Spoilers مناقشة في قصة MGS3 : Snake Eater

[Mesharey]

السلام عليكم ^^


بعد ما انهيت ميتل جير 3 صارت في أسئلة كثيرة وأشياء مو فاهمها ~__~

خصلتها بـ21 ساعة تقريبا..أطول جزء بالسلسلة ..
هممم..ماتلاحظون أن الخيال بالنسبة للزعماء صار أكثر من الأجزاء السابقة ؟
مثلا بالأول تقريبا شخصية والثاني Vamp شخصية بعد
والإباحية بهذا الجزء أكثر من الأجزاء السابقة بكثير ~__~
وعامل الأكشن صار كثير لدرجة كبيرة عن الأجزاء السابقة ..

اللي باقي تحت كله أحداث من القصة Spoilers وبقوة ..




بالبداية سنة كم مات الـبيج بوس ؟
The Boss والبيج بوس هم آخر شخصيتين من منظمة الباتريوتس (أو الفلاسفة) ؟
في شي ناسيه .. الـLaLiLoLeLu هم الباتريوتس صح ؟ P:
شنو قصة The Legacy الخاصة بالفلاسفة XD
البيج بوس خان أمريكا ؟ P:
Ocelote هو نفسه اللي بالجزء الأول والثاني صح ؟ وليش ماقتل سنيك بالنهاية ؟ P:
بالأخير ماتلاحظون أن شخصية البيج بوس مختلفة عن سوليد سنيك ..
بالمناسبة منو لعب اللعبة السرية بميتل جير وتفاجأ فيها لما شافها ؟ ..

في أشياء كثيرة ناسيها .. احتاج العبها مرة ثانية..
وبعد فترة بالعب الجزء الأول وبعده الثاني وبعدين الثالث أو الثالث > الأول > الثاني على حسب القصة ..

متى ينزل الجزء الرابع >__< ؟!

[الزعيم الكبير]

بالمناسبة منو لعب اللعبة السرية بميتل جير وتفاجأ فيها لما شافها ؟ ..

انا نهيت ميتل جير ب 11 ساعه ومانمت وماطفيت السوني شلون اللعبه السريه طلعت وشلون ا طلعها.

[Djalminha]

السلام عليكم ^^


بعد ما انهيت ميتل جير 3 صارت في أسئلة كثيرة وأشياء مو فاهمها ~__~

خصلتها بـ21 ساعة تقريبا..أطول جزء بالسلسلة ..
هممم..ماتلاحظون أن الخيال بالنسبة للزعماء صار أكثر من الأجزاء السابقة ؟
مثلا بالأول تقريبا شخصية والثاني Vamp شخصية بعد
والإباحية بهذا الجزء أكثر من الأجزاء السابقة بكثير ~__~
وعامل الأكشن صار كثير لدرجة كبيرة عن الأجزاء السابقة ..

اللي باقي تحت كله أحداث من القصة Spoilers وبقوة ..




بالبداية سنة كم مات الـبيج بوس ؟
The Boss والبيج بوس هم آخر شخصيتين من منظمة الباتريوتس (أو الفلاسفة) ؟
في شي ناسيه .. الـLaLiLoLeLu هم الباتريوتس صح ؟ P:
شنو قصة The Legacy الخاصة بالفلاسفة XD
البيج بوس خان أمريكا ؟ P:
Ocelote هو نفسه اللي بالجزء الأول والثاني صح ؟ وليش ماقتل سنيك بالنهاية ؟ P:
بالأخير ماتلاحظون أن شخصية البيج بوس مختلفة عن سوليد سنيك ..
بالمناسبة منو لعب اللعبة السرية بميتل جير وتفاجأ فيها لما شافها ؟ ..

في أشياء كثيرة ناسيها .. احتاج العبها مرة ثانية..
وبعد فترة بالعب الجزء الأول وبعده الثاني وبعدين الثالث أو الثالث > الأول > الثاني على حسب القصة ..

متى ينزل الجزء الرابع >__< ؟!

ما اعتقد انه خان امريكا

بيج بوس سوى اوتر هافن علشان يحمي الجنود من انهم يصيرون ادوات حرب

و انه الاصدقاء ما ياقتلون بعض حسب ما فهمت

اعتقد انه خوش ريال

على ما اعتقد قتله سوليد سنيك عمره كان بالستينات او السبعينات

مشاري تعرف محل عنده ميتل الاول لاني ما حصلت بالرحاب

في محل اللي عنده دسكات سوني1 خذيت منه واحد بس المشكلة انه يعلق

اذا تعرف قولي

سلام

[Neo Cid]

والله موضوعك حلو يا مشاري ..

