دعوة على "فيسبوك" لـ"ثورة الحرية" في قطر

دعوة على "فيسبوك" لـ"ثورة الحرية" في قطر

http://38.121.76.242/memoadmin/media...4_340_309_.jpg


دعا نشطاء على موقع التواصل الاجتماعي "فيسبوك" إلى ما أسموه "ثورة الحرية" في قطر، للمطالبة بإجراء إصلاحات سياسية وتوفير المزيد من ميزات الرفاهية الاجتماعية للقطريين. كما دعوا للإطاحة بأمير قطر، الشيخ حمد بن خليفة آل ثان.
ودشن هؤلاء النشطاء صفحة على موقع "فيسبوك" حملت عنوان "ثورة الحرية 16 مارس قطر". وتضمنت المطالب المدرجة على الصفحة إزالة القاعدة العسكرية الأمريكية من الأراضي القطرية وإبعاد الشيخة موزة، زوجة الأمير حمد، التي تتمتع بنفوذ كبير في كل شؤون الدولة.
ووضع القائمون على الصفحة صورة للشيخ حمد وعليها علامة خطأ باللون الأحمر، حسبما أوردت جريدة "المصرى اليوم".
كما دعت الصفحة إلى بحث قطع العلاقات الودية بين قطر وإيران و"إسرائيل"، التي كانت تملك مكتبا للتمثيل التجاري في قطر حتى أغلقته الدوحة في 2009 احتجاجًا على الهجوم "الإسرائيلي" على قطاع غزة في 2008.
ونشرت الصفحة صورة للشيخ حمد بن جاسم، رئيس الوزراء القطري، وهو يصافح مسؤولا "إسرائيليا"، وكتب عليها تعليقا يقول: "لماذا لم تنشر قناة الجزيرة هذه الصور؟".
ومن الصعب تحديد عدد أعضاء الصفحة الموجودين في قطر أو كم عدد القطريين منهم، كما يصعب معرفة ما إذا كان هناك احتجاج قد يجري بناء على هذه الصفحة يوم 16 مارس.
وينظر لقطر، الحليف المقرب من الولايات المتحدة، على أنها واحدة من الدول الأقل عرضة لخطر موجة الاضطرابات السياسية، التي تجتاح العالم العربي، حيث تملك احتياطات هائلة من الغاز، جعلتها دولة على درجة كبيرة من الثراء.
ويبلغ عدد سكان قطر 350 ألف شخص فقط، يتمتعون بأعلى نصيب للفرد من الدخل القومي في العالم.
واستولى الشيخ حمد على السلطة من أبيه في «انقلاب أبيض» عام 1995، وأعلن ابنه، تميم، وليا للعهد في 2003، كما عانت عملية الإصلاح السياسي من الركود بسبب التأجيل المتواصل للانتخابات البرلمانية، ولا توجد جماعات معارضة منظمة في قطر.

http://www.islammemo.cc/akhbar/arab/...25/117939.html

اقتباس:

---

ويبلغ عدد سكان قطر 350 ألف شخص فقط، يتمتعون بأعلى نصيب للفرد من الدخل القومي في العالم.

---

× تصحيح ×

على حسب الموسوعة الحرة ( ويكيبيديا ) يبلغ سكان قطر 1,696,563 على حسب اخر احصائية

انا استغربت لما شفت 350 الف قلت معقولة البحرين اكثر ؟

عالعموم احنا اكيد نتمنى الخير لشعب قطر و ان شاء الله تعدي على خير

السلام عليكم ورحمة الله وبركاتة

جزاك الله خير اخوي على التصحيح , حالياً لا اعلم رقم كما اتمنى من القطرين ان يفيدونا , وانا شخصياً لا اتوقع إن راح تصير مضاهرات مثل باقي الدول العربية اتوقع ظهور فئة قليلة راح تحتج وبعدها راح ترجع وتسير الأمور طبيعية
الأن الشعوب هما بطنها وفرجها ماعليها من إسرائيل وإيران والقاعدة الأمريكية والبطيخ .. إن توفر الاول إنلغلى الثاني

السلام عليكم

الشعب القطري طالما سمعت انه اقل تعداد بالخليج وسمعت قبل 10 سنوات ان كان 160 الف بس

ولكن اللي نعرفه ان دوله قطر تجنس اصحاب التخصصات واللاعبين و غيرهم من البشر الذين تستفيد منهم قطر

عموما منو اللي راح يقوم بالمظاهرات ؟ طلاب الجامعات مثلا او فئه من الشعب كانت مظلومه

انا ماادري ليش القطريين يبون مظاهره مع اني ولا مره سمعت ان في قطر معارضه , اللي اسمعه ان الامير قاعد يرتقي في قطر ويجعلها دوله نفس اماره دبي من ناحيه التجاره و السياحه

واخيرا استضافه كأس العالم , يعني شنو يبون القطريين غير تنحي زوجته وطرد امريكا ؟

ياليت يقفلون موقع الفيس بوك ويسوون عليه حظر , ياخي صار ضررة أكبر من نفعة يكفي الفساد اللي يصير فيه والحين صار تجمعات تهدف لزرع الفتنة والمشاكل.

i hate face book , ان شاءالله هالجماعة تنشل وما راح يصير آي شئ في دولنا الآمنة.

