اريد استخدام هذه المنشطات .. رأيكم ونصائحكم ...

السلام عليكم ورحمة الله وبركاته

في البدايه حبيت اقول ... يمكن البعض اللي متابعيني يقول هذا احيانا يرفض المنشطات والحين يقول ابي استخدم منشطات !!!
انا اقولكم السالفه انا العب من 2007 قبل لا ادخل حديد كان وزني 51 وطولي 166 نحيف جدا التي شيرت يتخبخب عظام على جلد للأمانه تميت فتره مدتها سنه العب عند نادي فاشل وانا كنت ما اسمع الكلام يقولولي اهم شي الاكل وما آكل ويقولولي لا تلعب بالبيت بس نادي لازم تريح العضله وما اريحها وبعدين شوي شوب قمت افهم باللعبه وترا من 2007 متقطع مو مواصل لي حد ما وصلت لي افضل مرحله قبل لا يبدي رمضان الوزن مابين 65 و 66 ونسبه الدهن %12 و الطول 166 والعمر 21 بدا رمضان اعتفس كل شي وقمت بس آكل وجبه او وجبتين والنادي مقطع ووقفت كل شي بس بروتين قولد ستاندرد ونزل وزني الى مابين 61 ونص الى 62 بصراحه تحبططططت حيييل وقالولي اصحابي اخذلك كورس منشطات ترا ما يضر وانت تقط فلوس على كل كورس مكملات وايد لو تاخذلك كورس هرمون احسن من 10 كورسات مكملات وانت وصلت لي مرحله تحتاج انك تاخذ كورس وحرام فلوسك اللي تقطها على نتائج ضعيفه ولي متى بتتم على مكملات وانا بصراحه بصعوبه ازيد وزني الخلاصه انه توجهت للمنشطات بعد تفكير واحباط لدرجه اني قلت يا اهد الحديد يا اخذ منشطات ويصير اللي يصير اشوف ناس ما صارلهم سنه يلعبون بس ماخذين منشطات احسن من جسمي بوايد .. اسف طولت عليكم ..للأمانه انا ما عمري تعاملت مع المنشطات ولا احد يقولي ما تعاملت مع منشطات ولا تعرف فيها شي وتبي تاخذ !!! انا جاي ابيكم انتم تعلموني ومعتمد عليكم
كورسي اهو
بريمو
بربولان
اكوابيز
ويحتاج اخذ منظفات مثل نولفداكس +كلوميد+برنجيل ( مادري اذا الاسامي صح او لا )
ومنشط الكبد liv-52 او legalon
وطريقه الاستدام شلون ومنو يقزني وهالسوالف راح يتكلف فيها مدربي
اي احد عنده ملاحظات لا يتردد انا معتمد عليكم وترا هاللعبه تأثر بالنفسيه بدرجه كبيره ويبيلها صبر لكن انا نفسيتي تعبت يوم خسرت وزن وعضل ووين كنت ووين صرت المهم انتظر ردودكم

ماعليه يالامير لا تحاتي ماراح يقصرون معاك الاخوان وفتره ثلاث سنوات فتره مناسبه دامك معزم عسى الله يوفقك
ويالربع تكفون لا تقصرون معاه موفق ياناصر وبشرنا بالنتائج

حبيب يا ابو مها تستاهل الطيب .. الله يوفق الجميع ان شاء الله انتظر باجي الوحوش وكان ودي احط صوره بس ما كان عندي الا صور قدم قلت اجيب صور جديده واوريكم ان شاء الله

هذي صوره مع اللبس يوم كان وزني 65 ملف مرفق 330295
ماشاء الله صدق مو مستوى بس هم العين حق :p

ماشاء الله جسمك ممتاز ,,

,,

يبغالك ياناصر كورس نفس كورس العضو الكاتل وبمسمياتها ,,
بصراحة لانه اشترى منتجات لا يعلى عليها بالكوالتي والقوة ,,
وهي كالتالي ,,

TMIX-325 :
هرمون تستسترون ومسمى آخر للسستانون ,,
ضخامة عضلية ويعزز بناء البروتين للعضل بشكل قوي ,, وطبعا معروف التست فوائده وسلبياته ,,

,,

TE-300:

ودا نوع من انواع التست الانثات ,, ويشتغل صح مع الديكا ويزيد عضل وعمله زي اي هرمون تستستروني ,,
بس يحبس مويات كتيرة للعضل ,, ورح يزيد وزنك بشكل ملحوظ ,,

,,

Nadromix-300 :

ديكا ,,


,,

الاستخدام كالتالي :

من الاسبوع 1 الى 10 : 300 مج ديكا في الاسبوع اي حقنة واحدة . . . لان الديكا اللي معاك 100% وقوتها 300 ,,, والله يعينك ع الالم في منطقة الحقنة lol

