-:إستـــراحة..Let`s talk:-

[Van Fanel]

أسلوبك مصيبه .. كارثه ..

الموضوع .. قمــة ..

أبدعت والله ..

+_+_+_+

Darkness within << أنتو كم شخص ..

[Darkness withiN]

--الســلام عليكم ورحمة الله وبركاتــه-
-صبـــاح الخير والبركة والســرور..أسعد الله صباحكم بكل خير-

-Smigle san my love-
I`m not homo so relax,it`s just a brothery love

-حياك بموضوعك وبالإستراحة..أسعدني جداً مرورك,وجزاك الله خير على الي قلته هذا من ذوقك الحلو وطيب أصلك حبيبي..وفعلاً التجارب تبني الإنسان وإن كانت قاسية ومؤلمه أو مثل التجارب الي ذكرتها مرعبه وخارج منطقة التغطيه-

-نعود إلى محور حديثنا..بالنسبة لسالفة الجن:خخخخخ ياليتها بس مو صج,فعلاً وقتها عشت رعب حقيقي..مع إني بكل بكل بكل صراحة>تريبل صراحة:
I WAS SO THRILLED MAAN I WAS SO EXITED :icon6: -
-المصيبه هي والمشكلة الوحيدة كانت:المسؤولية العظيمة الي فجأه إنلقت على عاتقي..تحس حياة شخص مهم بحياتك..بين إيدينك..عارف الشعور؟..أي خطأ إنت المسؤول,فكنت خايف ومتوتر..وبنفس الوقت سعادتي وتحمسي كانت بتخرب كل شيئ..كنت بفتح لك على آيات الرقية الشرعية وأقراها عليه ليحترق خخخخ-

-مسألة الولد الي سطرته بعد ماكلت ضرب منه:تراني من كنت صغير جذي..يعني فجأه يظهر جانب عكسي ومظلم من شخصيتي شرير ,يعني مثلاً بالروضة مسوي عصابه انا وولد خالتي والشمس لونتها بلون أسود,بذات الوقت أكثر طالب مؤدب وشاطر عندهم..وإذا عصبت أنسى نفسي ويطلع الدارك سايد وألقى الجثث محذفه أمامي وماذكر شيئ من الي صار<شويه قويه الجمله؟..رقعها ومشيها,شايف له فلم ومتأثر-

-بس حالياً..يعني لو عصبت للدرجة الي ذكرتها..فيه نسبة بسيطة جداً إني أتمالك نفسي,لإني طول الوقت وأنا بهذه الحاله أتذكر أغلب الأشياء وأكون بوعيي..بس لما حطيت رجلي على رقبته إلخ ماكنت بوعيي ..تقدر تقول مس مؤقت لإن الشيطان يجري بالإنسان مجرى الدم..أو تقدر تقول ال Ki gates كلها إنفتحت فجأه<يعرف يرقع؟-

-هههههههه بالنسبة للصور:أفا عليك مو بس صور..فديو بعد,بس الوصلة الي أنقل فيها الملفات متعطلة ومالي خلق أصلحها خخخ,والسكانر يبغي تركيب..فإذا فضيت بحط الي عندي بإذن الله,أصلاً كلها كم صورة الباقي ضاعوا للأسف,وإن شاء الله أكمل الموضوع..بس محتاجين لتواصلكم دايم معانا ^^-

Cya..around


--


-Angel sama-
-بالنسبة لمسألة الصابون:عن جد بلعت المقلب..وتراه سألني أسأله كثيره وااايد,لكن ذكرت بعضها..آخر شيئ يقولي إغسل إيدينك؟؟,طبقتها على الصيني الحركة فطبق علي كم حركة بالكونغفو الي متعلمهم فطرياً-

-بالنسبة لمسألة تكن:فعلاً الأجزاء الباقية تكرار والثالث أسطورة,والخامس للأسف حذفوا حركة منه..الي تمسكين فيها خصمك وتدفعينه للخلف أو تبادلين المكان معاه,أنا كنت أطبقها كثير على خصومي وأستخدم كازويا وبثوان يموت الخصم من الضغط والتوتر والكومبو السريع القوي لكازويا-
-بصراحة جلتي جــير روعـــــــــــــــــه خطيرة هذه اللعبه,أحب فيها شخصية Sol..والنينجا Chipp..محترف فيهم,لكن الشريط مال الدريم كاست ضاع فتركت اللعبة,لإن الي على السوني تو سخيـــفة وايد,ومعقدة,كل ثانيه لازم أبدل الجهه الي ينظر لها لاعبي؟؟؟-
أنا ياليت اليهال لما يشوفوني يصيحون ويخافون..خخخخ صدقيني أنا في معاناة ومأساة كبيرة بسبب هاليهال,الي يتعلق برجلي, الي 24 ساعه لاحقني..والّي متحطمه فيني<عمرها 3 سنين كل ماشافتني إنخشت بحضن أمها ويحمّر ويهها ,قد عيالي وتبي تطيحني بعد..بنات آخر زمن XD

هههههههههههههههههههههههههه عيل ناويه تقلبين الصيني علي؟
Tsk..tsk..tsk,u have understimated me
-كنت مستعد لمجابهة مثل هذا الموقف الخطير..فكتبت بنهاية الجزء الأول هذه الجملة:

-على الهامش:الصيني هذا حبيبي وأخوي الصغير وأمون عليه وإنسان عنده طموحات كبيرة وطيب وخفيف دم ودايم نطفش بعض أنا وهو,والمقطع الي بالفلم تصادف مع جملته عشان حظه الحلو,يعني عينه بارده مو حاره-

-إنتي الي بوضع حرج..تقولين عليه الصيني,هذا كود نيم بس أنا الي مسموح أقوله له -
Fa date death note bs

