المتطلبات الاسطورية الى (( Infinite Ammo)) ..

[VEETO]

اوكو شباب خل نشوف المحترفين اللي عندنا ...
من منكم حصل على IFP = Infinite Face Paint ...
وهذي رسمة للوجه تعطيك عدد لا نهائي من الرصاص لكل الاسلحة

طبعا اولا الكل بيتسائل هل هي موجودة او لا
وما هي المتطلبات لها (( طبعا المتطلبات اسطورية هالمرة )) ...
مو مثل الدوج تاج

اولا المطلوب انك تحصل رتبة Doberman وعلشان تحصل هذي الرتبة المطلوب منك الآتي :
- تنهي اللعبة في اقل من 5 ساعات (( بس مو واجد ))
- 25 سيف او اقل (( سيف = حفظ اللعبة ))
- 0 مرات من الاليرتس (( يعني لا تخلي الجنود يتصلون للباك اب ))
- 0 مرات من الكونتينيو (( يعني لما تموت لا تكمل اللعبة عيد وسوو لوووود ))
- 0 مرات من القتل (( اسهل شي لا تقتل احد , وهذا يتضمن الجنود والزعماء ))
- 0 مرات من الاشياء المميزة (( يعني لا تستخدم لباس التخفي (( اللي يعطيك دوم 100 % )) ..
وهذا ما يعني انك ما تستخدم سوالف الكوموفلاج تبع الزعماء عادي تستخدمهم كامل

يالله شباب من فيكم حصل على هذا الوجه بانتظار المحترفين ؟؟

[msm]

- تنهي اللعبة في اقل من 5 ساعات (( بس مو واجد ))
- 25 سيف او اقل (( سيف = حفظ اللعبة ))
- 0 مرات من الكونتينيو (( يعني لما تموت لا تكمل اللعبة عيد وسوو لوووود ))
- 0 مرات من الاشياء المميزة (( يعني لا تستخدم لباس التخفي (( اللي يعطيك دوم 100 % )) ..

هذي مقدور عليها ..

- 0 مرات من الاليرتس (( يعني لا تخلي الجنود يتصلون للباك اب ))

صعبة >< .. خصوصاً في بعض المواقف (لما تهرب من السجن وفي آخر اللعبة لما تهرب مع ايفا) .. هذا أصعب متطلب في نظري .. ومع الخمس ساعات فقط بيكون شبه مستحيل ..

- 0 مرات من القتل (( اسهل شي لا تقتل احد , وهذا يتضمن الجنود والزعماء ))

مع الزعماء سهلة (وأصعب معركة بتكون مع the fear لأنه يملأ طاقته باستمرار) .. لكن مع الجنود بتكون صعبة خصوصاً مع المطاردات في آخر اللعبة ..

[RE4]

السلام عليكم

شكرا فيتو عالموضوع والمعلومات ..

كل شي مقدور عليه .. الا الـ تنبيه ( اليرت ) .. صعب جدا ...

الف شكر عالتوضيح

.... بحاول

سلام

[Hwoarang]

بأي مستوى صعوبة ؟

أعتقد أن رتبة Doberman تحل محل رتبة الـBIG BOSS بالجزئين اللي مضوا
أنا قدرت أحصل على لقب البيج بوس بالجزء الثاني وأتوقع أني بقدر أحصل على أعلى رتبة بهذا الجزء أيضا

التسييفات راح تساعد جدا هنا
الجزء الثاني بامكانك تخزن ثمان مرات للحصول على أعلى رتبة لكني أذكر أني خزنت 7 مرات فقط
فكيف مع 25مرة

فقط أعطوني مهلة كذا سنة

[كايتو]

اذا رح تمشي على مستوى الفيري ايزي وقتها الموضوع يستحق المحاولة

لكن البياخة كلها انك بعد كل هالتعب تختمها بخمس ساعات ودقيقتين او شوي

هممم مدري بصراحة الواحد رح يتعب كثير وبالاخير رح تكون النتيجة مجرد ذخيرة لا نهائية..تستمتع فيها شوي و السلام

[Austin 3:16]