من الاسبوع 1 الى 10 : 500 مج تيست في الاسبوع وانت معاك سستانون قوته 325 ماشاء الله ,,
لذا ,, خد ضربة من السستانون ,, وضربة من الانثات ,, لان تركيزهم عالي جدا . . .
واتمنى ان الكورس دا مو الأول ,, لأنه قوي ورح يفاجئ جسمك ,,


,,

والتنضيف مهم جدا في اي كورس ,,
من الاسبوع 11 الى 13 : حقنة البرجنيل 5000 في الاسبوع اي رح تحتاج 3 حقن منها للتنضيف كل اسبوع حقنة واحدة ,,

ورح تبدء معاها النولفاديكس 20 مج يوميا من الاسبوع 11 الى نهاية التنضيف أو خليها من بداية الكورس عشان الجينو وعشان يوازن التست الحر في الدم وما يتحول لاستروجين ,,

من الاسبوع 14 الى 16 : الكلوميد يوميا 100 مج وهي حبوب وفي الاسبوع 16 حبة واحدة اي 50 مج يوميا ورح تكمل معاها بالنولفاديكس 20 مج يوميا والنولفادكس بعد وجبة العشاء
البرجنيل والكلوميد والنولفاديكس موجودين بالصيدليات زي النهدي بالسعودية ,,
كمان تقدر تضيف البريفرون مع النولفادكس ,,

,,

الدينابول يكون كالتالي

استخدامه بشكل هرمي
6
8
10
12
10
8
6

,,

بالتوفيق

,,


ملاحظة :

لو الديكا ع سبيل المثال قوتها 300 ,, يعني 1 ملي = 300 فلذا يكفي ضربة وحدة فقط ,,1 مل او ع ضربتين نصف ملي لكل ضربة وهذا المستحسن ,,
ولو كانت الديكا قوتها مثلا 100 فتحتاج تضرب 3 مرات بالاسبوع ,,

وطبعا الكلام اعلاه يشمل كل انواع الهرمونات مثل التست

تسلم يا تركي ما قصرت يالوحش وعساك عالقوه ... بس مادري هذا اول كورس لي ودي انه يكون خفيف ويكون عضل صافي الديكا مشكله تعبي العضل واذيتها اذيه انا قالولي دام اول كورس لك اخذلك كورس خفيف مثل اللي قلتلك عنه
بريمو
بربولان
اكوابيز
اشرايك فيه لانه مابي ادخل قوي من اول كورس والصراحه ما احب الديكا ولا الداينبول سلبياتهم كثيره مادري اشرايك في كورسي اللي كتبته انا ابي اول شي شغلات خفيفه و اضرارها بسيطه

ناصر يابطل ,, لا تصدق كل شي يقولونه ,,

وع فكرة ,, اعرف ناس شخصيا معايا بالجيم , لما يدق ديكا جسمه ما يخزن مويات واملاح ,, فجسم عن جسم يفرق ,,
ترى الكورس اللي رح تاخده مارح يعمل فرق في جسمك ولا تظن ان الهرمونات سحر يعني انتا الآن متوجه لآخر الحلول ,, لا طبعا

,,

أأمن المنشطات الديكا ,, اسوء مضاره تخزين مويات واملاح ويقلل الشهوة للرجال خصوصا ,, لذا السستانون او الآنثات تعمل في تعديل هذه السلبية ,, يعني ( نمسك العصا بالنصف )

كورس البريمو بلان والاكوابويز وتست قصير صدقني فاااااااااااااااااشل ,, خصوصا لناس جسمهم مايزيد وزن بسرعة ,, يبغالك عشان تستفيد من كورسك تجلس ثالثة شهور ورح يضرك !!
لكن الكورس اللي اعطيتك يعتبر كورس ناس تبغى تعمل خطوة قدااام ,,,,

فلو مصمم ع كورسك ولا يهمك رح اديك الطريقة

يعني الحين الكورس اللي لازم اجهزه
TMIX-325

TE-300

Nadromix-300

داينبول
نولفديكس
كلوميد
برجنيل

يعني مافي شيء حق الكبد ؟؟؟

وياريت تقولي مدى خطوره هذا الكورس بالرغم من الاستخدام الصحيح وانا اكثر شي اخاف منه اهو اللي له دخل بهرمونات الذكوره والعقم ( الله يبعده عنا ) والكورس اللي قلتلي عنه اخذه من اي شركة ؟؟؟ قلوبال ..تايقر ...!!

قلوبال ممتازين ..

