انك تاخذ ثلاث سكوبات باليوم هذا اللي بتستفيده حسب الجدول اللي باليسار مع الماء واللي باليمين مع الحليب
http://www.fitnesskit.com/images/user/supp_truemass.gif

يعني اذا استخدمته مع الماء بتاخذ باليوم 46 جرام بروتين واذا مع الحليب بتاخذ 62 جرام بروتين وباقي المكونات بنفس الطريقة موضحة.
ويفضل انك تاخذ الاسكوبات اللي قبل التمرين مع الحليب والاسكوب اللي قبل النوم تاخذه مع الماء.

وبالتوفيق ان شاء الله ..

الله يعافيكم كلكم

بس انا احترت الحين
ناس تقول ثلاث سكوبات باليوم
وناس تقول ثلاث سكوبات الصبح وسكوب قبل التمرين وسكوب بعد التمرين
وناس تقول الصبح وقبل التمرين وقبل النوم

ابي احد يوضح لي
عشان كذا بحط سؤالي مرة ثانيه وجاوبوني عليه ربي يعافيكم

بالصبح كم سكوب ؟
قبل التمرين كم سكوب ؟
بعد التمرين كم سكوب ؟
قبل النوم كم سكوب ؟

شوف عزيزي

ااذا بتفكر في مسالة بيخلص بسرعه او لا فهذا خطأ

امش على توصية المنتج

3 سكوبات الصباح وبعد التمرين وقبل النوم :)

هذي ارشادات الاستخدام الصحيحة

ما قصر الوحش J.SILVER بارك الله فيه حط لك وصفة المنتج :)

^^

3 سكوبات الصباح وبعد التمرين وقبل النوم (( هل هذه الوصفة الي امشي عليها ؟؟ ))

لانك هذي مو نفس الوصفة الي قال عليها وانت تقول مثل ما قالك J.SILVER

هو قال ثلاث مرات في اليوم وكل مرة سكوب واحد

يا جماعة انا مادري والله احترت كل واحد يقول شي

لين اليوم مابديت لاني انتظر رد ما يحيرني

هههههههههه

والله انكـ انت الي لخبطت نفسكـ + حيرتها

الشباب كلامهم كلهــ واااااحد

بس انتي الي رااافض تفهم ^_^

لاتقول حيرتووني وانت الي مش رااضي تفهم

الكلام وآآضح انا الي مريت على الموضوع بس مرور الكرااام وعرفت الطريقة ^_^

في اليوم تآخذ ( 3 سكوبات)

سكوب > اول مآتصحى من النوم (الصبآح)

سكوب > بعد التمرين مبآشرة

سكوب > قبل لا تنآآم

وانتهت القضية والفلم الهندي

اخوي وااااحد

يالغالي احنا قلنا لك الوصفة من المنتج نفسه ما جبنا شي من جيبنا :)
وافضل النتائج دائماً تكون على وصفة المنتج وهي الطريقة الصحيحة

سكوب =ملعقة الي داخل المنتج
شيكر= الكوب او الكأس الي نحط فيه الماء والمنتج

اهم شي عارف هذا الشي :)

وJ.SILVER

اتوقع قصدها انه لما تاخذ 3 سكوبات بالمرة الواحدة وتستخدمه 3 مرات باليوم راح يخلص بعد 18 يوم ....

اخوي منادة الليل معقوله 3 سكوبات في كل جرعه ؟؟؟؟؟؟؟؟

اقتباس:

---

المشاركة الأصلية كتبت بواسطة اطول 1

اخوي منادة الليل معقوله 3 سكوبات في كل جرعه ؟؟؟؟؟؟؟؟

---

اخوي منادة ماقال جذي

مادري ليش صاحب الموضوع وانت مو راضين تفهمون :D

3 سكوبات في اليوم فقط واذا استخدمه صاحب الموضوع جذي، بخلص بعد 18 يوم

اذا 3 جرعات في اليوم ( على فهمك) وكل جرعة 3 سكوبات، راح يخلص بعد 6 أيام من الاستخدام..

الصحيح مثل ماقالوا لك الشباب ( مناده وسلفر)

أو اذا تبي نتائج أسرع ( جرعة أول ماتصحى من النوم مكونة من 3 سكوبات + جرعة مكونة من 3 سكوبات بعد التمرين ) وتتجنب استعماله قبل النوم وبجذي راح تعطي جسمك 1260 سعرة حرارية باليوم من التروماس مكونة من 92 جرام بروتين + 150 جرام كاربوهيدرات + 32 جرام دهون ... الخ