أسخف جزء لميتل جير !!! + دردشة بسيطة ...

[Flanteus]

السلام عليكم


تبون تقتلوني صح ؟؟

على البركة !!

المهم نجي لرأيي من ناحية اللعبة ..
أولا شريتها أصلي <---------- ما دفعت فلوسها إلى الآن أنتظر المكافأة ..

الصراحة اللعبة في غاية الروعة وصراحة ما أقدر أكذب عليكم فيها لأنها أبهرتني ولكن مازالت أسطورة الجزء الأول هي الأولى ولن يزيحها أي جزء من أجزاء ميتل جير ..


ندخل في المهم ...
الصراحة لمن بديت ألعب كنت سمعت قبل كذا ان الكاميرا سخيفة وبلهاء والتحكم أسخف ولكن وجدت عكس ذلك تماما !!

الكاميرا أصبحت عملية أكثر من أول ومع إضافة التحريك بـ R3 وتثبيت الكاميرا ( اضغط على الزر إذا كانت الكاميرا في وضع مناسب !! ) أصبحت أكثر فائدة ...


والمفاجأة أن الكاميرا هي نفسها في الجزء الثاني !!
كيف تقول كذا ما لاحظت ان الصورة بعيدة وووووو ؟؟

فعلا ممكن أحد يتبادر إلى ذهنه هذا السؤال لكني وجدت أنا الكاميرا هي نفسها لم تتغير ولكن الذي تغير هو الوضع والمكان الذي نلعب فيه ..

لو رأيتم في الجزء السابق وخاصة عندما تلعبون برايدن كانت الكاميرا تبتعد عندما تكون في ساحة كبيرة وعند الدخول إلى المنشأة أو داخل السفينة تقترب وتكون من زاوية واحدة لا تتغير !!

وهنا فإن المساحة ازدادت وكثرة الأشياء في اللعبة..... تم وضع الكاميرا بعيدة بعض الشيء وأصبح النظر أوسع وأفضل لرؤية الجنود !!

أضف إلى ذلك ( وهو السبب الرئيسي الذي جعل اللاعبيين يعيبون التصوير في اللعبة ) هو عدم وجود الرادار الخارق والمفيد جدا في أجزاء ميتل جير السابقة وهذا الشيء جعل الكثيرين يلومون التصوير في اللعبة ( الكاميرا ) .. مع أنني أراه أفضل بكثير من الأجزاء السابقة !!

( حاولوا أن تلعبوا بدون رادار في الأجزاء السابقة .. هل سيكون التصوير أفضل من هذا الجزء ؟؟ بالطبع لا !! )
مع ميزة التحريك والقدرة على تقصير نظر الأعداء ( نسب التخفي بالألبسة وما شابه تقلل من مدى النظر للأعداء وهذا واضح في اللعبة ) فهذا لوحده كافي لجعل الرادار الخارق لكشف مدى النظر يرتاح قليلا مع أنني لم أحبذ هذا الشيء ولكن لا بأس ...

قد أكون مخطئا في أمور لأنني لم أنهي اللعبة إلى الآن والموضوع وضع لمن يريد النقاش ..



بداية وضعت الإختيار أنا أكره ميتل جير زفت 2
بعد ما تجننت من عدم ذكر ما سيحدث .. في هذا المنتدى وكتبت ردا غريبا وحذفه المراقب

سأذكر ما سيحدث وإذا كان هناك شيء فأرجو من المراقب أن يعدل ردي .. ولأنني لا أفهم ماذا تقصدون بـ سبولر ؟؟

كل ما سيظهر هو في العرض الأول يكون سنيك لابسا قناع يشبه رايدن ( ولكن ليست كخرنته ) بعد العرض يأتي إتصال مهم ( غصبا عنك ترد عليه ) يقول سنيك فيه يجب أن يغير الثعبان جلده ويأتي عرض يفصخ ملابسه بالغلط .. ويعيدون العرض مرة ثانية ويفصخ القناع

ترا أمزح يفصخ القناع مباشرة وزي منتو عارفين إستعراض لسنيك والكاميرا تجي من تحت وتدور حول سنيك وكأنه الكل في الكل

هذا كل شيء وتقدر تختار القناع بعدها وتلبسه أي وقت
( غريبة في عرض تفصيخ القناع أشوفه يرميه كيف جاه معاه مرة ثانية !! )

المهم .. بعد السخافات ذي كلها رجعت ألعب بالإختيار الفذ والخارق والخلاب ..

