[موضوع نقاش]: اللعبه الافضل.
السلام عليكم ورحمة الله و بركاته
حبيت اليوم أفتح موضوع غريب شوي
بس إن شاء الله مفيد للجميع
من العنوان راح نناقش أفضل لعبه
- رواد قسم الأنمي راح يشوفون عنوان مشابه -
الفكره بأختصار :
نقاشنا ماراح يكون عن أفضل لعبه هي لعبة كذا و كذا و إسوء لعبة كذا و كذا
في العاب ناجحه لسبب واحد ممكن جرافيكس فقط .. ممكن قصه .. ممكن شخصية
نظام لعب ... الخ
و العكس ممكن العاب تخسر أو تصنف أسوء و السبب هو واحد من السابق
فالموضوعنا ماراح يناقش الإفضلية المطلقه للعبه
راح نناقش مقومات اللعبه الأفضل ..::
تفصيل أكثر ...
راح نخصص مده معينه نناقش فيها أفضل قصة لعبه في البدايه ...
RPG
SHOOTING
PLATFORM
ADVENTURE
STRATEGY/TACTICS
FIGHTING
SURVIVAL HORROR
SIMULATIONS
و هكذا لين نطلع بأفضل قصص ألعاب مرت علينا
بعد ماننتهي من القصص
نبدأ نناقش أفضل شخصية ذكوريه و انثويه
- يدخلون الالفز و دورفز .. و الخ -
سوء كوميديه - جاده - قياديه - مضحيه - شريره ... الخ
و بعدها نناقش الجرافيكس
ثم طريقة اللعب
و هكذا و بالنهايه نصنف الإلعاب تبع لمعايرنا أحنا و من تجربتنا
الهدف :
صراحه أنا شفت كثير العاب أنظلمت بالتقايم و مخفيه عن الجميع و هي أبدع مايكون
و السبب أنها ما أرضت ذوق المحللين و الخ
فقررت أننا أحنا اللي نصنف الإلعاب من نفسنا
حريه اكبر .. و نقدر نعطي الإلعاب اللي تستحقه
نطاق النقاش :
من العائلة إلى NGP >> لسى فرش ماطلع شيء :silly:
و في النهايه .
رجاءً رجاءً حار أننا نراعي بعض و نحترم ذوق بعض
ما ابغى تعدي على اي شخص
و في النهايه تراها العاب
ذوقك مايعجبني ذوقي مايعجبك
تظل آراء فالنهايه و ألعاب
فلا تسمحوا لها أنها تعكر علينا المتعه :)
رد: [موضوع نقاش]: اللعبه الافضل.
شكرا على الموضوع..
بما ان افتتاحية النقاش بتكون عن قصص الألعاب
أكيد بيكون في حرق للأحداث .. صح؟!
ويمكن بعضنا ما لعب الألعاب اللي راح نتحدث عنها
لذلك مجرد تنبيه - للي مو عارف - وحتى ما يتضايقوا بعض الأعضاء
في شيء اسمه زر السبويلر http://director.montada.com/new_icons/hide.jpg استخدمه !
أكيد لي رجعة للموضوع لكن لاحقا
شكرا مرة أخرى
^_^
رد: [موضوع نقاش]: اللعبه الافضل.
ايتاشي ^^
منورة بالموضوع .. حاس ان عدوى فكرة "افضل .............." راح تنتشر بباقي الاقسام P:
مادري هل احد يوافقني .. افضل قصة هي العاب RPG
RPG متعمق بالقصة والاحداث والحوارت فتظهر واسعه وبتفاصيل دقيقة
لي رجعه ..
رد: [موضوع نقاش]: اللعبه الافضل.
تشوتشييييييييييي تسلمين عالموضوع الرائع
<<عاد انا احب الهذره XD
افضل قصة ألعاب بالنسبه لي هي RPG بلا منازع ^^
مادري اذا مسموح اعطي امثله ولا لا لكن جفنا قصص رائعه في سلسلة FF ومافي اي جزء يخلو من قصه عميقه
والحلو في هالنوع ألعاب عنصر المفاجأه انك لما تتقدم في اللعبه تكتشف اشياء واسرار عن الشخصيات وعن العالم المحيط فيهم (وفكرة العالم الاخر المختلف عن عالمنا تميز ألعاب الRPG بشكل عام)
حتى لو تلاحظون أغلب اسامي شخصيات الالعاب غير مألوفه فماتقدر تقول انهم ينتمون لثقافه معينه وتحس وكأن الرساله موجهه لنا جميعا
وايضا الاقوال المأثوره اللي نسمعها في الشخصيات وخاصة الشريره واللي تترك أثر وعبره في قلوب الفانز @@
وبس XD
رد: [موضوع نقاش]: اللعبه الافضل.