بالنسبة The Legacy مال الفلاسفة ( مو قادر يكتب اسمهم ) .. قريت مقالة عن القصة قبل ما العب اللعبة .. و اللي فهمته أن هالمنظمة لها أموال كبيرة و هي عبارة عن مستندات و حسابات في مختلف أنحاء العالم .. و البطاقة اللي كان يحتفظ فيها فولجين كانت عبارة عن صورة من هالمستندات .. و بذلك يخول له أنه ياخذ الفلوس أو يبوقها من مصادرها .. أموال تقدر بالبلايين .. يعني الحين أهي صارت بأيد البيج بوس .. و من هالأموال البيج بوس أسس الouter heaven ..

و بالنسبة للبيج بوس .. أظن أنه توفى بالتسعينات .. 1995 أو شي قريب من هالتاريخ .. ولو حسبناها .. و حسب كلام البوس .. تقول أن البيج بوس ولدها ... يعني .. أنه لمن يموت عمره يكون 51 سنة .. و بميتال غير 3 عمره .. 25 سنة ؟ .. هايدو كوجيما قال انه بيلعب بالأعمار شوي .. هالريال معقد الصراحة يعني الكلام بيني و بينك ..

و البيج بوس خان أمريكا .. بعد ما شاف أن السبب اللي خلا البوس تخون أمريكا هو سبب شريف .. و فضل أنه يمشى على نفس المنوال .. ( حلوة مني ) .. لو تشوف لقطة النهاية بالمكتب .. سنيك يصاحف الرئيس بالغصب .. لأنه عارف أن الحكومة الامريكية على خطأ .. و لهذا .. سرق أموال الفلاسفة وراح فتحلة بقالة ( منظمة ) بروحة .. و أوسلوت نفسه .. لكنه اعجب بشخصية سنيك الفذة .. و هذا خلاه يحاول انه يتعلم منه لو لاحظت .. يقلد بعض حركاته الفنية .. غبي أدري بس شسوي .. و بالنسبة للعبة الفرعية .. ما لعبتها .. أيهي تقصد ؟ .. فيه لعبة يقولون تلعبها بالسجن .. هذي اللي تقصدها ؟ ..

والله أنا برايي .. هيدو كوجيما طلع أغبى مما تصورت .. الحبيب لو كان مكمل الجزء الثالث على تكملة للثاني كان أحسن .. عساس نعرف سوليد سنيك و شصار معاه بعد ما نط ورا ميتال غير راي بالبحر و و و و و ..

يلاا بالتوفيج

[مغرم زمانه]

لوسمحتم بسئلكم بخصوص الجزء الثالث الشخصيه ينادونها " سنيـك " بس انا قريــت ان الشخصيه بتكون " البيج بوس "

وهو والد سنيك بالاستنساخ .. عموما شلون ينادونه سنيك والجزء الثالث يتكلم في سنه 1961 علماً ان سنيك كان

موجوداً في الجزء الثاني وهو يتكلم في سنه 2004 .. ؟!

اتمنى انكم فهمتوني وشكراً

[OK.OK]

سم الله الرحمن الرحيم ..^^
اسمحولي شباب على المداخله ....<<<ترا حده ملقوف

احم احم ..حبينا نشارك بالمناقشه معاكم ....

أخوي Neo Cid

بالنسبة The Legacy مال الفلاسفة ( مو قادر يكتب اسمهم ) .. قريت مقالة عن القصة قبل ما العب اللعبة .. و اللي فهمته أن هالمنظمة لها أموال كبيرة و هي عبارة عن مستندات و حسابات في مختلف أنحاء العالم .. و البطاقة اللي كان يحتفظ فيها فولجين كانت عبارة عن صورة من هالمستندات .. و بذلك يخول له أنه ياخذ الفلوس أو يبوقها من مصادرها .. أموال تقدر بالبلايين

هني كلامك عشره على عشره ....

بس خرتها شوي ..بعدها

يعني الحين أهي صارت بأيد البيج بوس .. و من هالأموال البيج بوس أسس الouter heaven ..

منو قال ان الاموال بايد البيج بوس الحين

بعد ما شاف أن السبب اللي خلا البوس تخون أمريكا هو سبب شريف

ومنو قالك ان البوس خانت امريكا

.. تقول أن البيج بوس ولدها

وهني هم ملخبط بعد

الحبيب لو كان مكمل الجزء الثالث على تكملة للثاني كان أحسن .. عساس نعرف سوليد سنيك و شصار معاه بعد ما نط ورا ميتال غير راي بالبحر و و و و و ..