هههههههههههههههههه هذا الي يدعوا للمظاهره شكله نايم ومايدري بالخير الي
يسوونه لنا الامير وزوجته وعياله

انا ماعرف كم عددنا حاليا خخخخخخخخخ وصح نجنس اللاعبين بس مايحصل
جواز قطري مثلي ؟؟ لا طبعا جواز من فئه ثانيه

ماعلينا من عددنا ... المهم اميرنا زيّد رواتبنا ومن فتره نزلوا للكل علاوه جديده
اظنها 40% والله نسيت

الشيخه موزه سوت لنا الكثير الكثير ليش نطيحها ؟؟ فتحت لنا جامعات اجنبيه عشان مانتغرب
وندرس برع وكلها جامعات رانكاتها عاليه مثل تيكساس وفيرجينا وكارينجي ميلون
ولها افضال واايد علينا ... عشان مثلا مب محجبه عدل ؟؟ كيفها حريه شخصيه
اهم شي واجبها تأديه عدل

واشهد ان عيال ال ثاني كلهم لما يعطونهم منصب يكونون قد هالمنصب
مثل وزير الخارجيه حمد بن جاسم

وبالنسبه لموضوع القاعده ماراح اتطرق للسبب لاني مابي ادخل في السياسيه
ووزير الخارجيه لمح للسبب في احد المؤتمرات قبل كم سنه
ماكان في خيار ثاني جدامنا

اقتباس:

---

كما دعت الصفحة إلى بحث قطع العلاقات الودية بين قطر وإيران و"إسرائيل"، التي كانت تملك مكتبا للتمثيل التجاري في قطر حتى أغلقته الدوحة في 2009 احتجاجًا على الهجوم "الإسرائيلي" على قطاع غزة في 2008.

---

لحظه هالجمله مافهمتها ... هم محتجين لان قطعنا العلاقه معاهم ؟؟
اوكي بالنسبه حق اسرائيل فهمنا وعدل الي سويناه
بالنسبه حق ايران تدرون كلكم ان مرت فترة اضطرابات وتهديدات من ايران
على الخليج ككل ... واصلا حتى مايرخصون لهم فيز بسهوله
الا الي عندهم اهل في قطر فقط

اقتباس:

---

ونشرت الصفحة صورة للشيخ حمد بن جاسم، رئيس الوزراء القطري، وهو يصافح مسؤولا "إسرائيليا"، وكتب عليها تعليقا يقول: "لماذا لم تنشر قناة الجزيرة هذه الصور؟".

---

شتبونه يسوي يعني ؟؟ يطقه بالعقال ؟؟ ههههههههههههه لما يكون في بيزنيس
او لقاء دبلوماسي لازم بيسلم عليه وبيقعد معاه ههههههههه والله يضحكون
شنو يعني كفر ؟؟ ياعمي كانوا اليهود يعيشون في وسط المسلمين
وجار الرسول ثلى الله عليه وسلم يهودي حتى مره استعار منه درع
احنا ماعندنا يهودي واحد في قطر للعلم

اقتباس:

---

واستولى الشيخ حمد على السلطة من أبيه في «انقلاب أبيض» عام 1995، وأعلن ابنه، تميم، وليا للعهد في 2003،

---

ماقدر اتعمق في السياسيه بس كان في سبب يقعد مكانه
ولولا هالشي جان عمرنا ماوصلنا للموستى الي احنا عليه
لكن حتى خليفه الله يحغظه كان له افضال علينا
ولما بزور قطر شيسوون الناس عشان يرحبون فيه ^^

شوفوا يا اعزائي ابدا لاتنتظرون الله يسخر لكم حاكم مثالي
كل حاكم له مميزاته وعيوبه ... حتى الصحابه لما صاروا خلفاء على الدول الاسلاميه
ماعجبوا الكل وتآمرو ناس ضدهم

لا حمد ولا غيره يوصلون لمستوى الصحابه
وحمد ابونا كل القطريين يحبونه
هذيله الي كتبوا هالكلام ماشافوا غيرهم وحمدوا ربهم
كفايه نشوفه في الاماكن العامه ويسلم علينا مافي حد ماشافه
في الكورنيش يتمشى مع زوجته ويبتسمون للكل ويسلمون على الكل
الله يخليك لنا ياحمد .. ابونا حمد لو تطلب منه شي بنفسك مستحيل يردك
وهاي شهادة عدد من الناس

استاذ عياله الخصوصي .. مصري .. لما توفى الله يرحمه راح بنفسه لين مصر
وعزى اهله في بيتهم اكراما له

لو بقعد اذكر افضاله ماراح اخلص
والله يشهد اني انا ماقلت الا الحق عن ابونا حمد

‏^‏

وانا اشهد على كل اللي قالته فوق ..