-بالنسبة للجن:الله يحفظ لك أمك وأهلك جميع يارب..وأصلاً أنا ماأدري كيف تحملت كل هذا,وعلى قولة صاحبنا:
لن أستسلم لن أتسطر لن أخاف سأواجه كل الشرور<الجربوع المقنّع

-بالنسبة للقنبلة:ههههههههههههههه الله يحفظ لك أبوك,أكيد مطيحه الإقتصاد حق الإمارات ماألومه,الحريم بدمهم السوقXD <أنا كرهت السوق من كثر ماروح له مع الأهل بصفتي محرم -
-بالنسبة للDate:ههههههههه أكيد متحمسه وايد الله يوفقكم,أنا كنت خايف ومتوتر ومتحمس بذات الوقت..بس لاتصيح وتنحاش منك مثل اليهال XD-

-بالأخير..تسلمين والله,هذا من ذوقك وطيب أصلك..وإن شاء الله أكمل الموضوع للحين فيه أشياء وايد-

Cya..around


--


-Dark souL-
العفووووووووووووو....يلا برا




LOL Don`t worry i will not kill a sweet brotheR like you n_n

هههههههه بالنسبة للخواطر.أنا أزعل؟ماعاش من يزعلني فديتني خخخ.أول ماشفت ردك حطيت فاصل إعلاني كله خواطر<مووت قهر XD
-P.M:وين ساكن وكم عمرك وكيف شكلك And please choose your death method D_D-

Just kidding..Cya..around


--


-Van faneL-
-Arigato for the ebarrassment :icon11: ..هذا من ذوقك عزيزي-
-بالنسبة لسؤالك..ههههههه,سؤال منطقي ومتوقع تقريباً,أرفقت لك صورة لتتأمل فيها يمكن تجد فيها الإجابة لسؤالك-

-صورة لذات الشخص..أو صورة لتوأمين,بصراحة الإجابة صعبة,التوأمين قد يحمل كل منهم شخص آخر بداخله-
واحد Gangster and full of life..الثاني Silent and mystreious
In my own opinion..they are one,and i think sometime u can summon somthing within and it`s takes over u
-هذا لغز بما إنك شرفتنا بالموضوع..عليه خمس درجات -
<يبي يضيع الأخ ويخرب عقله لووول >

Cya..around


- تــم-

[Darkness withiN]

-الســلام عليكم ورحمة الله وبركاتـــه-
-هذا الرد عبارة عن تلخيص للأجزاء السابقة وروابط لها..حتى لايضيع من يدخل الموضوع ويتصفحه من الصفحة الأخيرة-

-الجــــزء الأول-
-الجــــزء الثاني-

-زيادة على الجــــزء الثاني-

-الجــــزء الثالث-
-الجــــزء الرابع-


--


-الموضوع يتم تحديثه دايم بإذن الله,شبه يومياً يعني..على حسب مدى الإقبال عليه..لأعرف إن أحد يتابعه-
-بعد كل 5 أجزاء فيه مفاجأه خاصة جداً بإذن الله..غير متوقعه

-الموضوع مو بس مواقف وتجارب..لكن كل فترة بغير الوتيره الي يمشي عليها,يعني ممكن أعمل Review لفلم أو مانغا شفتها..Review على طريقتي -
-وحاب أعرف..مزعجكم بالإطالة بالموضوع؟..ولا It`s fine..؟-


--


-Smigle-
-خلنا على تاريكي أحسن وأحلى..بس ياويلك لو طلعت شتيمه بالإيراني :tongue2: -


-حالياً سحبت على ديث نوت,مالي خلق أمثل دور المحقق وأبحث بين مليون موقع عن تكملة للجزء 63,فحالياً أتابع Hellsing وطقته..Maaan i`m thirsty for some blood..فتح شهيتي هالمانغا -
-على طاري هالمانغا..البطل ماله إقلبوا إسمه شوفوا شو بيطلع عندكم هههه حركات,وعلى طاريه مرةً أخرى,لقيت بجهازي تصاميم قديمه له..وهالتصاميم لها ذكريات يمكن اتكلم عنها...-

-CYA-

[smigle]

-Smigle-
-خلنا على تاريكي أحسن وأحلى..بس ياويلك لو طلعت شتيمه بالإيراني :tongue2: -

لا تخاف حبيبي...تاريكي يعني مظلم.

ولو تتوقع عقب كل اللي قريته عن اللي سويته في هذا اللي عيب عليك، تتوقع أقدر أعيب عليك....
أخاف تجيني ريول من الكويت تدوس على رقبتي...

[Angel whisper]

هههههههههههه ويا ويهك عليك اجوبة في اختبار الذكاء ×_×

جد ههههههه يحليلك .. بس كم طلع معدلك ما شاء الله؟

وبعدين شو هذا حرام .. احس هالبريطانية شريرة -_-

بس جد كانت عايبتنك الدراسة ويا البنات؟ انا احيد درست ويا الاولاد في الروضة والتمهيدي ونقعت جبدي منهم

بس الشمس السودا .. priceless ..

