عرض للطباعة
اشتريت بلاي ستيشن2 نوعية ان تي سي مع برنامج اسمه ar2 v2 for play station2
وهو شبيه بالجيم شارك ، ومعه بكس صغير وعليه رسمة مفتاح مكتوب عليه sbox لاستخدام العاب ps1 والالعاب المنسوخه . المهم اني لعبت بألعاب عدة منها : الريزيدنت ايفل x والنسخه طبعا كوبي
ولما أصل لمرحلة مابعد وقوع الطائرة مع ستيف تتلخبط عندي الكتابه وينقطع الصوت ويهنق الجهاز .
ثم جربت لعبه اصليه وهي ميتال جير ونفس الحكايه بعد ربع ساعه تقريبا يهنق الجهاز .
فشنهي المشكله ؟
هل هي من الأقراص أم من الجهاز ؟
????
:( :( :(
الجهاز شكله صار له خرب للأسف:(
الصراحه مادري بس
يمكن الكهرب مو مزبوط
امزح
يمكن من القطعه ياريت تشغل الاصلي مباشره يمكن تزبط معاك والله اعلم
ترى حصلتلى مشابهه لها بس اكتشفت ان واحد من الاولاد الصغار طيح الجهاز على العكس
وتلخبطت العدسه
بس تنظيف وزبط
بس عندي يقف مباشره بدون صوت او شوشره ?: ?:
أخوي ( loom ) ، أول شيء أنت مركب قطعة داخل الجهاز ؟؟
=========
إذا ما كان في قطعة في الجهاز وشغلت عليه لعبة أصلية وصار الكلام يقطع بيكون الخراب من الجهاز نفسه وبالتحديد معالج الكسور العائمة ( IC )
أرجو أني أكون قد أفدتك
:-) :0)
اذا وصلت الى هالمنطقة ضع الاسطوانة الثانيةاقتباس:
كتب العضو (loom)
الريزيدنت ايفل x والنسخه طبعا كوبي
ولما أصل لمرحلة مابعد وقوع الطائرة مع ستيف تتلخبط عندي الكتابه وينقطع الصوت ويهنق الجهاز .
لازم تعيد تشغيل الجهاز
بلى خوي مركب قطعه داخل الجهاز . يعني يمكن الخلل منها ؟اقتباس:
كتب العضو (CV XBLOOD)
أخوي ( loom ) ، أول شيء أنت مركب قطعة داخل الجهاز ؟؟
=========
إذا ما كان في قطعة في الجهاز وشغلت عليه لعبة أصلية وصار الكلام يقطع بيكون الخراب من الجهاز نفسه وبالتحديد معالج الكسور العائمة ( IC )
أرجو أني أكون قد أفدتك
:-) :0)
وبعدين فيه صديق اشار علي اقوم بتنظيف الراس . والجهاز ماصار له اسبوع من شريته . شو الرأي ؟
أخوي إسمع ،، تقدر تفتح الجهاز ولا لأ ؟؟ :cool:
إذا تقدر تفتحه علمني ..
والله خوي دورت الجهاز يمين شمال فوق تحت ماحصلت له اي طريقه للفتح !!!
المهم مادري شلون افتحه ؟
لا تفتح الجهاز ولا شي وديه لاقرب محل تصليح وراح يفيدكاقتباس:
كتب العضو (loom)
والله خوي دورت الجهاز يمين شمال فوق تحت ماحصلت له اي طريقه للفتح !!!
المهم مادري شلون افتحه ؟
هو ما عليه ضمان
كمان انتبه لحالة القطعه عند المهندس يمكن يكون منها الخلل
؟
؟
؟ الله يعينك على الجهاز بعد ما تفتحه .........
اخ loom
انت لما تشغل لعبة اصلية لا داعي لتشغلها بالقطعة
شغلها على طول
اما عن رزيدينت ايفل اكس فكما قال لك الاخ ستيف بورنسايد
ما عليك الا وضع الاسطوانه الثانية واعادة تشغيل الجهاز
واذا الجهاز استمر على حاله الاولى رجعه لصاحب المحل
وخش في عينه وخد جهاز جديد
جديد
لا ياخده ويصلحه
خد واحد جديد
ملليت والله ، وتعقدت من هذا الجهاز وماعندي قدرة اجيب غيره وكمان صاحب المحل رفض استعادته وماحبيت اسوي مشاكل بس ربنا يهديهم
x_way2000
انا مثل ماقلت بشغل الجيم اصلي بدون قطعة ، ولما أكون منسجم مع اللعب وباسبح في الخيال ينكد علي التهنيق الله ينكد عليه :( تبقى الصورة واقفه زي خلفية الويندوز . وينقطع الصوت احيانا واحيانا يصيح مثل طيارة الرش مال المبيدات الحشريه .
