نصائح داخل اللعبه

السلام عليكم

بصراحه ماادري شقول لكم لأن موضوعي بسيط جدا , والكل يعرفه صدقوني الكل يعرفه , لكن العجله تخلي الاغلبيه تنساه ولا تستفيد منه من بدايه الامر

نصيحتي لكم هي ادون اسمه npc scan يمكن الاغلبيه منكم يعرفه و عنده الادون هذا , واللي مو عنده يروح ينزله من موقع الادونات المشهور

اخواني واخواتي , نصيحتي لكم بالادون هذا انكم تنزلون الجديد قبل صدور اي باتش او اكسبانشن , لأن من العاده ان اصحاب الادونات ينزلون الادون قبل صدور الباتش اذا كان الباتش كبير وفيه اشياء جديده و مدن جديده او اكسبانشن جديد بالكامل , ينزلون الادون قبله بفتره من اسبوع واقل , يعني انتوا اذا سمعتوا ان باتش او اكسبانشن جديد راح ينزل بتاريخ معين و هالاعلان رسمي , قبله بأسبوع ترقبوا الادون هذا اللي يوافق رقم الباتش الجديد

و نزلوه عندكم قبل الناس لأن الاغلبيه منكم تنتظرون الباتش او الاكسبانشن وبعد ماتشوفون الاماكن الجديده وكذا تروحون تنزلون الادونات الجديده , ونصكم يمكن ينساهم الى ان يدخل دنجن مثلا ويشوف ان ادون الدمج ميتر مو شغال , هني يستوعب ان سالفه الادونات

المهم واللي حبيت اقوله , ان مرات بالاماكن الجديده يكون في rare معين و بقتلك للرير هذا يعطيك قطعه ابك و مونت مثلا , او مونت فقط , واذا كان عندك الادون هذا بأخر نسخه راح تكون يمكن من اوائل الناس وتكتشف المونت


مثلا وهذي حصلت معاي في لفل 85 , اني كنت في vashj'ir المدينه الجديده اللي تحت الماء

وهناك في عده اماكن يطلع منها حصان البحر , نفس المونت اللي تاخذه بدايه الامر في هذي المدينه واللي تعمل كم كويست ويعطونك

لكن حصان البحر هذا لما يطلع يعطيك 3 شغلات , اول شغله يعطيك مونت على شكله بالضبط ويشبه المونت اللي عندك , لكن هذا المونت ميزته انك تستخدمه بأي بحر بالعالم

الشغله الثانيه يعطيك قطعه epic والشغله الثالثه يعطيك تدريب جواهر او انجانت

كنت من اول الناس اللي حصلوا على المونت هذا ولكن لاني مااهتم بالماونتات بعته وبعت الاغراض كلها

المونت هذا بعته ب90 الف جولد

تدريب الانجانت وكان يعطي 50 سترنغ بعته ب 8 الاف

القطعه الابك اللي طاحتلي كان الاكتاف وبعتها ب 35 الف

وقتها كنت ما املك الا يمكن 300 جولد بس , وبعد المونت هذا صرت من الاغنياء وشريت كل شي احتاجه من بدايه الاكسبانشن تقريبا

وهذا الرابط للمونت اللي يحب يعرف عنه او يبي يعرف اللي انا اتكلم عنه

http://www.wowhead.com/npc=50005#drops


طبعا انا ماكنت اعرف ان في مونت بالمكان هذا وكنت لاهي بالكويستات وما نبهني الا الادون عليه , وبعدين عاد طحت بجبد المكان وقعدت انطره , و مرتين صدته غير اللي قلتلكم عنها فوق , وكل مره يعطيني شغلتين غير , لكن المونت 100% لازم يعطيك ولكن القطع الابك تختلف كل مره ومره

فيا اخواني و خواتي , انا ادري انكم كلكم تعرفون الادون هذا

ولكن نصيحتي لكم بعد ماتشوفون المشاركه هذي انكم تهتمون بالادون هذا ويكون جاهز عندكم قبل نزول اي باتش كبير او اكسبانشن فيه مونت او شي rare يعطيكم شغلات جميله , نفس بالمكان نفسه اللي قلتلكم عنه في gnome كأنه قرصان واذا ذبحته يعطيك الهيد ماله واذا لبسته يحولك gnome قرصان