اوووووووووه مانجا Hellsing!!
لاازم تكملها -___- شي خيالي ..
بس كم فوليوم عندك؟ لانه انا شي كم واحد ناقصيني .. اذا عندك اياها كامله الله يخليك طرشلي اللي ناقصيني ×_× واذا ناقصنك شي منها انا بعطيك ^___^
فديته الوكارد .. متى بيخطبني بس

[Darkness withiN]

-الســلام عليكم ورحمة الله وبركاتــه-
-هذا الرد عبارة عن تلخيص للأجزاء السابقة وروابط لها..حتى لايضيع من يدخل الموضوع ويتصفحه من الصفحة الأخيرة-

-الجــــزء الأول-
-الجــــزء الثاني-

-زيادة على الجــــزء الثاني-

-الجــــزء الثالث-
-الجــــزء الرابع-


--


-Smigle san-
-هههههههه لاتخاف أعرف معناتها,إستنتجه,وتأكدت منه من الخباز الي عند المسجد يحليله -
-افااااا ههههههه شو ريول من الكويت اتييك ياخي؟دنتا بمثابة اخويا الكبير ومحشوم ياريّال,بس يمكن أعضك كم عضه,ترى عضتي ألييييييمه<مجرب عاض نفسه من القهر قبل -


-Angel sama-
-هههههههه يعني شو تتوقعين تكون إجابة طفل الصف الرابع 24 ساعه يتابع رسوم متحركة,المهم بعدين عرفت الإجابة ومعناتها:شيئ مر,أما إجابة السؤال الثاني مرت فوق ال6 سنوات وماعرفت الإجابه للحين ولابعرفها..أنا زين حافظ عنوان بيتنا لأحفظ وين حديقة الحيوان -

-بالنسبة للمعدل؟..ماقالوا لي المعدل أبد,لكن الي سمعته إني والولد الثاني أخذنا ال Full score,وقتها فعلاً يعني كنت عبقري على قولتهم..وأحب أخطط وأحب الكتب الي فيها شخابيط وخرابيط ذكاء وكنت أحب الرياضيات وأبتكر طرق أسهل للحل خاصه فيني بالإختبار..بس حصل حادث تعقدت من الرياضيات وكل هذا-

-بالنسبة للبريطانيه هذه؟..وربي ماشفتي شيئ!!,فيه واحد بريطاني مدرس كاسر كرسي على راس طالب عندنا وتم سجنه مدري طرده الله أعلم,وبلاوي ثانيه..بس المدرس الإنغليزي مالنا الي يدرسنا إنغليزي..بصراحة خطـــير وماشاء الله وسيم ومحترم وطيب..كنت أستانس عليه وااايد يعني يحاول يساعدني أتعلم اللغه بأي طريقه ممكنه-

-أي عجبتني الدراسه مع البنات ,أقولكم كنت متعقد حتى إنتهزت الفرصة وبادلت المكان بسرعه,ولما يكون معاك بنات بمثل هذا المجتمع وطبيعته..مابتركز على الدراسة لإنك غير معتاد على هذا الوجود الأنثوي محيط فيك,وكثير مواقف سيئه تحصل..من ترقيم ورسايل حب إلخ,موقف من المواقف ودونا غرفة الفديو يعني ترفيه,وحطوا لنا فلم مستر بين..وكان فيه مقاطع يعني خادشة للحياء وإباحيه..فوق هذا كنا جالسين على الأرض مو كراسيز.يعني بصراحه بصراحه بصراحه..تريبل صراحه,الدراسة مع الأولاد ولو كانوا عربجيين مافيه احسن منها-

-الشمس السودا؟..ماأذكر غير صياح وقتها بين المدرسات,وزعلوا مني خاصة الناظرة,ناس ماتقدر الفن والله..لو كنت أفتهم وقتها كنت رقعتها وقلت هذا كسوف الشمس,أو هذه الصورة السلبية للشمس التي تمنح الدفء-

-بالنسبة للمانغا؟..عن جد سخيف الرسم بالبداية,بس تطور مع مرور الوقت والقصة كذلك..أحب مناظر التقطيع والقتل والدم الي يطير..ونـــــاسه خخخ,خاصه لما يدخل إيده بصدر أي شخص ويفجره من الداخل,أنا من كثر ماأشوف مثل هالمناظر كل فتره أحلم إني عندي Super natural power وأقطّع الي حوالي من وحوش وطقتهم..كووول..وبعدها أتأمل بإيديني كلها دم شييي كتير طيب ومنيح,مايخرب عليه ألا لما أصحى من رقادي<عاشت الماشوزيه -
-الماشوزيه:حب الألم والدم إلخ-

-بس بالحياة الواقعيه..لما أشوف الدم أتعقد ولما اشوف جسم مقطع او شيئ مماثل يصيبني شلل ويغمى علي غالباً-
-افا علييك..بالنسبة للمانغا,أنا عندي لحد الجزء 48,ماأعرف كم جزء موجود للحين,هالموقع كل شيئ فيه ناقص-
-يحليلهم..مسوين مانغا حق Kingdom hearts,عبارة عن 7 صفحات كل جزء..حقت يهال وبايخه-

-ترى يصير البنت تخطب الولد,سيري إخطبيه ولو رفض عطيه الDark side بس مو تذبحينه عشان نشوف نهاية المانغا-

Cya all

[Van Fanel]

-Van faneL-



-Arigato for the ebarrassment :icon11: ..هذا من ذوقك عزيزي-
-بالنسبة لسؤالك..ههههههه,سؤال منطقي ومتوقع تقريباً,أرفقت لك صورة لتتأمل فيها يمكن تجد فيها الإجابة لسؤالك-

-صورة لذات الشخص..أو صورة لتوأمين,بصراحة الإجابة صعبة,التوأمين قد يحمل كل منهم شخص آخر بداخله-
واحد Gangster and full of life..الثاني Silent and mystreious
In my own opinion..they are one,and i think sometime u can summon somthing within and it`s takes over u
-هذا لغز بما إنك شرفتنا بالموضوع..عليه خمس درجات -
<يبي يضيع الأخ ويخرب عقله لووول

بالنسبه للصورة الي على اليمين ..

إيدك كم اصبع ..

..

