اهلا يا شباب..
شرايكم في هالرسمة؟:D
عرض للطباعة
اهلا يا شباب..
شرايكم في هالرسمة؟:D
وهذي رسمة على الكارتون massion okoko
حق اللي يحبون المانجا.. يللا عاد قولوا رايكم:D
ماشاء الله عليك يا خلود... روعة
اولا انا سعيد لاني اول واحد يرد عليكي في هذا الموضوع... واشكرك على اشتراكك اخيرا في هذا المنتدى الجميل.. ممممم اعجبتني رسوماتك كثيرا واسلوبك رائع جدا وتلوينك احلى...
احساسي يقول انك صديقة فطوم ههههههههه...(احساس العنكبوت):p
فارجو ان تقبلي صداقتنا في هذا المنتدى ومرحبا بك كثيرا... وسندردش كثيرا من خلال المنتدى:)
هااااااااااااي خلود ...
:D
أخبارج .....شمسويه ;)
تعرفين رايي بأعمالج ...
صح ...:D
ثاني شخص يرد ...
toto
وأنا الثالث !! الثالث :D !!
كخخخخ !!
شاهين أنا ما أحب الأدوار القيادية :D !! حلال عليك المركز الأول !!
توتو أنا ما أحب العمل الثنائي :D !! حلال عليتش المركز الثاني !!
أنا أحب الثلاثي المرح :D كخخخخ !!
رسومات ولا اروع أورانج رود :) !!
ومثل ما قال شاهين, الألوان متناسقة وتحكمكِ بها مذهل !!
أنا أموت في روميكو تاكاهاشي -_^ !!
تحياتي !!
:)
يوووووووووووووووووووبـــــــــــــــي و انا الرابعه :)
الصراحه رسمج فضيييييييييييييييع ... ما اتسلفيني ايدج كم يوم :D
و الله رسمج كووووول احبه :p
أهئ أهئ أهئ أنا الخامسه :(
رسمك حلو مــــــــــــــــــــرررررره
:)
:)
:)
<<<<<<<<تأمولات في الرسمه
خلاص ما في اى كلام ...بس ولا كلمه ...خلاص صرتي صديقتنا .....;)
بس أبي أعرف كيف تلونون هذي الرسومات
خلود شوفي هاي ...
صج خاطري فيه ....
toto
وهذي رسمة يديدة..
انشاءالله تعجبكم..
الرسمات رووووووووووووووووووووووووعه
COOOOOOOOOOOOOOOOOOOOOOOOOOOOOOOOOOOOL
وايد عجبوني
لكن عندي ملاحظه على الرسمه الأولى اللي هي
في الرسمه الأولى شكل المظله غريب شوي شكلها شوي odd و حتى مقبض المظله كأنه في شي غلط.
انتي متعمده تسوين لون وشكل المظله كذيه...في غرض من وراها.. يمكن لأ ?:
هذي الرسمة كنت راسمتها وانا في ظروف صعبة وايد ولونتها في نفس الظروف.. علشان جذي عدوا بعض الاخطاء اللي فيها..
بس انا كنت متعمدة ان المظلة ما تكون واضحة.. والمظلة سويتها على الفوتوشوب.. المشكلة ان الفارة ما تساعد وايد..
ماشاء الله الرسمة الاولى بالفعل رائعه .. لا اعلم لماذا افضل الرسمات الغير واضحه .. التي تشعرك بالغموض...
أنا أحب الغموض بعد...
أحيانا تصير بيني وبين ربعي مشاكل على سبب غموضي :D
الصوره اللي كلها إبداع وغموض هي صورة غلاف لعبة KESSEN ( اللي انت حاطيتها )
صوره لاتوصف صراحه
وهذي رسمة مكملة للرسمة اللي قبلها.. :D
وين الرسمه ؟
اودين..
شرايك في ذي؟؟؟
اي صورة تقصد يا رانما؟ ?:
sorry ماشفتها لن الداون لود كان عندي بطيء
الرسمه أحلى من اللي قبل.
سكرتي على ناس واااااااااااايد في المنتدى ومنهم فطوم... سمعتني toto نجمك راح يختفي;)
ربعك سكروا عليك.
الله يخليكم لبعض
آنا اسكر على فطوم؟؟؟ :واو:
والله ما اقدر.. فطوم ماشاءالله عليها درجة أولى.. مع انها اصغر مني واعتبرها مثل اختي الصغيرة.. الا انها ما شاءالله عليها احسن مني وايد..
وبصراحة انا رسمي ما تحسن الا لما تعرفت عليها.. لان لقيت اخيرا شخص يفهمني.. ونقدر مع بعض نحسن رسمنا ونتبادل الخبرات..
بصراحة انا وايد مستناسة ان لقيت هالمنتدى.. والله الواحد كان يحس انه بروحه في هالعالم.. اخيرا لقيت مكان انفس فيه عن مكنونات نفسي (يا واد يا خطير انت يا مكنونات) :D
بس شكرا يا رانما على مديحك لي.. شهادتك وسام اعتز به..
والله مستواكم انتوا الثتنين وايد رفيع وانا اقول هالكلام حق فطوم عشان استفزها...
من زمان ماشفنا لها أعمال...
الظاهر تبي تفجرها بعد العيد
الصراحة ترددت كثير اكتب ولا لا اكتب ولا لا وآخر شي قلت اكتب ياصبي وشعليك صح انك ماتفتهم شي في هالفن بس قلت لازم ارد ماقدر اشوف هالفن واسكت
اول شي اقول للأخت فاطمة متميييزة كالعادة :D :D :cool:
اما الاخت خلوود بعد متميزه بس الصراحة ابدعتي في التلوين وخصوصاً الصورة الاولى واايد عجيبه و الظروف اللي كنتي فيها الصراحة ساعدت في تكوين هاللوحة شكله ظروف صعبه ?: ?: بس طلعت واااايد حلوه وحركه المطر ابداااااع .
