انهيت MPO + انطباعي النهائي + جميع العروض والصوتيات

[Snake-87]

اوواتاااه!

(انتهى)

أي مشكلة باللعبة .. أنا حاضر ^^"
أتشرف بأني أول واحد بالمنتدى أكتب إني خلصته
--------------

اللعبة جدا حلوة .. ولكن .. افتقدت المحادثات الصوتية والعروض الطويلة
انهيت اللعبة بـ15 س (على الراحة قاعد العب - اطفش الجنود واجرب اسلحة)
المرة الياية اسرع اكيد
انهيته بنورمل والحين طلعلي اكستريم ..
عدد الجنود 48 (ما أدري على شنو)
عدد الجنود الميتين 5
(الله يرحمكم يا جوست و ليزارد و سيلود و اثنين ما اذكر اساميهم )
عطوني لقب العقرب

EVِA وباراميدك والبقية ما طلعولي أبد .. اللهم سيجنت وباراميدك بالتلفون كلمتهم مرة.. يطلعون بالمهام الثانوية .. يعني مع المهام الثانوية يمكن يزيد 5 ساعات تقريبا ,, وايضا الأسلحة ,, فريق التجسس يبلغك بمعلومات عم مكان السلاح بالمكان الفلاني انت تروح تاخذه (مهمات جانبية)

السنايبر وغيره ما أخذتهم (مهام جاتبية).. بس فيه سلاح جديد حبيته هو الدرع .. وايد مفيد عرفت الجنود شلون يستخدمونه سابقا ما تنصاد إلا من ريولك ... (اقعد) وله (لـمت معين) وينكسر

وايضا سلاح جديد وهو : بطة تمشي تلفت الأنظار XD


ولكن سالفة العلم الأبيض وهالكلام الظاهر بالأون لاين لأنه ما طلعي أبد



يوجد ايضا اماكن سرية فيها اسلحة او ادوات والاماكن مثلا عبارة عن باب ما يفتح إلا لما تحضر جندي من عتراه حق الباب علشان يفتح لك .
ايضا يوجد ابواب لها طرق سرية مثل كودات ارقام وتجدها في اماكن معينة (استجوب الجنود)


طبعا مع كل نهاية جزء من ميتل جير وبعد ما يطلع الـCAST فيه محادثة فيها مفجأة
الجزء الأول كان : اوسلوت مع سوليدوس
الجزء الثاني : سنيك وأوتوكان
الجزء الثالث : اوسلوت
جزء آسيد الأول فيه الثاني ما أذكر
اما MPO : ما أبي أخرب عليكم

اووسلووت

بحط مقاطع عجبوني باللعبة طبعا سبولر (حرق)
إذا تبي تشوف إضغط

إلي يبي يشوف يضغط الزر (حرق)]

أكثر مقطع عجبني حيييل لما ايليسا قبل لا تموت يطلع لحن
وتقرأ المستقبل وتكلم سنيك :
سنيك .. اوه .سنيك (تقصد تشوف سولد سنيك بعد كلمة (اوه) )
كل شي واضح الآن ...انت راح تدمر ميتل جير بعدين راح تنشئ ميتل جير بدل عنه .. ابنائك ..ليزنفوتيغيبل (مشروع الاستنساخ) .. .. ابنك راح يحدث الدمار بالعالم .. ابنك .. راح ينقذ .. العالم
(تقصد ليكويد وسولد سنيك) .
المقطع كان وايد حلو لما حطو صور ليكويد وميتل جير ريكس وسولد وسوليدوس .. مشهد مؤثر جدا ^^" .

مشهد آخر لما الجنود يقتلون بعض بعد ما سمعو صوت (جين) وسنيك يمسك جثة أحد جنوده ويصرخ .. مشهد كان قمة صراحة .

وأيضا لما الجنود بالنهاية يرمون ميتل جير برشاش .. ويقول لهم سنيك روحو راح تموتون .. يردون عليه : انت ضحيت بحياتك علشان بلدنا .. الدور علينا الحين يا بيج بوس .