وأي صورة تمثلك حالياً .. ؟ << ملقوف ..
..


وياليت الموضوع مايتوقف لسببين ..
1- انت الكاتب ..
2- حطيت وصله مباشره له بالدسك توب ..ومتعيجز امسحها

[Trapped Inside]

-ههههه إطمئن ياراجل,ماتخفش Anymore..وبالنسبة للإلهام تراه مصيبة صدقني,مايطلع لك ألا بعد مايجف قلمك..وفجأه توقفت عن الكتابة حتى بالرغم إني أعلنت إني بكمل موضوعين لي لكن للأسف الشديد ماأقدر أكملهم..نووو إلهاام يااامان-
-بالنسبة للمانغا..الله يقطعك ويصلحك ياشيخ ,أي حلاة هذه,لكل امرء مانوى وأنا مابدي هالخلاعيه يازلمييه,يعني بكتب لك خاطرة انزع منها الحيا من الإلهام الحلو الي نط فجأه؟_؟ Don`t think so,الشباب بعضهم يحطون مانغا حلوة الباقين الله لايوريك..بس بصراحة طلع إنسان ذوقه رهيب ماشاء الله..وصلت بمانغا Death note إلى الحلقة 59,وعند الحلقة 58 أغمى علي..الله يآخذ الكاتب بس,خربها بالأخير,والمشكلة ماعندي التكملة والي هي الحلقة 60-

يا رجال ..لا تكلمني انا بالإلهام .. ما عمري اهتميت بالكقراءة والكتابه كثير XD .. بس أذكر جتني فتره مدري وش عندي قلبت Misyoo~~oo Davinchi >>>> مدري ليه دافشني سلك انت وبس XD ..
صرت اهتم شوي .. أيام ما قريت البؤساء وذهب مع الريح .. وجتني فتره بعد صرت اكتب شوي مثل خرابيطك أنت ويزيد XD ..

عاد تصدق إني الظاهر بالمتوسط كتبت شعر !! .. خخخخخخخخ كان غبي من جد XD .. بس انشهرت فيه مره عند عماني .. أنواع الرؤوس بالسطح ..

بيني وبينك احياناً الحين تجيني طنات ودي اقرا .. بس ما عندي شي .. ومتعيجز اجيب شي -_- ..

بالله لا تجيب طاري الانمي .. كم لي ما شفت >.< .. كرهت عيشتي يا شيخ -_- .. أخر شي شريته كان Trigun & Blue Gender .. بديت بـTrigun اول ما شغتله ومتحمس وحالتي حاله .. الا ويطلع مدبلح انجليزي T_________________________T .. ولله يا اني بغيت اكسر الشريط -_____- .. بس قلت ما لها داعي وانا من زمان ما شفت .. المهم تشوفني كل ما اخلص من حلقه اقول لنفسي .. يا رب تصير هذي مترجمه بس .. اذكر اني وقفت عن الانمي بحلقة 20 ..

Blue Gender .. شفت الحلقه الاولى وطلع مدبلج بعد .. ما كملته من ذيك الحلقه .. ولله حسافة الـ200 ريال عليهم -_- ..

-خخخخخخخ مو كلهم قلق..بعضهم ياحليلهم والله,والي يسمع يقول ياخي من كثر أقاربي,كلها خاله وحده بالكويت ,ال15 الباقيين بالسعودية,وفعلاً التحديات هذه مشكلة كبيرة..النهاية شنو..؟سوء خاتمه-
-أنا ماأحب أكلم أكثر من واحد بالأصل..ألا بحالة الشخص الثاني مشغول ويكلمني على فترات متقطعة,لإني أحب أركز مع الي أكلمه,فلما أحط الحالة بالخارج..يعني إني فعلاً مشغول,وماأحط مشغول ألا لما يزودونها الي معاي بالماسنجر-

الله يخليهم لك وجعلهم يغثونك دايم XD .. اوف 15 بالسعوديه !! .. طيب غير ما تجي عندنا بالإجازات ؟ !! ..
بالنسبه لي بالعكس .. أحب اكلم 5 بعد .. بس اذا كنت اكلم 3 او فوق .. خلاص ما اقدر اتصفح يكون بالي معهم ..

-خخخخ بس خواتي الصغار ألاعبهم كراتيه,أما السوني نادراً لأن لها تأثير سلبي والبنات لها إهتمامات خاصه فلازم ماأأثر عليها بإهتماماتي من الصغر...أما اليهال الثانين يعني الذكور من خوالي إلخ,ألاعبهم بالسوني أو الكورة..المشكلة 24 ساعة لاحقيني وماأقدر آخذ راحتي..خاصةً سليمان المتخرج من مدرستي لفنون التسطير خخخ,يقول لما أكبر أبي أصير مثلك,قلت بتدعي علي بعدين صدقني-

لوووووووووووووول الحين تلعبهم مصارعه وما تلعبهم سوني وتقول تخاف يأثر عليهم ؟ .. خخخخخخخخخخخ من جدك انت XD ..
بالعكس اشوف العكس ازين .. بس ما عليك السوني ما اتوقع يأثر فيهم ابداً .. بنات عمي الصغار كلهم مهتمين بالـVideo Games .. وقبل كم اسبوع بعد رحت شريت لهم Xbox XD .. ويلعبون فيه دايم ..
وطبعاً أهم جهاز للصغار بالنسبه لي وللكثيرين هو الـCube .. لان العابه جداً مسليه ومافي اي شي من خرابيط الـAdults .. U Know What I Mean ..

خخخخخخخخخخ بس شعور حلو اذا الصغار كانوا يعتبرونك قدوه صح ؟ xD ..