اعتقد ان ايتاشي ما تقصد النوع .. تقصد قولوا اسماء الالعاب وما يهم اي نوع كانت ..
حتى انا لي رجه هذه موضوع يبيله تفكير واسترجاع للذكريات
تسلمين ايتاشي على الموضوع ^_^
رد: [موضوع نقاش]: اللعبه الافضل.
عليكم السلام ورحمت الله وبركاته
شكرا أختي الفاضله على الموضوع اللطيف والطرح الممتاز
أولا الموضوع يحتاج نقاش وهذا النقاش يأتي من تفاعل الأعضاء فأتمنى مشاركت الجميع ( بلاب بلاب بلاب )طبعا لن أختلف مع الأعضاء اللي قبلي على أن العاب الRPG هي أكثر
أكثر القصص تأثيرا على الاعب والسبب بسيط أكثر ساعات لعب يعني أن تعيش تجربه ممتعه مع شخصيات اللعبه أكثر من 80 ساعه أكيد ستتأثر بهم وتحس فيهم كأنهم حقيقيون ....
مثال على ذلك المسلسل والفيلم أتوقع تأثير المسلسل على المشاهد يكون أكبر و أعمق وهكذا هذا ما لدي ....
شكرا مره أخرى على الموضوع الشيق
رد: [موضوع نقاش]: اللعبه الافضل.
اقتباس:
المشاركة الأصلية كتبت بواسطة Falling Angel
شكرا على الموضوع..
بما ان افتتاحية النقاش بتكون عن قصص الألعاب
أكيد بيكون في حرق للأحداث .. صح؟!
ويمكن بعضنا ما لعب الألعاب اللي راح نتحدث عنها
لذلك مجرد تنبيه - للي مو عارف - وحتى ما يتضايقوا بعض الأعضاء
في شيء اسمه زر السبويلر http://director.montada.com/new_icons/hide.jpg استخدمه !
أكيد لي رجعة للموضوع لكن لاحقا
شكرا مرة أخرى
^_^
ooops :boggled:
غابت عن بالي نهائياً .. بإطلب من كاسح أو وايت نايت يعدلوا على المحتوى و شكراً لك
بس ما شاركتنا برايك ؟؟
رد: [موضوع نقاش]: اللعبه الافضل.
اقتباس:
المشاركة الأصلية كتبت بواسطة Al-RaQmi
ايتاشي ^^
منورة بالموضوع .. حاس ان عدوى فكرة "افضل .............." راح تنتشر بباقي الاقسام P:
مادري هل احد يوافقني .. افضل قصة هي العاب RPG
RPG متعمق بالقصة والاحداث والحوارت فتظهر واسعه وبتفاصيل دقيقة
لي رجعه ..
الله يسلمك :)
هههههه ترقبوني و بقوووه http://www.tuzki-shrine.intellspire....ing_flower.gif
أنا ما اتكلم عن نوعية لعبه محدده
انا معك ان الأر بي جي روعتها بالقصتها أصلاً أنا ما احب نظام الأر بي جي و ما ألعب إلا لعيون القصه او شخصيه اعجبتني بالشوف وش مصيرها
و اشتريها لأني أعرف قصصها قويه و شخصيتها روعه .. لا أقل و لا اكثر
اللي أقصده حدد نوع القصه اللي تحبها بالار بي جي و بعدها بالرعب و بعدها بالإلغاز و .. الخ
يعني أكيد أنكم مالعبتوا ار بي جي بس ..http://www.tuzki-shrine.intellspire....izon_check.gif
ردي ان شاء الله بأحاول أوصل الفكره ...
أسعدتني مشاركتك :)
رد: [موضوع نقاش]: اللعبه الافضل.
