السلام عليكم ورحمة الله وبركاتة
بدون مقدمات
رحت المطبخ خبصت شوي
وأخترعت لي إدام جديد
والحمدلله طلع طعمه زين
وحبيت أعطيكم الوصفه
..
المقادير
حبة بطاطس متوسطة
حبة باذنجان متوسطة
إثنين كوسا صغير او واحد كبير
من 6 إلى 10 روس بامية متوسطة
حبة ليمون
ملعقة كبيرة زيت زيتون
رشة ملح وفلفل وكمون
او اي بهار يعجبكم عادي
شوية زيت للقلي
اول شيئ نقشر ونقطع البطاطس
ونقطعه لمكعبات يعني مو مره
انا قطعته بشكل عشوائي بس
تقريبا بحجم وشكل المكعبات
بعدين نحطه في مويه
ونسلقه تقريبا ربع ساعه
على نار عاليه
بهذا الوقت نقطع الباذنجان بدون القشره
بنفس الحجم تقريبا والكوسا بالعرض
يعني على شكل دائري الحبة الصغيرة
تجي 4 قطع تقريبا والباميه
بنفس طولها بس تنزعون أولها وآخرها
بعدين تسلقونها مع نفس البطاطس
طبعا البطاطس حطيناها قبل باقي الخضار
بربع ساعة لإنه يتأخر حتى يستوي
ربع ساعه كذا او 20 دقيقه
على مايستوي
بعد مانخلص الخضار
نصفي المويه من عليها
نجيب قلايه واسعه
شوية زيت ذره للقلي
إذا حابين تحطون بصل مافي مشكله
بس انا ماحطيت لإني ماحبه
بعد مايبدأ يحمى الزيت شوي
تحطون الخضار عليه
وتقلبون شوي
وانتبهو الخضار لا تلزق
بالمقلاة ..
بعدين تحطون الملح والبهارات
لا تحطونه مره وحده
رشوه رش
بعدين قلبوه شوي ورشو عليه
بملعقة الزيت زيتون وقلبوه وطفو النار
بعدها تجيبون حبة الليمون
تقطعونها من النص
وتعصروها عليه من فوق
وتحركون شوي وانتبهو
لا ينزل الفص حق الليمون :silly:
بعدين تحطونه بالصحن
وخلاص عليكم بالعافيه :)
صوره نهائيه ..
http://store2.up-00.com/2015-09/1442087957121.jpg
أتمنى يعجبكم ^_^
نراكم في موضوع جديد
بإذن الله تعالى
