هديتي للشباب: كيف تشوف وتلعب العاب الاكس بوكس360 بميزة الهاي دفنشن بأسهل طريقه

[xbox2]

مرحبا شباب
اليوم حبيت إني أقولكم طريقه سهلة و توفر عليكم قيمة شراء تلفزيون يدعم ميزة الهاي دفنشن الغالي

في الغالب تقريبا كلكم عندكم شاشات كمبيوتر سواء كانت :

زي هاذي:



أو زي هاذي :




أو أي نوع بس أهم شي إنها ما تكون قديمة مره ، يعني من تاريخ 2000 م وما فوق .



، وبعدين لازم تشتري وصله خاصة بالاكس بوكس 360 اسمها : في جي اي كيبل
زي هاذي:


طبعا تلقونها تنباع في أشهر المحلات زي قيم ماستر و مركز النسر الي في الشعلة ( يبيعونها ب 150 ريال ) الأصلية ، وموجود في السوق نوع أرخص صيني ب 50 ريال وأنا جربته وهو جيد في الصورة .

وطبعا لازم يكون عندك جهاز متطور زي هاذا :




وبعد كيذا تشبكون الوصلة في الاكس بوكس ، وفي الشاشة وتشغلون الجهاز وتستمتعون بصفاوة الصورة ونقاوتها وجودتها ...

حتى إنكم راح تلاحظون إن بعض الالعاب راح تتغير بدايتها ، زي لعبة بورن أوت ريفنج ، أول ماتشغلونها راح يجي شعار شركة إليكترونيك آرتس بشكل جديد وجمبه مكتوب HD ، يعني إنكم دخلتوا وضع الصورة الأوضح ، وراح تنبهرون من الوضوح ، حتى لعبة ديد اور الايف 4 زادت فيها تفاصيل اللعبة و الوضوح .

يمكن البعض راح يقول ما أقدر أشبك كيبل الفي جي اي بالشاشة لأنها كلها متشابهه بالأطراف ( يعني كلها ذكر زي كيذا :


حلها عندي

لازم تشتري قطعه صغيره حتى ما أدري إيش اسمها دورتها وتعبت وانا ادورها بس بالنهاية لقيتها صدفة في محل في مجمع الصالحية الي على طريق الملك فهد الظاهر ان اسمه الشدادي إذا ماني غلطان ، عموما القطعه هي زي كذا :





لو تلاحظون الطرفين في القطعة هاذي متشابة بس هي أنثى بعكس السابقة الي في وصلة الفي جي اي وسلك الشاشة الذكرية ، وبكذا تشبك في أحد جهتين القطعة كيبل الفي جي اي ، وفي الطرف الآخر سلك الشاشة وبكذا تكون شبكت الكيبل بالشاشة ،
طبعا الي شاشته سلكها ينفصل ويقدر يشبك كيبل الفي جي اي فيها بدون القطعه ( يعني يكون في شاشته الطرف الأنثوي) ما يحتاج يشتري هاذي القطعة ، ويشبك كيبل الفي جي اي على طول بالشاشة حتى لو هي ماهيب إل سي دي .
فيه ملاحظة مهمة : وهي لما تشغل الاكس بوكس360 بهاذي الطريقة على الشاشة لازم تروح للسيتينق الإعدادات وتروح لإعدادات الشاشة وتغير الوضوح من( 600في800 ) إلى أي خيار يصلحلك ويظبط على شاشتك ، لأنه إذا خليت الوضوح على 600في800 ماراح تشتغل ميزة الوضوح العالي ، بتكون الصورة زي التلفزيون العادي .
أرجو إني أفدتكم بهاذي المعلومة،
لاني صراحة انا لما جربت اللعب بالهاي دفنشن كرهت اللعب العادي بالتلفزيون العادي ، وصدقوني لو تجربون هاذي الطريقة راح تغيرون رأيكم في رسومات بعض الألعاب ، لأنها راح تكون ادق تفصيل ، وأنعم

واستمتعوا ،،،

[محـ ss uae ـمد]

مشكور على الطريقة
و راح توفر الكثير من الفلوس

[شر شبيل]

مشكور أخي على الموضوع

ولكن كم سعر الشاشة وأرخص شي موجود

[Dukefleed]

الحركة عجيبة جداً ، تمام للناس الي ما يقدرون ياخذولهم تلفزيونات HD

[FARES360]

انا شاشتي lcd شاريها من عام 2001 أذكر ..
والله حلو جم هالوصله سعرها ..احتمال اشتريلي واوصلها
بس هل راح توصل لمستوى صفاوة تلفزيونات الhd نفسها ولا أقل ؟ ... مثلا بو 1080 وغيره
ولا بس مجرد اوضح من التلفزيون العادي لكن ما يوصل لمستىو الhd

[Dark Watch]

حبيبي , بادرة طيبة من الشباب العربي انهم يفكرون بشي ’ , لكن للاسف ماتنفع
بالعكس لو كانت Original من Microsoft بتكون اظمن + الوضوح اقوى

[Angry Odin]

حبيبي , بادرة طيبة من الشباب العربي انهم يفكرون بشي ’ , لكن للاسف ماتنفع
بالعكس لو كانت Original من Microsoft بتكون اظمن + الوضوح اقوى

الاسلاك رسميه من MicroSoft .