-هو مو أخوي..مثل ماذكرت هو بمثابة أخوي لإني بالأصل ماعندي إخوان,بس عن جد عصب حتى خرب المبايل حقي,والمشكلة بالرغم إني أطول منه وأعرف شوية كراتيه...يسطرني لما يعصب بسهولة الله يصلحهo_×-
-بالنسبة للمدرسة..انا كانت تحصل لي مواقف لإن ساكت بالصف وماأتكلم ألا لما أبغي أشارك مع المدرس,لأترك إنطباع جيد عند المدرس ويحترمني وبالتالي الدرجات عالية,وتعودت على هذا من صغري,وهم حسبالهم ضعف..فأقعد أطنش أي واحد يزعجني أو أعطيه نظرة جامدة باردة تخليه يحتقر نفسه ويبعد,أما لو تطاول اكثر..أخليه عبره لباقي الصف,أمسكه من ياقة قميصه وأهبده بالطوفه وأعطيه الEvil glance,ويمكن رفسة أو إثنين بعد مايتجمد من النظرة الحادة,وكم كلمة,بعدها تشوف الباقين يحترمونك غصب..فتشوف لابس نظارة لزوم التنكر خخخ أول مارميها شكلي يتغير نوعاً ما-

أها ^^ .. ما عندك اخوان ابداً ؟ .. ولا بس ذكور قصدك ؟ ..

يوه من ذي المدارس -_____- .. أنا السنه هذي .. مدرسه جديده .. a New Page .. a New Beginin .. جالس بالزاويه وما ارتبط مع الطلاب كثير .. بس بيني وبينك طفش ياخي T_T .. اشتقت لمدرستي القديمه .. صح مشاكلي الي فيها كثيييره .. بدو .. أعوذ بالله .. بس على الاقل كنت استهبل وماخذ راحتي بالفصل .. يله بس ما انكر وضعي الحين احسن من اول ^^ .. الحمدلله ..

خخخخخخخخخخ وياخي ولله طلعت هيبه XD ..

-الله يرجك مسوي لي دعايه له خخخخخ,ياخي الله يستر عليهم وعلينا ناس فاضيه وقاعده تفتر..المشكلة أغلبهم خليجيات ,وهم الي يرقمون مو الشباب,الواحد حسباله لاطلع من ديرته يعني طلع من رقابة ربه..بنات ناقصات يبن يلفتن النظر بأي طريقه حتى لو على حساب شرفهن,وبالنسبة لعزيز..آآه..ربنا يخليه لينا ويآخذه مع بليسه XD-

هععععع XD .. هذا الكلام مو بس بمصر .. لازم تروح للبنان وتشوف البلاوي الي هناك بعد .. بس السنه هذي الظاهر كل البلا بمصر .. لان لبنان ومافيها من تفجيرات الناس حولت السفره عليها ..

بس ياخي هذي الفله البنت هي الي تجيك XD .. انا أذكر صارلي موقف بالسينما .. البنت الي جمبي " وكانت اول مره اروح للسينما والي جمبي بنت .. اخيرااااا " ..

بس انا وكعادتي الغبيه ما عطيتها وجه T_T ..

-ههههههههههه ياأخي إحمد ربك إنك مارحت,ماتدري شنو كانت بتكون النهاية,عالعموم مثل ماقلت إنت ههههههه,انا قبل الإلتزام وكنت صغير وقتها..وكنت مآخذ فكرة عن الدسكو إنه مكان تستانس فيه وتلعب بس تبينت لي الصورة وعرفت مدى خطورته وحرمته-

-عاد تصدق؟..انا كنت ناوي هالإجازة أروح مصر,بس زهقت صارلي خمس سنين أروح لها وإظطرارياً لإن الوالد يشتغل هناك بحكم الترقية..صاحبي عزيز إتصل وقالي ماودك نروح مصر..قلت له إستريييييح-
-شكلي بمر عليكم إنت ويزيد بعد شهر او إثنين بإذن الله مو تسحبون علينا وجهزوا الشاهي والكامري حقتكXD-
-العفو لاشكر على واجب..الشكر لك أصلاً لدعمك المتواصل وتشجيعك,وعارف هذا اول موضوع أكتبه بأسلوب بعيد عن الرسمية والجدية شوي-

اوف خمس سنين ! .. ماشاءلله .. انا لا بس السنه الي راحت واهلي راحوا هذي السنه .. And Am Already Bored >.> .. اوه بتجي عندنا .. .. حياك ^^ .. يزيد الحين مسافر .. بيرجع بعد 40 يوم .. يروح ويرجع بالسلامه ^^ ..

لوووووووول وش الي كامري انا معي لومينا .. لومينا لا تلومينا XD .. ولله موضوعك رائع ^______^ .. ياخي انا وهو مب موضوعي انقهر من الردود .. قليلن ردوا .. ياخي ذا المنتدى ملحوس .. المواضيع البايخه او القصير تشوف كثار يردون .. والي تستاهل قليل يرد .. ولا يمر مرور الكرام .. المهم للحين ما كملت قراية موضوعك بكمل بعدين ان شاءلله ^^ ..

[Trapped Inside]

توني مخلص من الجزء الرابع .. روعه ^^ .. لي عوده وابعلق عليهم ان شاءلله .. الحين مالي خلق >.> ..

الا Angel .. ما تشوفين مثل ما انا اشوف >>> هععع XD .. ان الموضوع يستاهل المميزه ؟ ! ..

