هل ما زلت تفكر في شخصية ميتل جير سوليد 3؟؟ لقد حصلت على الدليل

[WeskerQ8]

السلام عليكم شلونكم شخباركم
انا لقيت نظرية اثبتتلي بنسبة 75% انه منو راح يكون بطل اللعبه في ميتل جير 3
وللامانه النظريه هذي مو انا اللي ابتكرتها
ابتكرها كاتب في منتدى www.planet-mgs.com واسمه metalgearhornet
http://www.planet-mgs.com/forum/inde...showtopic=1711 <== هذي وصلة موضوعه
المهم انا راح اعطيكم الخلاصه
واذا في احد يقدر يترجم الموضوع كامل فانا اكون شاكر له
المهم

1- الكاتب يتوقع انك راح تلعب بشخصيتين في اللعبه وليس شخصيه
واهو ما قال هالكلام من فراغ
الدليل انه لو تلاحظون الصورة اللي فيها مقسمين سنيك لنصفين
نصف يحمل علم امريكا ونصف يحمل علم الاتحاد السوفيتي
راح تلاحظون انه النصف الايسر اللي في علم امريكا جسم سنيك اضعف من النصف الايمن وهذا يدل على انه هناك شخصيتين وليس شخصية واحده
والكاتب يتوقع انه الشخصيه اللي باليسار عند علم امريكا هي البيج بوس بس انا اتوقع العكس
لانه البيج بوس معروف انه سوى انقلاب ضد امريكا

المهم
اخر توقعاتي انه راح تختار وحده من الشخصيتين واذا اخترت سوليد سنيك راح تذبح البيج بوس مثل اللي بالقصه الاصليه

http://www.geocities.com/snakesbandana/thetwosnakes.jpg هذي الصوره
(لازم تنسخ الرابط واتحظه في صفحه جديده)



2- الملاحظه الثانيه راح انتوا اكيد شفتوا العرضوين ( عرض اي ثري وعرض معرض اوروبا مدري شسمه)
لو شفوتوا العرض مال معرض اي ثري راح تلاحظون انه بنهاية العرض انه سنيك عينه اليمنى (مبطوطه)
وهذا اهو البيج بوس
ولو شفتوا العرض الثاني اللي في سنيك يطلع سكينته في بداية العرض راح اتأكدون انه سوليد سنيك
وانا متأكد انكم راح اتلاحظون اشوية اختلاف في الشخصيتين

على العموم
الصورة هني للي ما يقدر يشوف العرض
http://www.geocities.com/snakesbandana/thetwosnakes.jpg
(اهي نفس الصوره اللي حطيتها فوق بس انتوا شوف الصورتين اللي على اليمين واليسار)

اخر شي
اتمنى استقبال ردودكم
واحب اقولكم انه كل هذي توقعات من كاتب النظريه ومني انا شخصيا


ومع السلامه

[WeskerQ8]

السلامك عليكم مره ثانيه
اظن اني حصلت على دليل ثاني

في عرض الفيديو مال معرض اوروبا (اللي ليلحين مدري شسمه)

في جمل مكتوبه خلتني اتأكد اكثر انه اللعبه تحتوي على شخصيتين

" How would you like your snake " كيف تريد ان يكون ثعبانك
" Rare? Well-done? " نادر؟ احسنت
" We recommend "Solid" " نحن ننصح " سوليد "
" You decide. you are the "Eater" " انت تقرر. انت الآكل
(الجملة الرابعه اهي االلي تثبت صحة كلامي)


وسلام

[HAMAD 11]

والله هايدو هذا يبي طراج على ويهه

مو راضي يقول لنا منو البطل...قاعد يتكلم بالالغاز

انشاءالله بس ما يحط نفسه ويقول هذا هو البيج بوس

[old school]

ملاحظة قوية جدا هيدوا هذا بيلعب فينا لعب فعلا امر غريب كل شوي ندخل بمتاهه جديدة مشكور اخوي على امعلومات المهمه

[aoks]

السلامك عليكم مره ثانيه
اظن اني حصلت على دليل ثاني

في عرض الفيديو مال معرض اوروبا (اللي ليلحين مدري شسمه)

في جمل مكتوبه خلتني اتأكد اكثر انه اللعبه تحتوي على شخصيتين

" How would you like your snake " كيف تريد ان يكون ثعبانك
" Rare? Well-done? " نادر؟ احسنت
" We recommend "Solid" " نحن ننصح " سوليد "
" You decide. you are the "Eater" " انت تقرر. انت الآكل
(الجملة الرابعه اهي االلي تثبت صحة كلامي)


وسلام

صراحة ملاحظات رهيييييبة .. ورااائعة

لكن المقصود بكلمة Well-done هو نوع من طهي الطعام .. هذا الي اعتقد المقصود فيه هنا

[HAMAD 11]

انا اعتقد بصراحة انه البطل هو سوليد سنيك بلحمه وشحمه

لأنه لو جينا نشوف البيج بوس بنشوف عينه مفقوعة

بس في العرض البطل عينه ما فيها شئ..اعتقد انه سوليد نفسه

[boos]

تحليلات ممتازه منك ..ولكن لا تنسى ان هنالك اربع سنوات احتمال ان تمتد عبرها احداث اللعبه يعني

- ليس غريبا ان يتغير شكله من سنه لاخرى (يزداد سمنه)- حتى عينه يمكن في نهاية اللعبه تنبط

- لكن اتوقع انها شخصيه واحده هي البيج بوس.قصته ومش بعيده ان يكون هناك تلميحات حول عمليات الاستنساخ للجنود الافضل الثلاثه.
واقولها هنا اتوقع صدمه لنا كلنا من كوجيما ...مثل ماحدث في الجزء الثاني مع رايدن علشان كذا خلوكم متوقعين اي شي منه.