وكمان انت ذكرت لي وقلت :
اما عن رزيدينت ايفل اكس فكما قال لك الاخ ستيف بورنسايد
ما عليك الا وضع الاسطوانه الثانية واعادة تشغيل الجهاز
---------
ماشي فائده كلما حطيت الاسطوانه الثانيه وسويت ستارت ، يطلب مني ديسك الفورمات للبلاي ستيشن وتجيني البدايه ، وإذا سويت لودنج مكان آخر حفظ يتوقف الجهاز عند كلمة على شاشة التيليفزيون تظهر لي Now Loding وانتظر اكثر من ربع ساعه حتى طفر بي هذا الجهاز .
فقدت الامل ياخواني واحترقت على بيزاتي :"
أخوي إذا ودك تكمل معي واثق من نفسك وما تخاف افتح الجهاز ..
=======
إذا ماقد فتحت جهاز إلكتروني من قبل وما عندك فكره في الإلكترونيات وتخاف منها فخذ جهازك إلى فني إلكترونيات محترف وتعرفه من زمان ،، لأنه بيني وبينك أكثرهم نصابين ويقعدون يجربون في الشي لمن يظبط معاهم ،، وأنا مجرب ، ومن بعدها ماصرت أودي أي جهاز إلى الفنيين ، صرت أنا أقرا في الكتب وأتعلم ، والحين أنا صرت أصلح أجهزة أصحابي ، لأن الفني ما يسوي شي ، يفحص الجهاز ويشوف القطعه الخربانه ويغيرها إذا كانت موجودة عنده ،،،،
وإذا تبي نصيحتي ، فك الجهاز قبل ما توديه للفني ، يعني جهازك ما عليه ضمان والمحل ما يبي يرجعه ، فخلاص ما بقي غير ذكائك في بقاء جهازك
;-) ;-) ;-)
CV XBLOOD
زين خوي اسعفني بالحل شسوي ؟؟؟
راح افتح لأن كلا الحالتين خسران ، إلا اذا ربي وفقني طبعا بمساعدتك وتسلم يالغالي .
أخي العزيز ( loom ) ،، والله إني معاك ومشكلتك كأنها مشكلتي وما تهون إلا إذا صلح جهازك ،،، لأني والله حاس بالتعب والفلوس إلي حطيتها فيه علشان تستمتع باللعب وفي النهاية مايشتغل ؟؟ :واو:
الظاهر إن صاحب المحل ضحك عليك وهو كان عارف المشكله ، بس أخوي أنت المفروض أنك أخذت واحد خبير معاك ،، على الأقل إتفق مع راعي المحل على ترجيع الجهاز إذا ظهرت فيه مشاكل ( ولو لـ 24 ساعة ) للتجربه ... وبعدين ليش مارضي يرجعه ،، أنا لوني منك باخذ الجهاز وبأضرب الرجال فيه على راسه أخليه يعرف أن الله حق ! :غضب:
=== على العموم حصل خير ، وأنا نويت أساعدك وقبل ما تفتح الجهاز تأكد مره أخرى من هذي الأشياء :-
1- شغل شريط أصلي بدون ( الأكشن ريبلاي ) و ( المودشيب Sbox ) ، طلعها من الجهاز وتأكد أن الشريط نظيف 100% مع مطابقة العلامتين
PlayStation و ( NTSC\UC ) الموجودة على الشريط مع جهازك الذي من المفترض أن يكون ( NTSC\UC ) .
إذا ظهرت مشاكل .... افعل الآتي :
2- أعد إدخال ( Sbox ) والأكشن ريبلاي ولا تنسى ( القطعة التي تركب في مكان كرت الذاكرة التي تأتي مع الأكشن ريبلاي ) ، وأعد تشغيل لعبة ريزدنت إيفل ، وإذا صارت المشكلة معاك في نفس المكان إلي علق الجهاز فيه أول مره ، ( هذا له كلام ثاني ) .
إذا ظهرت مشاكل .... افعل الآتي :
3- حاول تشغيل ألعاب أخرى منسوخة مثل ( GT3 أو GTA3 ) ، باستخدام الأكشن ريبلاي ، وإذا ظهرت معاك المشكله أو علق الجهاز ، أعد تشغيله ثم إلعب مرة أخرى ، وإذا صار نفس المشكلة في نفس المكان إلي صارت فيه أول مره ( فهذا له كلام ثاني ) .
إذا ظهرت مشاكل .... افعل الآتي :
4- حاول تشغيل أي لعبة منسوخة باستخدام الأكشن ريبلاي ، وحاول أن تظهر المشكله في مواقع مختلفة من اللعب ، ( لأنه عندي كلام خاص ) .
=============
أخيراً ، أعذرني على اللقافة الزايده بس كل هذي محاولات علشان أحدد وين المشكلة قبل ما نظلم الجهاز ...
جرب كل الكلام إلي قلته لك بشرط أن الأشرطة كلها تكون نظيفة وجديده ، إيه نسيت أسألك أنت كم لك شاري الجهاز ؟؟
=== حاول مثل ما علمتك ، وجاوبني على كل النقاط بصراحة === علشان أعطيك الجلسة الثانية ;-) :-)