اما اللوحة الثانية اللي شدة انتباهي هي ماعرف رقمها ?: بس كان فيها بنت تطل من الدريشه و حركه الانعكااااس رووووعه . سؤال من متى وانتي تستخدمين الفوتوشوب ؟؟؟؟؟
اما من ناحية الرسم و خصوصاً هالنوع من الرسم اقوول انا مااقدر اعلق لاني مبتدئ بس انشالله بعد مايتحسن مستوي بنشر رسماتي وانا جديد على هالنوع من الرسم ...
بااي
":" الكواري":"
شكرا على المديح والكلام الحلو ، وانشاءالله نعجبك باقي الرسومات..
بالنسبة للسؤال اللي سألته يا اخ الكواري..
صار لي سنة تقريبا من بديت استعمل الفوتوشوب.. يعني تعلمت عليه في اواخر سنة 2000....
لكن مع الممارسة المستمرة تحسن مستواي عليه.. يعني انتوا لو تشوفون اول الرسومات عليه.. والله مسخرة..
وعلشان تصدقون.. هذي رسمة قديمة من اوائل الرسوم اللي لونتها على الفوتوشوب..
ماشالله خلود... نعنبرين هاذي مب حلوه ولا شنو ?:
بداياتك واااايد أحسن من بدايات غيرك...
بلغي سلام إلى قطوم، وترى احنا للحين ناطرين منها رد على الرسم الجخّه
:( :( تحطمت :( :(
مشاء الله هاي بداياتج على الفوتوشوب هههههه انا خلاص قررت اعتزل ههههههههههه :D :D
انشالله اول رسمه لي بانشرها 2750 اذا كان لنا في العمر بقيه
صاج يا رانما ;) ;)
الكواري
لا.. شدعوة...
والله الممارسة تعلم الواحد..
وبعد كان في رسامة مثلنا واسلوبها قريب من اسلوبي اسمها cika اذا كان حد عارفها، كنت اتأمل رسوماتها واحاول اقلد اسولبها في الفوتوشوب لحد لما صار لي اسلوبي الخاص..
وبعد صفحات ال fan art اللي تكون موجودة على الانترنت تفيد، لان كل واحد تقريبا يحط طريقته في التلوين وانا اقعد واجرب واستعمل الطريقة اللي تعجبني..
بس والله هذي كله من ذوقكم.. والله الواحد يحس بالتشجيع بهالطريقة...
:D
وانشاءالله تعجبكم هالرسمة..
كلمة الحق تقال يا خلود
والحمد لله ان الاعضاء في منتدياتنا هنا لديهم حس مرهف وروح رياضية.. فيبيدي كل منهم رأيه بصراحة:)
خلود...
ماشاء الله عليج
انت فنانة في رسم الملابس والشعر المتحرك:)
لمعان الشعر المتطاير وملمس ملابس الفتاة معمولان بطريقة احترافية
احسنت يا اورانج رود... ":"
شكرا يا شاهين على متابعتك الدقيقة، وملاحظاتك اللي توجهها..
هذي رسمة ثانية، خذت الوقفة من صورة في مجلة، لكن المشكلة ان ويه البنت والولد مب عاجبيني.. مع ذي لونتها، قلت يمكن الالوان تعدل شوي.. بعد.. للحين ويوهم مب عاجبتني..
مب مشكلة.. الرسمة على بعضها حلوة.. بس انشاءالله ما يكون الانتقاد عليها قوي.. :D
رسمه حلوه وتجمع بين حركات وااايد
حركة الشعر روعه
والملابس مثل ماقال الاستاذ شاهين في احتراااااااااااااف
والله ترى الشباب العربي وايد متفوق لكن محد يدري عنه
وإذا عرفوا عنه حاولوا يثبطون من عزيمته قدر الامكان
رانما..
تصدق ان اغلب الرسامين العرب اهم اللي يحبطون الواحد.. ليش؟ علشان ما تاخذ مكانهم..
مع ان في رسامين يابانيين وصينيين وامريكيين جافوا رسمي وشجعوني..
حتى اني تلقيت عرض من مجلة امريكية اني ارسم معاهم، وكانوا قايلين لي اني اذا وافقت راح يطرشون لي العقد على الايميل، وبيطرشون لي تذكره حق امريكا علشان اروح الشركة هناك واتفق معاهم، واشترك معاهم في التور اللي بيسونه في الصيف..
لكني رفضت، لاني لما جيكت على موقع المجلة على الانترنت، لقيتها مجلة اباحية نوعا ما..
مع ذي اغلب الرسامين العرب اللي عرضت عليهم رسمي ما شجعوني.. ما عدا محمد علي اللي تكلمت عنه من قبل..
أنا أتفق معاك 100%
والله هذا موضوع كبير وخطير وكلامك ماشالله كله صح
ناااااادر جدا أن تلاقي عربي متفهم ويشجع المواهب الشابه ناااااااااااااااادر
والموقف اللي صار لك صار حق شباب عرب كثييييييييييييير غيرك، أ، تجي شركه أمريكيه وتعرض مبالغ كبيره على الشباب وتنمي قدراتهم وبالتالي حقدهم على العرب اللي ماعطوهم ويه.
والعرب مادري متى بيصحون... يشوفون واحد فنان يقولون له: انت تسمي هذا فن، انت لسه قدامك كثيير و اسلوبك كذا كذا وكذا...
أظن فهمتوني
أوووووووووووووف انتو بتقولون لي عن سوالف التحبط
و كلام العرب اللي يفشل ويحبط .. و أولهم المدرسين و المدرسات ايام ما كنا طلاب ....كان كلامهم جارح و يفشل :(
انا محد دفن مواهبي و حطمني غير المدرسات :":
اكرهههههههههههههههههههههههههههههههههههههههم:غضب:
للأسف يا رانزي.. هذي الحقيقة المرة..
