3DS .. إِلى أيـن يآ Nintendo ? .. ( مرآجعة شآملة )

السـلآم عليكم ورحمة الله وبركآته ,,

قبل ما أخش عرض .. وانبرش بالكلام .. واخرشكم .. اشتقت لكم .. اي والله اشتقت زمآن لأيآم الكتآبة واخرآج مافي الذآت وهرجة وكلام كثير .. يعني باختصآر .. لكم وحشه :02: .. لاعاد أحد يقطعنا كذآ . ترآ مالكم دآعي .. يالله نمشيها لكم هالمرة .. عمومآ .. بما اني انقطعت عن هالمنتدى .. مو معناته اني انقطعت عن الفيديو جيمز .. لكن قل اهتمآمي بها بشكل كبير .. وماعاد يعجبني .. الا الشئ النآدر .. وقليل مايجذبني من الألعآب .. مدري هل هو من المصمممين .. صآروا سيئين .. ولا انا ذوقي صآر صعب ؟ .. اخر ماعجبني في هالفترة .. MGS Peace Walker .. من زمان ماخشيت جو مع لعبة زي كذآ .. وسحرتني من أول لحظه .. للحظه هذي الي العبها حآليآ .. واشتريت Galaxy 2 .. بس للحين بغلافهآ .. بلعبها بعد هالموضوع .. بسم الله نبدأ :




http://www.nintendo.com/images/3ds/home/3ds_logo.png

تاريخ الإصدآر : 27 مآرش
السعر : 940 ريآل تقريبآ > المفروض يكون كذآ

وبس البآقي بالتقرير .. :أفكر:



عالم الألعاب .. فيه ازمآت .. وشركآت تقفل .. وفرق .. رآحت .. وانتقل العالم للجيل الجديد .. وشفنا أشيآء ابهرتنا .. واسآمي كبيرة .. طاحت بسمعتها .. لأنها لم تعد بنكهتها المميزة .. لكي تجذب نوع واحد من اللآعبين ..تعودنا .. لأنها صدمة ورآء صدمة .. نآدر ماتعجبنا الألعآب .. أي لاعب مستجد .. رآح يقول لا بالعكس .. مثلاً .. فآينل فانتسي 13 .. هي الأفضل في السلسلة .. مثلاً .. رزدنت ايفل .. لعبة رعب من المستوى الأول .. لأن هذآ الي سعت له الشركآت .. خلاص تبي توجهها يروح لشئ يعجب جميع الأذوآق .. ويمشي سوقها .. ليش تسوي شئ معقد وتتعب عليه .. وكله فن من أوله لأخره .. وفي الأخير مايشتري اللعبة .. الا المخضرمين .. ؟ .. وهم أقل من المستجدين أكيد ..


عمومآ .. الجيل الجديد .. انتقلت له الأجهزة المنزلية .. PS3 .. والإكس .. wii .. لكن الأجهزة المحمولة .. بقيت كما هي ... ليه ؟ ..>> انا ماأسألكم :09: .. بس يعني اسأل الشركآت .. ( سوني + نينتدو ) .. ومايكروسوفت إذا ودها تخش هالمجآل ولا تزعل .. فجأه .. وانا اتصفح النت .. طبعآ .. شئ مو جديد .. شئ اكيد ان الاجهزة المحمولة بيجي لها يوم تنتقل للجيل الجديد .. كانت نينتدو مبسوطه بآربآح ds الخيآليه بكل انواعه .. في اليابان الأجهزة والألعاب اليآبانية يمشي سوقها بالهبل .. المهم .. نينتدو اعلنت عن منتج جديد .. في محلات الفول !!! .. تروح لأي افغآني .. تقول عندكم عدس نينتدو ؟ .. يقول جآي تضحك علي انت ؟ .. تقول ليه .. يقول لك .. هذآ نوع من انواع الشكشوكه يانصآب .. :31:.. وتحتار فيه .. احم .. >> انا وشفيني ؟ ..