[aoks]

طيب سنيك مولود عام 1970 ..

وشلون تجي ؟

واللعبة احداثها 1960 - 1964

[msm]

1- سالفة اللعب بأكثر من شخصية انسوها تماماً ! .. لأن كوجيما صرح في أكثر من مقابلة انك راح تلعب بشخصية واحدة فقط من بداية اللعبة حتى النهاية (راجعوا موضوع آخر أخبار اللعبة) ..

2- في كل العرضين شفنا البطل "سنيك" سليم العينين ..حتى الصور توضح ذلك .. ماعدا مقطع واحد فقط .. حتى انه غير واضح ..يبدو فيه البطل "سنيك" وكأن احدي عينيه مفقودة ..وهذا ماله دخل بالبيج بوس ..لأن البيج بوس فقد احدى عينيه في فترة الثمانينيات وليس الستينات ..

3- تجري أحداث اللعبة في الستينات وفي أربع سنوات .. طبعاً وأكيد ماراح تلعب أربع سنوات متواصلة في اللعبة ..أكيد كل سنة لها أحداثها وربما شخصياتها في اللعبة .. يعني الجزء الثاني كان فيه قسمين منفصلين تاريخياً .. هنا أتوقع أربع أقسام منفصلة كل قسم في سنة ..

[Mesharey]

متى تنزل بس

انا مستعد اني اتوقع مفاجأة كبيرة من كوجيما..لايكون مايحط مفاجأة وتطلع السالفة عادية ..

اللي يعجبني فيه انه قليل يتكلم عن قصة اللعبة والشخصيات..يتركها غامضة X:

[WeskerQ8]

- كيانو : مشكور على الرد. يبيله طراجين مو طراج لول.
- old school : يبلعب فينا؟؟؟ الا اهو لعب فينا وخلص
- aoks : مشكور على الرد. well-done تعني احسنت وانا متأكد
- boos : مشكور على الرد. ما اعتقد انه راح يمتن على امتداد سنين اللعبه وبعدين ما يصير جاسوس بشهرة سنيك او حتى سالادين انه يكون متين هذا شي مستحيل.
- msm : مشكور مراقبنا على الرد : بس ليش ما تتوقع انه تصير اللعبه شخصيتين تختار وحده منهم ببداية اللعبه يعني سالفة رايدن في احد توقعها بالعالم .؟؟؟؟؟
- Mesharey : مشكور على ردك. اللعبه انشالله راح تنزل في 200X والله مادري لي متى واهم طايحين بتأجيل الالعاب. انا اتوقع انشالله تنزل في شهر 10


ومشكورين على ردودكم واتمنى مشاركات ونقاشات اكثر حول الموضوع
سلام

[Frank Jeager]

شفت من قبل في موقع تقفل للاسف ادلة على وجود شخصيتين
فيها فروقات في الشكل فقط، لكن ما صدقت الهرجة،
مستحيل يكون شكلي عقب اربع سنين مثل الحين

[msm]

msm : مشكور مراقبنا على الرد : بس ليش ما تتوقع انه تصير اللعبه شخصيتين تختار وحده منهم ببداية اللعبه يعني سالفة رايدن في احد توقعها بالعالم .؟؟؟؟؟

أدري .. وهم سألوا كوجيما في مقابلاته عن احتمال اللعب بأكثر من شخصية مثل ماصار بـ MGS2 .. فوضح لهم كوجيما ان البطل هو شخصية واحدة فقط .. سنلعب به من بداية اللعبة حتىآخرها ..انا متكاسل أني أروح وأدورلك على النص بالضبط .. لكن راح تلقاه في موضوع آخر أخبار اللعبة ..يعني هذا مو توقعي ..بل كلام رسمي من مصمم اللعبة ..

[WeskerQ8]

Frank Jeager : مشكور على الرد.
msm: مادري شنو اقولك بس عندي احساس وامل كبير انه اللعبه راح تكون شخصيتين. اما اذا كان شخصية وحده فمستحيل يكون البيج بوس لانه البيج بوس عينه مبطوطه في الثمانينات مو في الستينات. ومستحيل يكون سنيك لانه اسنيك انولد في سنة 1970 واللعبه احداثها 1960 والله انا محتار حدي هيديو كوجيما هذا لعب فيني حتى اني ما اقدر اخمن منو الشخصية. بس انشالله تطلع كل توقعاتي صح.

سلام

[Final Fantasy 7]

يمكن راح يكون سنيك الرقم 1 .. يعني والد البيغ بوس ..



ليش ما فكرتوا فيها .. يمكن القصة ما بدأت مع البيغ بوس مثل ما الكل يظن .. يمكن بدأت مع والده .. و في اللعبة راح نعرف السالفة كلها