محمد بن راشد يهنئ شعب الإمارات بقصيدة

اقتباس:

---

"الكاس إماراتي"

بيني وبينْ الليِّالي عهدْ ما آردِّهْ

أنِّي وشعبي نحبْ المركزْ الأوَّلْ

وشعبي إذا حَبْ ضَحَّى ودافعْ بجندهْ

ولوُ طَوَّلْ الجِدْ فيهمْ جهدهمْ طّوَّلْ

يا مُنتَخبنا وفيتوا ساعَةْ الشِّدِّهْ

وكنتوا عَليَ قَدْ مانرجي ونتأمَّلْ

اللِّعبْ الأبيضْ تِبِيَّنْ فَنِّهْ وجِدِّهْ

ومنكمْ بِدَتْ الأرضْ تتمايلْ وتتزَلزَلْ

وشِفْتِهْ تِبَسَّمْ خِليفهْ والفَرَحْ عندهْ

وإذا تِبَسَّمْ خليفهْ الكونْ يِتْحَوَّلْ

كاسْ الخليجي لنا ولشَعْبنا مجدهْ

وفي كِلْ شَارعْ مابينْ النَّاس يتجوَّلْ

والأبيضْ بعزمْ وقِوَّهْ كَمَّلهْ عهدهْ

ونقولْ لهْ بَعْدْ فوزكْ آمِرْ إتْدَلَّلْ

رفَعتْ راسكْ وجمهوركْ بِذلْ جهدهْ

يا مُنْتَخبنا عليَ هذا المِديَ كَمِّل

---

صح لسانك طال عمرك

ونحن كجماهير ان شاء الله نكمل العهد لين اخر العمر :)

اقتباس:

---

يا مُنتَخبنا وفيتوا ساعَةْ الشِّدِّهْ

وكنتوا عَليَ قَدْ مانرجي ونتأمَّلْ

اللِّعبْ الأبيضْ تِبِيَّنْ فَنِّهْ وجِدِّهْ

---

هاذي لابيات الي اعجبتني اكثر :)

كنت ناويه انزل القصيده لاني فعلا تأثرت إبها

اقتباس:

---

بيني وبينْ الليِّالي عهدْ ما آردِّهْ أنِّي وشعبي نحبْ المركزْ الأوَّلْ

---

عجبني هالبيت و إن شاء الله دايما الامارات وشعب الامارات بالمقدمة


يعطيك العافيه اخويه دي ام سي

:)

اقتباس:

---

كنت ناويه انزل القصيده لاني فعلا تأثرت إبها

---

هيه بالفعل القصيدة معبرة للغاية :)

اقتباس:

---

يعطيك العافيه اخويه دي ام سي

:)

---

الله يعافيج اختي ابتسامة :biggthump

يا بعدي يا بوراشد

كفو والله كفيت ووفيت:kiss:

شكرا لك اخى على القصيده والابيات المعبره هذه

ومبروك ويستحق الامارات كل خير ^ ^

ابيات جميلة جدا ...

بيني وبينْ الليِّالي عهدْ ما آردِّهْ أنِّي وشعبي نحبْ المركزْ الأوَّلْ

صح لسانك ياابو راشد ..ووقفته مع المنتخب بصراحه كانت لها تأثير كبيرجدا للاعبين :) ..

والله القصيدة روووعة ..

وابو راشد ماقصر مع الابيض .. كفاية اشعاره الحلوة ..

وتسلم يالغالي على هالموضوع ..

اقتباس:

---

وتسلم يالغالي على هالموضوع ..

---

العفو اخوي Pr.kNiGhT ^_^

وشكرا على من ابداء رأيه في القصيدة :)