مشكله في Xbox Live

[هنوف]

اللام عليكم
انا اول مره اشارك في منتدى الاكس بوكس

انا امس شريت الاكس بوكس والعابه روعه وكل شي فيه حلو
لاكن لقيت مشكله
انه بعد ما سويت الاعدادت حقت الشبكه وكل شي قالي لازم يسوي ابديت ويقعد ساعه وعداد التحميل ما يتحرك وش السلافه
ومشكورين

[Aero]

تاكدي من سرعة اتصالك لانه اللايف يقولون حق دي اس ال

[شرقاوجي]

انه بعد ما سويت الاعدادت حقت الشبكه وكل شي قالي لازم يسوي ابديت ويقعد ساعه وعداد التحميل ما يتحرك وش السلافه

ما عليج من الابديت, شكله بتم سنة لما يكمل بس نطري جذي ربع ساعة او كم دقيقة على حسب سرعة اتصالج و هو في البداية كانه ما يتحرك كلش بس بعدين بجوفينه مرة وحدة بسرعة خلص الابديت

[شرقاوجي]

تاكدي من سرعة اتصالك لانه اللايف يقولون حق دي اس ال

اخوي يصير بعد بلADSL من نوع الUSB, عن طريق شبك الاكس بوكس مع الكمبيوترات الاخرى بواسطة الHub او الRouter

[هنوف]

انا سرعه الدي اس ال عندنا 256 بس اذا على كلامك راح يتعبا فجأه اجل راح اخليه لين يقول بس
مشكورين وبردلكم وش صار

[شرقاوجي]

انا بعد سرعة النت عندنا 256

مشكورين وبردلكم وش صار

حياج الله

[هنوف]

مشكورين لانه صبرت عليه وعلى طول جا الابديت
لاكن يوم عبيت المعلومات وصلت لين دسكربشن كود او شي زي كذا ولا عرفت وش اسوي
ومعليه بتعبكم معاي

[شرقاوجي]

لاكن يوم عبيت المعلومات وصلت لين دسكربشن كود او شي زي كذا ولا عرفت وش اسوي
ومعليه بتعبكم معاي

اي عرفته اسمه Subscription Code, هذا تلقينه داخل الغلاف مال السيدي الي ايي مع الهيدفون و المايك و غيره... اول ما اتفتحين الغلاف مال السيدي بجوفين مستطيل رصاصي << كأنه مال امسح و اربح و بعد ما اتمسحينه بجوفين الSubscription Code و يتكون من 25 حرف و رقم اظن, فكتبي هذا الكود بدون الشخوط بين كل خمسة كودات (-)

لا عادي حاضرين

[هنوف]

يعني لازم اشتري الهد فون
اوكي شكرا

[FARES360]

هيــــــــه أشوف بعض الناس صايريــن خبره في سوالف الxboxlive ...

[sp]

قبل لا تسوين اي شي في ال xbox live جهازج مطور يعني يشغل العاب منسوخه اذا يشغل لا تشتركين لانه راح ينطرد وللابد جهازج من شبكة الlive

اذا مو مطور تقدرين تدخلين

[هنوف]

الا يشغل كوبي
اوكي مو لازم اصلا
وعلا العموم مشكورين ماقصرتو بوقفتكم معي


شكرا..

[شرقاوجي]

يعني لازم اشتري الهد فون

ما شريتي حزمة الXbox Live Kit? << هالحزمة فيها كل شي سيدي, هيدفون, مايك... الخ

لا مو شرط تشترين الهدفون, بس بدون الهيدفون بصعوبة اتعرفين اصاير في اللعب

الا يشغل كوبي

تحملي ادشين اللايف!!! اذا دشيتي اللايف و جهازج مطور, مايكروسوفت راح تمنع جهازج من دخول اللايف للابد!!! فالافضل انج اتشيلين قطعة الكوبي, و لا اتصدقين الكلام الي يقولونه ان في بعض قطع الكوبي تسمح لج بدخول اللايف, لان مايكروسوفت تطور السرفر مالها باستمرار فمافي مجال حق قطع الكوبي الجديدة

هيــــــــه أشوف بعض الناس صايريــن خبره في سوالف الxboxlive ...

اشمعنى راد على هالموضوع بس؟ ما اتيوز عن سوالفك هااا؟ ياخوي لا تنسى اني اول عضو في المنتدى يشترك في اللايف بالADSL << يعني خبرة مثل ما اتقول

وعلا العموم مشكورين ماقصرتو بوقفتكم معي

Anytime