اقتباس:
المشاركة الأصلية كتبت بواسطة arashi
تشوتشييييييييييي تسلمين عالموضوع الرائع
<<عاد انا احب الهذره XD
لووووول الهذره احلى شيءhttp://www.tuzki-shrine.intellspire....ges/hehehe.gif
الله يسلم قلبك
اقتباس:
افضل قصة ألعاب بالنسبه لي هي RPG بلا منازع ^^
مادري اذا مسموح اعطي امثله ولا لا لكن جفنا قصص رائعه في سلسلة FF ومافي اي جزء يخلو من قصه عميقه
:أفكر:
totally agree :ee2:
اقتباس:
والحلو في هالنوع ألعاب عنصر المفاجأه انك لما تتقدم في اللعبه تكتشف اشياء واسرار عن الشخصيات وعن العالم المحيط فيهم (وفكرة العالم الاخر المختلف عن عالمنا تميز ألعاب الRPG بشكل عام)
حتى لو تلاحظون أغلب اسامي شخصيات الالعاب غير مألوفه فماتقدر تقول انهم ينتمون لثقافه معينه وتحس وكأن الرساله موجهه لنا جميعا
وايضا الاقوال المأثوره اللي نسمعها في الشخصيات وخاصة الشريره واللي تترك أثر وعبره في قلوب الفانز @@
وبس XD
اللي فهمته اللحين أن سلسلة فانتسي هي الإفضل بالنسبه لك من ناحية الأر بي جي
لكن اروش
ابغى تفصيل أكثر
يعني أي قصه اللي شدتك أكثر
و السبب ... و ش احسستي عقب ما انهيتي اللعبه و عرفتي القصه
و بالرعب و الإلغاز و التلاحم و الخ ..
كل الأنواع أقصد اذكري القصص اللي اعجبتك
مو شرط كل الأنواع بس اكيد لاعبه غير الار بي جي
أدري السالفه ممكن متعبه شوي بس صدقوني راح نستمتع لأننا راح نعرف من بعض العاب ما ندري انها موجوده إصلاً
أو ماعرفنها صح ;);)
رد: [موضوع نقاش]: اللعبه الافضل.
اقتباس:
المشاركة الأصلية كتبت بواسطة NiN RevO
اعتقد ان ايتاشي ما تقصد النوع .. تقصد قولوا اسماء الالعاب وما يهم اي نوع كانت ..
حتى انا لي رجه هذه موضوع يبيله تفكير واسترجاع للذكريات
تسلمين ايتاشي على الموضوع ^_^
:biggthump
أسم اللعبه و نبذه بسيطه عن القصه و السبب اللي خلاك تحب القصه و تعتبر أنها مميزه
ننتظرك ..
الله يسلمك :)
رد: [موضوع نقاش]: اللعبه الافضل.
اقتباس:
المشاركة الأصلية كتبت بواسطة biohazard x
عليكم السلام ورحمت الله وبركاته
شكرا أختي الفاضله على الموضوع اللطيف والطرح الممتاز
أولا الموضوع يحتاج نقاش وهذا النقاش يأتي من تفاعل الأعضاء فأتمنى مشاركت الجميع ( بلاب بلاب بلاب )طبعا لن أختلف مع الأعضاء اللي قبلي على أن العاب الRPG هي أكثر
أكثر القصص تأثيرا على الاعب والسبب بسيط أكثر ساعات لعب يعني أن تعيش تجربه ممتعه مع شخصيات اللعبه أكثر من 80 ساعه أكيد ستتأثر بهم وتحس فيهم كأنهم حقيقيون ....
مثال على ذلك المسلسل والفيلم أتوقع تأثير المسلسل على المشاهد يكون أكبر و أعمق وهكذا هذا ما لدي ....
شكرا مره أخرى على الموضوع الشيق
العفو .. ^_^
معاك حق الموضوع اساسه تفاعل الكل ... احنا نبني قاعدة بيانات لبعض >>> تأثير نظم المعلومات ماراح للحين :09:
فعلاً زي ماذكرنا سابقاً الار بي جي أفضل قصص ...
و اللي أبغاه أنك تذكر القصه الإفضل من كل نوع .. اللي لعبتهم و تحس أنهم مميزات ..
ننتظر مشاركتك و شكراً:)
رد: [موضوع نقاش]: اللعبه الافضل.
رد: [موضوع نقاش]: اللعبه الافضل.
