غـريـبه صـدق هالـدنـيا ..!!
عـلى مـر السنـين اللي مضـت
يـومـن وراه أعـــوام
أحس جرحـك الـيـن الحيـن
كنه لـيلـة الـبـارح
يهـز أعـماق وجـدانـي
يـجـول بـداخـلي ويـعـوم
يـقطعـني ويـذبحـني
وكـل هـذا وأنا سـارح
غـريـبه صـدق هالـدنـيا
ابـد مافيها شـي يــدوم
إذا كان أقـرب الأحـبـاب
يصـير الظـالـم الـجـارح
ما عـاد مـنـك شـي أستـغـربــه ..!
ما عـاد مـنـك شـي أستـغـربــه ..!
كـل شي ممـكـن يـجـي مـنــك..!
الألـم مـنـي أحــس تـستـعـذبـه
و أنا لـو تـطلب عيوني قلـت جـنـك
كـل جرحـن فـي خفـوقـي تكـتـبـه
وكل ذكـرى داخـلي تسألني عـنـك
حتى فرحـي صـرت مني تـسلـبـه..!
صرت أنا المـظلـوم وانـت الظلـم فـنك
تـشـرق بحـبـك وعـنـي تحـجـبــه
تزرع القـسوه فـي قـلبـن مهـتـونـك
صرت أخاف أنساك من كثرة غيابك !
صرت أخاف أنساك من كثرة غيابك ..!
صرت أخاف ترجع ولا اهتم بالرجوع ..!
من كثر ما اصرخ ... أنادي له سرابك
وتختفي ! ... إلا أنا وسط الـجمـوع ..!
وعيون الناس تسأل وش جـرا بـك
وش حصل وش صار في حالن يروع
وما ألاقي غير صمتي في عذابك
ذقت صدمات الألـم مـن كل نـوع
والبشر حول تكرر ( وشهو صابك؟! )
وأبـتعد مابي يشـوفـون الدمـوع
هذا حالي يامـقصر في جـوابـك
صرت خايـف لا أتـعود يالقـطوع
يا قلبي لا تكبر الموضوع ..!
ياقلبي ... لا تكبر الموضوع ... ما تسوى بكى ودموع
كذا طبع البشر قاسي ... وحتى أنتا بعد ناسي
إن البكى مسوع ... ياقلبي .. لا تكبر الموضوع..!
هونها وهي تهون ... وركز بس ع المضمون
صبرت وهذي ما تسوى ... وعليها أكيد أبتقوى
هيه جزء من مليون ... هونها وهي تهون
ياقلبي لا تعذبني ... كفايه بس أسمعني
ليه من الألم ما توب ... ترا اللي حصل مكتوب
كافيه منك تتعبني ... ياقلبي لا تعذبني
شوف الناس من حولك ... والله ما حدن حولك
انت ارتاح وعديها ... وربك راح يسويها
ولا تدقق كثير فيها ... والله ما حدن حولك
ياقلبي .. لا تكبر الموضوع ... ما تسوى بكى ودموع
كذا طبع البشر قاسي ...وحتى أنتا بعد ناسي
إن البكى مسوع ... ياقلبي .. لا تكبر الموضوع..!
ياكثر ما أرفعك .. وتطيح من عيني ....
ياكثر ما أرفعك .. وتطيح من عيني
أدور أعذار لك .. كله على شانك
أغليك يا فرحة الدنيا .. ويا سنيني
ولو ما الغلا ما شربته كأس حرمانك
أستصبرك يا عساك بيوم تضويني
ومن شوق حبي أبي أعمر أوطانك
أستاهلك .. وأحيان أتخاسرك فيني
أعاتب القلب كيف تصون من خانك .!
و هو بموتي أبـد .. ما أظن يرثيني
وفي ثلاث أيام ينسى لحظة أحزانك
لكن أحبك .. كثر ما الشوق يكويني
وكثرما دق قلبي .. وبعدت أوطانك