لعبت Hexic HD ؟ حط سكورك !

[rubso]

طبعاً بعد ما خلصت لعب CoD 2 قلت ليش ما اروح العب Hexic شوي يمكن لعبة وناسة ومحترمة
شغلتها وقعدت العب مو قادر اهد اليدة قاعد العب طول الوقت .. وفهمت اللعبة تمام
صرت الثالث على قائمة الـ Friends List
الأول HMD707
انا الثالث
تقريباً 12 ألف نقطة او 13 ألف
خبرنا عنك انت كم نقطة حصلت وانطباعاتك عن اللعبة
وممكن تعلمنا شلون نحصل على الـ Achievments الباقي؟

[rubso]

وين اللعيبة ؟؟!!! توقعت تتفاعلون مع الموضوع

[khalid_dew]

انا لعبت اللعبة ووجدتها صعبة جدا ولكن مميزة كلعبة من نوعها.....

[Winter_wolf]

وممكن تعلمنا شلون نحصل على الـ Achievments الباقي؟

Well, صاحبي جرب لعبة آركيد ثانية وهي جيوموتري وورز " الديمو " وماقدر يحصل الـAchievments الا اذا اشترى اللعبة الكاملة, اذا كان عندك الديمو فأنسى الوضع D=

جربت جيوموتري؟

It's really good

[rubso]

Hexic HD تكون جاهزة مع كل جهاز بريميوم بوجود القرص الصلب طبعاً ( الهاردديسك )
لكن العاب اركيد ثانية للحين ما جربتها لكن ناوي انزلها بعد ما افصفص Hexic HD

[K O T S H Y]

Hexic HD تكون جاهزة مع كل جهاز بريميوم بوجود القرص الصلب طبعاً ( الهاردديسك )
لكن العاب اركيد ثانية للحين ما جربتها لكن ناوي انزلها بعد ما افصفص Hexic HD

نصيحة جرب ماربل وجيوميتري

بس يبغالك 1600 بوينت عشان تشتريهم الوحدة ب800
ال500 بوينت ب 6.2 $

[rubso]

لول .. ان شاء الله قريب اشتري العاب الاركيد اللي باللايف كلها .. بس اخلص Hexic

[HMD707]

هلا و الله ربسو

آسف عالتأخير لكن سامحني بكرة إختبارين عندي
مشكور على المدح ((إحم إحم شايف نفسه))

و الله اللعبة يبيلها خبرة و دقة ملاحظة هذا على حسب معرفتي للعبة و الصراحة كل يوم ألعبها و أشغل
أغاني أعدل مزااجي

بعلمك كم حركة علشان تحصل سكور زيادة

1- في المرحلة الأولى و الثانية طبيعي إنك ما تحصل سكور وايد بس حاول تسوي كومبو أو إنك تسوي حركة الوردة ((تسوي شكل سداسي بلون واحد و يعطيك 1000 أعتقد مع achivment))

2- في المرحلة الثالثة أحسن حركة إنك تلصق 3 نجوم مع بعض مثلا إنت بالمرحلة الثالثة يعطيك 300 و إذا بالرابعة يعطيك 400 و إذا بالخامسة 500 و هكذا...

3- حاسب من القنبلة و لا تتسرع بتحريك الأجزاء إذا صادفتك قنبلة ولا راح يتعفن راسك

4- حركة حلوة بالقنبلة ((حاول تلصق القنبلة مع نجمة يعني نجمة و قنبلة و لون أو نجمتين لأن هالحركة لو سويتها راح يمسح كل القطع إلي بنفس لون القنبلة

و إذا تبي المزيد راح أعلمك إنشاء الله لكن إعذرني لأن عندي إختبارات

و نسيت أقول شي تبي achivement خلص الsurvival mode مو مشكلة السكور بس خلصة و تحصل

C....YA

[rubso]

فنان يا HMD707 شوف السكور بورد عندك تلقاني تحتك على طول
بس بالسيرفايفل توني خلصت 50 لفل منه واخذت 15 نقطة بالـ Achievment
بس فعلاً حركات القنبلة فنانة، وانا مسيطر عليها تمام واتخلص منها بسهولة لكن المشكلة ماعرفت اعمل حركات الوردة و البلاك بيرل وهالسوالف لاني لو سويتها راح احصل على 200 نقطة من اللعبة انهيها تماماً

[HMD707]

فنان ما شاء الله

الblack pearl ولا مرة سويتهاالحركة كنت قريب حدي لكن الله يغربل القنبلة اللعينة :@

أمس سويت 6 ورود لصقت 3 جان تجيني قنبلة يلا ماشي اليوم بلعب كم جيم بحاول أحطم السكور

[rubso]

لول، القنبلة داشة غلط .. بس انا مثل ما قلت اعرف اتخلص منها
على فكرة فيه achievment تجمع 150 ألف نقطة في الماراثون يعني تقعد اليوم كله وانت تلعب

[HMD707]

و فيه 75 ألف نقطة في التايم أتاك

أنا خبير بالقنابل لكن مشكلة هالقنبلة جاتني بمحل باليسار و النص و ما كان موجود ولا لون أخضر ذاك الصوب :P

صج لعينة

[rubso]

توقعتك ترد وتحل لنا مشكلة البلاك بيرل اخخخخخ احس اني بنفجر من البلاك بيرل

[K O T S H Y]

انا عندي يا شباب بالفريند ليست واحد ما شاء الله عليه جايب سكور اعلى من حمد بشوي وبعده يجي حمد وبعده روبسو
اما انا سكوري طايح

[rubso]

كم سكوره ما شاء الله !؟