أنا أموت في شيء اسمه ميتل جير 1 ( تصدق ) <-------- الإختيار كان كذا بالضبط

بدأت أتعلم الحركات وأشوف الأسلحة والميزات ولاحظت أن حركة سنيك أصبحت سريعة نوعا ما وخاصة لمن تتشقلب بـ X + قدام ...

جلست أستكشف المنطقة وعرفت نظام التخفي الرائع ووجدت انه فلة !!
كذلك وجدت ان للتحرك ثلاث أنواع .. عادي - بطيء - بطيء ممل يجبلك الغرغرينا !!!
والأخير هذا ما تقدر تمشي فيه إلى بأزرار الأسهم ولو ضغطت بأقوى ما عندك تلاقيه يمشي على أقل من مهله .. قسم بالله جدتي أسرع !!

واللي فقع مرارتي أكثر أساليب القتال سي كيو سي إف اتش... ماني قادر أسوي حركة وحدة دخلت السبيشال وشفت العروض والحركات كلها ..ومني قادر أسوي شيء !!!

حتى أحيانا أجي ورا الجندي بالبطيء ( المستوى الثاني في السرعة ) ويكشفني بكل سهولة !!
( أعتقد لازم أمشي بأبطأ مستوى واللي يجيب شلل الأطفال المعدي ! )

بس صراحة القصة ما عليها كلام جدا رائعة وتحمست لها كثير وخاصة مع ذا بوس وهي قاعدة تفقع في سنيك ونازلة فيه تلطيش آخر حلاوة !!

المشكلة ان سنيك توه توه توووووووووووووووووووووه مفقع مجموعة مسلحين بينهم الخبل أوسلوت !!
اللي فرحان بالمسدس ويقعد يتلاعب فيه !!

( الحين معقولة هو هذا أوسولوت اللتي انقطعت يده في الجزء الأول ( شالاشاسكا ) ترا بقوة ماني مصدق ؟؟؟؟؟ )

وراح أقول لكم السالفة كيف ...

خرج سنيك ومعاه سوكولوف وقاعد يمشي بحذر و سوكولوف ( العالم ) قاعد يسوي حركات بيده !! خبل هو الثاني ..
المهم وتصوير العرض قاعد يبين من جهات وكأن سنيك مراقب !!
وفعلا ظهروا جنود حاصروا سنيك والعالم وسنيك زي الأبله !! من أول قاعد يتجسس ومش عارف ايه وماشي بأقل من مهله ويراقب بحذر ( اللي يشوفه يقول هذا محترف ) وووو وفي النهاية حاصروه ( الحاج هيدو يبغى كذا ) ..

بعدها ظهر أوسلوت وهو قاعد يتلاعب بالمسدس ويسوي حركات .. هنا يمكن التصوير قعد نص دقيقة وهو يصور حركات أوسيلوت اللي ذبحنا بيها ..

وطبعا كالعادة .. طاخ طيخ طوخ قتل كل الجنود .. وصرخ صرخة خكاريا ( بحسب معرفتي بالخكاريا ما عمري شفت أحد يصرخ صرخته أبدا يمكن رايدن شوي !!)

اجتمع جنود اوسلوت وحاصروا سنيك والعالم ... وسنيك مبلم ولا حركة !!

المهم مدري ايش صار وجلس سنيك يرقع ويخبط فيهم ويمسك جندي ويهدد الجندي الثاني عشان لا يطلق ( عاد هذي حركة أعجبتني الصراحة ) ..
ويمسك الأول ويقلب الثاني وينوم الثالث ويفقد وعي الرابع ( ما قتل أحد .. أعتقد ) ..
وبعد الحركات والقلبات ...
حكر أوسولت في زاوية ونزل فيه فرش بالخيزران .. حتى قال للعالم أخرج عشان لا يشوف المنظر !!

