شباب أبي نصيحة

[عاشق الآخرة]

السلام عليكم،

تنصحوني اشتري X-Box الحين بعد الفترة الطويلة على ظهورها ولا انطر الx-box2 انا برايي اشتري الx-box لنا فيها العاب غير عن الps2

عطوني نصايحكم
مع السلامة

[SNYMA]

أنا الصراحة أنصحك تشتري الإكس بوكس , لأنه فيه ألعاب قوية راح تنزل عن قريب , هالسنة ألعاب وايد راح تنزل و من أهمهم هالو 2 و فابل , هذولي بس يخلونك تشتري الإكس بوكس و إنت مغمض.
و السبب الثاني لأنه الإكس بوكس بالفعل من نزوله لحد الآن و هو يمتلك ترسانة (ماشالله) من الألعاب القوية و المنافسة و من أهمهم هالو 1 , ننجا جايدن , ديد أور ألايف , و لاتنسى ألعاب الإكس بوكس لايف أفضل خدمة ألعاب أونلاين أو شبكة في العالم على مستوى الأجهزة المنزلية
السبب الثالث , الإكس بوكس تقدر تطوره علشان يركبلك الأشرطة المنسوخة أو الكوبي , و أيضاً هناك برامج تقدر تركبها على الإكس بوكس , راجع منتدى المواضيع المميزة لمنتدى الإكس بوكس راح تلقى الإجابة هناك , و من أشهر هذي البرامج الإيفوكس.
السبب الرابع , الإكس بوكس فيه هارديسك حجمه 8 جيجابايت و هالشي يخليك تستغني عن كرت الذاكرة اللي يستخدمه جهاز البلاي ستيشن 2 و الجيم كيوب , وأيضاً الهارديسك مجاني على فكرة و مركب جاهز داخل الإكس بوكس , بالمختصر الإكس بوكس كمبيوتر ترفيهي.
في النهاية , أنا أنصحك و بشدة إنك تشتري هالجهاز العملاق لأنه حقيقة يستاهل , و القرار الأخير يرجع لك.
تحياتي^^

[عاشق الآخرة]

امممم...
زين عالتطوير وهالسوالف ماكو مشكلة...انت تعرف الرحاب شلون صاير فامالاداعي اتكلم..
بس انا ابيها الحين لنا السنه اليايه اخر السنه في الثانوية فمااتوقع راح اقدر اشتري x-box 2 ...
عالعموم يعطيك العافيه اخوي..ماتقصر على الشرح هذا..وعلى فكره شلون The Chronicles Of Riddick ..؟؟؟

مع السلامه

[wsxcvb]

اشتري من الغانم اكبوكس المريكي اهو الاحسن شي اما في الرحاب كله صيني ولا يشغل كل الاشرطه كوبي احسلك اخذه من الغانم وطوره في الرحاب

[عاشق الآخرة]

انا راح اسال واحد من الربع هو شاري مالتا و للحين تشتغل مافيها شي..!!!

مشكور