[Darkness withiN]

-الســلام عليكم ورحمة الله وبركاتـــه-
-مســاء الخير والرحمــة..أسعد الله مسائكم بكل خــير,هذا هو الجزء الخــامس..وسيكون أقصر جزء لسبب خـــاص-


~I`m dizzy..oh my god..المخيم ~
-طبعاً في رد سابق..نوهّت على طبيعة حظي,عشان جذي لاأحد يستغرب الكلام الي بقوله الحين-
-بيوم من الأيام..قبل سنتين او سنه ونص تقريباً أيام كنت رئيس عصابة مكوّنه من الصيني وكم واحد يعجبك,كان عندي صديق ودعاني لأحضر معاهم رحلة إلى مخيمهم مع مسؤولهم رقم 2,كنت طفشان فما صدقت على الله على طول وافقت-

-المسؤول شاب جامعي طموح بمقتبل العمر..خفيف دم إلخ وبط راسنا وجبدنا بالسيارة بالأناشيد وخلاني أكرهها لباقي عمري<قاعد يسمع نشيده وهو يكتب=نصاب-
-بالبداية رحنا لديوان واحد من الشباب,وبعدها وصل المسؤول مع صديق له,وإتفقت مع صديقي إنه مايتركني لإني ماعرف ولا واحد فيهم ومالي مزاج أكسر الثلج مع أحد,المهم صاحبي ركب معاي السفاري..وفجأه واحد ناداه من السيارة الثانيه فراح ركب فيها وسحب علي سحبه ألييييمه,وتصادف إن السفاري هي سيارة المسؤول,وهو ملتزم بس عربجي..شلون؟..تابعوا معنا وستعرفون-


-قبل لانوصل المخيم بكم كيلو متر بس,قرر صاحبنا العربجي,عفواً المسؤول..قرر إنه يفحط بهذا الطريق الصحراوي الوعر على حظي الأعوج الشرير النذل النحيس<خلوني أبرد حرتي بهذا الحظ شوي-

-الأخ عطاك لفه يمييييين..وفجأه لفه يساااااار وفجأه واحد على يساري قاعد يصيح:قلبناااااااااااا-
<السيارة قاعد تدور والمسجل مال هالولد ماوقف..معلق على هالكلمه..تخيلوا المشهد>-

-وأنا مندمج مع الولد الي قاعد يصيح..فطنت إن السيارة قاعدة تدور فينا كلنا وإني قاعد أموت ببطء شديد ومواجه مصيري..حسيت إني بصراحة بصراحة بصراحة..Triple صراحة..إني خلاص Done for=رحت وطي-
-كل جسمي أحسه من الداخل والخارج يدور ويتشقلب ويلعب جمباز والي يفحطون داخله...أول ماوقفت السيارة بعد حوالي 4 أو 3 حركات جمبازيه...السيارة صارت فوق تحت..مقلوبه-

-داركنس يكلم الولد الي كان على يساره:إنت شجابك على يميني؟ -
-الولد الي كان على يسار داركنس:هذااااا وقته إحنااا قلبناااا والسيارة بتنفجر بسرعه خلنا نطلع-

-هو دز الباب برجله وإنفتح,وأنا تذكرت كلامه بإن السيارة تنفجر..رحت عطيته رفسه بقوة 36 سلندر وطيرته لبرا السيارة...وراح الأخ سجد شكر لله إنه طلع من السيارة..بدون وعي رفسته عشان أبي أنحاش لإنه كان ساجد أمام الباب بالظبط!!-

-طلعت من السيارة ووقفت بالشمس الحاره..ولاحظت إني أنزف..وإيدي فيها شيئ غلط,وصاحب لنا السيارة بكامل ثقلها طايحه على نص جسمه..وكل الي معاي متكسرين ماعدا إثنين..أنا شفت واحد من الإثنين واقف حذفت بدون وعي مبايلي بوجهه ويمكن كسرت خشمه ماأدري..وقلت له يتصل على الطوارئ-

-قعدت أمشي بالصحرا شوي..وشفت المخيم من بعيد وقررت أمشي له..يعني بنقذ الشباب خخخ,فجأه يطلع هالصوت:طششششششششش,ولا خشمي طلع مكسور وفيه نزيف بعد,قعدت أضحك من قلبي لثوان بشكل هستيري<نزف كثير, صار ماعنده دم فقام يضحك<أحد فهم التلاعب اللفظي -
-الطشش الي بخشمي كله من دعوة واحد الله يصلحه..قلت له نكته دعى علي:الله يرجك رج لين تقول طشششش=وفعلاً إنرجيت 3 مرات مدري 4 بالسيارة فوق تحت وبعدين قلت طشششش من خشمي -

-وصلت هليكوبتر,وبذات الوقت وصلت سيارة لواحد من الشباب..بعضنا ركب معاه والبعض الآخر يبغي يروح مع الهليكوبتر-
-المهم...منقذنا أو نقول مسعفنا..طيران راح فينا للمستشفى,أنا والمسؤول وثنين مكسرين معاي..وبنص الطريق مسعفنا عمل حادث فينا والحمدلله بس طارت الدعّاميه خخخخخ ماطار شيئ ثاني<مثلاً أنا-

-رحنا المستشفى وشكلي كان مرعب,الدم مغطي ملابسي كلها ومالقيت ماي بالصحرا رحت تيممت بالتراب عشان جروحي خخخ-
-حطونا بغرفه وحده..وكل شوي ناقلينا لغرفه ثانيه وحالتهم حاله..والسستر الدفشه صكتني بوكس بالإبره على إيدي المكسورة ,حتى جلست شهر كامل إيدي تعورني من الإبرة مو الكسر-

-المسؤول مالنا الضربة جت بمخه..فقعد يهلوس ويقصد<يقول قصيد ,وطلع لنا المحقق كونان وقالنا إيش سبب الحادث ياجماعة الخير؟..فرقعها المسؤول وقال:كنت مسرع بالغلط وفجأه طلعت صخرة وإنقلبت السيارة-