وهذا رير ايضا وبنفس المدينه


هذا كل شي بالموضوع

واتمنى اي واحد او وحده عنده نصيحه يكتبها هني ويكون الموضوع مثل ماتقولون نصايح باللعبه


واسف اذا اخذت من وقتك

وع ـليكم السلام والرحمه ’

والله ماقدر جربه هالأدون لاكن بجربه ويعطيك الف الف عافيه ع المشاركه المفيدهـ ,,

فعلا كنت ناسيه

لازم يكون عندك لأن الادون هذا يقولك عن اي rare مهم باللعبه مثل time-lose واللي قلت عنه قبل شوي و كل رير يعطيك مونت او قطع epic

طبعا غير الrare اللي في نورثرند واللي يعطونك قطع blue و الجمل الصغير اللي في uldum ينبهك عليه

بالعربي كل رير يعطيك تنبيه عليه ويحطلك صورته

طبعا مرات في رير مايكون موجود بالادون وتحتاج انك تضيفه , وانا قلت طريقه الاضافه بموضوع سابق , وطريقه شلون تعرف رقم الرير npc ID واهي طريقه سهله

واي مساعده انا حاضر , لازم الادون هذا لازم معاكم و تنزلون الجديد قبل ماينزل شي جديد باللعبه وتكونون اول ناس تستفيدون منه

مشكور وماتقصر

وبحكم اني تارك اللعبه من فتره ياليت تعطينا برنت سكرين عن طريقة التنبيه كيف يجيك في الشاشة

او اي برنت سكرين يوضح على الاقل طريقة الادون

اهو من نفسه يعطيك صوت ويحطلك تحت بالشاشه صوره اللي اكتشفه وانت تضغط على صورته عشان تشوفه وتحطه فوق عشان تطالعه وين

لأن اذا ضغطت على صورته بالشاشه تحت عشان تشوف الادون هذا يحط سهم اخضر فوق راسه

طالع المقطع هذا وارفع الصوت عشان تسمع صوت الادون شلون ينبهك

http://www.youtube.com/watch?v=eLBQ2...eature=related

هذا واضح و احسن شوف طريقه التنبيه شلون

http://www.youtube.com/watch?v=ushH-...eature=related

نصيحه رقم 2

وهالنصيحه خاصه بالتلفيل واسهل لك تخلص الكويستات بأقل نسبه ضرر و موت

الا وهي انك اذا حبيت تلفل شخصيه حاول ان يكون لفل الموبات او اللي تذبحهم بالمدينه اقل منك بلفلين ليش ؟

لأن اذا كانوا الموبات اقل منك باللفل تقدر تذبح 2 و 3 مع بعض لو دخلت في مكان عشان تخلص كويست وشفت اكثر من واحد ينطرك وانت ماتدري يذبحونك او تذبحهم

حتى لو نزل لفل 90 و مدن جديده , اول ماتدخل المدينه الخاصه بالبدايه واللي عاده تكون حق لفل 85-87 لابد يكون هناك مدينتين خاصين حق اللفل هذا

مثل hyjal و vashj'ir يكونون حق لفل 80-82

انت بالحاله هذي لاتروح مدينه وحده فيهم ولما توصل لفل 82 تقول خلاص بروح uldum عشان اكمل هناك لغايه ما اوصل 84 وبعدها اروح twiligh highland

هذا شي عادي واغلب الناس تسوي هالشي , لكن كنصيحه انا ماانصحك . لأن في بدايه الامر يكون الجير مثلا 80 وبعد ماتدخل هايجل وتخلص كويستات وانت تلاحظ ان بالغصب تذبح الموبات واذا صاروا عليك 3 يمكن تموت وتضيع وقت و تمل , ويكون ودك تخلص كويستات بدون مشاكل وبدون ما تموت

بالحاله هذي خلص كويستات واخذ جير جديد اللي يعطونك من الكويست وتشوفه خصوصا اذا كان اكسبانشن جديد تشوف الجير ضعف الجير الابك اللي انت لابسه , مع ان اخضر اللي تاخذه

بالحاله هذي لما تكون بالمكان الاول وتخلص كويستات وتاخذ كل القطع منهم وتوصل لفل 82 , راح تروح للمنطقه الخاصه بلفل 83 وفوق , وهناك تشوف نفس الموضوع الموبات صعبين واذا تجمعوا عليك 3 يذبحونك

