من انت

هذا الموضوع بصراحه قصدته علشاني شفت بعض الاعضاء يشتكون من الخمول هنا وهذا من طبيعة المنتدى فقلت خل احط موضوع يكون عن حياة الشخص في هذا المنتدى يعني مثلا عمره وين يدرس هل يشتغل ،
ومن ناحيه ثانيه منين تعلم الرسم وماهي بدايته بالرسم اللي يذكرها بالبيت والمدرسه وهل هناك احد من عائلته يحب الرسم وهل التحق بمعاهد للرسم او ماشابه وهل كان فيه احد يشجعه وهل كان يلاقي صعوبات في الرسم التجسيدي من ناحيه اجتماعيه (يعني الاهل مثلا او الاصدقاء ينظرون الى الرسم التجسيدي بغير نظرة الرسم العام كرسم الطبيعه) ،
ايضا كيف وضعه اذا جا يرسم ، يعني وش يسوي قبل يرسم واثناء الرسم مثلا هل يرسم على طاوله او على الارض او ..... وماهي الادوات اللي يستخدمها وانواع الالوان وطرق الرسم المتعدده واونواع الرسوم كالطبيعه و و و.... ، ايضا وشي العوائق اللي يواجهها الحين مع الرسم ، ايضا هل يحب الرسم الخيالي ويرسم مثله وهل يحب رسم شخصيات مشهوره وهل دائما يسعى لتطوير رسمه او انه مقتصر على فنه الحالي وهو ضد لفت النظر ( يعني انه يلاحظ رسمه معينه متقنه من جهة ما وتعجبه لكن لا يحاول انه يتعلم منها بعض الشيء) ،
وهل انت ايمن او ايسر وهل وجودك بالبيت اكثر من وجودك خارجا او العكس...........وهناك الكثيييييييير من الاسئله اللي تجي على بال الواحد وهذا اللي حصلت .بس مادري اذا كان هالموضوع طرح من قبل ولا لا ، على العموم موضوع حبيت اروح فيه عن انفسنا شوي شامل لجميع الاعضاء هنا :)
اما عن نفسي فهوم في ردي التالي

عن نفسي فهذا انا:
العمر 19 سنه اولى كليه والرسم عندي من يوم كنت صغير ، وكان يهتم بي مدرس الماده الفنيه ويشجعن بعض الشي من ناحية رسوم الطبيعه و...
وفي البيت يوم كنت صغير كنت اقرأ بعض القصص المصوره وكان اشد شي جذبني قصص كابتن ماجد وكنت اشف وانسخ الصور والوانها.. الخ، واغلب العائله يحبون الرسم ( يعني تقدر تقول وراثي ) يعني خواتي (للاسف مالي اخوان ) وامي وخالي يحبون الرسم وخالي تباع لوحاته ببعض المعارض ... ومن ناحية التشجيع فانا صراحه القى تشجيع خفيف مهب لدرجة المدح وطبعا رسوم الاجساد كالانسان والحيوان وغيره عائق بالنسبه لاظهار فني للاخرين لان اهلي واقاربي وبعض الاصدقا ضد هالنوع من الرسم ورسماتي بالنسبه للطبيعه حاليا قليله .
وانا بصراحه اذا جيت ارسم اجلس على ركبي بعض الاحيان وانسدح على بطني :D ( واذا كان عبقري فن ينسدح على ظهره:6 ) وانسى اللي حولي كليا وغالبا ما ارسم من خيالي وقليل ارسم شخصيات مشهوره لاني احب اظهر افكاري وخيالي الخاص

واستخدم القلم الرصاص والالوان الخشبيه وبعض الاحيان المائيه على ورق كراسات ابيض وبعض الاحيان لوحات كبيره شوي ، ونادرا مارسم على فلين او زخارف على جلد او بلاكاش وغيره، واكبر عائق الحين لي هو الدراسه ايضا بعض الاشياء الجانبيه مثل الطلعات الاجباريه ( مثل عزائم وتوصيل اهل وغيره) ايضا عندي كم هائل من العاب الكمبيوتر مادري وش ابدي

وانا بعض الاحيان احاول استفيد من بعض الرسمات المتقنه من جهة وتكون عندي هذه الجهة ضعيفة شوي ، واحاول استفيد منها لكن ما انسخها نفسها او اقارب منها ، لكن احاول افهم عموميتها يعني وشكلها العام بعدين ارسم من خيالي حسب فهمي وانا احب اني اناظر رسومات جيده ومتقنه وابحث عن نقاط ضعفي واحاول تصحيحها بالنظر الى بعض الرسومات هنا ماشالله عليكم :cool: وبعض الرسمات الخارجيه :cool:

وانا ايسر ( اشدف) في رسمي وكتابتي ( بس المشكله اني اشوت باليمنى :D ) ووجودي بالبيت اغلب وقتي وقليييييييل اكون برا
هذا اللي عندي يله وش عندكم :-) ، بس ارجو اللي عنده معلومات اضافيه يزود عليهن ;-)

حلوه الفكره بس فشله اقعد واقول قصة الرسم بحياتي انطر نم استجمع قواي وتتطلعلي الجرئه واقول قصة الرسم (( من طأطأ ل سلامو عليكم ))
;)

ههههههه:D براحتش:-)

حلو الموضوع يا ماجد..
بس اعتقد ان اغلب الاعضاء مابيشاركون فيه..
لان البعض يحب يحتفظ بالخصوصيات..

ممكن اقول عن نفسي..

لما ارسم ما احتاج جو خاص.. تكفيني الفكرة والقلم والدفتر..
اقدر ارسم في اي مكان.. وفي اي وضعيه..

ادوات الرسم اللي استعملها..
احب استعمل اقلام pilot من كل الاحجام والانواع..
الرصاص والحبر (بمقاسات مختلفة)
بس عندي دفاتر خاصة احب ارسم فيها دايما.. وما احب ارسم في غيرها

استعمل الوان الفلوماستر بكثرة (احبها وايد)
وحاليا صرت مدمنة فوتوشوب..
لدرجة اني استغنيت عن علب الالوان اللي عندي :o

واخيرا انا عسماوية (استخدم اليد اليسار في الرسم) :D

ههههههههههههه
السالفة حلوة
على قولتك.. أشدف وتشوت باليمين هههههههههههه
حركة حلوة!!! هههههههههههههههههههههههههههههه:D

بالمناسبة انا قصتي غير... دانا غلبااااااان:"

صلوا على النبي،
انا قصتي من الف ليلة وليلة بس انا مب عفريت الخاتم:غضب:
.....
........ مممممم
............. انا لازم اكتب سيرتي... لانها تاخذ وقت وايد

انا (يوم كنت صغير) كنت برئ وطيب وهادئ جدا جدا جدا... يعني لو تحط معاي واحد حجّاي يعني وايد يتكلم بتجوفني قاعد بس اسمعه... هذا متى؟؟؟ (يوم كنت صغير)!!!

وكنت دائما ألعب بروحي واشوف التلفزيون بروحي وارسم بروحي ... و (يوم كنت صغير) كنت احب الخروج كثيرا لكن الوالدة ماتخليني... ولكن طبعا بذكائي اطلع بدون ان تدري;-) لكن ارجع البيت والدماء تملأ وجهي من سقطة على الارض او طيحة او هوشة هههههههههه.. هذا طبعا (يوم كنت صغير)!!!

واتذكر لما رحت المدرسة لأول مرة عطونا درس رسم النخلة وطبعا كانت نخلتي احسن من نخلة الاستاذ ههههههههههه.... ومنذ ذلك اليوم اكتشف المدرين موهبتي وبدأوا في ادخالي المسابقات الوزارية لفن الطفل وكنت احصل على جوائز كل سنة بالاضافة الى اني كنت اطلع في الاخبار كل سنة هههههههه طبعا يتم تصوير المعرض والحفل!

و(يوم كنت صغير) كنت ارسم كثيرا واشترى الكراسات كل يوم لكي اشخبط فيها وطبعا اذا ما عجبتني الرسمة اصفح صفحة جديدة وارسم وهكذا... وحطمت الرقم القياسي ذات مرة بشراء ثلاثة دفاتر في اليوم الواحد...
وطبعا في حينا ثلاثة محلات دكاكين لبيع كل شئ... برادات... وكان بعضهم يبيع دفاتر افضل من بعض لذا كنت اخبئ الدفتر داخل ملابسي حتى عندما أمر لا يراني اصحاب الدكاكين الاخرى.
ههههههههه ايام...