بس بعد.. احيانا تلقين مدرسات رسم يشجعون.. يعني في الاعدادية لقيت مدرستين رسم كانوا روعة، وكانوا دايما يشجعوني ويعلقون رسوماتي كل مكان في المدرسة.. حتى لما سوو معرض في المدرسة وكنت في ثالث اعدادي راحوا جمعوا رسوماتي كلها في المرحلة الاعدادية وعلقوها في ركن بروحه وسموه ركن الفنانة خلود.. وطبعا كنت طايرة من الفرحة..
مب كل المدرسات يحبطون لكن اللي يشجعون نادرين..
احنا الحين في الجامعة دكاترتنا للحين ما يتقبلون رسمي ولا يحبونه، ويسمونه رسم العيال.. ليش؟؟ لانهم كبار في السن وللحين الافكار المتحجرة اللي في روسهم مب راضية تتغير، ولا راضيين يتقبلون افكار يديدة..
أنا بعد لما كننت في الثانويه قابلت أحسن مدرس رسم شفته في حياتي
كنت أقعد أكثر الوقت بعد الدوام مع رفيجي وأقعد أرسم اللي أبيه وبعض المرات بس شخابيط بمعنى شخابيط
وكان يطلع من هالشخابيط مناظر فنيه مادري شلون
يعدل فيها شوي هني وهني وتطلع لوحه فنيه
والله هو اللي حببني في الرسم لأن الفنيه كانت دايما شي ثانوي ومب مهم في المدرسه
لكن كنت اهرب من حصة الرياضه و أروح المرسم وآخذ راحتي هناك
الله يذكره بالخير استاذ علي
ذكرتيني بدكتور قاسم ...:(
اي والله
(ده انا لما كنت طالب كنت احسن واحد في الدنيا.. بربربربربربر )
اخوانا العرب هم السبب اللي يخلينا نروح ونسأل الغرب عن رأيهم
والله العرب مادري متى بيفهمون... صار لهم أكثر من موقف يفشل، أي واحد عربي يكتشفونه الغرب وينمون مواهبه وقدراته بعد مايشتهر يجيون حبايبنا العرب ويقولون هذا أصله وجذوره عربيه، لأبوه عربي وخال بنت اخو عمة أمه عربي ( باااال ) والله شي يخجل :o
أرجوج خلود لا تيبين طاريه ألحين ...
اوف من كلماته و كأن محد غيره في الدنيا ...
ورانما صاج مأساه...
ههههه ذكرتوني بمحرر كان موجود في سعد... كان يقوللي عن رسم المانجا... ليش تسوي العيون مفتونة ؟؟؟
لان العيون كبيرة ونسبة البياض فيها اكبر... هههههههههههه وانا اقول في نفسي: انتا اصلا يا حبيبي مالك في الفن ولا أهل الفن...
وانا ما في احد بيأثر فيني..
انا يقولون لي جذي وارسم من هناك... اصلا هم ينوعون لي طرق الرسم هههههههه
اما بالنسبة لاورانج رود... فان مافعلتيه تجاه المجلة اللي ارسلت لج العرض وموقفج يزيد فيج احترامك لنفسك واحترامنا لج.. فما فعلتيه ليس بسيطا واحنا فخورين بك
اما بالنسبة لموقفنا نحن تجاه اراء العرب...
فنحن فئة ليست بقليلة فحولنا الكثير من يبحث عن أسلوبنا فقط نحتاج الى من ينشر رسوماتنا بطريقة نحن نحددها.. ولذا فان المجلة التي سنصدرها باذن الله ستعطي صفعة قوية للمجلات :)
وان لا نيأس;)
هاي الرسمة رسمتها اول سنة 2001..
ووحدة من صديقاتي وايد عاجبتها الرسمة..
انتوا شرايكم؟؟
تلعثمت يوم شفت هالصوره من حلاتها
وحركة أنها منسدحه على الورود مضبوطه وماعليها غبار
وكله كوووووووووووم والكلام المكتوب كووووووووووووم
من وين جايبه هالكلام الHEAVY
أنا أول شي لاحظته في الرسمه هو شعر البنت لأنه ذكرني بشعر إحدى شخصيات المسلسل Bubblegum Crisis: Tokyo 2040
حركه جميله وهالحركات مو غريبه عليك
رانما..
آخر سمة ما قصدت فيها ان البنت تكون منسدحة على الورود.. كنت قاصدة فيها تكون واقفة بين ورود..
الظاهر اني ما عرفت اضبطها صح.. لان الفكرة ما وصلت..
بس شكرا على تعليقاتك يا اخ رانما، ومتابعتك الدائمة لكا شي انشره..
وبالنسبة للكلام فانا القط من الاغاني، واغلفة الدفاتر الكورية واحيانا من عندي..
هذي الرسمة اللي الحين بتلقاها تحت الكلام، قصدت فيها وحدة منسدحة تحت الشجرة..
هل هي واضحة والا لا؟؟
رسماتك رائعة (ماعندي غير هالكلام:D )
بس الممتع فيها هو استغلال قدرات الفوتوشوب وتوظيفها... فالادوات موجودة لكن الابداع هو المطلوب...
;)
أنا فهمت أنها جالسه على الأرض لأن شفت الخلفيه كأنها الورود لما الواحد يدوس أو ينبطح عليها ( يعني مبسوطه مع الأرض) فهمتها غلط:o
والرسمه الثانيه.....
....
...
أحلى من سابقاتها وماقدر أمدح أكثر لأني تعبت
هذي رسمة يديدة من مدة بسيطة رسمتها..
انا نقطة ضعفي الصبيان..
ما اعرف ارسمهم عدل..
بس معليش.. قولوا لي رايكم..
رسمتكِ أختي الكريمة أورانج رود جداً جميلة! :)
الإضاءة وايد متقنة (عالية في الوسط, وغامقة عند الأطراف).
والدمج بين الظلال اللونية وظلال المؤثرات متجانس ومتقارب.
التلوين روعة (أنا أحب اللون الأزرق للشعر) وهو لون صبيان, والوردي بنيات.
واللونان البني والأصفر ينتميان لمجموعة ملابس السحرة, إختيار موفق.
