عرض للطباعة
السلام عليكم
العمر ٢٠
الوزن ٩٢
الطول ١٧٥
عندي استفسارين
الأول : هل ممكن أتبع رجيم أتكنز أو (دشتي ) وأتمرن بنفس الوقت حديد وأكسب كتله عضليه ؟
معروف أن النظام غني بالبروتينات والدهون ومعدوم الكارب الا ٢٠ جرام يوميا وتزيد كل أسبوع
الثاني : بالنسبه للشوفان .. هل ممكن استبداله بالكورن فليكس النخاله .. وكم ملعقه تكون ؟
الهدف : تخسيس البطن فقط لأن الباقي كله مشدود ولي أتمرن ٣ شهور .. كسبت كتله حلوه لكن الكرش يشوه الشكل .
شكرا للجميع
مستحيل ,,
ورجيم اكتنز صعب تستخدمه وانت تلعب حديد بعدين هل رجيم ياخوي صحيح ينزل وزنك لكن يرفع الكلسترول ودهون بالجسم كذلك يرفع نسبه الاملاح والاملاح كنت اعاني منها ولله ألام بالركبه وكل مفاصل الجسم والظهر يعني سبحان الله خلك طبيعي ولا تستعجل انا صارلي يمكن 6 شهور وللحين تخسيس عادي الدعوه سهلات وكل شي يجي بالصبر والتمرين والتغذيه والراحه يبيلك تقريبا من 15-20 كيلو حاول تضبط رجيمك برمضان اهتم فيه حيل ووراه دش مثل حالي وحال اكثر الشباب بلشهر الي ورا رمضان فات برنر وان شاء الله بتكون وحش الوحوش
طيب وبالنسبه للشوفان تقدر تستخدم بداله الكورن فلكس مع حليب خالي الدسم يا الصبح او قبل التمرين افضل الصبح وبالنسبه للمعده اهتم بالمشي يوميا قبل الحديد كذلك الدايت خالي الدهون وفي انواع كثيره لرجيم معقول للاعبين كمال الاجسام واي شي تبي اسأل وان شاء الله مانقصر الله يوفقك
الله يعطيك العافيه ابو مها ما قصرت
لكن كيف صعب وهو يعتمد على البروتين كشي أساسي .. انا والله ما طرحت الموضوع وانا
مطلع كثير على الرجيم .. وفلسفته عجبتني أن اذا قطعت الكارب الي هي المصدر الأول
والأساسي والسريع للطاقه .. الجسم راح يتجه للدهون المخزنه ويحرقها ويستخدمها كطاقه
ومن نواتج حرق الدهون ( جلوكوز) ..
.. حاولت أتبع نظام تقليل الكارب .. وقللت أكلي لفتره لكن والله ما قدرت
بطبيعتي أحب الأكل وفي هالـ ٣ شهور كنت أتمرن وأكل كل شي .. يعني ارادتي
ضعيفه مع الأكل.
