زيادة قومة النيسان

[nadp]

شباب...
ابي ازود قومة النيسان مالتي (نيسان بترول 4500)

ما ابي قومة عشان اسوي ريس..بس احس القومة بطييييييييييئة

يعني من 15 ثانية الى 13،او 12, ثانية

و ما ابا اصرف وايد عليها..و ما ابي شي الناس يلاحظون (صوت،شكل..الخ)

بشو تنصحوني؟

[راعي الجي تي آر]

خفف من وزن السيارة
يعني
غير الهيكل خله فيبر جلاس
او ركب له فلاتر ووايرات رياضية

[nadp]

ما بي حد يلاحظ ;-)
(خصوصا بعض الناس...لو فاهم علي;-) )

و ما ابا اصرف عليها وايد

انا سمعت انه الفلاتر اتزيد عالقومة..بس اتطلع صوت...
و اي واير تقصد بالضبط؟
spark plugs?

[GTR R33]

ركب لك هدرز

وmsd
و مبرد inter cooler

وهوكر وعبارات bbk

كلها تكلفك 5000 ريال

[GTR R33]

ركب لك

غاز 40 hp

انا اقول لو تشوف لك غير الباترول احسن

لأنه هو والبطه سوا

[nadp]

غاز=قصدك NITROS?????

و شو msd و هوكر و bbk????


والله ما شي نفس النيسان!!!!
انا شايف نيسان اتطر اللومينا اس اس مزودة!!!
قومة و خط!!!!!

[auronxxx]

نيسانك قديم ولا جديد(بس اسال)

[nadp]

nissan patrl super safari 2001 (4500)

[DE NILSON]

خفف من وزن السيارة
يعني
غير الهيكل خله فيبر جلاس
او ركب له فلاتر ووايرات رياضية

صح لسانك انت كدا

[alsokonono]

السلام عليكم ورحمة الله وبركاته
بانسبه لتقوية الباترول حبيبي بقولك على شئ
انت قلت تبي تقوي قومتها بحيث محد يسمعلها صوت ولا يحس بشئ صح
شوف ركب msd مقوي كهرباء
ركب بواجي أربع رؤوس
وكل ماتروح تطعس حط أوكتان في البنزين
وهذه كل الأشياء ماتطلع صوت أبدا أبدا ولا تعدم السياره
لكني ماأنصحت انك تركب msd مقوي الكهرباء
ركب الشيئين اللي كتبتها وانت تحس بالفرق وحتدعيلي
ولا تركب هدرز ولا غاز صدقني سيارتك حتنعدم لدرجة الهلاك
ولكم جزيل الشكر

[nadp]

"ركب بواجي أربع رؤوس"
اسمحولي والله..بس انا يديد شوي عالسيارات..
شو بواجي؟؟؟؟؟؟؟؟
انزين..عادي لو يطلع صوت شوي..بس ما ابي يكون وايد واضح اني مزود السيارة...