Xbox Live Arcade

[We6fe]

السلام عليكم ^^
شلونكم ؟ كل عام وانتم بخير

اخيراً نزلت الاكس بوكس لايف اركيد وقام موقع IGN بمراجعة كل لعبه فيها ، وهذا موجز عن كل لعبه :

Hardwood Solitare

من اسم اللعبه نعرف انها لعبة ورق " جنجفه " وهي افضل لعبه من بين العاب الاكس بوكس لايف اركيد ، وسعرها مو ببلاش ب 9.9 دولار يعني 3 دنانير
التقييم : 8.0

Namco Vintage

نسخة من لعبة Pac - Man الشهيره ، لاتحتوي على الاونلاين لكن تقدر تلعبها لاعبين ضد بعض ، وسعرها 14.9 دولار .
التقييم : 5.0

Bejeweled

وهي لعبة Puzzle تحتوي على على طور لاعبين وسعرها يبلغ 9.9 دولار .
التقييم : 6.5

Dangerous Mines

اللعبة متوفره مجانياً عالبي سي ومافيها شيء جديد عالاكس وسعرها 9.9 دولار (ما تسوى) .
التقييم : 4.0

Ricochet Lost Worlds

وهي ايضا لعبه تستحق التنزيل بجانب Solitare وهي لعبة Puzzle وتحتوي على مراحل كثيره وعمر اللعبه طويل بعض الشيء .
التقييم : 7.5

Super Collapse 2

لعبة تجميع المربعات المعروفه بحيث انه عليك تجميع المربعات لتكون صف كامل لكي تحذف المربعات واذا امتلأت الصفحه بالمربعات بتنتهي اللعبه Game Over .
التقييم : 6.5

------------------------
ممكن اغلب هالالعاب تكون سيئه بعض الشيء لكن في الايام القادمة راح تنزل مجموعة جديدة .
مزيد من الصور

[al7afey]

هلا وطفي
و انت بخير وصحه وسلامه
وينك من زمان ما شفناك ؟ أكيد أمتحانات
اللعبه شكلها حلوه بس أنا ما أحب ألعاب الـ (جنجفه )
مشكور و يعطيك العافيه

[opz box]

السلام
اللي عنده عنوان في امريكا يقدر يطلب دسك التشغيل للاكس بوكس لايف اركيد مجانا
بس ياخذون منك رسوم التوصيل و هي تقريبا 5 دولار و يحتوي الدسك على لعبة باكمان كاملة مجانية
و تقدر تجرب باقي الالعاب قبل ما تشتريها و شهريا راح يضيفون العاب و و اي لعبة تنزلها تقدر تجربها قبل ما تشتريها
انا طلبت الديسك قبل شوي على عنواني اللي في امريكا(ارامكس)
بس لازم يكون عندك فيزا
شكرا وطفي على الخبر
و هذي الوصلة للي يبي يطلب الدسك
http://www.xbox.com/en-us/livearcade/default.htm