اما الان فاشترى اوراق A4 فالباكيت يستمر عندي شهر او شهرين:)

ههههههههههه هذا عاد (يوم كنت صغير)....!

teeeeeeeee he he he

:D :D :D :D


every Artist have something in Common




;)



Rallllllllllllllllllllllf

اورنج رود: مشكوره:-)
اما بالنسبه للخصوصيات كل واحد يكتب اللي يبيه او لا يكتب
اجل انتي عسماويه:واو: على بالي لوحدي هنا:6
انا الواني من نوع فيبر كاستل والكراسه كانسون غالبا:cool:

شاهين:مشكور :-)
هههههههههههههه:D حلوه قصتك ، اما الحين تمام انشالله :-) :6

رالف: از يو سيد:D

صراحه هذا الموضوع فضيحه
شاهين انا ادري انك واد مؤدب وانت صغير امبين امبين كل شي

يا سلام على الموضوع ..
توني أشقكم مع سيرتي الذاتية ؟ .. إذا سمعتوها راح تحاولون تحصلون على تواقيعي لكني ما راح أتكلم عن التفاصيل ... :D

أنا عمري الحين 15 و نصف أو تقدرون تقولون 16 .. كنت أحسن فنان في صفي أيام الروضة .. يعني لمن كنت بالروضة أنا الوحيد اللي بالصف رسم الموزة صفراء .. :D ( تحسون كان فينا عمى ألوان )

و لمن كبرت كنت أحسن شخص بالابتدائي كلها أرسم سونيك .. لأنه أيمامها كان شخصيتي المحببة بشدة .. و كانت رسوماتي ممتازة إلى درجة اني الحين ما أقدر أتقن الفن اللي كنت أتقنه .. :"

ووصلت مهارتي إلى ان كان بعض الطلبة يشترون رسمة سونيك بمصروفهم اليومي مني أنا .. ( أحس أني ظالم :D )

و لمن كبرت كنت أسطر شهادتي بمادة الفنية 20 من 20 .. لكن عندما دخلت المتوسطة بدأت بترك هذي الهواية لأن أيامها كان فيه فقر شخصيات
:6 .. و ما قدرت أحصل شخصية أرسمها ..

و الحين أنا بالثانوية .. أحاول أرسم كلاود .. كلاود سترايف .. كل رسمي يكون بالقلم الرصاص .. ما أعرف أفرق بين الأقلام لأني ما عندي خبرة بهذي الأمور .:# .. و في أحد الأيام و انا بالمنتدى شفت رسوماتكم العجيبة الروعة الmagneficint و ما صدقت اللي أشوفه .. فمن يومها قررت أني أتعلم الرسم .. و رحت دورت على أقلامي الرسم القديمة .. ما أعرف والله ماركاتها لكني اللي أذكره أنها أقلام زرقاء رصاص بكل أنواعها ... سميكة و نحيفة ... و انا ألحين مقرر أني أرسم .. بالصيف انشاء الله ... أدعوا لي ياشباب ..

اللي عنده فرصة انه يساعدني ليش ما يضيفني عنده باللايميل مشان يساعدني ؟

و انا أقدر مساعدتكم
shark4q8@hotmail.com

و أتمنى ان قصتي تنتهي نهاية سعيدة على أيديكم .. :D

وايلد كيتي: هاهاه :D لا عاد مهب لدرجة الفضيحه :-) فقط تذكر ايام زمان ومعرفة موقعك بالنسبه للاخرين لا اكثر
واللي يبي يحتشي بكيفه واللي ماوده برضو بكيفه:-)

سيد:ههههههه:D اخس يامحب سونيك:p خلا تجي العطله وابشر بالمساعده;)

