بصراحة Fable كانت دون التوقعات..

[Imaj]

أمس رحت واشتريت فيبل..

ولكن للأسف اللعبة ليست كما توقعت.. هو أنا لساه في البداية بس توقعتها تكون أفضل من كذا..


للي لعبوا اللعبة وتعمقوا فيها تستاهل أكمل ألعب وإلا مضيعة وقت؟

[sir KoRn]

نصيحتي لك أخوي Road Kill بحكم أني مخلصها ثلاث مرات......كملها. اللعبة حلو وفيها ميزات وعيوب

بس اذا مشيت على الكوست الاساسي راح تلاحظ ان اللعبة قصيره.....بس نوع مع السايد كوس وما راح تمل

الشخصية نمشيها على كيفك

ولا تنسى..........
Fable is What You Make of it
:icon6:

[hitler is back]

هي دون التوقعات صح

لكن لو تعمقت شوي راح تدخل جو فيها

اللعبه فيها افكار مبتكره تستاهل تشوفها

[SNYMA]

السلام عليكم و رحمة الله و بركاته,,,
في الحقيقة اللعبة ما توقعت إنها تكون سطحية بهالشكل , أنا توقعت إنها طويلة , لكن طلعت قصيرة نسبياً
فيه أشياء عجبتني في اللعبة , لكن اللعبة فيها أشياء واجد ناقصة
على العموم , اللعبة أفكر أبيعها و أتخلص منها قبل ما تنزل هالو 2
تقبل تحياتي :icon6:

[khaledma]

أنا رأيي مثل رأي ~SNYMA~ vbmenu_register("postmenu_2974556", true);


بس أنا ودي أبدلها بس حرام أرجعها أقول اللعبة مو عاجبتني أو أكذب وأقول ما تشتغل

وأنا ودي أبدلها بديد أور الايف 3 ( بس مو لاقيها )

[sT]

انا بصراحه في بدايتها وما ادري ليش صايرة عندي مشكلة في التخزين save ولا ادري مالحل

[Emperor-uae]

من كم من يوم لعبة اللعبه


كنت متوقع منها الكثير


بس للأسف

لم تعجبني كثير

[Sympathy]

هـلا اخوي ،

فـعلاً اللعبة من أول شـي مملة ..

لكـن لما الـ Hero يبدا يكـبر

و يتعلم Magic Spells و Skills

راح تصـير اللعبة رووعة ،، .. !

[HAMAN101]

أنا واحد ما يتملل منها

الصراحة اللعبة تونس الواحد ما تزهقه

ليحين أعطيها 9.6

فيبل مو لعبة آربيجي بس

فيبل حياة حقيقية


مدري ليش ما تعجبكم

بس عشان نهايتها القصيرة ( أراهن إن إلي يقول نهايتها قصيرة يكمل كل المهمات ) لازم ما يخلي شي ما يسويه

يمكن تاخذ لك 50 ساعة و فوق إذا ما كنت تعرف وين تروح و بتاخذ لك 20 أو 15 ساعة و فوق إذا كنت

خبير فيبل


هذا رأيي عن اللعبة


_______________________


يلا باااااي

[RAUL 7]

يمكن تاخذ لك 50 ساعة و فوق إذا ما كنت تعرف وين تروح و بتاخذ لك 20 أو 15 ساعة و فوق إذا كنت

خبير فيبل

أعرف واحد اشترى اللعبة و خلصها بحوالي 11 او 12 ساعة من أول مرة

يقول صحيح فيها حرية .. لكن مو للدرجة الي معنا عنها ( لعبة تكون فيها من تشاء و تفعل ما تريد ..)

و حريتها ما تااصل أبدا للحرية الي تقدمها لعبة مورويند !

أنا ما جربتها .. بعد ما أجربها أحكم .. لكني ما أتوقع انها تتفوق على الأسطورة كوتور

سلامي..

[Imaj]

50 ساعة بس!!

المبرمجين وعدونا بمئة ساعة!!

حرام.. إن شاء الله في الجزء الثاني يصححون هالأخطاء..

وأهمها إنك ما تلعب به من الصغر إلين يكبر.. يكبر على طووووول..

وشيء ثاني لازم يتجنبون المهمات المكررة واللي تجيب الملل ..

[sT]

بصراحه اللعبة يا اخوان روعة لا ادري لماذا هذا الانتقاد العجيب !!!

والمشكلة ان الاغلبية الي ينتقدون هم في بداية اللعبة , طيب امشوا شوي في اللعبة وتعالوا قلوا رايكم ..

[RAUL 7]

مرحبا مرة ثانية

اشتريت اللعبة و جربتها ..

ما أقدر أقول اني تعمقت .. شغلة 4 ساعات بس

باستثناء المهمات .. ما سويت شي الى الآن .. أقصد الأشياء الي خلت اللعبة مميزة .. تشري بيت و تؤجره و تسوي علاقات و ... الخ

نظام القتال .. زحمة .. يعني بتلهى بسيفك و تترك الماجيك .. القصة .. مانيب عارف شي .. لا الهدف ولا الغرض من كل الي سويته .. و المهمات طريقة أخذها غبية .. أروح للمعهد علشان آخذ مهمة ثانية .. بقالة ؟

و الـ Save .. انا ما اعرف الا طريقة واحدة .. المشكلة اني اذا خزنت بمكان .. و سويت لودنغ .. أطلع بمكان ثاني .. و تضيع 10 دقايق أحاول أعرف وين انا بالضبط ..

أخاف يكون حكمي مبكر .. لكني أشوفها لعبة عادية جدا .. جيدة ، لكن توقعنا أحسن ..

تقديري المبدئي : اممم .. يمكن 7.5 .. لكني ما سويت الأشياء الي تتميز بها اللعبة .. و بصراحة أحسها تسرق من وقتي لسان اندريس الأسطورة

عموما .. الي ما جرب كوتور يجربها .. لاازم

سلامي ..

[Imaj]

أوكي بديت أدخل جو مع اللعبة وبدت تشدني أكثر..

بس بصراحة الكثير من اللي وعدونا به غير موجود باللعبة..

مثال:قالوا لنا ما في Game Over واللي يصير إنك تعاد للـGuild و يقعدون يستهزأون بك..


شيء ثاني مزعجني باللعبة هو وقت التحميل الطويييييييل..

وبعض العيوب البرمجية هنا وهناك ولكنها نادرة جداً


أعتقد إنهم استعجلوا باللعبة عشان يفون بالموعد المحدد والنتيجة إلغاء الكثير مما وعدونا به..

إن شاء الله الجزء الثاني يكون أفضل بكثير

[RAUL 7]

أوكي بديت أدخل جو مع اللعبة وبدت تشدني أكثر..

بس بصراحة الكثير من اللي وعدونا به غير موجود باللعبة..

مثال:قالوا لنا ما في Game Over واللي يصير إنك تعاد للـGuild و يقعدون يستهزأون بك..


شيء ثاني مزعجني باللعبة هو وقت التحميل الطويييييييل..

وبعض العيوب البرمجية هنا وهناك ولكنها نادرة جداً


أعتقد إنهم استعجلوا باللعبة عشان يفون بالموعد المحدد والنتيجة إلغاء الكثير مما وعدونا به..

إن شاء الله الجزء الثاني يكون أفضل بكثير

هلا أخوي

بصراحة .. في واحد قال لي انك بالنهاية .. لازم تشوف الـ Credits .. اذا شفته كامل راح تكمل اللعبة .. لكن اذا ضغطت يصير لك Game Over