اها فهمت فكرت الموضوع @_@
كان وفرتي على نفسك و قلتي كل واحد يستعرض لعبة مميزة بالنسبة له كان الكل فهمك ^_^
اول شي شكراً على الدعوة =)
وبجرب حظي >_>
اسم اللعبة إلي بتكلم عنها Digital Devil Saga
و اكيد هي RPG =)
و هي على جهاز الـPS2
نزل لها جزء ثاني بس انا افضل الاول على الثاني عشان كذا راح اتكلم عن الأول
قصة اللعبة جداً غريبة و هاذا إلي شدني للعبة اصلاً اللعبة كلها على بعضها غريبة اشكال الشخصيات غريبة اشكال الوحوش غريبة شكل العالم بكبره غريب و هاذي النكهه هي إلي خلتني اتعلق في اللعبة و قصتها العميقة وهي عن كابتين اطلق قوة شياطين في العالم و اتذكر بعد ان في قبيلة ما يوردني اسمها بس بطل اللعبة يكون من هالقبيلة و اسمه سيرف الزبدة القبيلة هاذي تعتقد ان القبيلة الثانية بتستخدم قوة الشياطين ضدها و تصير حرب و ملاحم :أفكر:
بالنسبة للجيم بلاي سطحي و عادي بس الباتل سيستم مميز بسرعته و سلاسته يعني المعاك ما تاخذ وقت طويل و مثله مثل أي لعبة RPG يعني تستخدم اسحار و تستخدم Skills و تستخدم items
الجرافكس الصراحة الجرافكس على ايام الـPS2 كان شيء رائع خصوصاً اني كنت مدهوش من دقة الألوان والمناظر ( اغلبها كئيبة بس كانت تسحرني ^^ )
الساوند تراك كعادة ألعاب Shin Megami تتميز بالـost الرهيب و الباتل ثيم المميز 3> و ألاحظ أن يغلب عليها الروك كالعادة =) من افضل ما في اللعبة
http://www.youtube.com/watch?v=HqCPmYsv2xQ
http://www.youtube.com/watch?v=o08Ir0Mf_qg
http://www.youtube.com/watch?v=Rj8lHu33vpA
الاشياء الجانبية مثل الزعماء السريين إلي انا اعشق مواجهتهم في اي لعبة بس في هاللعبة هو ما كان زعيم لحاله كانوا 3 مع بعض و بمجرد ما تقتل واحد فيهم تنتهي المعركة و مواجهتهم ما كانت سهله فيها صعوبة خصوصاً لم الفيل او كرشة يقشع الـteam كله بضربه >_<
http://www.youtube.com/watch?v=Zb3nIH7E9Z0
BTW الباتل ثيم في مواجهة الزعماء السريين جداً رهيب ^.^
في النهاية اقول اللعبة كلها على بعضها ما تتفوت و مميزة و عمرها ممتاز على ما اذكر من 20-30 ساعة عشان تنهيها و مو من ذيك الصعوبة :31:
اتمنى ينزلون لها كولكشن يحوي الجزئين مع بعض =)
هاه اتاشي انا ماشي مضبوط ؟ ^^"
تعديل : الموضوع بس عن قصص الألعاب ؟ ^^"
انا من زود الحماس فتحت مدونه كامله للعبة -_-
رد: [موضوع نقاش]: اللعبه الافضل.
اهااااااا فهمت الموضوع @@
يعني احط كل نوع وايش اكثر قصه عجبتني فيه
موضوع الانيمي بعد نفس الشي؟
عشان ارد اشارك فيه :33:
اوكي لنبدا من جديد XD
تحذير..ردي كله spoiler
RPG
فاينل فانتسي 7 <<وهل يخفى القمر؟ :biggthump
اللي عجبني في قصتها ان المصيبه حلت عالعالم كله وليست مقتصره على مجموعه من الابطال
احب الكوارث @@
واحلى مافيها عنصر المفاجأه خاصة لما تكتشف ان ذاكرة كلاود مختلطه بذاكرة زاك وتعرف قصته لما زار نيبلهيم مع سيفيروث على حقيقتها (اكثر شي خفت لما كشة زاك طلعت لي من تحت الشاشه برررررررررررر ذكرني بحشره اكرهها) :boggled:
فالقصه فيها عنصر نفسي (مانجوفه في اغلب ألعاب الRPG) :33:
وشي ثاني هو ان مافيها رومانس لأن تعبنا من نفس الروتين :silly:
