تجربتي مع كورس مكملات لزيادة الوزن

السلام عليكم


كنت اعاني من النحافة وتخطيتها اخيرا ولله الحمد
واخيرا الكورس الي اتبعه اثبت جدارته خصوصا للhardgainer واللي يتعبون بزيادة الوزن.

الكورس غني بالفيتامينات + البروتين + السعرات الحرارية + الكربوهيدرات.

وانا اتتبع الكورس الى الان ولله الحمد مرتاح له جدا، واهم شئ بالكورس الارادة.

ملف مرفق 334321

الاستخدام: يوميا
مقدار الجرعة: 2 serving
بالبداية حاول تاخذ سيرفنق واحد باليوم لاول اسبوع وبعدين خلها سيرفنق ونص واخيرا الين توصل ٢ سيرفنق

ملف مرفق 334322
الاستخدام: يوميا
الجرعة: ٣ حبات باليوم مفرقه بعد الوجبات

ملف مرفق 334323
الاستخدام: يوميا
الجرعة: ملعقة كبيرة بعد اي وجبة
http://www.dymatize.com/clientupload...eramino_32.jpg
الاستخدام: يوميا
الجرعة: ٤ ملاعق كبيرة قبل التمرين و٤ ملاعق كبيرة وبعده


الكورس السابق بالبداية لاول شهرين مع التمرين طبعا عشان تكسب عضل بدل الدهون
وبعد الشهرين اضف المكملات التالية

ملف مرفق 334325
الاستخدام: يوميا
الجرعة: كيس واحد يوميا لمدة انتهاء العلبة


http://nonstopsupplements.com/images/monster%20milk.jpg
الاستخدام: ايام التمرين فقط
الجرعة: سكوبين بعد التمرين او قبل النوم

http://s2.hubimg.com/u/1149941_f260.jpg
الاستخدام: ايام التمرين
الجرعة:سكوب واحد قبل التمرين ب ٤٥ دقيقة

http://www.sportyshealth.com.au/imag...tion-Xtend.jpg
الاستخدام: ايام التمرين
الجرعة: من سكوبين الى ٤ بعد التمرين مباشرة ( لاتشتري طعم التفاح ابدا لو نفسك شينه )


مع عدم اهمال جانب الاكل ابدا وهو الاساس والي يرتكز عليه الجسم، والكورس مع الاكل يساعدك تزيد وزن صحي مع تمارين الضخامه لتدريب ٣ ايام بالاسبوع على الاقل لجميع عضلات الجسم
الكورس الحمدلله جاب نتيجة معاي ولو نحسب السيريس ماس مع الحليب بالسيرفنق الواحد فقط يعطيك ١٦٠٠ سعره تقريبا يوميا. و ٢ سيرفنق يعطيك ٣٢٠٠ سعرة

بالنسبة للي يقول مانقدر نشرب المكملات كلها او كثيرة بتنظيم الوقت تنحل المشكلة،
بالنسبة لجدولي اليومي ايام التدريب ٣ ايام بالاسبوع
اصحى صلاة الفجر الساعه ٥ ونص واصلي واكل تمرتين واشرب سيرفنق سيرياس ماس
الساعه ٨ افطر واكل حبة اوبتي مين
الساعه ٩ اكون متواجد بالدوام
الساعه ١٢ وربع اشرب نص سيرفنق سيرياس ماس
الساعه ٢ اتغدى واكل حبة اوبتي مين
الساعه ٤ ونص اشرب سيرياس ماس وملعقة flaxseed oil
الساعه ٦ سيرفنق انيمال ستاك وبعدها بنص ساعه اشرب السوبر بمب وواتجه للنادي وقبل مادخل اشرب ٤ ملاعق امينو
التمرين ياخذ مني ساعه تقريبا وبعدها اشرب ٤ ملاعق امينو واشرب االاكستند
الساعه ٨ ونص اكون تجهزت للعشاء اتعشى واكل حبة اوبتي مين
الساعه ٩ ونص اشرب المونستر ملك وانام


اول اسبوع دائما يكون صعب الين الجسم يتعود
ملاحظة: بالنسبة لزيت بذرة الكتان انا استخدمه يوم ورى يوم استخدم الكتان اليوم واليوم الي بعده زيت سمك

ابتعد عن الكورس لو كنت تعاني من سكر او ضغط
يمكن يسبب لك المونستر ملك غازات وخصوصا قبل النوم لبعض الاشخاص ( ناس اعرفهم جاهم غازات ) مع اني مالاحظت اي غازات او انتفاخات بالبطن
لو كنت انسان تشبع بسرعه وماتجوع انصحك تستخدم فاتح شهيه اسمه ميسيقور تلقاه باي صيدلية والشراب افضل من الحبوب ( يسبب النعاس اول ٤ ايام )
بعض الاشخاص يعاني بعد شرب السوبر بمب من الارق، انا الحمدلله ماعانيت منه. لو اثر عليك بالنوم حاول تغيره لاي منتج فري كافيين

واي ملاحظة او سؤال ان شاء الله اقدر افيدكم

مشكور اخي على نقل تجربتك المفيدة
ما قصرت و ان شاء الاعضاء يستفادون من موضوعك

ارجوا كتابة تجربتك عن الانيمال ستاك في هذا الموضوع المخصص لذلك

http://www.montada.com/showthread.php?t=690739

حتى يستفاد من تجربتك الاعضاء

و جازاك الله خيرا

بالتوفيق

الف شكر يا وحش على كتابة تجربتك ...