اعلنت عن جهازها الجديد .. 3DS .. الأسم مميز .. كثير مميز .. لأنه يوفي بميزة الجهآز مع اسمه الجديد .. كيف ؟ .. الجهآز ميزته الرئيسيه .. الثري دي .. لأنه يدعم هالشي بدون نظارات !؟ .. :bigeyes: .. وبنفس الوقت .. مافقدت اسمها الدي اس لازال في العنوان .. كم انت ذكية يانينتدو ! .. الجهآز يآتي بلونين الى الان اعلنوا عنها .. وغلطانين بصرآحه .. لو كان فيه لون أحمر .. كأن احسن بكثير .. لأن الأحمر والأسود .. قآتلة .. عالعموم أكيد بتجي الوان كثير .. بس انا اقصد وقت الاطلاق الي هو .. 27 March ..



http://www.nintendo.com/images/3ds/h...ware_black.png http://www.nintendo.com/images/3ds/h...dware_blue.png


زي ماتشوفون .. هذي اللونين الي يجي بهآ الجهآز .. اعجبني الأسود أكثر من الأزرق .. لأنه يكمل انآقة الجهآز .. وجهآز زي هذآ .. يا أنك تآخذه بآناقة .. لا لاتآخذه .. بس النآس اذواق ..>>:ponder: .. وفيه نآس يحبون اللون الأزرق والأسود .. يمكن انا ذوقي منحرف .. مايحب هاللونين .. عالعموم .. هذآ الشكل العام للجهآز .. وراح نفصلة بالتفصيل الممل .. انا دآري اسلوبي مايصلح رسمي. . بس مايهم .. بقدر مااهتم اخلي القآرء يقرء وينبسط .. ويبتسم كل شوي .. :biggthump


سعر الجهآز .. 940 ريآل تقريبآ .. بالنسبة لي السعر حلو .. ماشوفه مره مرتفع .. :33: ..



http://www.nintendo.com/images/3ds/h...mages/img1.png

الحين بنبدء تفصيل الجهآز .. كل حتى فيه .. هذآ هو جهآز النينتدو الجديد ..

مميزات الجهآز الخآرجية

http://www.nintendo.com/images/3ds/h.../3d_screen.jpg
3D Screen

شآشة تدعم الـ3D بدون نظآرات ولا شئ !! .. هذا هو الأسآس الي صمم عليه جهاز نينتدو الجديد .. الثري دي .. شآشة اعرض من السفلية .. واكبر .. لكي تعطي مجآل اكبر لرؤية التقنية بشكل أصح .



http://www.nintendo.com/images/3ds/h.../3d_slider.jpg
3D Depth Slider

زر جانبي لتفعيل خاصية ال3D .. لأنك احيآنا ماتحتاجها .. واظن لتوفير البطآرية احيآنا .. واعتقد بعد .. مو كل الألعاب تستغل الخاصية ذي .. يمكن البعض ماتستغلها صح ..


هذي هي أسآسيآت الجهآز بشكل عآم .. والفكرة الأسآسية في ابتكآر الجهآز الي هي الثري دي .. الحين بنشرح التفآصيل البآقية .. : -

http://www.nintendo.com/images/3ds/h..._gyroscope.jpg
motion sensor and gyro sensor

خاصية استشعار الحركة .. نفس الخآصية الي موجودة في كنترول الPS3 .. مع ميلان الجهآز يميل معك الوضع .. لكل الاتجآهات الأمام .. والزوايا كلها .. تستغلها الألعاب حسب ماتبغى .. وعلى مايقولون .. " كلآ وفنه ! " .. حلوة خاصية الاستشعار تفيد كثير .


http://www.nintendo.com/images/3ds/h...ion_screen.jpg
Two Screens

شآشتين للعب , التغيير الي حصل .. اللعب صآر في الشآشة العلوية .. يكفي ان الجهآز هو الأفضل في الجرآفيكس بآجهزة نينتدو المحمولة حتى الآن !
الشآشة العلوية .. هي الأعرض والأكبر .. ابعآدها 800x240 بكسل .. الجرآفكس يظهر بشكل افضل .. 400 بكسل لكل عين .. لتصوير الثري دي امام العين المجردة ..
الشآشة السفلية .. ابعآدها 320x240 بكسل .. LCD .. وغالبآ تستخدم للخيآرات وكذآ .. زي ماكنا نشوف في الدي اس القديم .



http://www.nintendo.com/images/3ds/h...circle-pad.jpg
Analog Control

الأنلوج هذآ مخصص للثري دي .. للتحكم فيه .. والتحكم بالزوآيا .. هذي فكرة نينتدو منه .. استخدآمه .. برضوا يعتمد على شركات الألعاب كيف تبي .. لكن لو نلاحظ .. الcontrol pad .. والأنلوج .. وخاصية الاستشعآر ! .. كلها تستخدم للحركة .. وتعدد الخيآرات .. نينتدو اهتمت بشركات الألعاب بشكل كبير .. :biggthump.