يارجل عندي طريقة اسهل ... بس جيب الجيم شارك وحط ذخيرة لاتنتهي وخلاص بدل التعب كله ...لاني اذا سويت المتطلبات وش استفيد لاني بعدها اعرف اني وصلت اعلى رتبة واعلى شي .. فليش اتعب نفسي والعبها مرة ثانية ؟؟

[محترف بلاي ستيشن]

حاشى لله لقد اقترفنا اثما عظيما


وش ذا بالله ذي متطلبات

[VEETO]

هايو شباب ...
اول شي توقعت ان واحد من الاعضاء محترف وحصلها بس للاسف طلعنا .....
للحين ما وصلنا للاحتراف انا الحين اجمع الضفادع لما اخلصهم بتفرغ لهالموضوع ...

هايو مراقبنا msm ..

صعبة >< .. خصوصاً في بعض المواقف (لما تهرب من السجن وفي آخر اللعبة لما تهرب مع ايفا) .. هذا أصعب متطلب في نظري .. ومع الخمس ساعات فقط بيكون شبه مستحيل ..

لا تبي تحصل على الجائزة بسهولة يعني لازم يكون الامر شبه مستحيل ..

مع الزعماء سهلة (وأصعب معركة بتكون مع the fear لأنه يملأ طاقته باستمرار) .. لكن مع الجنود بتكون صعبة خصوصاً مع المطاردات في آخر اللعبة ..

تصدق قرات الحل الكامل علشان تحصل على هالايتم .. يقول صاحب المقالة ان اسهل زعيم ذا فيير ...
وكاتب هو ان الكل يشتكي من صعوبته لكنه شافه اسهل واحد فيهم !!
المطلوب انك توقف مكانك من بعد العرض وتظل في هالمكان وتصوب عليه فقط !
واذا بينزل للاكل اطلق عليه وبيرجع <<< === مسونها سهلة ...
انا لما واجهته علشان ثيابه عانيت واياه بجرب هالطريقة وبخبركم النتائج !

اما المطاردات سهلة البس ثياب الكولونيل ومحد بيطلق عليك !
اللي انا مستصعبنه فقط لما تكون مع ايفا بالنهاية وهذي اللي مو قادر استوعب شلون بعدي هالمنطقة !
من دون ما احد يشوفني او اقتل احد !!

هايو حبيبي RE4
اكيد اصعب شي الاليرت تبون الشي بسهولة ما يصير

Hwoarang
اعتقد ان مستوى الصعوبة لازم يكون نورمال او اكثر ما ادري بصراحة ...

كايتو
والله انا واياك عقب هالتعب بتحصل الا على ذخيرة ما تنتهي !!
بس على سالفة الوقت قرات الحل الكامل لهالمهمة ويقول صاحبها انه خلص اللعبة في 3 ساعات وربع !!
يعني الموضوع يستحق التجربة قول القهر لما تخلص تالي يقولون لك انك قتلت واحد :vereymad:

Austin 3:16
والله فكرة حلوة بس المشكلة ان انا ما استخدم الجيم شارك
ثانيا بتحس بالعظمة انك انهيت اللعبة كاملة

محترف بلاي ستيش
احلى رد صدق ارتكبنا اثم عظيما
والمتطلبات لو فكرت فيها حدها سهلة
الله يعينا !!

[PaPEr Cut]

- تنهي اللعبة في اقل من 5 ساعات (( بس مو واجد ))

أقل من 8 ساعات صعبة أجل كيف 5 !! .. أنا ختمتها في 13 ساعة بالنورمـال ..

- 25 سيف او اقل (( سيف = حفظ اللعبة ))

بسيطـــة !..

- 0 مرات من الاليرتس (( يعني لا تخلي الجنود يتصلون للباك اب ))

هذي الي حطمتني والله لو تديني ملايين مااسويهــا !! .. المشكلة يبغوا الوقت في اقل من 5ساعات وبدون أليرت يعني لازم تكون حافظ مكان الجنود واحد واحد عشان تهجم بدون ماتضيع اي ثانية ... نوووو وااااي

- 0 مرات من الكونتينيو (( يعني لما تموت لا تكمل اللعبة عيد وسوو لوووود ))

هذي سهلة بس كيف أسوي من سورو !!