الغرض من الجزء الثالث واضح ...انكشفت حقيقة الباتريوس:shock22:

واسمحلي على التعليق على ردك ...
اولا الاموال مو بايد سنيك او البيج بوس....
الموال بايد ADAM
تعرف منو آدم ..عميل الاستخبارات الامريكيه ..اللي خدع الروس على انه بينظم لبلده الام ويخون امريكا..((على فكره هو من اصل روسي))
اهو اسلوت نفسه...ارسلوه الفلاسفه عشان يسرق الاموال..
ما لا حظت في النهايه ان اوسلوت محنج مع ايفا وسيك يلحقهم من مكان الى مكان ..
حتى بالطياره طب ورا سنيك ..وتقاتل معاه... وبانهايه تركه سنيك وطب بالبحر ..
تدري شسوا اوسلوت ..
لما كان يتقاتل مع سنيك قدر يسرق الاوراق الاصليه الخاصه باموال الفلاسفه وبدلها باوراق مزيفه .. وانحاش لما سرق الاوراق الاصليه ....
طبعا تسألأ وتقول منين يبت هالخرابيط ...بسيطه هالكلام كله قاله اوسلوت في نهاية اللبعه لما تختمها ..وتظهر علامه ميتل جير سوليد 3 سنيك ايتر..

ونجي للنقطه الثانيه ..خيانة ذا بوس ...
ذا بوس ارسلت في عمليه خاصه للاتحاد السوفييتي عشان تسرق الاموال...عن طريق ادعائها انها خانت امريكا ...ولكن لما استخدم فوقلت الصواريخ النوويه الامريكيه اللي عطتهم ذا بوس له على مصنع سكولوف القديم ... قلب الموازيين ....كانت نيته توريط امريكا ..لان الصواريخ اصلها امريكي ..وامريكا هني تخلت عن ذا بوس ..عشان تنظف اسمها من التهم ..واوكلت لها مهمه اخيره وهي ان يتم القضاء عليها وعلى وحدتها من قبل سنيك عشان تخللص امريكا من الشبهه.....يعني انها تنتظر سنيك لين يخلص على وحدة الكوبرا .. ومن ثم القضاء عليها..عشان جذي هي كانت تتعذب من داخل ...لانها ما تقدر تقول لسنيك انها مخلصه لوطنها ...وانها مو خاينه ...وفكرت بطريقه عشان تقول لسنيك عن حقيقه امريكا ...عن طريق ايفا ..اللي في نهاية اللعبه تقول هالكلام ...وسبب غضب ..سنيك على الرئيس الامريكي ..هو ان امريكا تخلصت من ذا بوس وتنكرت لها رغم كل اللي سوته ذا بوس لامريكا...وسبب رغبة ذا بوس في قول الحقيقه لسنيك ..لأنها تعلم اذا ماتت لااحد راح يتذكرها ..حتى التاريخ ينساها ...وهي تريد الحياة في ذكريات سنيك وفي قلبه ..لانه الانسان الوحيد اللي تحبه..

ثالثا ..سنيك مو ولد ذا بوس .....
ذا بوس هي اللي علمته ودربته ..وسنيك يعتبرها مثل امه .. وهي تعتبره مثل ولدها..

وعلى فكره فلاسفه امريكا هم اللي اربحوا وخذوا فلوس الفلاسفه كلها
وغيروا اسمهم من الفلاسفه الي الوطنيون ..الباتريوس:shock22:
واتمنى اني ما اكون ازعجتكم بفلسفتي الزايد عن حدها ....
وشكرا اخوي مشاري على الموضوع

وعلى فكره اللي يلعب بايزي ولا فيري ايزي باللعبه ..هذا اصلا ما لعب شي..
وما يصير يقيم اللعبه على كيفه ويقول اللعبه سهله . وقصيره ...
انا لعبت بالنورمال 20 ساعه .. وبرتبه ..التمساح

[Snake Eyes]

لاحظت في هذا الجزء انه مزويدنها شوي في الخيال و المسخرة
ايش اللعبة السرية؟؟؟؟ اذا قصدكم على حقت القرود فمالعبتها

[NEWBLOOD]

الجزءالرابع بينزل بعد اسبوع

[الزعيـALZAEMـم]

ما شاء الله عليكم خلصتوا اللعبه.. وانا قاعد منتظر لها

ما أقدر أتكلم وانا ما لعبت اللعبه ...

[Neo Cid]

والله شوف أخوي .. انا دايما أخورها يعني توقع مالا المتوقع مني ..

بالنسبة لكلامي و كلامك .. ممكن أنا أكون صاج بنقاط و أنت بنقاط .. بس حتى الكلام عليه شوي اختلاف .. أنا فهمت القصة من هذا المنحنى لأني كنت ألعبها باستعجال و بوقت منتصف الامتحانات و هذا خلاني ألعبها بسرعة .. انا كتبت اللي فهمته و صحيح في نقاط ما فهمتها عدل ..