انا اقول بعد ماتاخذ الجير الجديد واللي يعدل من قوتك كثيرا وتكون لفل 82 , روح للمنطقه الثانيه الخاصه في لفل 80-82 وكمل هناك كويستات , ولما تخلصهم تكون لفل 83 وقريب من لفل 84 , وتشوف اذا عطوك قطع افضل من اللي عندك , بعدها تروح للمدينه الخاصه بلفل 83 وفوق , بالحاله هذي يكون لفلك مساوي لهم وتذبحهم بسرعه

وماتخلص 25% من كويستات المدينه الا تشوف نفسك لفل 84 وبالحاله هذي تشوفهم صاروا اقل ضرر واذا تجمعوا عليك 3 تذبحهم وانت مغمض عيونك او يمكن البت مالك اذا عندك بت يذبحهم عنك

ولما توصل للنهايه و تسوي كل الكويستات وتروح تويلايت هايلاند يكون لفل 84 ونص وبالمدينه الاخير يكون الاكس بي اللي تاخذه اكثر وبنص المشوار وانت تسوي الكويستات تشوف وصلت لفل 85

طبعا كل كويستات المدن اللي دخلتها تعطيك جير وانت تعدل بالجير عندك وتجمع القطع اللي تركب معاك وتعطيك قوه اكبر

وحتى اذا نزل اكسبانشن جديد , لا تهتم وتقول ابي اوصل لفل 90 اول واحد , انسى هالشي لأن لا يقدم ولا يأخر , واذا استعجل للوصول الى الكاب راح تعاني من الاحباط والموت والملل وتكره اللعبه وتقول انعل ابو بليزرد حاطين موبات صعبين

فأنا اقول امش حبه حبه عشان انت ترتاح وشخصيتك ترتاح وماتعاني من التأخير بسبب مشوارك من المقبره الى الجثه

موفقين جميعا

ايه هالأدون ممتاز
بسببه قدرت اخذ النمر الشفاف حق البيت ماستري للهنتر

وعليكم السلام ورحمة الله وبركاته

اخوي ولد بطنها .. الف شكر لك على هالنصيحة وانا ماقد استخدمت هالأدون .. بس عندي كم طلب وياليت تتحملني فيهم

1- ابي ترفع لنا الأدونز بالمرفق او برابط ميديا فاير او ميجا ابلود لأني اعاني من مشكلة مع موقع الأدونز
2- اذا الباتش الجديد 4.3 راح ينزلون rare ياليت لو تنزلهم + تعطينا موقع يعلمنا الجديد بالنسبة لهالأدون

اسئلة خارج الموضوع لأني مستعجل داق سبرنت :.

1- ابي بجم تجميع قطع كمبيوتر صخري يتحمل واو
2- انا عندي مشكلة لما ابي احمل ال PTR 4.3 يحولني على صفحة مكتوب فيهآ .. Sorry, but there has been an error with your request

والف شكر لك يالحبيب :biggthump

تسلم ويالبه البريست والله اني حنيت لواو والبلودإلف البريست عاد مالقيت إلا تحطلي بريست يشرح الادون ترى اتعب كذا خخخخ

وتسلم على العموم وطريقة الادون واضحة جدا في المقطعين وبصراحه ما كنت ادري عنه عاد انا من النوع إللي يجرب ادونات بس هذا الادوم ما مر علي

او اني مافهمت حق وش وحذفته خخخخـ

اول شي اخوي شامان انا مااعرف سوالف البرامج والمنتديات , يعني احط ملف وكذا لأني لو اعرف كان حطيت ملف ادونات وقلت للشباب حملوا كلهم انا مسويهم

حقوق حفظ وهالسوالف ماعندي

المهم هذا رابط الادون http://www.curse.com/addons/wow/npcscan

وبخصوص الكمبيوتر اذا كنت تبي كمبيوتر قوي ان كان لابتوب او دسك توب , الابتوب يشغل اللعبه لكن مو نفس قوه الدسك توب , وبما انك قلت تجميع يعني دسك توب

شوف يااخي العزيز بعطيك نصيحه واحد مجرب , واحد كان يعاني من الاجهزه لأن انا اقعد في مكان مايتحمل احط فيه دسك توب لأن ياخذ مساحه , وعشت عمري على لابتوب وكل مره اشتري جديد بقوه اكبر وبالنهايه كلهم يعلقون معاي