محتاج خبرتكم يا أخوان
هل أقدر أبني عضل مع هالنظام ؟
هلا فيك انا ماكملت نقطه الى اهي الكارب راح تحس بتعب مو طبيعي لانه الحديد يستغل الكارب وسكر بالدم لانه من اعنف الرياضات ويحتاج طاقه كبيره جدا !! فلازم يكون في اكلك كارب انا جربته ولله حسيت بدوخه وتعب ماتقدر ممكن تستخدمه لو تمشي عادي لكن حديد مستحيل بكل ماتحمله الكلمه من معنى ومتعب جدا واهو في مرحله اسبووعين لودنق او شهر بس نصيحه لا تفكر فيه ان كنت تبي تستخدمه وتلعب حديد انا قريت كل انواع الرجيم وجربت انواع عبيطه وانواع كوويسه وانواع مامنها فايده وانواع تنزل دهون وعضل يعني بس انا اقولك اهم شي الاعتدال والاكل المنضبط وفيه اكثر من موضوع هني بالقسم بخصوص الاكل بالتوفيق
وبالنسبه للأكل ان شاء الله برمضان ضبط فطورك اهتم فيه وشوف موضوع االاخوان بقسم المواضعيع المميزه برمضان وورا رمضان خذلك فات برنر مثل ليبو او اوكسي اليت منتج جديد هذول يقمعون الشهيه للأكل ويعطيك نشاط ويساعد على حرق الدهون وبالتوفيق اخوي واي شي تامر فيه مانقصر وياك ان شاء الله
طبعا صعبه قولي ليش !! لانه الجسم مثل مايحتاج البروتين للعضله يحتاج كارب لانه بدون الكارب راح يتكسر البروتين وسالفته طويله لازم الكارب يكون بكميه معتدله الصبح وقبل التمرين كميه ممتازه من الكارب للطاقه وبالليل كميه قليله جدا 20 قرام لي 25 بس واهيا على حسب الجسماقتباس:
المشاركة الأصلية كتبت بواسطة دحيميان
اقتباس:
المشاركة الأصلية كتبت بواسطة ابو مهاا
شكرا أخوي الغالي أبومها ما قصرت
بالنسبه للكورن فلكس النخاله .. كم ملعقه احط ؟
حط بكميه صحن وسط الى صغير حجمه معتدل ومعاه حليب خالي الدسم
بس الكميه خلها معتدله لاهي صغيره او كبيره ولاتزيد عليه سكر بعض الاخوان يحطون سكر استغرب منهم خاصه الي يسوون رجيم بالتوفيق اخوي قرب وقت اللعب (معشوقتي الحديد )
تمام وعدل
شكرا وبالتوفيق
بس سؤال أخير .. ممكن طريقه أستعمال الأمينو أسد ٢٢٢٢ ..واذا يحتاج فتره لودينق؟
تبني عضل في هذا النظام صعب يا اخوي لانه الانسولين وهو هرمون تخزيني يقوم بادخال البروتينات والاحماض الى العضل حتى تبدا بعملية البناء فهو اقوى هرمون بنائي بجسم الانساناقتباس:
الأول : هل ممكن أتبع رجيم أتكنز أو (دشتي ) وأتمرن بنفس الوقت حديد وأكسب كتله عضليه ؟
اما تنزيل الوزن وحرق الدهون فهو ولا اروع طبعا اول اسبوع بتحس بتعب بسبب اختفاء الجلكوز بس فترة جسمك بيبدا بحرق الدهون وبيحولها الكيتونات
وهو جيد لزيادة قوة الجسم في رفع الاثقال وهذا من تجربتي
تقريبا اول اسبوع 55% دهون او 60% و البروتين 40% و5% كربو هيدراتاقتباس:
معروف أن النظام غني بالبروتينات والدهون ومعدوم الكارب الا ٢٠ جرام يوميا وتزيد كل أسبوع
كورن فليكس اكل مصنع Processed Food وهو غير صحي اذا حاب تنزل وزنكاقتباس:
الثاني : بالنسبه للشوفان .. هل ممكن استبداله بالكورن فليكس النخاله .. وكم ملعقه تكون ؟
حاول تستخدم الشوفان فهو الافضل بكثير
نصيحة من اخوكاقتباس:
الهدف : تخسيس البطن فقط لأن الباقي كله مشدود ولي أتمرن ٣ شهور .. كسبت كتله حلوه لكن الكرش يشوه الشكل .