[Mr.X]

Dark Watch انت تشوف كل شي من الناحيه السلبيه وما تشوف للإيجابيه ابد ><


xbox2 انا جهازي لاب توب توشيبا ,, ما ادري ينفع اشبك هالكيبل فيه ويطلع لي الوضوح عالي ؟؟
لأن عندي الكيبل ,, لكن حاولت مره اسويه في جهاز لاب توب كان عندي كومباك وما ضبط ,, واتذكر ان كان فيه موضوع بهالمنتدى فيه يقول نفس الفكره ,, وجربت لكن طلعت لي الشاشه سودا ,, ويوم سئلت الشباب بالمنتدى قالو لي ما ينفع تشبك هالكيبل الـ VGA بشاشة لاب توب ><
ما ادري وش رايك ؟؟
وهل كلامهم صح ؟ والا فيه امل ؟
وبكم سعر افظل شاشة LCD وهل هي تطلع لي الوضوح بدقة 1080 i ?

[محـ ss uae ـمد]

حبيبي , بادرة طيبة من الشباب العربي انهم يفكرون بشي ’ , لكن للاسف ماتنفع
بالعكس لو كانت Original من Microsoft بتكون اظمن + الوضوح اقوى

لا تعليق ....’

• DV-15S Standard VGA Connector
  
• Video outputs settings of 480p or 720p
  
• Dolby Digital 5.1 Surround Sound output
  
• 8-foot long shielded cable

[محـ ss uae ـمد]

Dark Watch انت تشوف كل شي من الناحيه السلبيه وما تشوف للإيجابيه ابد ><

i ?

هاذا طبع عبووووود و ماراح يتغير طول حياته
خليك كوووول على طوووول

[Light.Darkness]

انا شاشتي lcd شاريها من عام 2001 أذكر ..
والله حلو جم هالوصله سعرها ..احتمال اشتريلي واوصلها
بس هل راح توصل لمستوى صفاوة تلفزيونات الhd نفسها ولا أقل ؟ ... مثلا بو 1080 وغيره
ولا بس مجرد اوضح من التلفزيون العادي لكن ما يوصل لمستىو الhd

اذا تبي تشوف وضوح 1080P على اصوله مالك الا شاشات بحجم 40" و انت طالع

[xbox2]

مرحبا شباب

أشكركم على التفاعل مع الموضوع

شر شبيل

ولكن كم سعر الشاشة وأرخص شي موجود

والله يا أخي تختلف حسب الأنواع بس ارخص شي أعرفه الايسر ،

xXpainfulltrapXx
بس هل راح توصل لمستوى صفاوة تلفزيونات الhd نفسها ولا أقل ؟ ... مثلا بو 1080 وغيره
ولا بس مجرد اوضح من التلفزيون العادي لكن ما يوصل لمستىو الhd

طبعا هي راح توصل نفس صفاوة تلفزيونات الإتش دي بس المشكلة إنها ماتوصل لدرجة صفاوة 1080
وبالمناسبة ترى شاشات الكمبيوتر تعتبر ، هاي دفنشن ، والدليل لو عندك كرت شاشة فيه مخرج تي في أوت ، وتشبك كمبيوترك على تلفزيون عادي راح تلاحظ إن الخط ماراح يوضح والصورة لك عليها ، لاكن لو تشغل كمبيوترك على شاشة كمبيوتر تتطلع الصورة واضحة والخط واضح ... الخ
بس زي ماقلت ، بالنسبة لكيبل الفي جي اي الخاص بالاكس بوكس ما يوصل لوضوح 1080
فقط : Video outputs settings of 480p or 720p
بس ترى 720p لا تحسبونها شوي ، صفاوة غير طبيعية ،

Dark Watch
لكن للاسف ماتنفع
بالعكس لو كانت Original من Microsoft بتكون اظمن + الوضوح اقوى

إذا كان قصدك الكيبل الصيني الي أنا جربته ، فالحقيقة هو صناعته لك عليها ماهيب بجودة الأصلي الغالي ، ولاكن في الصورة مالاحظت فرق نفس نقل البيانات للشاشة ماتغير ، ولو تلاحظ أنا كان قصدي من الحديث عن النوع الرخيص الصيني للي ودهم يلعبون وضوح عالي بأقل التكاليف قدر الامكان

Mr.X><


xbox2 انا جهازي لاب توب توشيبا ,, ما ادري ينفع اشبك هالكيبل فيه ويطلع لي الوضوح عالي ؟؟
لأن عندي الكيبل ,, لكن حاولت مره اسويه في جهاز لاب توب كان عندي كومباك وما ضبط ,, واتذكر ان كان فيه موضوع بهالمنتدى فيه يقول نفس الفكره ,, وجربت لكن طلعت لي الشاشه سودا ,, ويوم سئلت الشباب بالمنتدى قالو لي ما ينفع تشبك هالكيبل الـ VGA بشاشة لاب توب ><
ما ادري وش رايك ؟؟

والله يا أخي الي أنا أعرفه إن المحمول فتحة الفي جي اي الي فيه فقط اوت وليست إن ، يعني بس تقدر تشبكه على شاشة خارجيه ، ولا تقدر تشبك كمبيوتر ثاني على شاشته
يعني كأنك ودك تشبك وصلة رسيفر أو فديو في فتحة فيديو أوت في التلفزيون . وهذا مستحيل لأن كل الوضعين هنا أوت .

الاول في الصف :أشكرك على التوضيح والمتابعة .


وإنشاء الله إني قدرت أفيدكم في هذا الموضوع ، واعذروني على أي تقصير .
وإذا كان فيه معلومة عندي خطاء فياليت الي عارفها صح يصححها لي ، في الأخير أنا بشر

وشكرا للجميع

[محـ ss uae ـمد]

الاول في الصف :أشكرك على التوضيح والمتابعة .

لا شكر على واجب ......
والشكر لك لانك انت اللي تعبت و كتبت الموضوعات و ساعدة الاعضاء ......

[Gentleman]

بارك الله فيك على هذا الموضوع ..

تستحق الشكر والترشيح ..

وشكرا ..

[xbox2]

العفو أخي : Gentelman

وانا أيضا أشكرك على رفع معنوياتي.