وفيه لقطات وايد حلوة بعد ^^"

بس أرجع وأقول .. يبقى السكربت مال كوجيما الأقوى .. نفتقد لمسات كوجيمية مكجمة

الرؤساء (حرق)

الرؤساء (حرق)]

الرؤساء أبرك من رؤساء الجزء3 ^^"
وعموما كانو سهلين جدا
- بايثون : يمكن أصعب واحد فيهم .. طريقته حلوة بأنه إذا لمسك يتجمد سلاحك وتروح لصق بمكان حار علشان يذوب الثلج .
- Null سهل جدا ابعد عنه قدر المستطاع وارميه من بعيد (المرة الأولى والثانية)

- ميتل جير : يبيله وقت وتتعلم كيف تقتله .. طريقتين .. اما TNT على رجله (صعبة شوي) او ترميه بالرشاش على رجله إلى ان (يحبي) ولما يفتح الصواريخ ويبين اللب الأحمر الداخلي ارميه بصاروخ او رشاش إلى أن يموت .. واحذر من الصواريخ البطيئة جدا الموجهة .وايضا الرشاش تكون بخير (خلك ورى جدار وتنتهي السالفة والصورايخ فجرهم قبل لا يوصلونك ^^")

-كونجهام : لازم تصوب على آلته الطائرة إلى أن تنخفض به .. بعدين تولاه بالرشاش او الصواريخ .. واحذر من القنابل (استخدم الدرع ضد الرصاص مفيد جدا) وتقدر تتعلق بالحافة لتتجنب الليزر .

- (جين) على الرغم من انه الرئيس الأخير إلى انه اسهل رئيس فيهم .. بداية .. سوف يستخدم صوته وسوف تجد انه الـration ينقص بقوة .. ببساطة جهز Stun (قنبلة ضوئية) وإلقيها عليه علشان يوقف المحاضرة الفاضية .. جهز الشوزن .. امش على جنب علشان تبتعد عن سكاكينه ,, وانتظره لما يحاول ينطحك .. وخر عنه وارجع له راح تلقاه تعبان .. اقترب منه جدا وارميه بالشوزن (ينقص اكثر كلما اقتربت ) . وبس

تعليق على اللعبة بشكل عام ..
---------------------
القصة : للأسف ..قصيرة جدا وتوقعتها أكثر من الموجود ..ولكن هناك عناصر غامضة بعد .. احتمال جزء ثاني على الـPSP .
القصة جيدة صراحة ولكنها مو مثل الأجزاء القدم.
8/10



التحكم : 10/10


الكاميرا : بالبداية سوف تكره الكاميرا ><" ولكن مع الوقت سوف تتعود عليها وكيف تجعلها امامك دائما (استخدم دائما L) .
المهم الكاميرا بالنسبة لجهاز محمول : 7.9/10

الرسوم : 9.5/10


المؤثرات الصوتية : لا تلعب بدون سماعات 10/10
تسمع صوت الجنود عن يمينك ويسارك على حسب الكاميرا .. تشعر فيهم من السماعات .
العروض والأداء الصوتي : 9.6 / 10

عمر اللعبة: سوف تجمع العديد من الجنود.. سوف توظف الكثير منهم بجهات مختلفة (وحدة التجسس - التسلل- الطبية - التقنية-إلخ)
سوف تجمع لاعبين من أكثر من مكان .. ولا ننسى طور الأون لاين والشخصيات السرية الكثيرة والأسلحة الكثيرة السرية ..وجهاز الاختفاء المشهور يجعل اللعبة في جيبك دائما .
9.5/10


التقييم العام
راح انزل اللعبة بالنسبة لي من 10/10 إلى 9.5/10
ولم اجرب الأون لاين بعد ^^"
بس اللعبة فعلا ما تتطوف ..
----------------------------------------------------
القصة لم توضح متى بيج بوس قرر إنشاء الآوتر هيفن (جزء جديد بالتأكيد) ولم يتكلمون عن مشروع الـ(ليسنفوتيغيبل) الي منه طلع سنيك وليكويد .