والقصه من كثر ماهي قويه ومليانه غموض وتفاصيل اضطريت ألعب اللعبه 3 مرات عشان افهم القصه عدل :biggthump
فاينل فانتسي 8 <<اول RPG اجربها :أفكر:
عاد هاذي ماتجي بعد فاينل 7 في القصه لأنها تساويها (الثنتين عندي #1) :biggthump
الغموض يبدأ من اول اللعبه لما سكوال يقابل إيلون للمره الاولى @@
تقول وقتها "منو هاذي؟ وليش ظهرت كم دقيقه وتقول انها تعرف سكوال؟"
الغموض جدا جدا قاتل في هاللعبه وكل ماتقدمت اكثر تتزايد التساؤلات @@
والاحلى لما ينتقل التحكم لمجموعة لاجونا وتقرا تعليقات سكوال وهو يتكلم في الحلم
لييييييش سكوال يحلم بلاجونا؟
وهل هو يجوف الماضي ولا الحاضر ولا المستقبل؟
ايش معنى لاجونا؟ ومن هو لاجونا؟
قصه متعوب عليها..افكر مميزه..مفاجآت فتاكه تبدأ من نهاية السي دي الثاني :bigeyes:
اكثر شي صدمني هي معلومة خبرتني عنها camillia rose الله يذكرها بالخير وهي ان لاجونا في الواقع ابو سكوال الحقيقي..وااااااااااااات؟ @@
وفعلا لقينا هالكلام مكتوب في النت
اي مفاجأه هاذي :bigeyes:
Chrono Cross
لعبه غريبه بقصتها وتحصب نفسك ضايع بين عالمين مختلفين
الخريطه نفسها والمدن نفسها والناس نفسهم في العالمين لكن...
الاختلاف مب بالبعد الزمني لأنك تحسهم في زمن واحد
الاختلاف يكون في الاحداث اللي صارت
البطل serge يكون عايش حياته في العالم 1 لكنه مات في طفولته في العالم 2
وهالتفرق البسيط أثر على حياة وايد ناس في العالمين
مثلا
العالم 1 في ولد وابوه عايشين اغنياء وغرقانين في الفلوس والخير لأن الولد رسام مشهور والابو تاجر كبير
لكن في العالم 2 عايشين حياه ميسره..قولوا فقراء..والولد يطمح انه يصير رسام مشهور (وينضم لفريقك عشان يستفيد)
والحلو انك تقدر تاخذ هالولد وياك للعالم 1 ويجوف نفسه غني ويكلم نفسه بعد @@
وكحال أي RPG محترم تكتشف سبب موت البطل في العالم 2 وسبب تورطه بين العوالم وهكذا
PLATFORM
Spyro 2
قصته كانت خفيفه واجواءها تفتح النفس وتحصل ناس يكلمونك ويتفاعلون معاك (عكس الاول كنت وحيد واللي يكلمك انت ماترد عليه)
واهم شي ان الشرير قزوم جبار :silly:
STRATEGY/TACTICS
Fire Emblem Radiant Dawn والجزء اللي تابع له بعد اظنه Goddess of Dawn
مالعبتهم لكني تابعت القصه عاليوتيوب
القصه اكثر من رائعه :bigeyes:
صج ان فكرة اميره تم احتلال مملكتها وتحاول تسترجع مملكتها قديمه
لكنها عميقه بسبب المجموعه اللي تساعدها (اللي يقودها العبيط Ike) :silly:
الولد يفقد ابوه ويقوم يقود المرتزقه من بعده ويساعد الاميره
والناس مقسمين الى فئتين
بني ادم
بني حيوان لكن اودام @@
يسمونهم Lagos
فكرتهم يديده علي لأنهم جدامك اوادم بأذن وذيل لكن يتحولون لحيوانات
وبينهم وبين الاوادم العاديين صراع ومشاكل بسبب اختلاف اجناسهم
وتلاحظ انهم لازم يكملون بعض
الاوادم "عقل" والاقوز "قوه"
فلما يتحدون مع بعض لقتال عدو مشترك تلاحظ شلون يكونون قوه هائله يهزمون فيها عدوهم<<< تعلموا منهم ياعرب :09:
والتكمله في الجزء الثاني رهيبه اكثر لأن الهة الدمار والالهه الثانيه (الطيبه) يدخلون في السالفه وقصتهم اكثر عمقا من القصه الاولى :bigeyes:
FIGHTING
Tekken 2
هي احسن قصه لأنك تتحمس تعرف نهايات كل الاعبين
وكل نهايه لها معنى ومهمه (الاجزاء البقيه تكون كل النهايات مزيفه مع عدا كذا وحده)
