إستفسار عن المكمل الغذائي المناسب

معلومات المتقدم بالاستفسار :
العمر : 25 , الجنس : ذكر

الطول :185 متر
الوزن : 78 كيلوجرام



و الاستفسار كالتالي :
السلام عليكم ورحمة الله وبركاته
أخواني من مده وأنا متابعكم على رابطكم الأول اللي أتحجب !
قريت مواضيع كتيره وأستفدت الكتير ..
أدري إن بعضكم بيقولي إستفسارك سبقوك فيه ناس ..
لكن معليش يا ليت تسمحوا لي فيه ..
أنا أشتريت أمينو 2222 وأفكر أضيف له نيتروتك بروتين ..
هدفي هو " تقسيم فرنسي " ..
مع العلم بإن جسمي مشدود .. وبلعب رياضه بشكل يومي وبالأخص الكوره ..
أتمنى إني ما أطلت ..
ويا ليت تفيدوني بخبرتكم .. جزاكم الله خير ..

عليكم السلام

الامينو جيد او ممتاز .... والنتروتك جيد بس مشكلته غالي وفيه البديل وبسعر افضل الا وهو الواي بروتين

موفقين

يعطيك العافيه أخوي مشاري عالتجاوب السريع ..
بس أخوي الواي ما يحتوي عالكرياتين .. وأنا ميزانيتي تسمح بالنيتروتك ..
لأني كمان ما لقيت في فرع GNC الواي .. إلا إذا كنت تنصحني فيه لأسباب آخرى ..
بحاول أشتريه من برى ..
يعطيك العافيه أخوي ..

* ملاحظه .. بن فرشنه آسم بلا معنى وحيلة اليأس .. لأنه ما شاء الله كل ما أختار إسم ألقى أحد مسجل فيه :biggrin:

يا ليت يا أخوان تنصحوني ..
لأني خلال هاليومين راح أشتريه ..
وما أعرف طريقة استخدامه مع الأمينو 2222

وعليكم السلام ورحمة الله وبركاته

نعم النيترو تك كويس وتقدر تاخذه
او تاخذ واي عادي اوبتمم + كرياتين يطلع عليك نفس السعر واكثر سيرفنج : )
ههه بس برضو مو خطا تاخذ النيترو

ع العموم عندي سؤال انت ذكرت انك تلعب رياضة وبالاخص كورة
طيب حديد ؟ تلعب حديد يعني ؟

يعطيك العافيه اخوي بردان1 ..
بس مثل ما ذكرت ما لقيت الواي بروتين عند GNC وأقدر أشتري النيتروتك ..
بس لو فيه اسباب تانيه تنصحني فيها بالواي عن النيتروتك ممكن تقولها لي ..
وبصراحه طريقة إستخدامه مع الأمينو ما أعرف لها ..
أما بخصوص الحديد أنا بلعبه من ست سنين تقريباً ..
لكن أوزان بسيطه وبشكل متقطع علشان ما أفقد شد جسمي ..
ودحين بركز فالحديد أكتر وبتفرغ له ..
ومنكم نتسفيد !؟

هم اساسا كلهم واي
حتى النيترو تك واي
لكن ميزة واي اوبتمم رخيص جدا بالنسبة لعدد السيرفنج 77
+ مكمل مضمون الكل ماشي معه ويمدحه
والنيترو تك كويس مثل ماقلتلك خذه وتوكل على الله

تسلم لي والله يا بردان على تجاوبك السريع ..
بس ما وضحت لي طريقة إستخدامه مع الأمينو !!!؟
وكمان إيش هوا السيرفنج دا !؟؟
سامحني مغلبك معايا :)

اخوي انصحك تستعمل النايتروتك .. مع الامينو2222....البروتين...سكوبين الصبح او قبل التمرين + سكوبين بعد التمرين على طول + سكوبين في الليل
مثل ما تقول ان ميزانيتك تسمح للنايترو تك ...انصحك فيه

اتمنى اني افدتك

السيرفنج هو (السكوب ) يعني المكيال

مشكور ياضلوم على تجاوبك ..
يعني أخذ البروتين سكوبين الصبح عالريق .. وسكوبين قبل التمرين بساعه مثلاً .. وسكوبين بعد التمرين .. وسكوبين في الليل ..
مو كأنها كثيره شويه ..!!؟
وبعدين بالليل هو سريع الإمتصاص وأحس ما راح يفيدني ..
وإلا إيش رأيك إنت ..؟؟!
وأنا بستخدم الأمينو بشكل هرمي قبل التمرين وبعده فقط ..
يا ليت توضحوا لي وتتحملوني ..

العفو

خذ البروتين على الريق لان مثل ما قلت انت انو امتصاصه قبل النوم سريع ... يعني الجسم راح يكون عطشان طول فترة النوم ... ويوم تاخذه على الريق راح يمتصه الجسم

مو كأنها كثيره شويه ..!!؟ لا لا ... مكتوب على علبة البروتين انك لازم تاخذ سكوبين ثلاث مرات في اليوم لافضل النتائج


بس عندي سؤال انت تبي تضخم ولا تنشف

اتمنى اني افدتك

أكيد أفدتني أخوي ..
أنا هدفي تقسيم فرنسي .. وجسمي تقريباً فتنس حالياً .. ما عندي دهون كتير الحمدلله ..
طيب لو أخذه بالصباح .. وقبل التمرين وبعده .. ما يتعارض مع الامينو وبيكون كميه كافيه ..؟؟!
ويعطيك العافيه وينولك الله فبالك وسائر المسلمين ..

اخوي دامك تبي جسم فرنسي مثل ما تقول ... ارجع واقولك استخدم بروتين نايترو تك لان مافيه دهون (شبه معدوم الدهون) ...... ولا تخاف ما يتعارض مع الامينو

وكمية البروتين كافيه .... بس لازم تبعد عن الدهون بعد التمرين.... يعني قبل التمرين اكل اي شي يعني مثل الموز او لحم مشوي (ستيك) او سمك او بطاط(يفضل مسلوق )

وبعد التمرين ركز على بياض البيض وصدور الدجاج المشويه والتونه +(بروتين شيك) وابعد عن الموز والبطاط والحلويات

واذا تبي طاقه في التمرين استخدم انيمال ريج
واسف على الرد المتاخر والاطاله في الاجابه ..... لاني دائما احب اعطي التفاصيل وافيد الناس قد ما اقدر

يعافي قلبك ياضلوم ..
على الشرح والتوضيح والتفاصيل المميزه ..
1/ بس ممكن توضح لي إيش هو البروتين شيك !!؟
2/ وطاقة التمرين ضروري أخذ لها مكمل محفز ؟ مع إني ما أشوف إني بحاجته ؟؟!
3/ كمان النيتروتك استخدمه مثلاً أسبوعين وأوقفه أسبوع لإحتواه على الكرياتين وإلا ما يحتاج !!؟
يا ليت تتحمل كثر أسألتي وثقالة دمي ..
لكني احاول قد ما اقدر استفيد من خبرتك وأتمنى إني ما أزعجك ولا يهونوا بقية الأعضاء ..