مثلا .. فيه نقطة أنا و أنت اختلفنا فيها و اثنينا غلطنا .. تعرف منو اللي سرق أموال الفلاسفة ؟ .. أيفا .. لو تشوف لقطة النهاية قبل تكريم سنيك .. فيه لقطة أذكر اني طوفتها لأنها كانت مخلة .. بس قبل شوي أخوي كان يلعب اللعبة و شفت أنه قاعد يشوف لقطة يديدة علي .. كانت ايفا تقول حق سنيك أنها عميلة للفلاسفة الصينيين .. و أن Eva و Adams هم رجلين .. مو رجل و امرأة .. و أن الايفا الصجي ما ظهر .. فهي استغلت عدم ظهوره و ادعت انها ايفا .. و Adams هو اسلوت مثل ما قلت .. صحيح اوسلوت كان يشتغل للحكومة الامريكية .. أظن هذا اللي خلاه ما يذبح سنيك ..
وبالأخير .. أموال الفلاسفة راحت لسنيك .. بس انها راحت لاوسلوت ؟ .. ما اظن .. بلعبها مرة ثانية بمستوى Hard أو Normal و أشوف .. بلعبها و أفضفض كل أسرارها .. حتى الضفدع بطلعة من كل منطقة باللعبة ..






و بالنسبة لكلام الأخ مغرم زمانه .. أخوي .. سنيك الموجود في الستينات هو Naked Snake .. وبالتحديد هو والد Solid Snake اللي كنا نلعب فيه بالجزء الاول و الثاني .. شلون ؟ .. بالاستنساخ .. و كانت عملية الاستنساخ سنة 1972 و نتج عنها سوليد سنيك و ليكويد سنيك .. و سوليدوس سنيك .. لكن كلهم لهم لقب واحد .. واللي هو Snake .. و اتمنى ان النقطة تكون وصلتك ..

[Snake Eyes]

سمعتوا ايش كان يقول the sorrow لسنيك؟؟؟
يقول "حيقتلوك اولاد اولادك"؟؟!!!!
ولا انا سمعتها غلط؟؟؟

[الزعيم الكبير]

سمعتوا ايش كان يقول the sorrow لسنيك؟؟؟
يقول "حيقتلوك اولاد اولادك"؟؟!!!!
ولا انا سمعتها غلط؟؟؟

لا........ قال سوف تقتل من قبل ابنائك ، وسيشعرون بالخوف ابناء ابنائك مدري شنوقصده بالاخيره.


وعلى فكره ترى ابو volgin واحد من الفلاسفه وحتى ابو ذا بوس.

بس اعتقد ان البيج بوس كان يبي يكمل مشوار ذا بوس.

[Mesharey]

يعطيكم العافية على المشاركة..بعلق على بعض الردود ..

و بالنسبة للعبة الفرعية .. ما لعبتها .. أيهي تقصد ؟ .. فيه لعبة يقولون تلعبها بالسجن .. هذي اللي تقصدها ؟ ..

ايه هذي ^^
بصراحة اللعبة ممتازة..لو ينزلونها بروحها بشتريها P:

وعلى فكره فلاسفه امريكا هم اللي اربحوا وخذوا فلوس الفلاسفه كلها
وغيروا اسمهم من الفلاسفه الي الوطنيون ..الباتريوس:shock22:

الفلوس صارت بيد اوسلوت..شنو علاقة فلاسفة أمريكا وشلون ربحوا؟ ..
اممم..بعد ليش غيروا اسمهم ؟

انا لعبت بالنورمال 20 ساعه .. وبرتبه ..التمساح

انا تقريبا نفس الشي ..
انهيتها بـ20 ساعة و 58 دقيقة وبرتبة تمساح XD

تعرف منو اللي سرق أموال الفلاسفة ؟ .. أيفا

اللي سرقتها اوسلوت يوم القتال مع سنيك..راح يقول هالكلام بالنهاية ^^

حتى الضفدع بطلعة من كل منطقة باللعبة ..

هذا الضفدع شنو قصته عقدني ..

لا........ قال سوف تقتل من قبل ابنائك ، وسيشعرون بالخوف ابناء ابنائك مدري شنوقصده بالاخيره.

متى يقول هالكلام؟ ما اذكر صراحة ~__~


في سؤالين معقديني ~__~
The Boss والبيج بوس هم آخر شخصيتين من منظمة الباتريوتس (أو الفلاسفة) ؟
في شي ناسيه .. الـLaLiLoLeLu هم الباتريوتس صح ؟ P:


بصراحة أنا ودي بجزء يقول الأحداث من وقت ولادة سنيك إلى أن يقتل سنيك البيج بوس..
بتكون أحداث مهمة وروعة ..

[Djalminha]

حسب ما سمعت انك اذا شفت ال64 ضفدع و رميتهم كلهم راح تحصل stealth Camo

و الله اعلم

انا الحين قاعد العب من جديد علشان اجمع الكامو بس بعضهم صعب

سلام

[owenss10]

انا خلصته في 12 ساعه والله قصيرررررررررررررررررررررررررررررررررررررررررررر وبسيط