عرض للطباعة
السلام عليكم
كيفكم شباب
المهم انا حصلت مرسيدس فياقرا 2002 S500 نظيييف ابيض ماشي 116 الف V8
امريكي .. نفقيشن .. ابواب والشنطه شفط ..
المووتر نظييف ولافيه سمكره ولا رش حتى ..!!
ولا اي ضربات او حكوك بالبدي ..
وماشيه على الصيانه وكل شي اوكييه ..
لكن بعد ما اتفقت مع الرجال وكل شي ..
جاني واحد وخلاني افكر مليووون مرره ..!!
يقولون صيانتها بالوكاله مكلفه ..صحيح !! وكم تكلف..؟؟
وقطعها يقولون نااااار ..!!
صراحةً انا خفت ومتردد وابي نصايحكم خلال الكم يوم هذي عشان اقرر ..
تحياتي لكم ..
19 مشآهده ..
ولا وآحد تكرم وأبدى رآيه ..
يلا مو مشكله
الكلام عن 500 مش كل واحد ممكن يجاوبك
خاصة الاختلافات بين كل الدول؛ بشكل عام الصيانه في الوكالة اغلى لكن انت تاخذ خدمة 100% ممكن انه تعمل صيانه دورية بكراج مرخص و معتمد و بقطع و زيوت مناسبة و يكلفك ارخص
بخصوص قطع الغيار مرسيدس مشاكلها قليلة يعني ما تقلق لانه فرق السعر بتحصلة بمشاكل اكثر مع سيارات اخرى ؛
يعطيك العافيه اخوي
الله لايهينك
والله المشكله بطراز السياره لانه 500 لو انه اقل ممكن يكون تكلفه الصيانه والقطع ارخص وبحسب خبرتي كانت لدي مشكله بمرسيدس 93-300 مجموعة الاسلاك اللي بالمحرك ( الظفيره ) فذهبت لبائع القطع فوجدتها بألفين ريال وسألته عن قيمه ( ظفيرة ) 320 فأجاب 6000 ريال فأنظر لهذا المبالغه بالاسعار وغلائها من طراز لطراز آخر - على العموم بالتوفيق ( إذا شريتها الله يعطيك خيرها ويكفيك شرها ) واذا لم تشتريها الله يرزقك باللي احسن منها .....تحياتي
صادق والله ماكلينا بالاسعار ولاعبين علينا
لاهنت اخوي
تسلم
اخوي انصحك تبتعد عن الفياغرا من موديل 2000 إلى 2002
وذلك بسبب عيب مصنعي في نظام المساعدات
لو حصلت وحده من موديل 2003 يكون افضل واحسن
----------------
اما عن الصيانه في الوكاله فهي مكلفه بالطبع
وقد تتجاوز في معظم الاوقات حاجز 10 الاف ريال و15 الف
حتى البعض تحول إلى الورش لكن احيانا لا مفر من قطع الغيار
ودائما الواحد يفكر في مابعد السياره وليس في شرائها
صدقت اخوي والله انا لما راجعت كل شي تأكدت انها بتطلع علي اكثر من بيع السوق ...
والحمدلله ما اخذتها والله يرزق راعيها
والله يوفقنا جميع
لاهنت اخوي