http://www.nintendo.com/images/3ds/h..._3d-camera.jpg
3D Camera

نظآم الثري دي في 3ds .. يستخدم كاميرتان لرؤية العالم ثلاثي ابعآد .. قريب من العين البشرية .. مع الامكان لتصوير صور وتصميمها بشكل ثلاثي ابعآد ! .. واعتقد فيديو بعد مع الوقت !



http://www.nintendo.com/images/3ds/h...000_stylus.jpg
Adjustable Stylus

القلم زي ماعتدنا .. موجود .. لخاصية اللمس .. بس الحين تقدر تتحكم بطوله .. لأريحية اليد .



http://www.nintendo.com/images/3ds/h...02_sd-card.jpg
2GB SD

ميموري سعتها 2 جيجا .. لتخزين الصور والفيديوات .. والمقاطع .. والاغاني .. مع العلم انك تقدر تحمل العاب من ستور الجهآز .. اي فيه العاب تنزل على الستور .. ;) الجهآز يدعم الـ mp3 > احلى شئ !


http://www.nintendo.com/images/3ds/s...streetpass.jpg
Street Pass

اذا كنت في احد الشوارع في المنطقة الوسطى او الغربية او الشرقية .. والشمآلية ولا يزعلون وبرضوا اهل الجنوب .. تمشي وحيدا .. وترآ في اخر الشآرع شخص .. او شخصة .. قآدمة بنفس طريقة .. وتطيح عينك بعين الشخص هذآ .. ويخزك وتخزه :blackeye: .. وتقول في نفسك والله ماسويت شئ .. ولما تمرون من جنب بعض .. وتسمع " طيط طيط طيط " .. لاتخآف .. ماحد يدق عليك .. ولا جآك برودكاست ولا شئ .. اعرف ان جهازك ال3ds إذا كان في وضع الsleep mode .. وجهاز الشخص الثاني نفس الكلام .. ان جهازك تعرف على جهآزة .. يعني اعرف ان عنده جهاز زيك .. وتقدرون تتبادلون ألعاب .. ^^ .. وتقدرون تلعبون ضد بعض ..




مميزآت الجهآز الدآخلية

http://www.nintendo.com/images/3ds/s...ht_content.png


نبدء بالـ
http://www.nintendo.com/images/3ds/s...homescreen.jpg

هالشي اعجبني كثير صرآحة .. لأنه ينقلك على طول للهوم بيج .. بس بنفس الوقت مايطلعك من اللعبة .. يعمل Pause للقيم .. متى ماودك ترجع للعب تكمل .. عآدي تقدر .. اعجبتني حيل هالخاصية .. واول مره اشوفها بجهآز .. بالعادة .. اغلب الأجهزة اذا تبي تروح للهوم بيج لازم خروج كامل من اللعبة .

تأزمت في لعبة ؟ .. ماعرفت وش تسوي .. Pause للعبة .. اختار Internet Browser .. وابحث عن الحل للعبة .. ولاتتأزم أبد :biggthump .



http://www.nintendo.com/images/3ds/s..._3DSCamera.jpg

ماقدر اقول شئ .. الا هل معقول اني اصور الصور .. واحولها ثلآثية أبعآد .. يعني أشوف ابعاد الصورة كاملة.. هالشئ رآح يبهرني من جد !


http://www.nintendo.com/images/3ds/s...5_MiiMaker.jpg

تعودنا مع أجهزة الجيل الجديد .. انه يكون لشخصيتك الخآصة والي تظهر للجميع شكل معين .. وهنا تقدر تصمم شكل شخصيتك المعين في الأونلاين .. والي يظهر لكل اصدقآءك في اللستة .. بس الحلو انك تقدر تصور خشتك .. وتصمم على نفس شكلك .. قريب منك يعني .


http://www.nintendo.com/images/3ds/s...n_miiplaza.jpg

هذآ المكآن الي يلتقون في اللآعبين اونلاين .. او لما يتحدون بعض .. زي الهوم حق البلاي3 .. نفس السآلفة تقريبآ .. نينتدو حاولت ماتهمل هالنقطة .. عشآن هي احد النقآط الأسآسية في اجهزة الجيل الجديد , وبالأصح هذآ مكان تبآدل المعلومات .. تشوف انجازات اللاعبين .. وش سوا وش ماسوا .