اللي مسوين هالدعوة شكلهم الله بالخير مثل الأطرش بالزفة خل يستريحون بس ، آخرتها يطلعون مو قطريين ولا حتى يمكن معتبين على أرض قطر ، الله يفكنا شرهم ويديم نعمة الأمن والأمان على قطر ..

خخخخ يارجال تلقى اللي مسوين هالصفحه كم واحد اجنبي ومسوين انفسهم من قطر خخخخ

صراحة في بعض الدول عيب نشوف فيها اصوات تدعو للمظاهرات

اوكي في دول فقيره وفيها فساد وصارت فيها ثورات و هذا شي طيب
لكن نجي على دول فيها الخير و العدل ونقول ثورة؟ ليش بالله؟

هل اقول "هههههههههه" او اقول "هاهاهاهاااااااااااااااااااااا" ؟
اصلا ولا واحد منهم قطري كلهم واضح من وين ولا حتى من الخليج
اقصد....انهم فئه حسوده وحاقده على قناة الجزيره <<< اكيد فهمتوا قصدي الحين
مادري كم يدفعون لهم عشان يكتبون هالكلمتين..حتى مايعرفون يسوون عمرهم قطريين
صدقوني ناويين يثيرون فوضى في الخليج

واصلا احنا عددنا (القطريين فقط) يوصل نص مليون مب 350 الف مثل ما يدعون
هالكلام اكثر من 10 سنين O.o
متأكده انهم ناس جهله ولا متعلمين >_>
ومعقوله؟ 100% من الشعب القطري يصوت تأييدا لمظاهره؟
يعني حتى الطفل الرضيع مصوت لمظاهره..خخخخخ نكته والله http://www.tuzki-shrine.intellspire....ges/hehehe.gif
كذابين قولوا عالاقل 30%
كذبتهم مبالغ فيها @_@
اصلا احنا طايحين فيهم تهكير وتبليغ وحتى شركة الاتصال قاعدة لهم قعده تحظر صفحاتهم التافهه

والحمدلله احنا ما قاصرنا شي حتى فقيرنا يعتبر غني
الحمدلله على كل نعمه أنعمها علينا وعلى حكومتنا الله يخلي كل اللي فيها
وكلنا الحمدلله نحب اميرنا ومرته وعياله وعيال عياله بعد..ها؟ ايش يبون بعد عشان يقتنعون!!

اتمنى ان ماتفتح مواضيع في هالمنتدى لهالتفاهفين اللي يدعون للمظاهرات

هل ممكن تقفلون هالموضوع وتمنعون هالنوع مواضيع؟
لأن كلمة مظاهره صارت مثل المرض الواحد ماوده يسمعها >_>

هل ممكن هالشي اخ سنتانا؟ @@
ما لازم نكبر راس هالتافهين اللي في الفيس بوك..ولا ايش رايك؟ ^^

الله يحفظ بلادنا ويديم النعمة علينا نحن القطريين
ويعيش أميرنا شيخ حمد بن خليفة أل ثاني وتحية لحكومتنا.

بكل صراحة لما شفت أسباب المدعية للمظاهرة أشوفها سخيفة جدا
وتبين انه ماعندهم سالفة الي مسوينها
والي مضحكني اكثر ماشفت قطري بينهم أغلبهم أجانب مع احترامي.

وتحياتي :biggthump

أضافة:

عندي زيادة على اسم ثورة الحرية !؟ لول ؟ أنا أشوف تسميتها (الثورة العنصرية القبلية) عشان سالفة التجنيس XD

^^^
هذا مب تجنيس مؤبد حسب ما سمعت
الله يسلمك هذا جواز مؤقت يعطونهم بس للفتره اللي يخدمون فيها الدوله

وحتى لو تجنيس...خير ان شاء الله...محد مقصر علينا XD

اقتباس:

---

الله يحفظ بلادنا ويديم النعمة علينا نحن القطريين
ويعيش أميرنا شيخ حمد بن خليفة أل ثاني وتحية لحكومتنا.

بكل صراحة لما شفت أسباب المدعية للمظاهرة أشوفها سخيفة جدا
وتبين انه ماعندهم سالفة الي مسوينها
والي مضحكني اكثر ماشفت قطري بينهم أغلبهم أجانب مع احترامي.

وتحياتي :biggthump

---

http://www.tuzki-shrine.intellspire....ges/hehehe.gif صح لسانك http://www.tuzki-shrine.intellspire....ges/hehehe.gif

لووووول

وبعدين اجانب باكا الي يؤدون الثورة في الفيس بوك ؟ ليش يصوتون ضد نفسهم ؟

اظن هم المستفيدين من سالفة التجنيس ؟ ولا ؟

اقتباس:

---

المشاركة الأصلية كتبت بواسطة arashi

اصلا ولا واحد منهم قطري كلهم واضح من وين ولا حتى من الخليج
اقصد....انهم فئه حسوده وحاقده على قناة الجزيره <<< اكيد فهمتوا قصدي الحين

---

من تقصدين تحديدا ؟

ما اقصد شعب دوله معينه
اقصد ناس يندفع لها فلوس عشان تكتب هالاكاذيب ^_^

ليش؟ O.o