اذا حاب تنزل وزنك وما تتعذب جرب نظام اتكينز حتى تدخل في مرحلة الكيتونات وفي شرائط تشتريها من الصيدلية حتى تحسب نسبة الكيتونات وان شاء الله توصل لهدفك
بالنسبة للرياضة حاول ما ترهق نفسك بالرياضة حتى ما تتعب وتجوع خلها بسيطة
خوش تمام الله ينور عليك ياخوياقتباس:
المشاركة الأصلية كتبت بواسطة scaryface
أنا ودي بنظام سهل لحرق الدهون .. وبنفس الوقت أبني فيه عضل
لان مابي تماريني تروح ع الفاضي .. لأني اشتغل جامد بالحديد
وبعدها أخش ٩٠ دقيقه كارديو ٣٠ سير و٣٠ سيكل و٣٠ اوبتكل
تكراراتي ١٥ ١٢ ١٠
فطوري : كورن فلكس مع حليب منزوع الدسم
بعده ب ٣ ساعات تفاحه
بعده ب ٣ ساعات برتقاله واروح التمرين
بعد التمرين تونه مع خضروات مسلوقه او صدور دجاج مسلوقه
وبعده ب ٣ ساعات كوب روب خالي الدسم وآخذ بروتين وأنام
استخدم : وي بروتين جولد
اوبتي فايتامين
جلوتامين
امينو ٢٢٢٢ > للحين ما عرفت طريقته بالضبط
هايدروكسي
وبمشي على هالرجيم الى قبل رمضان .. ان نفع ونزلت اوكي تميت .. او انتقل لدشتي والله يعين
:>
بصراحه تجربتي قويه كل ساعتين اكل وجبه خفيفه شوفان او توناء نفس جذى مافي دهن
المنتجات المستخدامه امينو 2222 ليبو6 واي بروتين
الانتاج اليومي
نص ساعه بين هروله و مشي
ساعتين حديد
ربع ساعه سباحه ربع ساحه معده و خواصر
نظامك الغذائي صعب انك تبني عضل وفي نفس الوقت تحرق دهون هو مب مستحيل بس العملية بتكون بطيئة جدااقتباس:
خوش تمام الله ينور عليك ياخوي
أنا ودي بنظام سهل لحرق الدهون .. وبنفس الوقت أبني فيه عضل
لان مابي تماريني تروح ع الفاضي .. لأني اشتغل جامد بالحديد
او تقدر تجرب ultimate diet 2.0 اللي هو بيساعدك في حرق الدهون وزيادة العضل وعبارة عن 5 ايام قليل الكربوهيدرات وعالي الدهون + يومين عالي الكربوهيدرات والبروتين ومنخفض الدهون
وبعدها أخش ٩٠ دقيقه كارديو ٣٠ سير و٣٠ سيكل و٣٠ اوبتكل
تكراراتي ١٥ ١٢ ١٠
كورن فليكس ما يصلح لك حاليا حاول تشتري ALL Bran من نفس شركة كورن فليكساقتباس:
فطوري : كورن فلكس مع حليب منزوع الدسم
استدلها بسكوب بروتين معا حبوب السمك اوميغا 3اقتباس:
بعده ب ٣ ساعات تفاحه
بعده ب ٣ ساعات برتقاله واروح التمرين
بعد التمرين تونه مع خضروات مسلوقه او صدور دجاج مسلوقه
وبعده ب ٣ ساعات كوب روب خالي الدسم وآخذ بروتين وأنام
استخدم : وي بروتين جولد
اوبتي فايتامين
جلوتامين
امينو ٢٢٢٢ > للحين ما عرفت طريقته بالضبط
هايدروكسي
زيد عليهم زيت السمك
وبمشي على هالرجيم الى قبل رمضان .. ان نفع ونزلت اوكي تميت .. او انتقل لدشتي والله يعين
بس صدقني نفسيتك بتكون افضل في نظام الدشتي وما بتحس بالجوع
بالتوفيق
تم بإذن الله ، الالتميت دايت اول مره اسمع عنه ، أعتقد الدشتي أريحاقتباس:
المشاركة الأصلية كتبت بواسطة scaryface
ما ننحرم من توجيهاتك أخوي الغالي
موفق لكل خير
شد الهمه وان شاء الله توصل لهدفكاقتباس:
المشاركة الأصلية كتبت بواسطة دحيميان
بس لا تنسى زيت السمك مفيد جدا في التلخص من دهون في الجسم , في التضخيم او التنشيف انا بالنسبة لي زيت السمك شي اساسي
بالتوفيق