وقاعد يقوله : ( تدخن يا حيوان !! وشارد من المدرسة هااااااه !! أخبارك كلها عندي تحسبني ما أعرف !! )
وأوسلوت يرد : ( تكفى والله ... لا آآآآآآآآآ لالالاآآآآآآآآآآآلالا ...) وجالس يبكي مسكين وينفرش وكل ما يحاول يقول شيء جاته لسعة من هنا وفي ظهره حزني الصراحة ..


المهم .. بعد ما خلص الفرش أغمى عليه وبدأ التحكم في سنيك .. واذا بحثت في قائمة الأدوات بإمكانك اختيار الخيزران كسلاح !!! ( عاد هذه ركبة ) <----------- يعني العرض مو ركبة ؟؟؟

ركبة = كذبة ..

[Flanteus]

ومشى شوي ومعاه العالم ووصلوا الجسر عاد هنا بدأت الركب الصح !!!

جات الحرمة ذا بوس ( بعض الأعضاء يحسبون ذا بوس راجل ) وشايلة معاها صندوقين وهي على الجسر المتحرك ....

طيحت الأول وسنيك والعالم بغوا يسقطوا من الجسر وهي ثابتة ( قوية الحرمة الصراحة ) وطيحت الثاني ونفس الهز من العالم وسنيك ( سنيك إلى الآن ماسك المسدس والسكين ومستغرب : ايش جابها ذي ؟ )
بعدها جاء نحل كثير ( اعتقد انها دبابير مو نحل !! ) ونزل ذا فير أعتقد وخطف العالم من الجسر خلف سنيك من الطيارة اللي كان راكب فيها ذا بين واللي كان يتحكم بالنحل عشان ينزل ذا فير ويخطف العالم !!!!!!!!!!!!! ( عمركم شفتوا ركب زي هذي ؟؟ لا ما أعتقد ) ( أصلا أحد فهم شيء ؟؟ لا ما أعتقد ) ...

وجا بعدها فولجن الغبي الثاني بعد أوسولت خلف الحرمة ذا بوس ... وجلس يتكلم ويتكلم ويعبر عن فرحته بالأسلحة التي أحضرتها ذا بوس في الجسر !! ( نفسي أعرف ليش اختارت هذا المكان لتسليم الأسلحة !! ) ...

وسنيك ما زال على حاله ما اتحترك ( اتحترك = تحرك ) زي الأبله ..

طبعا هو مستغرب شاف الحرمة مع الأشرار وجا بيطلق عليها قالت له ما تقدر !! لأنك نذل !!!

فين المقاضي اللي قلت لك جيبها من البقالة ؟؟؟
هاااااااااااه ؟

سنيك يرد : ورقة المقاضي طاحت مني لمن قعدت أفرش أوسلوت !!

الحرمة : طيب فين الـ 500 ريال اللي أعطيتك إياها ؟؟ عسى ضيعتها كمان ؟؟؟

سنيك : ايه .............................. أنا آسف تكفين لا تفرشيني !!!

الحرمة : فولجن ... جيب لي الخيزرانة .. بسرعة !!!! ..

سنيك : والله ما أعيدها وااااء وااااااااااء ...

وهي تناظر فيه بحقد وتنتظر الخيزرانة لين يجيبها فولجن !!

( تقدر تضغط R1 وتشوف ذا فير وذا بين في الطيارة قاعدين يفطسون ضحك على سنيك !! )

وبعد نص ساعة تقريبا جات الخيزرانة .. ويد التحكم قاعدة ترتجف على اساس ان سنيك لمن شاف الخيزرانة قلبه دق بسرعة ...


وهاتك فرش في ركن الجسر ( دايما لمن أحد يفرش الثاني يحكره في ركن الغرفة بس ما أفتكر ان للجسور أركان !!! ) ..

وطاخ طيخ وتلسيع على كيف كيفك !! والشباب فوق نازلين ضحك من قلب ... وسنيك يعيااااااااااااط !!
لدرجة انه ذا بين طاح من الطيارة !! بعدين جابوه في نهاية العرض !!

المهم بعد الفرش المحترم وتكسير الضلوع وقفت الحرمة ذا بوس الفرش لأنها تعبت شوي ..