SURVIVAL HORROR
Resident Evil 2
احلى مافيها انها تركز على بطلين وكل واحد له طريقه والشخصيات اللي يقابها (عدا انيت والشرطي اللي يموت من البدايه)
ايضا لأن ابطالها ناس عاديين وماعندهم خبره (حتى ليون يعتبر جديد ماعنده تجارب)
اكثر شي عجبني في القصه هو لما تعرف شلون الفيروس بدا ينتشر في المدينه وحلو التركيز على العائله (كلير تبحث عن اخوها وانيت متقطعه لأن زوجها تحول لوحش وتحاول تحمي بنتها لأن زوجها يدورها)
ماحب الابطال اللي ماعندهم لا صديق ولا قريب ويكون هو الوحيد ما همه الا نفسه :28:
Resident Evil Code Veronica X
مشابهه لرزدنت ايفل 2 من حيث تركيزها على العائله ولاحظ المقارنه بين كلير وكريس وشلون هم اخوه متحابين والفريد واليسكيا اللي حبهم لبعض غبي لأن الفريد يذبح نفسه عشان اخته وكأنه خادم عندها وهي تستغله وماتعيره اي اهتمام حتى لما يموت (وايد عليها غنت له :blackeye: )
وجوف شلون ستيف يحب ابوه لدرجه انه يواجه صعوبه في قتله لما يتحول لزومبي (وينهار نفسيا بعد موته)
والاخوه الفريد واليكسيا يحقنون ابوهم بفيروس ويتحول لوحش فاشل ويربطونه ويحبسونه سنين تحت الارض يتعذب ويصارخ :28:
Silent Hill 4
اكثر جزء عجبني من حيث القصه في السلسله لأنك تبدأ في غرفه تتحكم بشخص ثاني وياكلك شبح @@
وتقابل عدد كبير من الشخصيات (يمكن اكبر عدد في السلسله كلها)
ووجودك في عالم غريب وهو عباره عن العقل الباطن لوالتر سليفان وحتى الالغاز فيه هي جزء من ذكرياته :أفكر:
والقصه جدا creepy لما تستقبل معلومات في اوراق حمره من تحت الباب ولما تعرف ايش كانت الطائفه الدينيه تسوي في اليهال اليتامى وحقائق كثيره مرعبه @@
Action
Devil May Cry 3
هنا تنفاجأ بظهور فيرجل للمره الاولى وصراع بين الاخوه واحد يحب امه وواحد يحب ابوه
وكل واحد يكون له هدف مختلف في الحياه يخليهم مايتفقون ويكونون في صراع :12:
ومع كل هالعداوه تكتشف في مواقف ان الاخوه يحبون بعض لكن كل واحد يحاول يخفي شعوره عن الثاني :31:
ما اقول انها فكره يديده لأن في انيمي قديم بنفس الفكره لكن الفرق ان ديفل وضحت هالفكره بطريقه ممتازه :ponder:
وبس ويعطيج العافيه تشوتشي عالموضوع واذا في اي تحديث خبريني :biggthump
رد: [موضوع نقاش]: اللعبه الافضل.
وعليكم السلام ورحمة الله وبركاته ..
في البداية احب اقول ان ردي بيكون خالي من السبويلرات ان شاء الله ، فلا تخافون ..:09:
القصص بشكل عام في الفيديوجيمز ما اعتبرها من أولوياتي ..
بس شي ألعاب قصصها فرضت نفسها علي ..
اولها ICO
أول لعبه خلتني العب عشان اكمل القصه ، حسيت القصه تبي تجسد بعض المشاعر والقيم بشكل راقي جداً ..
God Of War
ما اندر ان نشوف لعبه أكشن مع قصه محترمة ، GOW كانت لعبة اكشن تحمل قصه ملحمية ممتازة ،حتى أفلام هوليوود ما قدرت توصل قصص عن الاغريق بالشكل اللي وصلته GOW ..
FFX
عموماً اجزاء فاينل قصصها كلها ممتازة ، بس الجزء العاشر تفوق عليهم كلهم من ناحية الاحداث اللي تمر فيها للشخصيات وطريقة ربط الاحداث ببعضها ..
بعض الألعاب قصتها تكون عادية يس نهايتها مميزة ..
Prince of Persia 2008
Lords of Shadow
ثانكس ايتاشي على الموضوع ، نترقب التكملة ..
