كيف آكل Amino 2222 tabs ....!!

السلام عليكم و رحمة الله

ممكن احد منكم يقرأ العنوان و يحسبني أقصد ايش هي الجرعة اليومية..!!:bigeyes:

بس أنا أقصد كيف آكلة..؟

يعني ما شاء الله الحبة الوحدة طوول و عرض..!!
و خايف اختنق فيها :boggled:...

و على ذلك جربت ابلعها..شربت كاس كامل و راها و لا دخلت في حلقي..!!

حاولت امضغها..طحنتها و صارت زي البودرة..لكن اغلب البودرة هذي نشبت بين اسناني :32:

آخر محاولة لي قسمتها لأربع أجزاء و بلعت كل جزء لحالة...
بس المشكلة اذا كنت بتاكل 6 حبات كجرعة وحدة مثلا..بيصير عندك 24 قطعة و كل قطعة يبيلها موية عشان تبلعها
و بكذا راح تشرب موية اكثر من حاجتك و بتسنتر في الحمام..!!

طبعا حاولت اني اخليها قسمين بس و ابلعها..و نفس الشي ما قدرت..!!

يعني بالله عليهم..ما فكرو يصنعون حبات أصغر من كذا..؟

صارلي سنة ما استخدم الا الواي بروتين كمكمل غذائي للبروتين الناقص
بس مع التنشيف اضطرينا ناخذ الأمينو و هذاني متوهق فيه

ياليت كل واحدة عندة amino 2222 tabs يقولي كيف ياكلها...؟
عشان أعرف انا بعد..شلون أبلع قطعة الحصى هذي..!! :blackeye:

انا عن نفسي اطحنهم بضروسي واشرب مي وراهم...
ربيعي يطحنهم بعدين يشربهم بمي...

عاد انت اختار و لا تحتار :)

اقتباس:

---

المشاركة الأصلية كتبت بواسطة hamshou

انا عن نفسي اطحنهم بضروسي واشرب مي وراهم...
ربيعي يطحنهم بعدين يشربهم بمي...

عاد انت اختار و لا تحتار :)

---

فعلا هاذي افضل طريقة ..

والجرعة ليست 6 حبات مع بعض .

4 بعد الفطور و4قبل التمرين و4 بعد التمرين ..

شكرا أخواني على المساعدة السريعة
و شكلي مالي الا الطحن
لكن بالنسبة للجرعة...هل يجب الالتزام بها..؟

أنا منظم أكلي بحيث اني في كل وجة تحتوي على 25 جرام بروتين و اكل 6 وجبات في اليوم(غير سكوب واي بروتين قبل التمرين و سكوب اخر بعد التمرين) و وزني 65 و طولي 160
وقاعد انشف الحين لأن نسبة الدهون عندي مرتفعة
بشكل عام انا استخدم الغذاء الطبيعي في وجباتي..(صدور دجاج..ستيك لحم مشوي..حليب منزوع الدسم)
و استخدم الامينو لاكمال الـ 25 جرام في كل وجبة في حال اذا ما قدرت اوفرها الـ 25 كاملة من الغذاء الطبيعي

لما قلت 6 حبات..هذي في حالة اذا كانت وجبتي عبارة عن كوب كبير حليب منزوع الدسم..و بكذا اضيف 6 حبات امينو لاكمال كمية البروتين.
طبعا هذي الوجبة هي وجبتي السريعة في حال ان كان ما عندي وقت لاعداد وجبة من صدور الدجاج او ستيك اللحم..

اخوي الامينو مب بروتين عشان اتحطه من ضمن النظام الغذائي ..

الامينو يبني البروتين في الخليه العضلية ولازم تاخذ 12 حبة فاليوم ولاتحسبه مع نظامك الغذائي ..

وانت اكيد حسبته على اساس انه مكتوب على العلبة ان فيها بروتين ...

تبي الصراحة يا حمد...أنا قريت كلام يختلف عن كلامك
مو قصدي ان كلامك غلط أو شي من هالقبيل..
أنت ما شاء الله عندك خبرة عالية تناهز جميع أعضاء المنتدى

لكن قرأت سابقا ان الـ Amino هو الصورة النهائية للبروتين بعد تفكيكة و يتكون من عدة احماض امينية..
و هذي الأحماض الأمينية هي اللي تبني العضلة...