والخلفية النارية وايد حلوة ومناسبة للموضوع (الفضل في ذلك يرجع لكِ أنت! أنت من جعلها كذلك!) ولا أنا ما كنت بفكر بهالطريقة مثلكٍ! :)
الشخطات الصغار اللي تحت عينه عاجبيني, شكراً علشان نبهتيني لها الفكرة!
وبالنسبة لكلامكِ, غريبة! أنا أشوف انكِ متمكنة في رسم الصبيان؟!
وشخصياتك جميلة!
:) لِمَ هذا الكلام؟
لست واثقةَ من نفسك؟ على العموم...
يمكنك التمرن على أنواع أخرى من الأشكال, حاولي يا أورانج رود! أنتي قدها وقدود!
وحياكٍ الله.
شكرا يا اخ رواية على التشجيع المستمر..
صراحة اللي احبه في نقدك البناء انك ما شاءالله تكتب كل شي وبالتفصيل.. (احب التفصيل مع اني ما اكتب بالتفصيل)... ;)
باحاول ارسم الصبيان اكثر.. مشكلتي انهم يطلعون معاي bishonen بس يعني صبيان على بنات (مثل ما يوصفهم شاهين).. خاطري ارسمهم مثل ما فطوم ترسمهم.. والله هالبنت خطيرة ما شاءالله عليها..
يوم من الايام بابوق يدها وبالزقها بيدي اليمين.. وباعطيها يدي بدالها..
وبجذي بيصير عندي يدين ترسم (لاني عسماوية) وفطوم بيصير عندها يدين ما منهم فايدة.. :D
شكلي باسوي قصة على هالموضوع.. انطروها..
فكرتج فاشلة في سرقة يد فطوم لان اليد ماترسم بروحها... يعني لازم تسرقين مخها مع اليد كخخخخخخ (كما يضحك رواية);)
اما عن الرسمة فما قاله اخي رواية يكفي وزيادة..
وما اقول الا كثري كثري:)
حاظرين أختي أورانج رود! :)
ورسمكِ جميل وهذا لا جدال فيه...
وأعتقد أن الأخ shaheen يوم قال أنهم "صبيان على بنات" أعتقد أنه ما كان يقصد أنه يذم رسمكِ؟!
وبعدين شو فيهم أل bishonen؟
أصلاً أكثر الناس يحبون هالنوع من الشخصيات في المسلسلات! :)
مثلاً أغلب الشخصيات الرجالية اللي في مسلسل ليدي ليدي كانوا بيشونينز! وكانت أدوارهم وايد جميلة! والناس حبوهم...
والبنات يميلون لهذا النوع...
استمري في اسلوبك الجميل ولا مانع في أن تتعلمي الأنواع الأخرى.
وحطي في بالكِ الآتي:-
"ليس كل الأولاد أشكالهم أولاد, وليس كل البنات أشكالهم بنات"...
وخصوصاً بين الأطفال!
وأنت لست مطالبة بمطابقة الواقع في رسوماتكِ...
"أرسمي ما ترينه جميل أو ما يعجبك وتعتقدين أنه جميل"
ولكن ظمن أخلاقنا وقيمنا. :)
هاهاهاهاهاهاهاهاهاهاهاهاها
شاهين صاج ..... بتتعبين ....
لأني أذكى مخلوقات الأرض ...
الجاذبيه و ما أستوعبتها .. أشبتسوين هاهاهاهاها
هاهاهاهاهاهاهاهاهاهاهاها ما أقدر أتخيل هاهاهاها
هههههههههههههه
يا فطوم.. انتي كسرتي قانون الجاذبية
انتي كسرتي الرجل العنكبوت بكبره
سمعت اخبار ان فيلم الرجل العنكبوت اللي بينزل في شهر مايو بيكنسلونه
وبيتعاقدون مع فطوم لفيلم المرأة العنكبوت... هل هذا صحيح؟:D
فطوم...؟؟؟
والله بيكون التصوير ارخص لهم.. بيصورون بدون معدات خاصة.. بيقولون لها.. ركضي على الطوفة بتركض.. نطي بين عمارتين بتنط..
ولا هي فاهمة شسالفة..
هاهاهاها :D
هاهاهاهاهاهاهاها وناسه ...
بس مصيبه إذا واحد بيخرب التصوير...
و بيفهمني شسالفه وانا معلقه على العماره ....صح هي هي هي :D
و ثرى شباب الفكره فكرة خلود من البدايه ...
هااااااا؟
فكرة خلود؟
متى وين وشلون:)
رسمج روعه خلود
ويهبل وانت تعرفين راي فيج صح ;)
Lost_souL
":"
ههههههههههههه
الله الله على الصداقات
انا بعد يعجبني اسلوب خلود
وانت تعرفين راي فيج صح ؟:D
وهذي رسمة يديدة بعد..
هي هي هي..
ما شاء الله ...
الله يزيد ويبارك
وإلي عجبني خمسة أشياء:-
1- الرسمة
2- فكرة العلكة
3- التوين
4- الخلفية
5- كلمة ((يديدة)):D
السلام..
اولا.. شكرا يا الخطاف على التعليق.. هي هي هي.. عيل عجبتك كلمة يديدة..
ترى انا وايد اكتب بالعامي هني..
وهذي رسمة يديدة..
بديت اتدرب على الصبيان.. وكالعادة ما يطلع معاي الا bishonen بس كلام رواية اقنعني اني اتدرب عليهم اكثر.. شكرا رواية..
اعرف ان الرسمة مسخرة.. لكني حبيت اعرضها..
انت ياخلود تنجبين و تنطمين ...:غضب:
مسخره أتقول ....:غضب:
أنت لا تعلقين عليها ...هاي بالذات زين ...
وااااااااايد حلوه ....
السلام عليكم ...
اول شيء حبيت اقول ان الرسومات روعة ...
... انا من زمان خاطري اسوي جذي...
لاكن ما اعرف :( :(
شكرا يا اخ zell على المديح..
لكن اللي يحاول ويتمرن بيرسم.. ولا ننسى الفنان الكبير هيرجيه..