وجا فولجن بيكمل على سنيك ... راحت قالت له : دقيقة لا تقتله ... خلينا نعرف فين راحت الخومسمية ؟

قال طيب ...

بس وجلست تسأل سنيك ومش عارف ايه راح قلها أفتكر انها طاحت مني في الجسر .... ( طبعا بعد الفرش المحترم رجعت له الذاكرة شوي ) ....

راحت تعاطفت معاه ... و سنيك ما صدق !!!

مدت يدها له .. عشان تساعده ... وهو مد يده لها في مشهد رومنسي !!
والشباب فوق قاعدين يبكون في شدة التأثير !!

وعيون سنيك تتلأ لأ .. ( زي عيون الأنمي لمن واحد شوي ويدمع )

بس مسكته ....ورمي !!!!!!!!!!!!!!
على وين ؟؟؟

رمته برا الجسر وطاح على النهر تحت .. وهي تقوله : روح جيب الخومسمية زي ما ضيعتها يا &%$@ ... سخلة !! ( سبة بدوية وتعني تيس .. أعتقد ) ..

المهم وانتها العرض بإنسحاب الأشرار ومعاهم العالم طبعا ....

وظل سنيك أسفل النهر ينتظر مصيره !!
وقبل نهاية العرض بشوي تضع ذا الحرمة يدها على الجسر بعد إنسحاب الأشرار .. وتنظر للأسفل وتقول في نفسها ( انشاء الله يلاقي الخومسمية ؟؟ ) وهي صراحة ما حزنت على سنيك بل على الخومسمية اللي راحت !!

هذي تفاسير خاصة للعروض اللي شفتها وقاعد أقولها بتريقة لأنها صراحة أحس كأنها مكررة ( شوفتها في فيلم ما ) لكن الحركات والضربات أعجبتني وما انكر ان العروض في هذا الجزء مستواها متوسط + ممتاز .....مو خايس مثل الجزء الثاني مع الخكري رايدن !!!

تذكرون لمن هبطت الطيارة بقوة وكان راكب فيها سوليدس وتباريه بعد العرض ... فاكرين كيف ارتد رايدن في احدا الحواف .. وجايبين التصوير بطيء أثناء الإرتطام وفاتح فمه ياااااااااي .. اح عورتني !!

أم الخكرنة صورها الحاج هيدو ( هيدو كوجيما بس عشان اسمه مثل الحاج متولي ... ميتو ) لنا في الجزء الثاني .. لهذا السبب كرهته ... والصراحة أصلا مافي داعي أني اذكر هذا الشيء في هذا الموضوع بس شنسوي !!


جزء رائع وأعجبني ولكني لست متحمسا في تختيمه قاعد أختم على مهلي في طور فيري ايزي ..
وفي أشياء كثيرة ما عرفتها ولا شفتها لسا ....

أوه صح ... بخصوص البيتش إيفا ...
ما تخيلت أن الحريمة الهادئة والمحترمة اللي كانت مع الأشرار في الطيارة هي هذي البيتش ... كنت أحسبها سكرتيرة ولا حاجة وهي لابسة النظارات وتبعد وجها إذا نظر لها أحد !!!!

طلعت هذي !!!!! أنا مستغرب .. بس سمعت انها جاسوسة ومش عارف ايه ...

صراحة شفت لها عرض هي الثانية لمن مشيت بالدباب على وجه أوسولت والله حركة ..( يا أخي اوسولت مسخرة في هذا الجزء موية وجهه خلصت من كثر الفشايل )

بس ما دخلت مزاجي ان الحركة الفنانة هذه تسويها وحدة بيتش !!

بيتش = ساقطة معفنة ما تستحي بنت %&#%^ ...هذا للتوضيح فقط ( اذا كان هناك داعي لحذف الكلمة فلا بأس ) ( ولكن ما أعتقد ان اللي يلعب ميتل جير أطفال !!! )

فعلا .. وجدت في الكتيب في اللعبة توضيح للعبة المصغرة البحث عن القردة وكانوا واضعين ملاحظة للوالدين تقول :
اللعبة المصغرة هذه مخصصة لجميع الأعمار !!

