رد: شنو معنى اسمك باللعبة
أبدي بنفسي بما إني صاحب الموضوع.. والله أنا أسامي لاعبيني مو غريبة, بس لازم أبدي بالموضوع على أي حال
لاعبيني أساميهم : Jovial - Sacrifice - Heat - Akira
وأتوقع كلكم تعرفون شنو معنى هالكلمات, إلا أسم Akira يمكن.. بس أنا أبي الناس إلي أساميهم غريبة
شنو معنى أسمكم وليش مختارين هالأسم ومن وين خذيتوه ؟
رد: شنو معنى اسمك باللعبة
أووه نسيت أقول من وين خذيت الأسامي
Heat : أهو أسم البطل بلعبة بلاي ستيشن 1 القديمة, أسم اللعبة Bust A Groove.. لعبة رقص والصراحة حبيته شلون يرقص وشكله حلو وأسمه حلو بعد
Sacrifice : هذي أسم أغنية أحبها حق فرقة Creed ومعنى الكلمة حلو ومعناها بالأغنية أحلى لأنه يقولها حق موقف صارله فحبيت الأسم
Jovial : هذا الأسم كل ما أكتب أسم يطلع مأخوذ, كل الأسامي إلي ببالي كتبتها وكلها مأخوذة, جان أروح وأجيب القاموس الإنجليزي وقلت راح أفتحه عشوائي وأي كلمة تطيح عيني عليها راح أكتبها.. ولا تطيح عيني على كلمة Jovial ومن ذاك اليوم لي الحين وأنا أستعمل هالأسم
Akira : هذا إسمي الرسمي إلي لي درجة إن ربعي ينادوني أكيرا مو أحمد.. هذا أسمي من أيام الطفولة.. هذا طبعا إلي يعرف فيكم رسومات الأنيمي Manga راح يعرف Devilman.. هذا دفل مان تحطمت حيل بشخصية البطل إلي أسمه Akira.. ومن وأنا صغير لي الحين وأنا محتفظ بهالأسم بكل لعبة أو أيميل أو أي شي.. صار هذا أسمي الرسمي
رد: شنو معنى اسمك باللعبة
الاسامي عندي :
الهنتر dagwar اسم شخصية في احد الافلام
البالادن : blodprince معروف اكيد
الشامان : highvolte ضغط عالي لان شغله كله كهرباء
الديث نايت : tearofant دمعة نمله
الميج :mourha مادري كيف اخترت هالاسم بس تخبيط
الدرويد : captagon ????? معروفه
الوارلوك : evellove
رد: شنو معنى اسمك باللعبة
يالطيب ممكن اشارك ؟
انا عندي كذا نك وبكتبهم بس ياجماعه اعذروني مابي اقول اي سيرفر عشان ماابتلش بالمعجبين وكل واحد يقولي بصور معاك سكرين شوت
اولا myrootunderwater يعني عروقي بالماي , بس طبعا حذفت كم حرف عشان يكفي النك
weldbtnha يعني ولد بطنها. دورت بالمعجم شنو ولد بطنها بالانجليزي ماحصلت الظاهر ماعندهم عيال بطنها مثلنا , جان اكتبه معرب
kingofwow معروفه ولكن هذا كان اسم رفيجي اللي اهو ملك اللعبه الاصلي وانا اخذته منه
gtjgrgfdsgfdjkjngdkjl كان عندي شخصيه درود وكان هذا اسمه , من كثر ماطفشت كل ما اختار اسم يطلع مأخوذ كتبت خرابيط والحمدلله طلع مو مأخوذ . ولكن كل من شافه ضحك وقال والله خوش اسم , غيرت النك بعدين لأني ابتلشت فيه كل ما اشتري قولد ابتلش لما يقولولي حط نك الشخصيه
tamyam شوربه بس بالتايلندي
samtam هم شوربه بالتايلندي
kabt kbawniya انا فاصل الكلمتين واهي يعني عيش ولحم مشوي , بالتايلندي طبعا
kai دجاجه او ديك , هم بالتايلندي