صح كلام خلود...
و لا تقول ما أعرف ...حاول ...
بتخسر شيء .....؟
لأ ...
فطوم.. رانزي.. شاهين.. رواية.. رانما.. بقية الشباب والخوات اللي في المنتدى.. :D
حلوة المقدمة.. صح؟؟ اصلا كنت اكتب المقدمة حق نشاط الصباح في الطابور ايام المدرسة.. هي هي هي..
اوكي.. قلت من قبل ان رسم فطوم يسبب لي احباط..
بس حاولت اني ادفع هالاحباط بالاتجاه الصح واحسن من رسمي..
والحين قاعدة شغالة في رسم الصبيان.. اعرف ان ما يطلع معاي الا bishonen بس كلام رواية شجعني اني اكمل..
والحين هاي ايدد bishonen رسمته.. :D
الله الله الله عليك يا ( الطريق البرتقالي ) رسمك للصبيان واايد تحسن عن آخر وحده
الرسمه واايد عجبتني...الوانها هاديه ومريحه ومتناسقه،والالوان متراكبه مع الخلفيه المختاره باتقان
أتوقع يومين بس وأشوفك ترسمين صبيان أحلى من.... ( بدون ذكر أسماء ) المهم أن رسمك بيكون وايد
فعلا رسمك لصبيان متحسن واااجد
اتمنى لو رسمي انا بعد يتحسن
واخر وحدة حلوووة مرةةة
شكرا رانما وزيلدا على هالإطراء...
خجلتوني والله :":
والله سكرتي علي ....روعه ....
و رايحه راده علي يور ذا بست و يور ذا بست ...انت جب
ولا كلمه ....كلبه ...رسمج حلو ....:":
أنا إلي صايدني إحباط هل يومين و ما قمت أرسم ....:":
أشوفكم بعد الإمتحانات ...
---------------------------------------------------------------------------------------------
ابيه ابيه ..................... مصيبه .................كارثه ..................لا ... لا ..........لا ..................لالا ..
انا مو قايلكم لا تخلون البنات يسرحون و يمرحون ........ ها الحين تفضلو منو ها القوي اللي يبي يرد على ها الرسمه .......
شاهين: بس ........ انا ....
MZM: انت اسكت و لا كلمه انا من شفتك تكتب بس و ما تشارك و انا غاسل ايدي منك ....
روايه: بس ... يا اخ .........
MZM: اشتبي . انت الثاني يعني عاجبك اللي صاير .. انا كم مره اقولكم ديرو بالكم ديرو بالكم يا جماعه ترى هاذولي مو سهلين الحين شنو موقفنا امام الامم المتحده ..... اااااااااااه اااااااااااه يا قلبي
شاهين و روايه : هدي هدي اعصابك ........... اشرب..... اشرب الماي هاذا و يصير خير .... هدي
----------------------------------------------------------------------------------------------
ما اقول الا ما شاء الله عليكي يا خلود صج ما يجيبها اللا نسوانها لا و بعد من التواضع تقول ( انا بديت اتطور ) يا بنت الناس انتي متطوره جاهزه و فنانه كبيره ........ ما شاء الله عليش و الى الامام
اما بالنسبه للحديث اللي فوق فانا اســــــــــــــــــــــــف جدا جدا للفنانين الكبار الثنائي شاهين و روايه بس شنو اسوي لا بد تكون الشخصيات معروفه على شان الكلام يصير حلو و اسف ......... على المبالغه .....
و ما فيه اشهر منكم ( شاهين + روايه ) :D
واوووووووووووووووووو.............زز
mzm من يوم ما قريت كلامك وانا طايرة من الفرحة..
والله شجعتوني.. الحين اقدر ارسم صبيان وانا ما احس بالفشيلة منهم...........
والله انتوا اللي روعة..............
شكرا شكرا شكرا........
خلود تمالكي أعصابج ...:D
ما اقدر اقول غير فضيييييييييييييعه يا خلود و الله يوفقج
انشاء الله اوصل لمستواج :) و آخذ منج درجة البكلورياس ( ما اعرف اكتبها )
من فطوم درجة الدكتوراه ( ه ئه ئهئههئهئهئه عشم ابليس في الجنه )
:D
اقول ممكن احتفظ بالصور للذكرى ؟
حياك يا اخ حسين..
تفضل.. خزن كل اللي يعجبك...
هو انا في ديكي الساعة اللي يطلب حد مني رسمة للذكرى؟؟؟ ;)
والله ونستني :p
وهذي bishonen يديد...
ادي انه مب مستوى اللي قبله... لكن بعد.. حبيت اعرضه :D
شيء واحد ما تقنتيه علامة النايك :)
وااااااااااااااااااااااااااااااااااااااااااااااااااااو
الله الله عليش والله العظيم انش فنانة رسماتش تجنن
بس عندي سؤال انتي كيف تلونينهم كذا
لان الالوان رهيييييييييييييييييييييييييييييبة
آسف اذا كان ردي متأخر لاني توني ما صارلي ثلاث ايام مكتشف ان في منتدى خاص بالمانجا والانمي
في الاخير عندي طلب صغير هو انكم تقبلوني صديق لكم في هذا المنتدى
واااااااااااااااااااااااااااااااااااااااااااااااااااااااااااااااااو مرة ثانية على الرسمات الفظييييييييييييييييييييييعة :واو: :واو: :واو:
شكرا يا اخ neo-alarab على هالاطراء (حلوة كلمة الاطراء.. اموت في الكلمات الخطيرة :D )...
وجواب سؤالك هو اني استعمل برنامج الفوتوشوب في التلوين... استعمل بعض البرامج الثانية حق بعض التأثيرات.. لكن الاساس عندي في التلوين هو الفوتوشوب....
وشكرا مرة ثانية.. والحمدلله ان رسمي عجبك ... :)
شاهين:غضب:اقتباس:
كتب العضو (MZM)
[Bشاهين: بس ........ انا ....