ok انا بشارك بعد انا بلشت اضحك :0) :0) :0) عيل اشلون انتو
انا عمري 17 سنه من الكويت ادرس الحين انا بالثانويه مقررات انا الحين ب 3 ثانوي صراحه انا ارسم من يوم كنت صغيره كان ابوي ييب الوان وخليني انا وخواناي نرسمه ( بس شنو الرسمه احط ايدي وارسمها )
انا اختي اهي اكبر مني ترسم من يوم كانت بابلأبتدائي تتدخل مسابقات رسم ودايما تفوز بالمركز الاول حتى مره شاركة برسمه على مستوى الكويت وفازت اهي على طول ترسم الطبيعه يمكن هذا ساعدن على الرسم انا اشتركت وره 1 بمسابقه وفزت ( :6 اشلون فزت ما ادري )
انا قطعت الرسم فترة طويله يمكن سنه من ناحية الاقلام الي استخدمها انا ما اعرف غير الرصاص اهو صديقي الوحيد الحم مرات ارسم فيه
اذا لاحظتو انا ما عندي رسومات وايد بالمنتدى بسبب مشكله صغييييييره
انا ما ارسم الا بنات والبنات وصراحه انا اخذ افكار وضعية البنات من وخي وقوف جدام الجامه واسوي الحركه الي انا ابي ارسمها واشوف شلون تكون الرسمه بعدين ارسمها ( عاد لحد يضحك تكفون )
وطبعا مو وجهي بالرسمه ولا جسمي انا قصدي عن الوضعيه :-)
انا البنات الي ارسمهم مايلبسون اهدوم وايد ( فهموها )
انا امي ما ترضى على هذي الخرابيط ودايمن تقولي الرسم حرام
لأن علطول رسوماتي شذي بنات على البحر ......الخ
اخر مره ارسلت رسمه للمنتدى نسيت كراستي بالسكنر ومو شافها طبعا امي علطول حدث ولا حرج شقت رسمة البنات الي على البحر الحمد لله ان هذي الرسومات انا راسمتها للمنتدى علشان انا ما ابي رسوماتي تنشال بس هذي الرسمه الي اشوى انها بس الي شقتها
انا شلون رجعت للرسم انا جارتي باللوكر وهي معانا بالمنتدى هني حاطه رسومات على لوكرها فانا تليقفت ورحتلها وكلمتها عن الرسومات
وعرفتني على وحده رسمهه طير عقلي فرجعت بالرسم
توتا توتا خلصت الحتوته

بديت اتثاوب تنفع قصه قبل النوم
;-)

http://www.plauder-smilies.de/monalisa.gif

هااااااااااااااي ماجد

يمة منك

كل هال الأفكار و لا تقول لنا



و الله فكرة حلوة



ههههههههههههههههههه

ممممم أبي أشارك أنا بعد
شوف

بدايتي مع الرسم يمكن من وانا عمري ثمانية سنوات و انا أحب هذي الرسومات

حتى لما كنت أشوف رسمة في سوق اللعاب على غلافات الهدايا كنت أوقف مدة طويلة و أنا أطالع في الرسمة حتى أظيع عن امي

هههههههههههههههههه

لا تضحك قلت لا تضحك

هههههههههههه

و بعدين قمت كلا أحاول أشف و أرسم و أعلق أي رسمة ارسمها على الجدار
يعني الطوفة صارت كلها من رسماتي

أشف و أحاول ارسم هههههههه بس أقولك لو تشوف رسماتي الأول تقول شنو هذا شي مجازي أي شخبوطة اعلقها و أوريها حق الوالد

لأن الوالد كان وايد يحب الرسم و كان يجيب معاه دفتر و قلم في أي مكان يتواجد فيه و أنا كنت أقلدا في كل شي

هههه حتى لما كنا نسافرلازم الدفتر و القلم معاه

حتى كنا نقعد مع بعض اللي يحب يرسم تشوفنا ما لنا شغل باحد لأن أغلب خوالي يحبون الرسم

فأنا تطبعت الرسم

أحب أرسم الأنيم و القطط و الحصن بس أكثر شي رسم الأنيم أول شي أخزن الصورة بالكمبيوتر و بعدين اكبرها و أرسمها على ورق فول سكاب عادي

يمكن ما أعرف من الأنيم غير دراجون بول و رانما و قليل بس أحب أجمع الرسومات من الإنترنت
و أعيد رسمها بصيغة ثانية من عندي

بس الحين قطعت الرسم من سنة و ماقمت أهتم بهوايتي الوحيدة بعد الكمبيوتر مثل أول

بس لما دخلت المنتدى هذا

مادري حسيت بحنين كبير للرسم مرة ثانية
ههههههههههه

أوكـــــــــــــــــــــي باااااااااااااااااي http://www.plauder-smilies.de/happy/xyxwave.gif

لجين انا وياك ترى في اشياء وايد متشابه ما لا حظتي;-)

أنا ماضيي يذكرني بــ Cid Highwind ،،،
بس أنا ما توقّفت عن الرّسم بل انتقلت من رسم الطبيعة ( و مواضيغ الفنية ) لـ رسم الأنمى و الفن الحقيقي :D ...
بصراحة ... أنا مطابق لــ Cid Highwind ...
سبحان الله ...