0مرات من القتل (( اسهل شي لا تقتل احد , وهذا يتضمن الجنود والزعماء ))

مافمـــت والله ؟؟

- 0 مرات من الاشياء المميزة (( يعني لا تستخدم لباس التخفي (( اللي يعطيك دوم 100 % )) ..

إن شـاء الله مرة ثانية ..



-=-=-=-=-=-=-=-=-=-=-=-=-==-=-=-=-=-=-=-=-=-=-=
شكــراً فيتتو عالمعلومات الأسطورية .. وكل واحد ينتبه لدراسته الي ناشبة في حلقي الين ماربي يسهلها وتجي الإجازة على خير

باي.

[Soliden]

مرحبا..

باقي لي 4 ضفادع و آخذ جهاز التخفي ^_^.. و للأسف راح تكون آخر تختيمه.. لكن بعد قرائة موضوعك المثير وجدت تحدي آخر ^_^.. و سأنفذ هذه الطريقة ابتدائا من اليوم.. لكن الصراحة كوجيما فتح عقله شوية.. في الأجزاء السابقة الحصول على الأدوات المتميزة كانت سهلة.. أما الآن اصبح بها تحدي

و شكرا

[VEETO]

PaPEr Cut

مافمـــت والله ؟؟

معناها يا اخوي انك ما تقتل احد لا جنود ولا زعماء ..

هذي سهلة بس كيف أسوي من سورو !!

مع سورو ما تعتبر كونتينيو لانك اصلا ما استخدمتها
تستخدم حبة الاحياء قبل ما تموت عن حساب

soliden
ما شاء الله عليك باقي 4 ضفادع بس ..
انا توني ابدي من جديد بحصل على الضفادع كملت 12 بس
ولما آخذهم كامل بتفرغ لهالتحدي الجديد !

[فلفول]

هاي

والله التحدي قوي

وبعدين هذي ميزة اللعبه التحديات الي فيها

صحيح ان المتطلبات صعبه ويمكن تكون اقرب للمستحيله

اما عن الجنود الي في النهايه فمو لازم تقتلهم صوب على دراجاتهم بس

لكن انا الي مستغرب منه هو كيف انتو مستسهلين قتل the end بالمسدس المخدر ؟؟؟؟؟؟


وشكرا

[N.one]

ينهر ابوك اسويد

هههههههههههههههه

كلها سهله ماعدا انهم ما يسوي باك اب

والخمس ساعات هذي يمكن مقدوره

تصدقون يمكن سو 30 باك اب لي

[Soliden]

أتعلمون.. التحدي هذا سيجعلكم تعرفون حقا معنى التجسس.. أمس بدأت في هذه الطريقة و لكن طريقة لعبي تختلف كليا عن الطريقة السابقة.. لا مخاطرات.. و لا ركض مثل الأحمق.. ستقطع 99.9% من الغابة زحفا شئت أم أبيت.. و بالنسبة للمنطقة التي يأتي فيها القوات الروسية الخاصة مع أوسلت بحثا عن سنيك و يجب عليك التخلص منهم كلهم.. الثمانية أجمعين.. أتوقع ان معظمكم راح يعيد و يعيد و يعيد و... إلخ حتى يحفظ تحركات الجنود.. لكن بعد أن تفقد جميع جنود المنطقة وعيهم و تتحرك بحرية.. تشعر بمتعة لا مثيل لها.
وصلت في المنطقة التي تقول فيها ذا بوس: ذا بين قد مات.. و في 56 دقيقة.. آمل ان انهيها في الوقت المطلوب ^_^..

[PaPEr Cut]

soliden : المشكلــة أن هالجزء مايحتـوي على رادر يكشف لك مكان الجنـود كما تعودنا في سونــز أوف ليبرتي .. وفوق هـذا بين الغابـات حتى أحياناً مـاألاحظ العـدو .. وإلا بالصدفة الاقيه طلب الباك أب !!

بس بإي مستوى تلعــب ؟؟