MZM: انت اسكت و لا كلمه انا من شفتك تكتب بس و ما تشارك و انا غاسل ايدي منك ....
:D [/B]
شاهين:غضب:
شاهين:غضب:
اللااااااااااي حسااااااااااان ....
حلو رسمك اورانج رود..ما شا اللة عليج ام الفنانين..وخاصة رسمك للشعر يهبل عليج اسلوب مو طبيعي في الرسم..بس بالنسبة للشخطات الي تحت العين..موعاجبتني ..لا صج انتهت موضتها حاولي تخلين رسوماتك مايلة للانسان وبتطلع احلى وحاولي انك تغيرين من ستايل الرسم الي ترسميتة..لاني لاحظت ان رسماتك متقاربة من بعض في الطريقة..بس واللة انج فنانة ...وارسمي على طوووول
ما عندي رسوم يديدة عاجبتني.. قلت اعرض بعض الرسوم القديمة...
وهاي رسمة استوحيتها من قصة innu yasha... :D
وهذي رسمة ثانية.. ادري ان الرسوم قديمة ...
لكن الرسوم اليديدة ما لونتها للحين..
بعد الامتحانات انشاءالله باحطهم :D
والله رسومــــــــــاتج في غــــاية الروعه .....
مب احنا <===( مالت)
يعني الواحد لما يشوف مالج ....
يستحي على ويهه يحط رسمته .......:":
أصــــــلا بيتفشل إذا حطها :D
ما خليتي لنا شي ....
علميــــــــــنا ممـا علمتي رشــــــــــــــــدا :cool:
شكرا يا اخ evilneverdie، والله عيونكم اللي حلوة واللي تجوف رسمي حلو...
:": ما ادري شاقول... والله شكرا على هالتشجيع..
بس للحين اكره فطوووووووووم...
ترى انا متحلفة فيها يوم الاربعا لانها بتييني..
المسكينة ما تدري انها ياية لنهايتها :D
اوكــــي
لاتنسين تسوين لنا قصة مصورة عن نهايتها المشؤومـــــــه :D
ولا يهمكم ;)
الرسمات ممتازات... والثعلب فات فات
احم... عجبتني وايد رسماتج الفظيعة .. بس استغرب من شعرج الطويل جدا!!!
فهل هذا حقيقي؟؟ ههههههههه فاذا كان بالفعل فماشاء الله عليه (هذا الشخص لا يعرف الحسد!!)
انا مثلكاقتباس:
كتب العضو (neo-alarab)
وااااااااااااااااااااااااااااااااااااااااااااااااااااو
الله الله عليش والله العظيم انش فنانة رسماتش تجنن
بس عندي سؤال انتي كيف تلونينهم كذا
لان الالوان رهيييييييييييييييييييييييييييييبة
آسف اذا كان ردي متأخر لاني توني ما صارلي ثلاث ايام مكتشف ان في منتدى خاص بالمانجا والانمي
في الاخير عندي طلب صغير هو انكم تقبلوني صديق لكم في هذا المنتدى
واااااااااااااااااااااااااااااااااااااااااااااااااااااااااااااااااو مرة ثانية على الرسمات الفظييييييييييييييييييييييعة :واو: :واو: :واو:
قعدت نص سنة او اكثر من دون ما اعرف انا في منتدى للمانجا
شكرا لكل اللي دخلوا وجافوا رسومي وعلقوا عليها...
شكرا لكم.. :D
وهذي رسمة (والله ما اتذكر عرضتها من قبل والا لأ).. اهي قديمة شوي..
وهذي نفس البنت..
:D
ادري حطيت وايد هالمرة...
بس انشاءالله تعجبكم.. مع انها قديمة..
وهاي آخر وحدة..
رسمج روعة ياخلود ,,COOOOOOOOOOOOOOOOOL
البنات ايجننون وايد
خاصة رسمة البنت الي عند القمر اتهبل حركتها روعة ..
KEEP GOING GIRL
;) ;) ;)
أحم احم
ام باااااك :)
المهم ماشاء الله تلوينك دخل مخي ولكن انتظروا موقع 911 الذي يخصكم يا رسامين ومصممين الفوتشوب والمنتدى سوف يعتمد على هذا يعني وصلات المنتدى تكون على هذا المنتدى :) وسوف يكون هناك معرض للصور وروسماتكم انتم تشاركون فيها
thank you rori dear :D
خلود بس تكفين ماقدر أستحمل أكثر
كل هالرسمات الحلوه عقدتني
حتى الكمبيوتر انفجر علي من حلاتها
الاولى حلوه والثانيه تعقدددددددددد اللي مايتعقد
والثالثه ولا أحلى
والرابعه... اوووووووففففففففف على جمالها
كلهم حلوين بس الخامسه طلعت بعيده عنهم شوي
رسوماتج روعة...
كلها روعة ماشاء الله عليج
يعجبني التلوين النظيف
واكثر شئ عجبتني رسمة الغروب:)
... بس هاااااااااااااااااااااا
اشوفج لنسيتي الوعد....
ماقلت لج عن تنوع احجام الخطوط؟؟؟
وين بتروحين مني؟؟؟؟ يله رسمي بالطريقة اللي قلت لج اياها.. زين؟
على فكرة شباب... هذا الكلام للكل!!
انتوا لازم تنوعون في مهاراتكم في الرسم والتلوين...
لا تتجهون اتجاه واحد.. ترى بيضيعكم:)
لازم يكون الرسام مثل المثقف... والعالم!
فالمثقف يعرف عن كل علم القليل.. لذا علينا ان نتعود على رسم كل شئي ولو القليل
والعالم متخصص في مجال معين او اكثر... لذا يجب ايضا ان نتخصص في مجال في اسلوب الرسم او نوع القصص.. الخ
هذا ونرجو لكم التوفيق والسداد...