انا اكتفي بالقدر هذا لأن شكلي اخذت مساحه من الموضوع
رد: شنو معنى اسمك باللعبة
بالنسبه لي انا خذيت اسم Helgast من لعبه killzone
وعندي بعد بريست اسمه ReCrit وانا طلعت الأسم من مخي , يعني اعادة الكرت D: ماكو احد باللعبه كلها نفس الأسم :P
/cheer
اقتباس:
الشامان : highvolte ضغط عالي لان شغله كله كهرباء
يا سلام عليك , اسم صح راكب على شامان ele
رد: شنو معنى اسمك باللعبة
الصراحة عجبني رد الأخ الفاضل إلي عروقه بالماي.. أسم على مسمى
رد: شنو معنى اسمك باللعبة
:pاهنيك على الموضوع المميز صراحةً!:biggthump
عندي اسامي مدري وش تبي:أفكر:
ولطالما سؤلوني شمعناتها او من اللي ماخذ منه الاسم:wow:
انا عندي اسلوب اذا جيت ادور اسم ادور اي شي جنبي واسمي عليه
اول شي
Dallah=دله اللي ينحط فيها القهوه, ساعتها كنت توني طالع من عزيمه وانا كنت اقهويهم :boggled:
Al ka ka= يعني القعقاع, ماخوذه من قعقعت السيوف ومسميها على واريور, وفي صحابي جليل(رضي الله عنه وارضاه)اسمه على نفس الاسم :p
Yathrb=يثرب.. مدري ليه سميت عليها بس دايمن اذا واحد سالني في الحياة قالي وين رايح اقوله الى يثرب:12:
dolores=اسم مغنية فرقة the cranberries المشهوره :p
Iliveinbubble=واظحه :33:سميتها على Paladin
Wayhok=ويحك!
وباقي الاسماء ماهي مميزه :D
رد: شنو معنى اسمك باللعبة
لووول.. ياخي خله يدش المنتدى ويفيدنا بخبرته مثل ما انت فايدنا
رد: شنو معنى اسمك باللعبة
خلينا نرجع للموضوع
أنا عندي أورك female ومسميها غادة ماشاء الله إسم على مسمى معناها ناعمه ولينه
وعندي واحد مسمية ريان لا تعليق.
رد: شنو معنى اسمك باللعبة
Elvaan
ماخذنها من لعبة فاينل فانتسي 11 وهي نفس فصيلة الblood elf
ربيعي ماخذ كل شخصيات الfemale ومسمنهم على اسامي بناته الصغارية ههههه
رد: شنو معنى اسمك باللعبة
Fluta = كـــآن قــصــدي فــيهــآ الآلــة المســيقيــة ..
Shakiera = أســم المغنــية ..
catoon = أســم الـGuild Master القــديــم قــبل ينــقل مــن الـServer ..
Phaya = أســم الــGuild master فـي الـReal life ..
رد: شنو معنى اسمك باللعبة
والله تذكرني بناس عندي XD
يسألون وش معنا STC لـ استاذ الانجليزي
يقول ماله معنا
انا عن نفسي ماحب اسمي اسامي لها معنا
لانها 85% ماخوذه واحسن لي اني اجيب اسم كذا مألفه في ساعه او ساعتين
رد: شنو معنى اسمك باللعبة
اقتباس:
المشاركة الأصلية كتبت بواسطة موت عالمي
والله تذكرني بناس عندي XD
يسألون وش معنا STC لـ استاذ الانجليزي
يقول ماله معنا
انا عن نفسي ماحب اسمي اسامي لها معنا
لانها 85% ماخوذه واحسن لي اني اجيب اسم كذا مألفه في ساعه او ساعتين
أنا لما بغير إسم أو بسوي شخصية أقضي وقتي في مواقع أسماء الأطفال أبي إسم الياباني محجوز والإيطالي محجوز وجربت فرعوني مافيه فايده:33: أبي أعرف مين يسمي منيرة :cray:.
رد: شنو معنى اسمك باللعبة
