تكفون ساعدوني في المشكله سيارة هونداي أكسنت 2005
السلام عليكم كل عام و أنت بخير
أنا سيارتي هونداي أكسنت 2005
نظيفه مافيها شي كان المهم ركبت لها فلتر رياضي مع مرور الزمن شهر كذا
صارت تخبط في الضغط و تطفي إذا ما أعطيها بانزين تبين أنه الفلتر مشقوق ركبت فلتر أصلي
من الوكاله بقت نفس المشكله لما تشغل السياره تمشي بعد مشوار إذا تخفف ينزل الضغط و تطفي إذا ماتعطيها بانزين
المهم قالوا من البخاخ فيه وسخ نضفته في ورشه بأيس دليكو منظف بخاخات
شوي صارت أحسن بعد مده ما صارت فيها دي العاده بس صارت تجيها إذا أعبي السياره فل تعتفس
إذا في النصف زي الحلاوه
وديتها ورشه غيرنا فلتر البانزين ما تغير شي
و زاد فيها مشكله ترفع حراره
غيرنا الرديتر كامل مع ماي رديتر أحمر تبع تيوتا و مراوح و حساس الحرار ه
و غيرنا أسلاك البواجي و البواجي و جنزير المكينه
طلعوا طرنمبت البانزين و شيكو عليها شغاله و نظيفه
آخر شي قالوا لي من الكمبيوتر !!!!!!!!!! وش رايكم أحد مر عليه شي كذا :33:
تعبي بازين فل تطفي السياره !!! بانزين السياره 91 أعبي
رد: تكفون ساعدوني في المشكله سيارة هونداي أكسنت 2005
هلا بك اخوي ابو حيدر وكل عام وانت بخير
اعتقد المشكله من نفس الطرمبه حاول انك تركب وحده ثانيه حتى لو كانت مستعمله
بعض الطرمبات تشتغل لكن من الحراره تصير ضعيفه
وانصحك بعد ماتزين السياره تعبي 95 احسن لك
رد: تكفون ساعدوني في المشكله سيارة هونداي أكسنت 2005
هلا و غلا بك Mercedes-Benz
شكراً لك هو مابقى شي ما بدلته إلا طرمبة البانزين مابدلتها لآنه قالوا لي شغاله قالوا من كمبيوتر السياره
راح أبدل الطرمبه أول و راح أشوف شكراً لك مره آخرى
رد: تكفون ساعدوني في المشكله سيارة هونداي أكسنت 2005
اخوي ابو حيدر انت من اي منطقه ؟؟
رد: تكفون ساعدوني في المشكله سيارة هونداي أكسنت 2005
الشرقية ..،،، كان تعرف ورشه فيها ممتازه جزاك الله خير تحياتي لك .،،،
اليوم وديتها ورشه غير شيكو لي بالنظر قالوا لي لازم تولع لنبة شيك أنجن لو الكمبيوتر فيه مشكله !!!
أكتشفت سيارتي مافيها كذا حاجه أصلاً لآنه مافيها مواصفات كل شي عادي يعني ماعندي لنبه أسمها شيك أنجن في السياره راح أرجع لهم و أشوف
2 مرفق
رد: تكفون ساعدوني في المشكله سيارة هونداي أكسنت 2005
هلا بك اخوي ابو حيدر
انا عرضت مشكلتك على مهندس ميكانيكي بوكالة الوعلان .. وكيل هونداي بالرياض
وقالي مره علينا مثل هالحالات وخاصة الالنترا والاكسنت
المشكله في ثلاجة الاحتراق
طبعا شكل القطعه بيكون نفس الشكل هذه
لانه اللي بالاسفل حقت النترا وهي شبيه بحقت الاكسنت
_______
اخوي ابو حيدر انت رح للورشه وقل لهم المشكله وقل لهم ابي اغير ثلاجة الاحتراق
طبعا مهمة عمل ثلاجة الاحتراق
القطعة هي تعتبر منظم لتصريف الغازات الخارجة من تانكي البنزين ، واللي يصرفها هذا البلف إلى ثلاجة المكينة بناءً على أمر من كومبيوتر السيارة ..
(( تلاحظ الفيش والحساس اللي في طرف المنظم ))
إذا حصلت فيه إشكالات يسبب هذه المشكلة ..
لأن البنزين إذا عباه فل زاد تصريف الهواء والغازات اللي في التانكي إلى المكينة ..
رد: تكفون ساعدوني في المشكله سيارة هونداي أكسنت 2005
الله يطول عمرك و يخليك يا Mercedes-Benz
و الله كلامك 100% لكن أنا أكتشفته اليوم في ورشه بعد ماتعبت كثير في الروحه و الجيه
أخر شي قالوا لي المشكله في قطعه كهرباء تنظم الهواء داخل التانكي و هيه خربانه و قال لي يمكن الثلاجه
و جربها أمامي فصل القطعه و عبيناها فل شغاله 100% قال لازم ثلاجه حد الآن ما ركبت شي راح أروح الوكاله
و أشتري القطعه الصغيره إذا ما زبط راح أشتري الثلاجه كامله أنا ممنون لك ...,, طبعاً القطعه المعروضه =القطعه إلي راح أبدالها وهي الخربانه , تحياتي لك
رد: تكفون ساعدوني في المشكله سيارة هونداي أكسنت 2005
هلا بك اخوي أبو حيدر
شوف حبيبي القطعه تشبهها
لكن هذه القطعه حقت هونداي النترا
انا حبيت اضعها هنا .. علشان بس تعرف شكلها
وان شاء الله يفرجها عليك
واي استفسارات حنا جاهزين
رد: تكفون ساعدوني في المشكله سيارة هونداي أكسنت 2005
السلام عليكم
أخوي Mercedes-Benz
قمت اليوم بشراء القطعه من الوكالة
و ركبتها بنفسي و جربت السياره عبيتها فل صارت زي الحلاوه 100%
ما تقطع و تمشي ما تطفي يعني المشكله أختفت
و الله أني تعبت معها
الله يجازيك خير و الله يطول عمرك
ربي يسعدك دنيا و آخره
أي خدمه لك أحنا جاهزين
رد: تكفون ساعدوني في المشكله سيارة هونداي أكسنت 2005
^^^^^^^^^^
ماشاء الله الحمد الله على سلامة السياره
والحمد الله انها زانت
المهم لا تقطعنا بالمنتدى علشان ماتقطعك السياره :)
شكرا لك
رد: تكفون ساعدوني في المشكله سيارة هونداي أكسنت 2005
يااخوان عندي نفس المشكلة ياليت تفيدوني
رد: تكفون ساعدوني في المشكله سيارة هونداي أكسنت 2005
السلام عليكم ورحمة الله وبركاته
كل عام وأنتم بألف خير
أنا عندي نفس المشكلة كل ما عبي فل تصير نفس المشكل بس السيارة يلي معي النترا 2001
السؤال 1: فيها نفس القطة يلي بالصورة
2: أين موجدة القطعة بالمكينة أو بالتنك البنزين