ما فهمت عليك شاهين ؟؟؟؟?:
إيش قصدك ؟
راح الخصها لكم
وبعبارة وحده من عالم الماني يقول
ان تعرف شيء عن كل شيء افضل من ان تعرف كل شيء عن شيء:)
قصدت ان الرسام يجب ان يعرف ان يرسم كل شئ ولكن بشكل عام... مثلا يرسم الخيول بشكل مرضي وليس احترافي... او السيارات
بينما ان الرسام يجب ان يتخصص في مجال معين او اثنين ليركز جهده عليهما... فمثلا يتركز مجاله على رسم المقاتلين والعضلات والقتال والعنف... ويبرز موهبته فيها.. عندئذ تكون قصصه ممتازة ومكثفه ...
وهكذا نرى ان الرسام يمحور فنه على تخصصه ولكنه يحتاج الى رسوم اخرى كرسم الخلفيات والمناطق والخيول والسيارات والمباني.. الخ
فمثلا نرى رسامي قصص البنات (الشوجو) لا يكترثون برسم الشخصيات الضخمة ذات العضلات ... لانها ليست من اختصاصهم وعندما يرسمونها لا يرسمون اجسامها بالتفصيلات والتدقيقات!!
شكرا شاهين .....;)
و شكرا كونان......
نوعا ما فهمت ........
الحمدلله ان فطوم فهمت بسرعة هالمرة..
شاهين انا طبقت اللي قلت لي عليه..
بس بعد ما لونت الرسمة ما حسيت ان في فرق بين القلمين..
بس الرسمة مب للعرض.. :D
سوري.. :D
وهاي رسوم.. منها اليديد ومنها القديم...
انشاءالله تعجبكم...
واذا كان في رسوم تكررت من قبل فلا حد يزعل... لاني احيانا انسى اللي عرضته :)
وهاي الرسمة رسمتها بعد ما قريت الكلمات على دفتر من الدفاتر اللي عندي..
الله عالفن ياخلود
الرسمه وااايد حلوه
ممتازه وروعه
لون الشعر ولمعته جميله وحركة ووقفة الشخصيه أجمل
وهالرسمه ركبه 100% مع الخلفيه وحتى خط الكتابة منقيته عدل
طبعا هذا كله مب شي غريب على فنانتنا خلود
وهذي رسمة بعد..
بعد قديمة..
ادري بتقولون ليش تعرضين الرسوم القديمة.. بس اجوفهم صالحين للعرض..
:)
احم احم
عتيج الصوف ولا يديد البريسم
ما شاء الله!!
أبدعت في الرسومات والله يا أورانج روود!!
بس كلش بنات X بنات !!
أتمنى أني أشوف فتيه في الردود القادمة ... :)
وتابعي في الرسم ...
شكرا رانما على هالمديح.. والله كنت خايفة ان الرسمة ما تعجبكم..
حسيتها وايد بسيطة...
الحمدلله انها عجبتك :)
وهذي الرسمة من اوائل الرسوم لي على الفتوشوب..
ممكن تقول انها ثالث او رابع محاولة تلوين..
والله لما لونتها صحت حزتها من الوناسة.. :)
الرسمه الثانيه حلوه واللي عجبني الخلفيه والكلام المكتوب وايد مؤثر
لكن أصابع البنيه مب مضبوطين
كأن رسمتيهم عالسريع وتبين تخلصين الرسمه بسرعه
أنا صراحه رسوك أول مره أشوفها... شلون تقولين قديمه
الرسمه الثالثه ماعليها كلام
الوانها تونس ومفرحه
أخضر وأصفر وأزرق وبني
ماعليها كلام... ومن يتجرأ يتكلم عن رسم الفنانه خلود... بعدين تطرش لنا طرزون بالخازوق
أصلا مب هاذي هو السبب... لأن رسمك رووووووووعه بمعنى الكلمه
اخ ريفلكس.. انا عرضت كم صورة حق اولاد..
حاسة ان رسمي في الاولاد وايد تحسن عن قبل..
يمكن انك ما جفتهم.. يا ريت تجوفهم وتعلق لي عليهم.. شرايك؟؟؟ :)
ترى آنا راسمة كم صورة حق مقاتلين ورسوم ثانية بس ناطرة اشتري light pen علشان الونهم...
:)
اخ حسين.. حكم حكم.... شكرا :)
هاي الرسمة بعد قديمة.. هاي ال alian كنت متولعة فيه من مدة.. الخلفية قلدت فيها كوكب ناميك اللي في دراجن بول زي.. وحتى لبسة الالين نفسه.. اذكر اني جفت مثلها في صورة حق دراجن..
والرسمة بعد من اوائل الرسوم لي على الفوتوشوب.. :)
احم احم
انتي ماشاء الله متى بدأتي بالرسم والتلوين في اي سنه وكم كان عمرك ؟ اذا ما في تدخل ؟
بس بس بس بس بس
خلود قلبي شوي شوي عليه
صراحه انصدمت صدمه قويه
ماكذب إذا قلت أن هاذي أحلى تلوين شفته في المنتدى مع احترامي لكل الفنانيين اللي هنيه
من حقك أنك تصيحين... أنا صحت لين ماخلصت دموعي
تلوينك الواحد لو يقعد من اليوم لين بكره مب قادر يجزيه حقه
خلي فطوم على جنب الحين
في بيت شعر للمتنبي وايد حلو ينفع في هالموقف لكن ماتذكره
واو.. لهالدرجة عجبتكم الرسوم..؟؟؟
تصدقون اني ترددت وايد قبل لا اعرضهم... :)
الحمدلله.. الحين لي الحق اني اصيح من الفرح :) :)
اخ حسين.. ترى آنا بديت ارسم من اول ما عرفت ان القلم يسوي خطوط فوق الورق.. :) وكنت ارسم في كل مكان..
تصدقون اني لقيت دفتر رسم لي لما كنت في الصف الاول الابتدائي وكان كله عرايس بحر وبنات بأجنحة فراش ومنقبين بالمناجم وناس في العصر الحجري واشياء خيالية على الاخير.. وكان فيها منظور بعد.. والله تعجبت من نفسي..
