الحل لمشكلة بلع حبوب الامينو الكبيره مثل 2222 تابلت

السلام عليكم ورحمة الله وبركاتة
أعزائي أعضاء المنتدى الكرام موضوعي خفيف ولطيف
بسبب كثرة الاسئلة عن كيفية تناول حبوب الامينو التابلت الكبيرة مثل 2222
الطريقة هي
اطحن اول مرة الجرعة لحالها الي هي ثلاث حبات وكيلها بمكيال عشان تعرف كم مقدارها وتقدر تحط الرابعة وتعرف كم مكيال الاربعة
وبعدها اطحن الامينو كامل (العلبة كلها) وخذ بالمكيال الكمية الي قستها الي هي الجرعة
وبالعافية..... *
اتمنى الافادة للجميع...

يعطك العافيه

وعليكم السلام ورحمة الله وبركاته

حل ممتاز للي مايقدر يبلعها بهالحجم لكن ال2222 تابلت الدفعات الجديده الحبوب حجمها اصغر
واتوقع باقي ماوصلت عن الموردين


يعطيك العافيه

ولكن لفت نظري اخوي ابو منصور في الجي ان سي في أمينو 2222 جديد تاب طبعا ولكن عليه خط اصفر من فوق ومكتوب عليه سهل البلع اضف الى ذلك عدم احتوائه على ال-كارنتين يعني خلاص ماعاد ينصح به للتنشيف بيصير الأمينو تك افضل لأني سمعت انه الأمينو تك ايضا فيه ال-كارنتين

اقتباس:

---

المشاركة الأصلية كتبت بواسطة abu kinan

ولكن لفت نظري اخوي ابو منصور في الجي ان سي في أمينو 2222 جديد تاب طبعا ولكن عليه خط اصفر من فوق ومكتوب عليه سهل البلع اضف الى ذلك عدم احتوائه على ال-كارنتين يعني خلاص ماعاد ينصح به للتنشيف بيصير الأمينو تك افضل لأني سمعت انه الأمينو تك ايضا فيه ال-كارنتين

---

ماعليك من الكارنتين نسبته قليله في ال2222 وله خصائص بنائيه يعني الامر سيان ..

بكم قلك الجي ان سي اكيد السعر طق السما ؟

325 ريال سعودي ريال ينطح ريال على ما أذكر هذا الكلام من شهرين تقريباً

اقتباس:

---

المشاركة الأصلية كتبت بواسطة abu kinan

325 ريال سعودي ريال ينطح ريال على ما أذكر هذا الكلام من شهرين تقريباً

---

325 !!
خلها عنده احسن
ماعمري شريت من جي ان سي غير الميغامان وشيكر وجلوتامين ووقتها كنت مستعجل ولا مايستاهلون الواحد ياخذ منهم احتكار مو طبيعي

يارجال ترا سهل بلعها
حطها بفمك كلها واشرب مويه وخل المويه تسري للمري <<<ابو الوصف

بحيث إن الحبوب لازالت في فمك لا تضمغها ولا شي لما المويه تمشي وكأنك تشربها ابلع الحبوب وبتروح معك ماتخفش

اقتباس:

---

المشاركة الأصلية كتبت بواسطة THE CAST

325 !!
خلها عنده احسن
ماعمري شريت من جي ان سي غير الميغامان وشيكر وجلوتامين ووقتها كنت مستعجل ولا مايستاهلون الواحد ياخذ منهم احتكار مو طبيعي

---

انا يا طويل العمر ادخل الجي ان سي اقلبه فوق تحت واشوف مكونات البضاعه الجديده والتواريخ حقتها من باب تثقيف نفسي بالمكونات ...الخ... بعدين اخذ شيرك ب15 ريال هههههه واطلع يجي الهندي بينجن مني

حي الله الكباتن ونورتم الموضوع وهذا الحل للي قد تدبس بالحبوب الكبار
ويعطيكم العافية على الاضافات الطيبة

يا اني مرة اتحديت نفسي وحطيت اربعة في فمي و شربت موية وجيت ابلع اثنين عدت و اثنين علقت مع بعض و قلت خلاااص الروح بتطلع بس ربنا ستر وعدت مع شرب المزيد من الماء .

شكرا لك وهذا الي انا اسويه خلصت علبتين من قبل وكد رديت على احد الاعضاء بنفس الحل الي ذكرته يمكن من مدة شهر
العلبه الاوله دقيتها بنجرن يسمعه ساري الليل والثانية بالطاحونة
الف شكر اخوي رحال

فكرة حلو كيف فاتتني
يعيطك الف عافية علي الموضوع الحلو

حياكم الله يا شباب والله يعافيكم
والفكرة هذه اتت في وقت كنت محبط فيه :28:وكنت راح ارمي الحبوب لاني مليت منها ومن كبرها وكل شوي خلاط ومدري ايش ومثل ما قال اخونا غامرة مرة وقسمتها وبغيت اروح فيها :bigeyes:صارة حادة من الاطراف
ولكن بعد ما سويت الحركة :wink2: صرت احطها بالشيكر واحيانا مع البروتين بالشيكر والحمدلله

يعطيك العافية اخوي رحال

وفعلاً موضوعك هذا يعطي حل لكل شخص يصعب عليه بلع الحبة ولاحظت استفسارات كثيرة لنفس موضوعك ..
وانشاء الله يستفيد الكل

جزاك الله خير