http://www.nintendo.com/images/3ds/s...04_ARGames.jpg

تلوموني يوم رجعت اكتب عشآن خاطر هالجهآز .. نينتدو لك احلى تحية مني .. فيه قطعة تجي مع الجهآز AR .. تخيل انك تلعب في العالم الحقيقي .. اوك جالس على مكتب غرفتك .. وتبغى تتخيل البيئة حقت مكتبك خلفية لعبة .. اوك مو مشكلة .. ثبت القطعة بأي مكان .. وخل الكآميرا حقت 3DS تتعرف عليه .. وراح تصور لك عالم من الألعاب هناك .. اكيد في خيارات محددة .. بس والله عجب !



http://www.nintendo.com/images/3ds/s...aceRaiders.jpg

صور وجه أي احد .. ويفضل انه مايكون وجهك .. تقدر تلعب العاب مع الوجه نفسه .. مثل انك تصيده .. او تصيبه .. او تضربه .. وتسوي فيه الي تبي .. شئ ممتع بشكل خفيف .


http://www.nintendo.com/images/3ds/s...ctivityLog.jpg

خلونا نقول .. المذكرآت حقتك .. تكتب فيها أي شئ .. كم لعبت في الجهاز كم ساعة .. وكل لعبة كم ساعة .. وكم خطوة مشيت في اليوم .. وحالتك الجسديه .. والمزيد


http://www.nintendo.com/images/3ds/s...assicGames.jpg

هنا تقدر تحمل الألعاب الكلاسيك القديم .. العاب الجيم بوي .. والآدفآنس .. خآصية حلوة .


http://www.nintendo.com/images/3ds/s...et-Browser.jpg

متصفح الأنترنت .. آخيرآ يانينتدو .. هذآ شئ من أهم الأشيآء .
- معلومة .. الأبديت والتحديثات للجهآز .. تتم من هنا .


http://www.nintendo.com/images/3ds/s...6_3dsSound.jpg

مكان استماع الموسيقى .. وتتحكم فيها .. واكيد تنزل برآمج مع الوقت .. للتعديل على المقآطع على رآحتك .

ألعآب الجهآز
http://www.nintendo.com/images/3ds/g...ture_right.png

هنا بنستعرض بعض العآب الجهآز .. طبعا الجهآز لقى دعم قوي من شركات الطرف الثآلث .. لأنه التقنية الجديدة الي قدمها الثري دي .. بتشكل تحدي كبير للمطورين .. وزي ماشفنا اول ماعلنوا على الجهآز .. مين الي اعلن العآبه عليه . كبآر المطورين .. كابكوم .. سكوير .. والعديد من الشركآت .. أكيد .. لأنها تقنية جديدة .. والأحلى من كذآ .. انهم اول مره يستخدمونها .. لذلك بنشوف الإبدآع وبنشوف مين يستغل هالمجال بشكل مميز .. احب هايدو كوجيما في هالوقت .. لأنه دايم الأدهى بأفكآره .. ويخلينا نتعجب من كل شئ بألعآبه :biggthump ..

بعض الألعآب ..

Pilotwings Resort
http://www.nintendo.com/images/3ds/g...pilotwings.jpg



Super Street Fighter® IV 3D Edition
http://www.nintendo.com/images/3ds/g...ames_ssfiv.jpg



nintendogs™ + cats
http://www.nintendo.com/images/3ds/g...nintendogs.jpg



Steel Diver™
http://www.nintendo.com/images/3ds/g...steeldiver.jpg




Asphalt™3D
http://www.nintendo.com/images/3ds/g..._asphalt3d.jpg




LEGO® Star Wars® III: The Clone Wars
http://www.nintendo.com/images/3ds/g...gostarwars.jpg





Kid Icarus™: Uprising
http://www.nintendo.com/images/3ds/g...008_icarus.jpg




The Legend of Zelda™: Ocarina of Time™ 3D * معليش بس كلام كبير!
http://www.nintendo.com/images/3ds/g...0003_zelda.jpg




Dead or Alive® Dimensions
http://www.nintendo.com/images/3ds/g...eadoralive.jpg





Pro Evolution Soccer 2011 3D
http://www.nintendo.com/images/3ds/g...pro_soccer.jpg




RIDGE RACER® 3D
http://www.nintendo.com/images/3ds/g...ridgeracer.jpg





RESIDENT EVIL®: THE MERCENARIES 3D
http://www.nintendo.com/images/3ds/g...esevilmerc.jpg