لكن انت تقول ان الـ Amino يبني البروتين
و انا قرأت سابقا ان الـ Amino هو البروتين بعد تحليلة..!!
و بالفعل..مكتوب ان كل حبة تساوي 2 غرام بروتين..

فياليت تأكدلي على حسب خبرتك

اقتباس:

---

المشاركة الأصلية كتبت بواسطة fares allil

تبي الصراحة يا حمد...أنا قريت كلام يختلف عن كلامك
مو قصدي ان كلامك غلط أو شي من هالقبيل..
أنت ما شاء الله عندك خبرة عالية تناهز جميع أعضاء المنتدى
على راسي اخوي

لكن قرأت سابقا ان الـ Amino هو الصورة النهائية للبروتين بعد تفكيكة و يتكون من عدة احماض امينية..
و هذي الأحماض الأمينية هي اللي تبني العضلة... صح كلامك بس كيف تبني العضله !!
هي الله يسلمك تبني خلايا بروتينية لكي يتخزن البروتين في تلك الخلايا .

لكن انت تقول ان الـ Amino يبني البروتين
و انا قرأت سابقا ان الـ Amino هو البروتين بعد تحليلة..!! كلام صحيح وفي منها اللي يستطيع الجسم تخليقها من الاكل ومنها اللي لازم تعطي الجسم مخزون اضافي عشان مايقدر بنفسه يصنعها .
و بالفعل..مكتوب ان كل حبة تساوي 2 غرام بروتين..

فياليت تأكدلي على حسب خبرتك

---

..............

زي ما تفضل الخ حمد الجرعه ليست 6 حبات
اما موضوع البلع شوف انا ايش اسوي حطها في فمك واشرب وراها كمية من الماء ليست كثيرة وسوي حركة براسك لورا بقوة وما تشوف الا الحبة راحت وبتتعود عليها
ومن يومين شفت بالجي ان سي نوع جديد من الأمينو 2222 تاب عليه شريط اصفر من فوق ومكتوب عليه جديد اسهل للبلع شكلهم صغروه شوي
اما موضوع التكسير والطحن مرة قرأت مقال عن مضار التكسير اللي يسبب تخريش للمرئ دقيقة مع الوقت
ولكل شيخ طريقه انا ابلعه ولا تضايقت منه والحين حولت على السوبر أمينو 4800

أشكرك أخوي حمد على التوضيح

عزيزي ابو كنان..حبة البنادول لحالها اخلص عليها كاس موية كامل و حركة الراس هذي دايما اسويها..و على كذا مو بالسهولة ابلع البانادول
فاذا جيت على الامينو حاولت اني ابلعها ما قدرت..و حتى يوم قسمتها قمسين ما قدرت...فمالي الا الطحن و امرنا لله

اخوي حمد
لا بد ان استعمل في اليوم 12 حبه
لكي يكون مفعولها اكبر او افضل
لأني انا بصراحع استعمل 10 حبات يوميا

اقتباس:

---

المشاركة الأصلية كتبت بواسطة نديم الذكريات

اخوي حمد
لا بد ان استعمل في اليوم 12 حبه
لكي يكون مفعولها اكبر او افضل
لأني انا بصراحع استعمل 10 حبات يوميا

---

معظم مكملات الامينو يوصون ب 12 حبة والبعض يوصي بحبتين قبل كل وجبة وحبتين قبل وبعد التمرين ولو تحسب التوتل بعد بيطلع 12 .

اقتباس:

---

المشاركة الأصلية كتبت بواسطة fares allil

أشكرك أخوي حمد على التوضيح

عزيزي ابو كنان..حبة البنادول لحالها اخلص عليها كاس موية كامل و حركة الراس هذي دايما اسويها..و على كذا مو بالسهولة ابلع البانادول
فاذا جيت على الامينو حاولت اني ابلعها ما قدرت..و حتى يوم قسمتها قمسين ما قدرت...فمالي الا الطحن و امرنا لله

---

الله يسلمك من كل شر وعليك بالطحن هههه

^ ^

انا ابلعها مثل ما هي

ما في مشكله :D

ماشاء الله عليك

تائب أنا ماقدرت لا بتكسير

من باب الدعابه :::

اول ماشافتها اختي الصغيره قالت هذه تحاميل حراره خخخخخخخخخخخخخخخ

قلت دقيقه ابي ابلعها قدامك واكلها اربع حبات وراء بعض راح تصيح اكل تحاميل
وانا وراءه تعالي يالخبله ههههههههه

الحين عادي ههههههههههههههههههههههههه