وكان ينصحني واحد من ربعي بأجهزه ابل , وقالي جرب شنو خسران وانا اعارض لأني اقوله اجهزه ابل صعبه والتحكم غير , قالي ركب عليه وندوز 7 ويشتغل بشكل رسمي والشركه نفسها ابل حاطه اختيار انك تركب وندوز ويصير نفس اللي تعرفهم

وانا قلت هالكلام بموضوع سابق مادري اذا مر عليك , المهم شريت هالجهاز

ملف مرفق 347061


وركبت عليه وندوز 7 , يااخي لما لعبت فيه بغيت ابجي , من كثر ماشفت قوه الجهاز , وحطيت الرسم وكل شي نفس ماتبي بليزرد وحطيت shadow يااخي شي مو طبيعي

وسعره فيه لأنه ابل , مو تجميع كل قطعه غير وكلهم من شركات مختلفه ومايعطونك حقهم

ابل كل قطعها مندمجه مع بعض واذا كانت قطعه مو مصنعه من ابل تشوفها راكبه معاهم لأنهم يختارون القطع عدل , وهالجهاز ماياخذ مساحه , شوف صورته بس شاشه وكيبورد و ماوس والكيبورد وايرلس والفاره بعد لكن الفاره حطها واير عشان افضل باللعب

لكن جوده اخذ جوده وقوه اخذ قوه واللعبه وللأمانه صارت احسن مليون مره من قبل , واللي نصحني قالي ها شرايك الحين , قلتله ما ارد عليك الا لما ابوس خشمك , قالي انا بالبر الحين قلت جايك الحين ورحت بست خشمه وقلتله انا ,,,,,, يوم اني ماسمعت كلامك اول مره

قالي هذا وانت مركب وندوز , لو تلعبها على الماك تعطيك اقوى بعد , قلت خلني عالوندز مكفي وموفي بعد

وبخصوص الادون انت قبل ماينزل باتش كبير او اكسبانشن ادخل موقع الادون وشوف تحت يكتبون يوافق اي باتش , اذا انت في باتش مثلا 4.3 وشفت الادون بالموقع 4.5 نزله لأن يوافق الباتش الجديد اللي راح ينزل قريب

اما الببلوس تست ريلم بليزرد ماعمري نزلت منهم شي وصار عدل , كله لازم شي غلط , وهذي لازم تكلم الدعم الفني عندهم


واسف عالاطاله ادري طحت بجبدك

يااخوان في شي حصل ماادري متى لكن من بعد الكاتا صرت اشوفه

الا وهو chest عدل الاسم ؟ او بالعربي الصناديق تكون منتشره بأزيروث , مو نفس الصناديق القديمه اللي تشوفها في مكان مهجور ولما تفتحها تعطيك اكل و شراب , هذي الصناديق كل ما افتحها تعطيني قطعه blue حسب المنطقه اللي متواجده فيها يعني اذا المنطقه لفل 30 تعطيك قطعه بهذا المستوى

شرط ان القطعه blue

يعني انتبهوا للصناديق


و في مكان تقريبا بنص مدينه ungoro , لما تفتح الخريطه عليها تشوف بركان بالوسط , المكان يكون يمين البركان بشوي , هذا تشوف في صندوق او بيض مااذكر ولكن من تفتحه يعطيك pet على شكل رابتور صغير نفس اللي متواجدين بالمدينه نفسها لونه اخضر

هذا كنت اشغل البوت في كالمدور وكل مره افتح الbags اشوف شنو الجديد اشوف 1 او 2 منه , واقول من وين اخذهم هذا ؟ وبعدين قعدت اراقبه واهو مايدري "اراقب البوت" شفته نزل بالمكان اللي وصفته لكم وفتح اما صندوق او بيضه واخذ منها البت هذا

كنت ابيعه ب700 جولد للراس وكان يباع على طول يعني مايطيح بجبدي

شكرا لحسن المتابعه

هذا الصندوق اللي اقولكم عنه

اليوم حصلت واحد وانا اسوي وظيفه الاثار وطلعلي خنجر ازرق اسمه بلاك فانق

http://www.wowhead.com/object=207484

مشكووووور على النصائح والادون جداً جداً ممتاز وخاصة للهناتر لل Rare pets

الله يعافيك اخوي ديث

اذا استفدت من اللي كاتبه و تحبني ارسل 10 اسأله خاصه للي جالس عالكرسي الحين