وأخيرا وضعت يداي على الاكس بوكس

[thelastshow]

اشتريت اليوم جهاز اكس بوكس (افرحي يا مايكروسوفت زودت مبيعات الاكس بوكس)

ياشباب اش رأيكم بالعرض التالي

الجهاز مع العرض حق سيجا+ أربعة ألعاب كوبي DVD + قطعة الكوبي
بسعر 1300 ريال سعودي

سعر مناسب والى أنضحك علي

الجهاز الجديد هل يأتي معه ريموت لتشغيل الأفلام أم لا لأني سامع انه يجي معاه وأنا مالقيت مع جهازي

في بيانات جهازي لقيت خيار الأكس بوكس لايف مع أني عارف أن هذا الخيار لايأتي الا اذا وضعت السيدي حق الايف فكيف جاء هذا الخيار?: ?: ?:

نسيت أقلكم الألعاب الي استريتها مع الجهاز غير الباندل حق سيجا

1- هالو. رااااااااااائعة خصوصا التحكم
2- شن مو2 السبب لشرائي للجهاز
3- سبلنتر سيل. لسى ماجربتها
4- NBA laive أموت في السلة

[aszx]

الجهاز لحد علمي ما يجي معاه ريموت كونترول...يعني لازم تشتريه كقطعه خارجية بـ125 ريال تقريباً...عموماً مبروك

[البرت ويسكر]

مــــــــــــــبــــــــــــــروك

;-) ;-)

[HeRCuLeS]

مبروووووووووووووووووووووووووك...
عطنا انطباعك عن الجهاز بشكل عام... ووجه هذا الكلام للمشككين بالجهاز وقوته.. "وشباب السوني بعد"
ليش ما خذيت Unreal Championship قبل كم يوم شايفها كوبي ؟!
المهم.. ان الجهاز نظام السيجا ما يجي معاه الا يدة داخل الكرتون ودسك واحد فيه لعبتين..
اما الريموت كانت في نسخة خاصة بالاكس بوكس فقط فيها ريموت ويدة جديدة ..
سلاااااام...":"

[DeadLy_]

الف مبروك اخوي الغالي .. لووول زودت مبيعاتهم

[aoks]

الاجهزه الجديد يجي معها اكس بوكس لايف على طول....

ومبروك عليك...العرض فعلا ممتاز

لأني انا لقيت مع عرض سيجا بدون القطعة وبدون اي لعبة بـ 1100

يعني انت دفعت 200 زيادة وحصلت قطعة كوبي مع 4 العاب

مبروك

[DeadLy_]

عندنا في قطر .. الاكس بوكس ب 1100 مع سيجا جي تي 2002 و جيت سيت راديو + قطعه الكوبي .. ;-) (( في سوق الاحمد))

[احمـ 9000 ـد]

هو قال عنده باندال سيجا الي هو لعبتين

وزيادة اربعه العاب كوبي = 100 ريال

[thelastshow]

الله يبارك فيكم

عطنا انطباعك عن الجهاز بشكل عام

الجهاز رائع جدا ويستحق كل ريال دفعته فيه ويوفر عليك لأنه لايحتاج الى كرت ذاكرة وحبيت أقول اليد الصغيرة رائعةجدااا.
يا أخ
HeRCuLeS

أنا أريد اشتري يد أخرى هل اليد الكبيرة جيدة لأني أريد أن أمتلك النوعين هل تنصحني بها أم أشتري الصغيرة.

وشباب السوني بعد

على فكره أنا بعت ال PS2 حقي وزودت عليه واشتريت الاكس بوكس

ليش ما خذيت Unreal Championship

أنا الآن لدي ست ألعاب بعد أن أكملها سوف اشتري أنريل

ياشباب بانزر دراقون نزلت كوبي ولا لا

لأني انا لقيت مع عرض سيجا بدون القطعة وبدون اي لعبة بـ 1100

يبدو أن صاحب هذا المحل نصاب كبير أنا أشتريت الجهاز من جيم ماستر جدة


للخبراء في قطع الكوبي أنا القطعة المركبة في جهازي أسمها X CUTER2

ايش رأيكم فيها.

وشكرا

[HeRCuLeS]

انريل متوفرة.. وبانزر دراجون وكريمسون سي .. متوفرة لدينا بالكويت
اليد الصغيرة جميلة.. وخلك عليها.. لأن اللي يتعود على الصغيرة ما راح ياخذ راحته بالكبيرة
ومبروك عليك وانشالله تتهنا فيها
وعلى فكرة قطعتك حلوه وجميلة جدا ولا تستهلك كهرباء واجد

[bob 808]

مبروك و مئة الف مبروك على الاكس بوكس الجديد و تبغى نصيحة مني اخذ لك الاكس بوكس لايف لانه عجيييييب مرررررررة

[Hulkamania]

يا حظك(ارجع تلقى الجهاز محترق)
لا ما شاء الله
بس إلى الآن ما شريت الجهاز تدري ليه لأني أدور عن السعر الممتاز!
بصراحة كل الأسواق عندنا نصابين
لأنه المفروض يصير سعره 700ريال ولكن زودوا 900 ريال
نصابين وما أحد يوقفهم!
أما الألعاب الي شريتها حلوة!ما عدا كرة السلة أنا أكرهها وبدالها أشتري
RAW

[bader_hhh]

اقول هو لو انا شريت الاكس بوكس ومطور دي في دي اقدر العب فيه على الايف؟؟وهل الالعاب الدي في دي تشتغل عالايف؟؟؟

وانا لقيت بجمع الرحاب بالكويت اكس بوكس +يده اضافيه+10 شرايط كوبي:واو: +لعبتا سيغا+كفاله 6 اشهر =110 دينار كويتي من الاقصى واذا ابي ازيد شريطين اصلي ادفع 20 دينار زياده عالمجموع شرايكم

لاكن الاهم ابيكم تجاوبون على اسئلتي :":

[DeadLy_]

تقدر تلعب بالمطور عبر اللايف .. بالنسبة للدسكات مادري
و المطور لازم تكون قطعه التطويرة انجيما 2 الافضل ;-)

[xenosaga]

مبروك أخوي

sony kid+aoks
الأجهزة الجديدة التي تأتي مع اللعبتين مجانا نعم برنامج اكس بوكس لايف موجود فيهم,لاكن لن تستطيع الدخول أونلاين,بل حالك حال الاخرين لازم تشتري الاكس بوكس لايف لأنه فيه السبسكربشن كود والهيد سيت وسي دي التعريف....الخ

وهذا جواب لسؤالك أخوي bader_hhh

سلاموف:-)