لم يتكلمون عن سنايبر وولف .
لم يتكلمون عن جري فوكس بالضبط .
لم يتكلمون عن نيومي ><" ----> (وإلا أنا مضيع؟)
------------------------------------------------------
المقاطع الصوتية من اللعبة

جميع العروض
(العروض من youtube.com إلي عنده بلوك لا يدخل )

وما أقول إلا .. Calling to the Niiiiiiiiight
كلمات اللحن المشهور بالتريلر
اضغط

[Calling to the night]

]

----
Through the night
To the day
When everything is gone
Carry the soul away
From the dryness

In the sun we see
Fighting over lives
All our dreams and wishes
We send home for safekeeping
Fighting for what's riiiiight

Calling to the night
To dream
regain in the light
Waiting for a storm to rise
Feel the isolation fleeting

Calling to the night
To be
or not to be fighting here
Leaving without you
Leaving my soul behind
Calling to the night

For loves of cornered crown
Fade with time

Calling to the night
For us
For every single life
All the ashes of men remain
As a perfect memory
Calling to the night

But the heart will remain
As a silhouette of time
Hear the ringing echos
In this splitting horizon
Calling to the night
----

Soon , MPO Name: [MGF]Snake? in Online Mode

[MGF] يعني منتدى ميتل جير !

أقترح انه الموضوع يكون مفتوح للسبولر



أي سؤال أنا حاضر
والسلام عليكم ورحمة الله وبركاته

[Austin 3:16]

أقترح انه الموضوع يكون مفتوح للسبولر

أجل هذا أول وآخر رد وقراءة للموضوع .. حتى أنهي اللعبة .. التي لم أشترها حتى الآن ..



تقييمك عن القصة أحبطني ...كنت اتمنى أنها تكون أقوى .. لكن اعتقد ان هايدو وضعها بشكل سريع ..وعلى قولة دايفيد هايتر ..اللعبة والقصة بخطوات قصيرة سريعة ..



شكرا لك ..

[Snake-87]

أجل هذا أول وآخر رد وقراءة للموضوع .. حتى أنهي اللعبة .. التي لم أشترها حتى الآن ..

ليــــــــش ! ؟

تقييمك عن القصة أحبطني ...كنت اتمنى أنها تكون أقوى

انا توقعتها أقوى .. القصة جيدة ولكن ليست كما توقعت .. مافيها غموض مثل باقي الأجزاء .. حتى AC!D فيه غموض وايد حلو .

لكن اعتقد ان هايدو وضعها بشكل سريع

القصة مو هيدو مسويها .. القصة الأصلية فقط منسوبة إلى هيدو .. اما القصة فهي من .. شوف الصور

شكرا لك ..

شرفتني ^^

[Kingdom Fantasy]

اليوم جلست مع الوالد جلسه عائليه..
قلت له بالله عليك أقرضني دراهمـاً..
قال لماذا؟!..قلت أريد أن أقتني الـpsp..
قال ماهذه الخوزاعبلات..قلت مجرد جهاز
يدوي..قال أربما انه يؤثر على عيناك أكثر
من البلاي ستيشن 2..قلت لا أريده أن
يمتعني في السفر فقط لاغير..قال
أعطني مهله تفكير..ان شاء يوم الربوع
تحديد المصير..!
شكراً..حبيب البي..^^..

[Snake-87]

قلت له بالله عليك أقرضني دراهمـاً..

لوووووووووووووووووووووووول
هذا مثال عن الآثار التي يترتب عليها نزول ميتل جير بالاسواق XD

تحديد المصير..!
شكراً..حبيب البي..^^..

إن شاء الله يوافق .. العفو ^^

[الخيال]

ولكن سالفة العلم الأبيض وهالكلام الظاهر بالأون لاين لأنه ما طلعي أبد

اظغط SELECT تطلع لك القائمه .

بالنسبة للأون لاين فكانت لي تجربه مع Soliden ، بالفعل متعه لا توصف
وعلى البركه Snake-87 تختيم اللعبه ^^

[Snake-87]

اظغط SELECT تطلع لك القائمه .