واتمنى لك التوفيق

يعطيك العافيه أخوي على نقل تجربتك
وبالتوفيق ان شاء الله

يعطيك ألف عافية على نقل تجربيك

بالتوفيق يابطل

اخوى الكريم.. ياليت لو تذكر بياناتك من وزن وطول ودهون والانتقال الجديد الى الوزن ؟؟

وشكرا لك

تجربة رائعه واشكرك على نقل التجربه لنا حتى الكل يستفيد وفقك الله يابطل

السلام عليكم

اخوي ياريت لو تكمل تجرتك عساس تكون مميزه وشامله بذكر طولك ووزنك ونسبة الدهون قبل الكورس وبعده

وتذكر رايك بالمنتجات اللي استعملتها لانه في منتجين ودي فيهم لكن ابي اسمع رايك هذي نصيحتي لك عساس تفيدنا وتفيد باقي الاعضاء

وعليكم السلام

ماشاالله تجربه مميزه يابطل ولو ان فيه بعض المكملات غيرضروريه وبعضها يغنيك عن البعض
لكن تنظيم الوقت والجرعات بحد ذاته انجاز رائع


بالتوفيق


ينقل للمواضيع المميزه

السلام عليكم يابطل ..

تجربة ممتازة وان شاء الله في تألق دائم ..

اقتباس:

---

المشاركة الأصلية كتبت بواسطة france for ever

مشكور اخي على نقل تجربتك المفيدة
ما قصرت و ان شاء الاعضاء يستفادون من موضوعك

ارجوا كتابة تجربتك عن الانيمال ستاك في هذا الموضوع المخصص لذلك

http://www.montada.com/showthread.php?t=690739

حتى يستفاد من تجربتك الاعضاء

و جازاك الله خيرا

بالتوفيق

---

يشرفني مرورك وباذن الله لما اخلص العلبه الثانيه من الانمال ستاك اكتب تجربتي بموضوعك

اقتباس:

---

المشاركة الأصلية كتبت بواسطة mr.911

السلام عليكم

اخوي ياريت لو تكمل تجرتك عساس تكون مميزه وشامله بذكر طولك ووزنك ونسبة الدهون قبل الكورس وبعده

وتذكر رايك بالمنتجات اللي استعملتها لانه في منتجين ودي فيهم لكن ابي اسمع رايك هذي نصيحتي لك عساس تفيدنا وتفيد باقي الاعضاء

---

ابشر
الطول ١٨٨ الوزن كان تقريبا على ماذكر ١٣٣ باوند وماحسبت نسبة الدهون سابقا
الحين الوزن ١٥٤ باوند وكل اسبوع ازيد من ٣ الى ٥ باوند
بالنسبة للرايي بالمنتجات فكلها والله ماعليها كلام لكن الانمال ستاك مابغى اقول رايي فيه الين اخلص العلبه الثانيه، لكن لاحظت نمو اسرع بالعضلات من الاسبوع الثاني وخاصه بعد التمرين تشوف فرق
المونستر ملك انا مخليه قبل النوم يعطيك ٥٠ بروتين واحماض
وفيه منتجات استخدمها ايام التمرين فقط
زيت الكتان لاحظت فيه فائدة اكثر بالشعر صراحه انا من النوع الي بعد الدش يصير كانه طالع من حلاق من قوة التساقط، لكن يوم استخدمه وقف التساقط نهائيا ( وانا توني بالعلبه الاولى )
الاكستند ركفري ايام التمرين وصراحه كانك تشرب عصير بس ماقدر اقولك فادني كثير لاني استخدم منتجات ثانيه ويمكن بعضها يساعد بعض
الامينو ممتاز من ناحية الامتصاص والطعم وافتكيت من سالفه الحبوب
الاوبتي مين كلن يعرفه
واخيرا السوبر بمب انا مرتاح له وكل واحد وعلى حسب جسمه وفيه منتجات باور كثير

اقتباس:

---

المشاركة الأصلية كتبت بواسطة THE CAST

وعليكم السلام

ماشاالله تجربه مميزه يابطل ولو ان فيه بعض المكملات غيرضروريه وبعضها يغنيك عن البعض
لكن تنظيم الوقت والجرعات بحد ذاته انجاز رائع


بالتوفيق


ينقل للمواضيع المميزه

---

يشرفني مرورك وتعليقك ياكبتن
انا ماودي اقصر على جسمي ايام التمرين، عشان كذا احاول اخذ هالمنتجات كلها لان مو شرط كله يمتصه الجسم
وفعلا مثل ماتفضلت تنظيم الوقت هو الي يساعد وتوقيت الجرعات

السلام عليكم

اهنيك يا وحش على نقل التجربة الرائعه ويعطيك العافيه

اهنيك حبيبي على التجربه والاصرار وبالتوفيق الك

استمر يابطل وننتظر النتائج المستقبليه منك