BUST-A-MOVE™ UNIVERSE
http://www.nintendo.com/images/3ds/g..._bustamove.jpg




Super Monkey Ball™ 3D
http://www.nintendo.com/images/3ds/g...monkeyball.jpg




...........
للأمانة .. خلاص تعبت .. عطيتكم وجه :blackeye: < امزح .. احسكم بتعصبون علي .. تمونون على قلبي والله .. حبآيب قلبي كل اعضآء المنتدى .. فدوة لهم كل حرف بالموضوع .. وحقوق الطبع محفوظه حتى مماتي :02: .. امزح يآرجآل .. كل حرف انكتب في الموضوع كتآبة شخصية .. وجهد خآص .. يعني الي يبي يشيله .. يقول لي .. وفدآ رآسة .. صرآحة الجهآز ابهرني كثير .. عشآن كذآ .. انا كتبت عنه .. ماقدرت اخبي مدآ اعجآبي بهالجهآز .. اخ بس متى يطيح بيدي .. بغيت اسوي له بري اوردر من زود الحماس .. بس فكرت .. قلت يمكن يسوون منه لون أحمر غآمق .. وانقهر سآعتها .. لذلك تمهلت .. حتى لو اصبر شهر من الإصدآر .. منها الألعاب تكون أصدرت المهمه .. ومنها يجي على ذوقي .. وما تعب معه بعدين .. نينتدو .. كلمة حق .. تسلم أناملك على هالجهآز .. الي خلاني اجي هنا واكتب .. لأنه مب أي شئ اكتب له .. باختصآر ماهو اي شئ يستآهل .. فيه شئ ثآني يمكن اكتب له .. الي هو MGS Peace walker .. حصلت على اعجآبي هاللعبة .. ويمكن اكتب عنها ..


الموضوع أخذ مني من السآعة 7 وانا اكتب تقريبآ .. واتصفح .. واسولف مع الي عندي .. يعني يمكن ككل .. ساعتين ونص .. واتمنى ان كل من يقرء الموضوع .. ينبسط وهو يقرء .. ويعجبه مزحي .. ومايحسه ثقيل على قلبه .. ويآرب يتثبت ويدخل المميزه :cray: .. ( امزح :28: .. ) .. والله امزح :09: .. بس من باب المدآعبة .. وينك يآفلنطس .. مدري للحين حي .. اخبرك تحب بآب المداعبة كثير .. :blackeye:.. هذآ الي بخآطري واتمنى وصل لكم ..


محبكم .. عبدالله : )

موضوع روعة روعة روعة

تسلم ايديك
الجهاز شاريه بإذن الله شاريه
لكن عندي سوؤال الجرافيكس افضل من PSP الاول والا ؟

ويعطيك العافية

سلمت يمناك على الرد .. الجهآز .. شئ مميز .. لازم الكل يجربه .. انا حسيته .. زي البي اس بي تقريبآ .. في لعبة وحده .. الي هي رزدنت ايفل .. مدري .. هل هو وصل للجهاز او تعداه .. او اقل منه مستوى ..
بس اعتقد .. أنه نفس مستواة تقريبآ .. بس لما شفت عرض رزدنت .. ياخي جنيت .. الاطرآف ناعمة لدرجة الجنون ..

عليكم السلام ورحمة الله وبركاته

أخي العزيز تسلم أيدك ويسلم لنا دمك الخفيف أنا تحمست أكثر للجهاز من قرأت موضوعك سويت دعايه غير شكل لنتندوا XD

لاتعليق على اللون الأحمر Sxxxx

من جد جهاز أسطوري و أتوقع في المستقبل تظهر ميزات أكثر

على العموم شكرا على المعلومات وعلى الموضوع الجميل

اقتباس:

---

المشاركة الأصلية كتبت بواسطة biohazard x

عليكم السلام ورحمة الله وبركاته

أخي العزيز تسلم أيدك ويسلم لنا دمك الخفيف أنا تحمست أكثر للجهاز من قرأت موضوعك سويت دعايه غير شكل لنتندوا XD

لاتعليق على اللون الأحمر Sxxxx

من جد جهاز أسطوري و أتوقع في المستقبل تظهر ميزات أكثر

على العموم شكرا على المعلومات وعلى الموضوع الجميل

---

تحس اني سويت دعاية لهالشركة اللعينة :d >> :p ..

