عرض للطباعة
السلام عليكم ورحمه الله وبركاته
طبعا معاكم اخوكم اللعب تنشيف نسبه الدهون حاليا 28% كانت 42% ولله الحمد
استخدم حاليا كورس
جلوتامين
واي بروتين
امينو 2222
ليبو سكس 6 بلاك
ونو اكسبلود الجديد لما اشتريته قريت بمكوناته بدون كافيين واهو يكون بجياس صغار ثلاثين جيس
http://www.garyfarr.co.uk/wp-content...plode-nt_2.jpg
نبي ارائكم حول المنتج المنتج استخدمه تقريبا من اسبوع
لاحظت انه يخفف التعب وصراحه نتيجته ماتبين من اول جم يوم يعني بعد خامس يوم حسيت بفرق وونبي مشاركاتكم الطيبه لا خلا ولا عدم يالغالين
وانا سألت مايتعارض مع الليبو 6 بلاك من البائع طبعا وانا مالقيت فيه كافيين بس للأمانه حسيت بزغلله بالعين اليسرى من فتره
أخوي فيه كافيين ولكن صيغة اسم الكافيين مختلفة في هذا المنتج
فبيتعارض مع الليبو6
وبعدين كيف انته تستخدم الليبو6 لطرد الماء من الجسم وتبي تخزن ماء عن طريق النو اكسبلود ؟؟
تعارض 100%
كيف يمكن معرفة نسبة الدهون في الجسم ؟
سؤال خارجي اخوي واسمحلي علي انت الجلوتومين تستخدمه مع الواي بروتين كم مره ؟؟
صحيح هل منتج فيه كافيين ويتعارض مع الليبو سكس يا جماعه الرجاء الرد اتمنى مشاركه الاخوان في هل موضوع صراحه انصدمت من الردود !!! نبي نجوم المنتدى يشاركونا نطمئن لرايهم ولا قصور بالشباب بس مصدوم ليش يتعارض !!! وهل اوقف عن استخدامه
صبر وين الي تقول فيه كافيين اخوي واسمه غير شسالفه المركب مو مكتوب فيه كافيين انا الحين بكتب مكوناته من الموقع !!!!
اقتباس:
المشاركة الأصلية كتبت بواسطة بارجيم
الجلوتامين معلقه شاي صغيره اخلطها بس بعد التمرين مع الواي بروتين سكوبين واشربه
وقبل النوم اخذه ملعقه شاي صغيره مع ماء
والبروتين مرتين باليوم بعد الريوق بثلاث ساعات يعني تقريبا 11 قبل الغدى وبعد النادي فقط
وحياك الله
الردود من الخبراء يا اخوان فقط اتمنى الي يعرف شي بهل موضوع يفيدينا وين الاخوان بو راشد ووتوتو جده ومناده ومشكلجي ارجوا منكم الرد لاني فعلا ماودي امشي بطريق خطأ !! حطيت الموضوع للنقاش وطلع لي راي مادري هو صح ولا غلط انه يتعارض تكفون يالربع !!!
شوف وين حاطين الكافيين :D
في المرفقات
جاوبك أخوي abood1190 ومثل ما انت شايف Methylxanthine هو الكافيين نفسه ويوجد في المنتج كله 20500 mg من الكافيين
فكثرة الكافيين مو زينة ويتعارض في المنتج نفسه مع الليبو6 مثل ماوضحتلك في ردي السابق
انا اقول زغلله العين من شنو !!!
بوقفه اليوم والله كريم بكمل على الليبو سكس باقي اسبوعين على الكورس وبريح اسبوعين وبكمل على النو اكسبلود بوقفه !!!
مشكورين يا اخوان على الرد
وننتظر مشاركاتكم لعل غيري يستفيد مثل ما استفدت
مشكور اخوي لينر وجزاك لله خير حبيب يالغالي تسلم على النصيحه ولاتلومني بس سبحان الله تلاعب بالمنتج وتلاعب من البايع !!! بالكويت من الافنيوز شاريه محل فيتامين بعد !! اشكره انا بروح اليوم وبقلب المحل فوق راسه لووول (مبالغ شوي ) يالله سلام عليكم