يعني يا شباب لو كان عندكم أخوانكم الصغار يحبوا يجربوا اللعبة حطوا هذي اللعبة المصغرة وخليهم يلعبون ما راح يظهر شيء سيء أبدا انشاء الله ...




وااااااااااااه مدري ليش مواضيعي طويلة .... الله يعينكم على القراية والصراحة أنا ما فتحت الموضوع إلا للتنفيس وابداء الآراء ودردشة بسيطة حول اللعبة ..

ارجو أن يعجبكم ... الموضوع ....


وشكرا لكم على قرائته ولا تحاول انك تنزل آخر الموضوع وتحاول تشوف ايش نهايته .. اقراه كامل مثل الناس !!!! ( تحذير عالماشي )

تحذير 2 :
وهو لناس أعرفهم احتمال يكونوا قروا موضوعي هذا .... ( أنا ما زلت على حالي لم أتغير ) ...

تحذير 3 :
يمنع دخول الأطفال الأقل من 32 سنة !! وشكرا ...




سلام

[BIG-M]

خخ اسلوبك رائع ولكن عليك الحذر من بعض الكلمات

[yaser_xp]

وااااااااااااه مدري ليش مواضيعي طويلة .... الله يعينكم على القراية والصراحة أنا ما فتحت الموضوع إلا للتنفيس وابداء الآراء ودردشة بسيطة حول اللعبة ..

فعلا يا أخي مواضيعك طويلة ، انحولت عيوني من كثر القراءة

وشكرا لكم على قرائته ولا تحاول انك تنزل آخر الموضوع وتحاول تشوف ايش نهايته .. اقراه كامل مثل الناس !!!! ( تحذير عالماشي )

أنا قرأته كله و أخذ مني ربع ساعة . بس للأمانة العلمية ما قرأت الكلام اللي كتبته عن Eva خوفا من أن يكون spoiler

ولأنني لا أفهم ماذا تقصدون بـ سبولر ؟؟

spoiler تعني حرق للقصة، و بالنسبة للي ما لعب الMGS3 لسه و لا شاف العروض فان كلامك كله spoiler x spoiler (رغم انه العروض محرّفة )

و بالمناسبة، عليك ركب (جمع ركبة)
يا أخي عروضك أحلى من العروض الأصلية بـ100 مرة . و اللي قاعد جنبي في المعمل (و ما بيعرف شو "السالفة") مفتكرني مجنون لأني قاعد أضحك مع نفسي


بالنسبة لكلامك عن الكاميرا و الرادار، فأنا أوافقك عليه 100%
أما الCQC، فالظاهر انه لازمك تدريب

بعدها ظهر أوسلوت وهو قاعد يتلاعب بالمسدس ويسوي حركات .. هنا يمكن التصوير قعد نص دقيقة وهو يصور حركات أوسيلوت اللي ذبحنا بيها ..

وطبعا كالعادة .. طاخ طيخ طوخ قتل كل الجنود .. وصرخ صرخة خكاريا ( بحسب معرفتي بالخكاريا ما عمري شفت أحد يصرخ صرخته أبدا يمكن رايدن شوي !!)

هذه الصرخة هي صوت حيوان الOcelot، و اسمه بالعربي الفصيح: "اليغور" (مش متأكد من الاسم)، و هو يشبه الفهد أو الجاغوار

تذكرون لمن هبطت الطيارة بقوة وكان راكب فيها سوليدس وتباريه بعد العرض ... فاكرين كيف ارتد رايدن في احدا الحواف .. وجايبين التصوير بطيء أثناء الإرتطام وفاتح فمه ياااااااااي .. اح عورتني !!

أم الخكرنة صورها الحاج هيدو ( هيدو كوجيما بس عشان اسمه مثل الحاج متولي ... ميتو ) لنا في الجزء الثاني .. لهذا السبب كرهته ... والصراحة أصلا مافي داعي أني اذكر هذا الشيء في هذا الموضوع بس شنسوي !!

... لا تعليق... مؤقتا.

بعض الأعضاء يحسبون ذا بوس راجل

معقولة؟! و الله غريبة!


