محتار شنو تاكل بعد التمرين ... وجبة سهلة وغنية

السلام عليكم ورحمة الله وبركاته

شلونكم شباب طيبين ان شاء الله ... اغلبنا لما نرجع النادي ما ندري شنو ناكل وفي كثير منا يتمرن اوقات متأخره وتكون الخادمه نايمه ويكون ماله مزاج طبخ اليوم جايبلكم وجبه سهلة التحضير وغنيه ولذيذه :32: ...( شكلي شهيتكم )

المكونات :
1- عدد 2 خيار

http://t3.gstatic.com/images?q=tbn:7...ads/6(155).jpg

2- طماطة
http://t0.gstatic.com/images?q=tbn:x...3/DSC_5090.jpg

3- علبتين تونة
http://t1.gstatic.com/images?q=tbn:5...1245344920.jpg

4- رانش صوص ( تلقونه في الجمعيات برف الصلصات ويوجد منه زيرو فات )



http://t0.gstatic.com/images?q=tbn:-...ccc564327c.jpg

طريقة التحضير :
سهلة واتوقع عرفتوها من غير لا اشرح المهم :
تجيب ماعون زي ماعون الشوربه بس يكون كبير شوي و تقصص الخيارتين قطع صغيره مثل السلطة وتقطع الطماطة قطع صغيرة كأنك مسوي سلطة وتقدر تضيف ليمون لكن مو كثير وتضع فوقهم علبتين تونة بعد ما تفرغ الزيت اللي داخل العلبه و قفشة كبيرة من الرانش صوص وتقدر تزيد حسب الرغبة وتبدي تخلطهم وتقلب ... وعليك بالف عافيه

الطريقة كتبتها لاني ما احب آكل التونه ناشفه ما تنوكل لكن مع هالطريقه صرت آكل علبتين وثلاث لانها لذيذه جربوها وعطوني رايكم ... انتظر الردود

وعليكم السلام ورحمة الله وبركاته

طريقتك ممتازه وانا كنت اسويها لكن باختلاف بسيط في المقادير

يعطيك العافيه

ماشاء الله خوش خلطه بس طبعا انا مستحيل اكل سلطه بدون بصل ههههههههههههههههههههههههههههه
اليوم بجربها طبعا اليوم عن سنه ممكن بعد رمضان اسويها :) تسلم ناصر ها بشر شلون نومك الحين عساه زين الحمد لله !!

طريقة حلوة
انا احب اكل التونة سادة وخاصة التونة اليمنية اسمها المكلا مررة لذيذة

اول شى شكرا على الموضوع الحلو هدا لكن يا خوى ياريت توضحنا قيمه الوجبه من ناحيه البروتين يعنى بعد التمرين الوحد يحتاج كميه لا باس بها من البروتين صح وشكرا خوى على الموضوع

الله يعطيك العافيه وماقصرت
اخيرا لقيت حل للتونه لان ما احب اكلها ناشفه اغلب الوقت مع بصل بس مليت بعد
اليوم بعد التمرين بظبطها

صصصح عليك يا ناصر .. والله باين انها خلطه رهيبه

موفق للخير

اقتباس:

---

المشاركة الأصلية كتبت بواسطة ابو مهاا

ماشاء الله خوش خلطه بس طبعا انا مستحيل اكل سلطه بدون بصل ههههههههههههههههههههههههههههه
اليوم بجربها طبعا اليوم عن سنه ممكن بعد رمضان اسويها :) تسلم ناصر ها بشر شلون نومك الحين عساه زين الحمد لله !!

---

الله يسلمك حبيب والله ما تقصر ونومي الحمد الله تمام بفضل الله و ثم بفضلكم يا وحوش

اقتباس:

---

المشاركة الأصلية كتبت بواسطة حنبو حنبو

اول شى شكرا على الموضوع الحلو هدا لكن يا خوى ياريت توضحنا قيمه الوجبه من ناحيه البروتين يعنى بعد التمرين الوحد يحتاج كميه لا باس بها من البروتين صح وشكرا خوى على الموضوع

---

اخوي على حسب نوعيه التونه بس اذا كان تقريبا علبه التونه الوحده 200 جرام تكون نسبة البروتين فيها حوالي 20 جرام يعني علبتين تونة 40 جرام تقريبا

خلطه قويه
بس سؤال ؟
ليه الخيار مع الخطله
يعني لو فيه بصل اوبطاطس يمكن يكون افضل
انت شرايك يالغلا

والله عادي تقدر تحط اللي يناسبك يا وحش بس انا قلت خيار لانه سهل البطاط يبيله تفوحه بالماي وتنطر وتقشره وو ...

لاكنت ابغى اعرف سر الخيار في الخلطه
يعني من ناحيت البروتين والكارب

اقتباس:

---

المشاركة الأصلية كتبت بواسطة العاشق M

لاكنت ابغى اعرف سر الخيار في الخلطه
يعني من ناحيت البروتين والكارب

---

اخوي طعم بس مافيه بروتين وفيه كارب قليل

يعطيك العافيه على ردك السريع
ومره ثانيه اشكر على الموضوعك الرائع

السلام عليكم ورحمة الله وبركاته

أخ ناصر يعطيك العافية عزيزي

انا بسوي هذه الخلطه ولكن في اختلاف بسيط اسمحلي اشرحه للأعضاء من موضوع لعل احد حب يغير الخلطات...

1- علبة تونة او علبتين بالماء مو بالزيت ويتم غسلها جيدا.
2- إضافة ذرة حب حسب الرغبة.
3- حبة فلفل حلو.
4- حبة بندورة.
5- زيت زيتون حسب الرغبة.
6- دبس الرمان.

جربوها وادعولي بس ما تزيد دبس الرمان وايد لان فيه حموضه.. انا احبه مع كل شي.

يعطيكم الصحة والعافية.


صورة دبس الرمان.
http://www.hayah.cc/forum/imgcache/836.png