بس احس رسمي وايد تحسن من التقيت بفطوم.. وانا ما اقول ان ذي مجاملة.. لا صج.. وجود فطوم في حياتي اشعل الحماس وروح المنافسة فيني.. فخلاني احسن رسمي.. :)
الفوتوشوب تعلمت عليه سنة 2000.. يعني الحين صار لي سنتين وانا استعمله...
انشاءالله تكون هذي اجوبه اسئلتك يا اخ حسين.. :)
رانما والله عيونك اللي حلوة... :) شكرا
يا أختي أورانج روود ...
أنتي تحبرين الرسمه لما تكون عالمسوده أو تعملين حركة على الفوتو شوب عشان تخلّي الخطوط كذا ؟؟؟
(لأن الخطوط متساوية العرض في كل الرسمة!!)
لأن خطوط رسماتك رهيبة وواضحة !!
أنتظر ردك .... :) :) :D
ريفلكس.. انا احبر الرسمة بالقلم الحبر العادي :)
v5... :)
هزا هو الجواب ;)
هي هي هي هي
orange road انا بالفعل اسف
طلبت منك اني اشوف رسماتك و قلت لك انك مقله بس عقب ما دخلت اهني بصراحه انتي كفيتي و وفيتي و طلعت انا المقل .
انتي ما شاء الله عليش في التلوين TOP ..................ايه مو انتي من عصبت فطوموه ......... بعدين فطوم اشلون تفترين على المسكينه خلود و اتقولين انها تاخذ رسماتك .............. كاهي قدامك فنانه و الفنانين قليلو .......... ما اقول الا انتي TOP يا ام التلوين انتي و الا الامام
ملاحظه :
شاهين
انا اسف جدا جدا ......... بس لا تطقني بالكوره .......... لا و كورة سله بعد ..... وجهي راح يتكسر
ما عليه خيرها بغيرها :D
و اقولك ( اذا تقوا انا مقوا ...... و ترى الدنيا و لا تسوا ) <<<<<<<<< عربي امكسر هي هي
المهم ابي رساله منك تثبت رضاك عني انا المسكين و اذا ابي اطرشلك واحد يراضيك ترى ما راح اطرش الا خلود ................ ليش خلود ........... لاني ادري ان عندها القدره على التغلب على مثل هاذي المواقف و لها سوابق كثيره مع فطوم .......... يعني اكيد راح اتساعدني ......... بس الله يستر لا تنقلب على خلود ( لا يكون هي قاعده تسمعني ) .......... خلود اقري الكلام و كأنك ما تدرين :D
والله خلود رسوماتش قمة في الروعة! :)
كل يوم تزداد حلاة على حلاة :)
النظر في فنتش وتلوينتش يمتع الأبصار أختي الكريمة -_^
زيدينا عبقاً من هذه الزهور الجميلة التي ترسمينها... :)
والله يقويتش ويعطيتش العافية! :)
تحياتي.
شكرا اخ رواية.. والله كلامك وايد يشجع الواحد ويخليه يرسم اكثر واكثر..
ترى آنا الحين صرت ارسم وايد شباب.. خلاص اقتنعت ان ال bishonen اللي ارسمهم حلوين..
وطرزون اقنعتني بعد.. :)
mzm ما فهمت بالضبط شتبيني اسوي لك في شاهين؟؟ اشويه؟؟ اقليه؟؟ او تحبه على البخار؟؟ :D
انت اختار الطريقة وانا باسويها لك :D
اوكي.. هذي رسمة عبارة عن كرت.. كنت مسويته حق رسام اجنبي..
خلكم من ان الاحتفال بالسنة اليديدة مب لنا وهالكلام ذي.. وان الكريسماس مب لنا.. اوكي :)
ابيكم تجوفون الرسمة كرسمة.. حلوة؟؟ شرايكم فيها؟؟
وهاي رسمة ثانية..
ادري ان الالوان ممكن بعضكم يحس فيها انها فاقعة شوي (انا حاسة ان رانما اول واحد بينقز وبيقولها) :D
بس انا حبيت اجرب هالتأثير ...
خلود؟؟؟؟
:غضب:
اتغشمر شاهين :D
انت محد يقدر عليك...
(شهالوهقة ذي.. كله منك يا mzm)...
رهيبه خلودوه ...... حلوه الرسوم كلبه ...:غضب:
كيفي .....بس بغيت أسبج ...رسمج و تلوينج حلو:(
الرسمه الاولى ماعليها أي غبار وحللللوه وايد
حبيتها... راح أستخدمها في المستقبل.. ممكن
لكن تدرين شنو اللي كان راح يحلليهاو يخليها perfect
لو حطيتي تأثير تنفس البنت على الزجاج... مثل لو حطيتي بخار أو في الهواء أو على الزجاج
راح تطلع أكثر ممن ممتازه
آآآآآآآآآآآآآآآآآآآآآآآآآآآآآآي ياعيني
ناويه تبطين عيني خلود... أدري بك قاصدتها...
والله الرسمه حلللللللللللللوه ووايد عجبتني لدرجه أني حطيتها خلفيه للكمبيوتر... لكن عورت عيني وغيرتها
وتقولين يمكن البعض يحس أنها شوي فاقعه... أي شوي ألا فاقعه ونص
لكن الفاقع فيها طالع حلو ومخلي الرسمه حلوه... حركه حلوه حركة هالالوان
الله يعطيك العافيه يا أستاذه ( ترقيه )
واااااااو خلووووووووود انتي شيء مو طبيعي :)
اطالب بالمزيد والا العقاب المرير وترى انا بصف شاهين :)
والله كنت متأكدة انك بتقول هالكلام رانما.. لكن الحمدلله انها عجبتك لدرجة انك حطيتها خلفية حق الشاشة...
وشكرا على الترقية :) والله زين صرت استاذة.. هاهاهاهاهاها...
اخ حسين ... شكرا على الاطراء (اموت في الكلمات الخطيرة.. فطحل من فطاحل اللغة :) ) .. بس انت في صف شاهين من اي ناحية؟؟ اليمين والا اليسار؟؟؟ :D