توقع تجيك ردود ساخنة، خصوصا انك ما تركت شخصية في اللعبة إلا و وصفتها بالغباء، أو بالبلاهة... الخ.

"طلع ال500 ريال الحين أحسنلك و إلا... الخيزرانة!"

[BIG-M]

هههههه الان خلصت من الجزء الثاني بالموضوع صراحة والله انك خطير نبي نشوف شنو صار بالخمسامئة ريال ارجو منك ان تكمل الموضوع

[Flanteus]

خخ اسلوبك رائع ولكن عليك الحذر من بعض الكلمات

وانا كل خوفي أدخل المنتدى يوم وألاقي الموضوع انحذف

على العموم انا ما قلت شيء الصراحة

يمكن وصفت الشخصيات بما تستحق

فعلا يا أخي مواضيعك طويلة ، انحولت عيوني من كثر القراءة

تقصد من صعوبة القراءة

أنا قرأته كله و أخذ مني ربع ساعة . بس للأمانة العلمية ما قرأت الكلام اللي كتبته عن Eva خوفا من أن يكون spoiler

كلامي عن ايفا لا تاخذه على محمل الجد ...وسبولر يجي عن أي شيء في اللعبة حتى عن العروض؟؟؟ ( أنا حاولت اني ما أجيب طاري القصة تماما ) ...

و بالمناسبة، عليك ركب (جمع ركبة)
يا أخي عروضك أحلى من العروض الأصلية بـ100 مرة . و اللي قاعد جنبي في المعمل (و ما بيعرف شو "السالفة") مفتكرني مجنون لأني قاعد أضحك مع نفسي


بالنسبة لكلامك عن الكاميرا و الرادار، فأنا أوافقك عليه 100%
أما الCQC، فالظاهر انه لازمك تدريب

[Flanteus]

أحرجتاني
وفعلا طريقة التصوير في هذا الجزء ممتازة ( بدون الرادار ) ولو كانت بالرادار كانت بيرفكت
أما السي بلس بلس متعبني الصراحة يعني ما حطوا نظام تدريب مثل الجزء الأول وخاصة ان هذا الجزء أحوج ما يكون لنظام تدريب نظرا للتغيرات الكثيرة التي حصلت في نظام اللعب !!!

هذه الصرخة هي صوت حيوان الOcelot، و اسمه بالعربي الفصيح: "اليغور" (مش متأكد من الاسم)، و هو يشبه الفهد أو الجاغوار

وليش يفتح فمه لمن يطلع الصوت .... بالع له واحد ولا ايش ...
المهم ما علينا أصلا انا ما اقتنعت بالصرخة الغريبة هذي

لكن ما جاوبتني ( حرق للقصة الرجاء عدم القراءة من الزوار والا اصبتم بحروق من الدرجة الخامسة !! ) <--------- كان قلت الكلام هذا من البداية

الحين أوسلوت هذا( راعي الجاغوار ) هو اللي قطع النينجا يده في الجزء الأول ؟؟

... لا تعليق... مؤقتا.

لا شكر على واجب ..

معقولة؟! و الله غريبة!


توقع تجيك ردود ساخنة، خصوصا انك ما تركت شخصية في اللعبة إلا و وصفتها بالغباء، أو بالبلاهة... الخ.

"طلع ال500 ريال الحين أحسنلك و إلا... الخيزرانة!"

والخكرنة لا تنسى

مشكور أخوي على ردك ولا تشيل هم

هههههه الان خلصت من الجزء الثاني بالموضوع صراحة والله انك خطير نبي نشوف شنو صار بالخمسامئة ريال ارجو منك ان تكمل الموضوع

... لو تلاحظ اني جبت الأسلوب هذا متوافق مع احداث القصة ( الأحداث الأكشنية ) بس من ناحية الأسباب فكله تخريف

إنشاء الله أكمل .... هذا إذا ما انحذف الموضوع أو طردوني

شكرا لك ...