-شباب التفحيط مازين..يسوي واجد موشكل..مثل مخ مال إنتا يصير محشش,ويصير لك طشات<جمع طشششش-
-أنا بعد هالحادث..إعتزلت منصب زعيم العصابة..والعصابة تفككت بعدها,بس مافات الصيني يصورني بإجتماع للعصابة مع ذراعي المكسورة وقميصي الأسود الي بوسطه فيه هيكل عظمي صغير أرفقت صورته لكم -

-عزيزي المفحط..وقف تقلك:تخيل ياأخي في الله المفحط..إنك فحطت ومت ..شنو موقفك؟..شنو بيصير لك؟..شنو تتمنى بعد الموت؟؟..ودمتم..سالمـــين-

-تـــم-

[leopard_1]

اتصدق اني ماقريت غير الجزء الاخير
ياخي خليتني اضحك من خاطر ... كنت ملان
تسلم حبيبي على الموضوع
بس هذا المطوع اللي وياكم حاله شاذه ... اول مره اسمع انه مطوع يشاوح = يفحط بالسياره
هذا يمكن .... مطوع من تحت لتحت خخخخخخ

[Darkness withiN]

-Leopard-
-تسلم حبيبي..من ذوقك-

-ولا أقوول..ماني راد عليك لين تقرأ الموضوع من بدايته,جذي كأنك داش عرض <نحّش الزباين-
-أشكرك عزيزي على ماتفضلت بقوله..وعلى حظك الحلو مثل حظي,إنت قرأت آخر جزء وهو أطول جزء ومو ذاك الزود كاتبه على السريع...أتمنى ترجع للصفحة الأولى وتعطينا رأيك لوسمحت^^-

-بالنسبة للمطوع..للأسف المجتمع له دور سلبي بكل هذا,أضفوا على الناس الملتزمة لقب مطوع فبتالي هذا المطوع يجب أن يكون معصوم وإلخ..ومحسوبك مطوع سابق ,بس بإذن الله نرجع نفس قبل..-

Cya



-مثل ماوعدتكم شباب..بعد كل خمس أجزاء مفاجأه...الآن قاعد أنسقها وأكتبها لكم-

[Trapped Inside]

لووووول توني قاري الجزء الأخير XD ..

عندنا ثلاثة ارباع المطاوعه يفحطون .. شي طبيعي ..

عاد مسؤولكم ذا دلخ .. وباين انه بايع عمره .. لا والمشكله انكم انتم معه !! .. يفحط بسفاري لازم يكون طاره -_- ..

من مواقفك .. باين عليك انك ما تقدر تتمالك اعصابك او نفسك ابداً -_- ..

[Darkness withiN]

-الســلام عليكم ورحمة الله وبركاتـــه-
-مســاء الخير والرحمــة..أسعد الله مسائكم بكل خــير..وعدتكم أن بعد كل 5 أجزاء مفاجأه صغــيرة صح..تفضلوا-
<أهدي هذا الجزء الخاص ل Angel sama..اا.. >


--


~Scream like a pig my love..لازم نستدعي الزعيـــم~
-كان ياماكان مو قبل أمس ولا آلان..لكن صار هالحكي من زمان..بيوم من الأيام<الي طفش يرفع إيده-
-كل الي رفعوا إيدينهم قواطي With my full respect..لإني مابقدر أشوفكم أصلاً -

-كنت رايح صلاة التراويح مع الصيني كالعادة..وجلسنا بالمسجد نذكر الله وأقوله قصص لحد ماخرجوا كل الي بالمسجد ماعدا خطيب عصبي,لكن خطير ماشاء الله عليه بالخطابة-

-أنا والصيني فجأه..سمعنا صوت خنازير وسط المسجد ورانا مباشرةً-
-داركنس:هل سمعت ماسمعت يالصيني..أستغفر الله أقصد ياولد خالتي؟؟
-الصيني:لا لا مو معقوله..لايكون الأمريكان إحتلونا ياخي وجايبين خنازيرهم
-داركنس:لحظة..أنا أسمع الصوت خلفنا مباشرة...خلنا نقوم نشوف-

-أول ماوقفنا وكان ورانا مكتبة فيها كتب قرآن..شفنا مجموعة من الشباب أشكالهم ماتبشر بالخير أبد,الصيني جمد بمكانه,وأنا عطيتهم ذيك الخزّه المعتبره..فسكتوا,والخطيب وقتها كان قاعد يقرأ قرآن-
-ولما جلسنا أنا والصيني ورجعنا مكاننا..سمعنا ذات الصوت وشفنا ثنين مهبل من هالشباب المتخلفين يلعبون بالعطورات الخاصة بالمسجد<مو شايفين عطورات بحياتهم..حتى لما يبون يتعطرون, يتعطرون نفس The mask بفلم The mask -

-كنت بقوم عليهم..ولا الخطيب يقوم ويصيح فيهم ويطردهم برا المسجد,بعد ماكلمهم بالهداوه ومانفع-
-الصيني:ياخي نظراتك ماتبشر بخير..إستهدي بالله لايوزك بليس علينا-
-داركنس:بقول أنا ماأقدر أتكلم الحين,خلنا نطلع برا المسجد عشان آخذ راحتي معاك<يبي يزفه-
-داركنس:أنا بروح ألحقهم...ماني مخليهم يمشون بعد الي عملوه..ياإنك تجي معاي أو تنحاش بيتكم-

-طلعنا انا والصيني المغلوب على أمره ودورنا عليهم برا المسجد..شفناهم قاعدين على عتبات المسجد..ولما شافونا من بعيد طلعوا أصوات الخنازير الي تناسبهم بصراحة,ولولا الملابس الي لابسينها لقلت إنهم خنازير فعلاً بعد الي عملوه ومن جودة الصوت الصادر من مناخيرهم مدري حلوقهم مدري وين بالظبط-