تسلم ياخوي .. وعلى طآري الشكر .. وصل وصل .. وللمعلومية .. عدم وجود الأيقونة .. معناته .. ان الإدآرة حجبت هالخاصية عني .. عشآن ماينفجر عدآد الشكر .. .. > احم زي مانت عارف يعني :p ..

:silly::silly:
موضوع ممتع والله
عجبتنى فقرة Street Pass هههههههههههه طيط طيط :silly:

بصراحة جهاز حلو جداااا وانا متابعة منذ e3 الماضى وعجبنى جدااا
خاصة ان فى العاب قوية راح تصدر بس مو الان
لسة محتاجة وقت مثل كينجدم هارتس و زيلدا ونينجا قايدن ومتيل جير
فلذلك راح اخذ الجهاز مع الربع الاخيرى من هذى السنة لما تنزل الالعاب

لعبة متيل جير بيس والكر جدااا رائعة انالعبت بيها ساعتين بس
وبعدها اخذتنى كينجدم هارتس بيرث باى سليب راح ارجع العبها قريب
عروض العبة مميزة مثل متيل جير بورتبل اوبس

اسلوبك رائع اخى شكراا لك على الموضوع الرائع

موضوع ممتع ورائع وجهاز 3ds انتظره بفارغ الصبر

الله يعطيك العافيه

اقتباس:

---

المشاركة الأصلية كتبت بواسطة jinabil

:silly::silly:
موضوع ممتع والله
عجبتنى فقرة Street Pass هههههههههههه طيط طيط :silly:

بصراحة جهاز حلو جداااا وانا متابعة منذ e3 الماضى وعجبنى جدااا
خاصة ان فى العاب قوية راح تصدر بس مو الان
لسة محتاجة وقت مثل كينجدم هارتس و زيلدا ونينجا قايدن ومتيل جير
فلذلك راح اخذ الجهاز مع الربع الاخيرى من هذى السنة لما تنزل الالعاب

لعبة متيل جير بيس والكر جدااا رائعة انالعبت بيها ساعتين بس
وبعدها اخذتنى كينجدم هارتس بيرث باى سليب راح ارجع العبها قريب
عروض العبة مميزة مثل متيل جير بورتبل اوبس

اسلوبك رائع اخى شكراا لك على الموضوع الرائع

---

طيط طيط .. ههههههههههه .. الله يرجك .. الجهآز ملكي .. كل شئ فيه اعجبني .. ودآري الألعاب والعناوين القوية .. رزدنت .. مجس .. كنجدوم .. يبيلها فترة ..

كلك ذوق ^^

اقتباس:

---

موضوع ممتع ورائع وجهاز 3ds انتظره بفارغ الصبر

الله يعطيك العافيه

---

يعافيك ويخليك .. حتى انا معك انتظره ..

تم تثبيت الموضوع
راح يكون هو الموضوع الرسمي للجهاز للاستفسار
موضوع اكثر من ممتاز يعطيك الف عافية علي المجهود
ماشاء الله موضوع يمتلئ بالمعلومات عن الجهاز يحتاجها كل من يفكر في شراء الجهاز

هلا والله .. اليوم دخلت ادور الموضوع تحت المواضيع المثبته ودخت .. عقب اشيك المواضيع المثبته .. وشفته فيها .. هههه .. جآني شعور حلو .. من زمان ماكتبت .. ماتوقعت اني اقدر اوصل المعلومات بالشكل الكافي ..
تسلم والله

أحلى شي هالموضوع بيتم للتاريخ و دايماً بنرجع له :)
كفييت ووفيت ماشاء لله عليك
تصلح تسوي دعاياات :b

tnnxxx

الله يعطيك عافية على الموضوع

ما شاء الله موضوع مرتب و يشتمل على جميع مميزات الجهاز

بالتوفيق

موضوعك ذكرني بالزمن الجميل للمنتدى وحسسني أن المنتدى ما زال بخير ( نفسه يضرب كم شخص في باله على كلامهم عن وضع المنتدى الحالي )
يستاهل التثبيت :)

ماشاء الله لا قوة إلابالله
ياولد أنت سحرة عيني بهذا الجهاز المبدع وبإسلوبك وطرحك وتفصيله الراقي
عني أنا شاريه شاريه شاريه ،، أما بالنسبة للون فاللون الأسود بالنسبة لي هو الأفضل
وفي النهاية أنت أبدعت ولنتا منا جزيل الشكر والدعاء