بالنسبة للأون لاين فكانت لي تجربه مع Soliden ، بالفعل متعه لا توصف
وعلى البركه Snake-87 تختيم اللعبه ^^

سيلكت حق الكوديك .. ^^"
والميلتي حاولت اجربه .. اسوي رووم (محلي) اول ما يفتح الروم يطلعلي ايرور ويسكر T_T ما أدري لبش .
الله يبارك فيك ..

[الخيال]

انا اقصد اظغط SELECT في وضع الأون لاين خيو

اسوي رووم (محلي) اول ما يفتح الروم يطلعلي ايرور ويسكر T_T ما أدري لبش

ادخل على الدعم الفني أكيد بتحصل فيه مشاكل من هذا النوع

[HUMAED]

مبروك..

اللعبة جدا حلوة .. ولكن .. افتقدت المحادثات الصوتية والعروض الطويلة

ربيعي عنده اللعبة ..يقوللي هذا العيب الي في اللعبة
بس مهما كان هذه ميتــال جيــــــر كفاية اسمها

[SALM0RE]

مبـــــروك Snake ^^

الصراحة العبة معقدة جدا و صعبة من ناحية تجنيد الجنود و التصنيفهم في الـ Mai menu . . . واحتاج وقت طويل علشان اتعود عليها .

[son of liberty]

الف الف مبروووك
المشكلة ما أقدر العبها إلا يوم 24 الشهر لأني طلبتها من النت"عشان الـCover "
------
بخصوص اللعبة , ما قرأت السبويلرز بس اقدر أقول ان يكفي انها من كوجيما و ما أقدر اعلق الا لما ألعبها
مسألة وجود جزء جديد ما فاجأتني لأني اظن ان كوجيما راح يحاول يربط الأحداث من MGS3 الى أحداث Metal Gear الأولى و يبين احداث استنساخ سنيك وما يتبعها من تطورات.
------
على العموم مبروك مرة ثانية , و ان شالله تقدر اللعبة تصبرنا الى نزول MGS4

[Snake-87]

ادخل على الدعم الفني أكيد بتحصل فيه مشاكل من هذا النوع

مفروض فتح الموقع بس لي الحين ما فتح .

بس مهما كان هذه ميتــال جيــــــر كفاية اسمها

اكيد ^^

الصراحة العبة معقدة جدا و صعبة من ناحية تجنيد الجنود و التصنيفهم في الـ Mai menu . . . واحتاج وقت طويل علشان اتعود عليها .

بالعكس .. اللعبة بسيطة جدا .. جدا .. يبيلك وقت قصير تتعلم علييها . والله يبارك فيك .

المشكلة ما أقدر العبها إلا يوم 24 الشهر لأني طلبتها من النت"عشان الـCover "

انا كنسلته لأني طالبته من آمازون . وآمازون مافيه كفر مجاني بس 3 مواقع T_T

يكفي انها من كوجيما

ليست من كوجيما .. من كوجيما برودكشن فقط ..

مسألة وجود جزء جديد ما فاجأتني لأني اظن ان كوجيما راح يحاول يربط الأحداث من MGS3 الى أحداث Metal Gear الأولى و يبين احداث استنساخ سنيك وما يتبعها من تطورات.

ولكن نبي المرة القادمة كوجيما يسويها مو ربعه ^^"

على العموم مبروك مرة ثانية , و ان شالله تقدر اللعبة تصبرنا الى نزول MGS4

الله يبارك فيك .. لا تخاف تصبرك ^^ و2007 ماباقي شي عليها .. وإن شاء الله بشهر 3 ^^"

[الخيال]

https://mpoweb.konamionline.com/us/mpocommunity/
هذا رابط الدعم الفني ادخل بالأكونت اللي انشأته عن طريق PSP ، ان شاء الله أفدتك ^^

[Snake-87]

مشكوووور
بروح أنام باجر أشوف السايت ^^"

تصبح على خير .. ومشكور مرة 2

[Snake-87]

طلعت Null
^^
بس مافيه شي زايد اللهم انه معاه سيف @@
وطاقاته مرتقعه ^^
كنت ابيه يصد رصااااص XD