الليقالون او liv52 عقاري للكبد ,,

ومارح يؤثر باذن الله ,, ولكن زور مستشفى وشوف عدد حيوناتك المنوية ,, اظن المفروض تكون اعلى من 50 الف ,,

والكورس دا مرررة سهل ,, ايش الخطير فيه ,,

بامكانك الاستغناء عن TMIX-325
لانه تست والانثات تست خليك ع الانثات ,, السستانون قوي

وبعدين ادخل ع مواضعي واقراء عن فوائد البرجنيل

حبيب يا تركي جزاك الله خير ويعطيك العافيه ما قصرت يا وحش ... خلاص ان شاء الله انا بشوف هالكورس واي شي يصير معاي ا اي استفسار راح ارجعلك ان شاء الله بسوي فحص شامل +فحص تسترون
... الحين اخليك تصبح على خير

ايه الكلام اخ تركي بدعت صراحه هههه كاتب جريده كامله وهو كورس ديكا وتيست ههه انا اتعجب عل ناس الي تكول الديكا مضره ! وهي افضل انواع المنشطات ! انا استخدمت ديكا + يست لاخزنت عندي مياه ولاشغلات الجينو حصل بلعكس صعدتني حجم في الجسم وليس وزن فقط !

مساء الخير يا وحوش
دار النقاش بيني وبين المدرب قلتله اني باخذ دكه 300 و تسترون انثات 300 وداينبول و ليقالون والمنظفات نولفداكس و كيلوميد و برجنيل
قالي : انت اول كورس حقك تبي تاخذ تسترون 300 !!! قالي انا اخذ 250 واخاف قالي انت بلش الحين اب تيست 100 واخذ بدل الداينبول اندرول 50 العلبه الخضرا وقالي ما تحتاج الكيلوميد وقالي نصيحه دخل معاهم الاكوابيز اساسي في كل كورس يعطيك باور وصلابه والمنظفات راح يكونون ليقالون من بدايه الكورس للكبد والنولفداكس قالي خله بعد ما تخلص الكورس و البرجنيل على 3 اسابيع كل اسبوع 5000 انتوا اشرايكم انا سمعت انه الاندرول 50 يسبب رجفه في الجسم وبالتالي لازم اشرب كافيين لتزول الرجفه واهو قالي لا تخاف الاندرول يخليك تعبي .. انتظر رد الوحوش ... اهو باجر بيكلم اللي يبيع وبياخذهم كلهم من شركة قلوبال

السلام عليكم ...
ترتيب اخوي توتو حلو للكورس مشاء الله ... بس النولفادكس افضل من اول يوم في الكورس لين اخر يوم تنظيف عشان تضمن اعراض الجينو ماتجيك ...
موفق ياخوي واسمحولي على المداخلة

اقتباس:

---

المشاركة الأصلية كتبت بواسطة nassernasser123

مساء الخير يا وحوش
دار النقاش بيني وبين المدرب قلتله اني باخذ دكه 300 و تسترون انثات 300 وداينبول و ليقالون والمنظفات نولفداكس و كيلوميد و برجنيل
قالي : انت اول كورس حقك تبي تاخذ تسترون 300 !!! قالي انا اخذ 250 واخاف قالي انت بلش الحين اب تيست 100 واخذ بدل الداينبول اندرول 50 العلبه الخضرا وقالي ما تحتاج الكيلوميد وقالي نصيحه دخل معاهم الاكوابيز اساسي في كل كورس يعطيك باور وصلابه والمنظفات راح يكونون ليقالون من بدايه الكورس للكبد والنولفداكس قالي خله بعد ما تخلص الكورس و البرجنيل على 3 اسابيع كل اسبوع 5000 انتوا اشرايكم انا سمعت انه الاندرول 50 يسبب رجفه في الجسم وبالتالي لازم اشرب كافيين لتزول الرجفه واهو قالي لا تخاف الاندرول يخليك تعبي .. انتظر رد الوحوش ... اهو باجر بيكلم اللي يبيع وبياخذهم كلهم من شركة قلوبال

---

بعد كورس المدرب جيد بس لازم النولفادكس من البداية لين اخر يوم تنظيف وممكن تاخذ الاندرول بس مب اكثر من 3اسابيع حاسب لانه قوي وايد على الكبد واذا خذته بتحس بحارج بالاكل بعد اسبوع من استخدامه وبتحس انك تبي ترجع واذا جاتك هاذي العوارض وقفه افضل لانه جسمك مش متقبله واذا ماحسيت بالعوارض هاذي واصل عليه بس لتزيد عن حبه فاليوم (نصيحه) ..

موفق

حبيب اخوي حمد يعطيك العافيه ما تقصر ... انا راح اقسم الحبه بالنص اخذ نص حبه باليوم