-بعدها تقدمت لهم..وقلت وين أكبر واحد فيكم؟..ولا يطلع لي الزعيم مالهم..مشيت له ووقفت أمامه بالظبط...وصار هالسيناريو الي حاطه لكم على شكل صورتين..صورهم الصيني..أرجو تنتظرون التحميل لإن الحجم صغير..وبعدها كملوا لآخر شيئ..للجزء الثاني-

-المقـــطع الأول-
-المقـــطع الثاني-
















-أكيد سميقل وترابد والبعض كان الكلام الي بالأحمر الفاتح والمقطعين الأول والثاني هو تصوّرهم للي حصل بعد مالقيت عصابة الخنازير خخخخخ -
-ياناس..أنا ملاك انا رقيق انا رومانسي :icon11: أنا مستحيل أسوي كل هذا..لما كنت بذبح ذاك الولد كنت خارج منطقة التغطيه أو يمكن داسين لي شيئ بالشاي فصرت شرير -
<لمزيد من التفاصيل راجع الجزء الثالث من الموضوع مدري الثاني..ماأذكر والله>

-الي صار بعد مالقيت العصابة هو...إن الصيني سحبني لورا,وقعد يترجاني إني أمسك أعصابي وقعد يقرأ علي قرآن<حسباله فيني جني ينط بأي لحظة خخخخ,وقالي خلنا نستدعي...الزعــــيم-
-داركنس:الزعيـــم..................لا..حرام ياأخي....توهم بزران..كتاكيت حلوين-
-الصيني:بعد مايدبغونك ويسطرونك بتشيل فكرة إنهم كتاكيت,عطني مبايلك أتصل عليه عشان مانروح فيها-

-عطيته المبايل...وإتصل على الزعيم..وثوان الزعيم حضــر مع عصابته-
<المشهد أبيض وأسود...والتصوير بطئ..والزعيم مربط إيدينه ولابس نظارات شمسيه بالليل>
<الBackground...كانت نشيدة تقول:U can`t touch it trn trn..u can`t touch it >

-الزعيم:وينهم..هاتوهم..إيدي تحكني ورجلي بعد-
-وصلنا الزعيم لهم..وبدأ الأكشن خخخخخخخخ,مسك لكم واحد واحد وضربهم ضرب مو صاحي بعد ماصرخ فيهم صرخه تخليك تحشش أو يغمى عليك منها,ومسك زعيمهم وواحد ثاني معاه...ورماهم على الزبالة الي برا المسجد,وسحب زعيمهم ورفعه وحطه داخل صندوق الزباله -
<ياخي أنا عن جد أشفقت عليهم بعد ماكنت حاقد>

-الزعيم..هو أبو سمره,الملقب ب:أبو الزيــر..مهجد منطقتنا بأكملها,فديت ولد خالتي بس<يتمصلح-
-الواحد مره ثانيه لازم يراعي حرمة المسجد..ولا بينحذف بالزبالة,وعلى فكرة المانغا الي حطيتها فوق..لما يقول صاحبنا إصرخ كخنزير..أنا ماغيرتها هي بالمانغا مكتوبة جذي..وشفتها تتطابق مع موقفي فلعبت فيها-


--


~Naruto manga..عاشـــت الرمســـه~
-مالي خلق أسولف هنيه أو أتكلم زيادة...الصورة عن ألف كلمة..السموحة شباب -

مــانغا ناروتو بالرمســة الإماراتـــية


-تـــم-

[Yamato]

السلام عليكم..

يا اخي والله ما ادري شو اقول.. ضحكتني خوفتني زعلتني ابكيتني.. ياخي طلعت تحفة وانا ما ادري..
بالله عليك.. شو اللي كان موديك صوب المواضيع الصعبة اللي ما نفهم منها شي.. ما شاء الله عليك عندك اسلوب رائع ومميز في السرد..

المهم.. وانا اقرا سالفة بيت جدك الله يرحمه وايضا الجني مع الوالد.. كنت قاعد اسمع اغاني.. على طول صكيتهم.. تراني اكره شي عندي سوالف الجن.. على كثر ما هي تثيرني.. ويا كثر ما تخوفني وما تخليني انام.. يعني الحين انا فعلا لو جيت انا ما راح انام -_____-!

اضافة تعال.. مبتدع لنا صلاة شكر.. اخاف تطلع لنا مذهب تسميه المذهب الساياني.. -_-!

ياخي على كثر اللي قريته ما عدت اقدر القط شي.. اضافة الى انه لابتوبي في حالة مزرية.. اذا شفت شي ثاني احب اعلق عليه فما بقصر..

وحمدلله على سلامتك من حادثة الطشششش.. ربك ستر..
وايضا.. انت شو اللي جاذبك في سوالف الجن.. ابتعد الله يخليك.. الحمدلله انه ما صار لي شي من سوالف الجن ابدا ابدا..
الا.. يمكن مرة.. كان عمري وقتها يمكن 16 سنة.. كنت والاهل مسافرين اجازة لايران.. سرنا قعدنا في اصفهان واجرنا بيت.. في الليل كنت اسمع صوت ركض ولعب كورة وحد ينط في المسبح.. T_T وانا ما كان عندي الا اني اندس في السرير من الخوف الشديد.. واذا مب غلطان يمكن شفت ظلال ماني متاكد.. بس خلاص انا بصيييييح.. T_T
كله منك.. T_T



سميقل.. ليش تاريك.. خله سياه احسن.. لوووول

لنا عودة مع تجدد هالملحمة.. لووول