سلام

[mohammed a]

موضوعك حلوو ومشكوووررر والمشكله اني كنت مكفرن مع الصباح وجيت وقريت موضوعك وهديت اعصابي شوي بس



مكفرن=معصب مررررررره مرررره

[KasiH]

اخوي صراحة انت داهية وموضوعك صراحة خلاني اطيح من الكرسي من كثرة الضحك اخوي ورى

ماتسوي فيلم انيميشن كوميدي وتخرجه انت بعد . بس صراحة عليك حش بن كلب ومابقيت شيء في

سنيك ولا ذا بوس والخمسمية اذن انه راح يعطيها لفولجين بعدين قبل ما يلطشه خخخخخخخخخخخخخ

موضوعك جميل بس غريبة ما انحذف بسبب كلمة (بيتش) امكن لانه المراقب لسة ما قراه والله يعينك

وياليت تختمه وتكمله علشان نبغى نقرا بقيت الركب ومشكور اخوي ...

[Maldini]

METAL GEAR 1 . 2 . 3

اقوى و افضل و اروع لعبة تجسسية في العالم و انا اغضب اذا احد انتقده باي شيئ

[Kingdom Hearts]

لوووووووووووووووووووووووووووووووووووول.
يا اخي منتب صاحي فيك رجه زايده.
(منتب)=لست.

اما سالفة الخمسميه شكل سالفتها سالفه.
رح كمل اللعبه وتعال سوي ريميك في المنتدى.

METAL GEAR 1 . 2 . 3

اقوى و افضل و اروع لعبة تجسسية في العالم و انا اغضب اذا احد انتقده باي شيئ

يا اخي هذي ثاني مره تكتب ذا الكلام و المشكله ماله دخل في الموضوع.

[xv5555]

حلوه منك اخوي Flanteus وكمل ترى حلو
ان كانه ما انحذف :smashfrea

[عاشق ميترويد]

هاهاهاهاهاهاهاهاها


والله اني فطست ضحك من هالموضوع

ياخوي والله انك منسم

كذا المواضيع والا بلاش....بس لا تنسى تكمل (ابي اشوف الخمسمية وش صار عليها)

وارجو من الاخ (البائس الفقير) عدم التعصب لان هالموضوع تنكيت و حش مهب مثل ما تعتقد-والا لا؟-


وشكرا للاخ(Flanteus) على الموضوع الرهييييييييييييييييييييب

[Flanteus]

موضوعك حلوو ومشكوووررر والمشكله اني كنت مكفرن مع الصباح وجيت وقريت موضوعك وهديت اعصابي شوي بس



مكفرن=معصب مررررررره مرررره

كويس انه هدى أعصابك

خفت تنزل ( فيا ) فرش إذا الموضوع ما عجبك

فيا = عليّ <---------------- أقول ترا طلعت موضة ( الترجمة هذي )

مشكور أخوي

اخوي صراحة انت داهية وموضوعك صراحة خلاني اطيح من الكرسي من كثرة الضحك اخوي ورى

ماتسوي فيلم انيميشن كوميدي وتخرجه انت بعد . بس صراحة عليك حش بن كلب ومابقيت شيء في

سنيك ولا ذا بوس والخمسمية اذن انه راح يعطيها لفولجين بعدين قبل ما يلطشه خخخخخخخخخخخخخ

موضوعك جميل بس غريبة ما انحذف بسبب كلمة (بيتش) امكن لانه المراقب لسة ما قراه والله يعينك

وياليت تختمه وتكمله علشان نبغى نقرا بقيت الركب ومشكور اخوي ...

عسى تعورت لمن طحت من الكرسي .... <-------- مصدق الأخ !!!

هع .. قلت لهم خلوني مخرج كوميدي رفضوا بعد ما بكيتهم ... من الضحك
لدرجة واحد جاته هلوسة وودوه مستشفى المجانين !!!

ودوه = روحوه = شالوه = مهي راضية تركب الكلمة
خلاص افهم عاد لا تغثنا


ولا تخاف راح أكمل الموضوع بس خليني أكمل اللعبة ..
وما أعتقد انه فيه مراقب ما شاف الموضوع أكثر من 140 قراءة !!!!

...

العفو ومشكور على ردك

[DREEMOO]

..

ياشين من سوا دمه خفيف وهو من جنبها ..

وترا ايفا ماجت طلبتك رايك فيها + تراك في منتدى محترم جاي تكتب لي كلمة بيتش ومدري وش ..

..