ساعدوني بليز جهازي احترق

[عاشق 360]

السلام عليكم

المحول تبع ال 360 احترق وذالك بسبب اني ماوصلته بموحل خارجي لان الكهرباء كانت عاليه وحرقت الكيبل

وانا نسيت اني اوصل الكيبل بالمحول الخارجي

ولحسن الحظ انني يوم اوصل المحول الي يجي مع ال 360 لم اوصله بالجهاز فالضرر اصاب المحول الي يجي مع الاكس 360 واحترق

فالحين ابي مساعدتكم وللعلم


انا طرحت الموضوع من قبل في احد المنتديات وقالولي حلول منها اني اوديه لمحل الكترونيات او محل مختص للتصليح ولاكن باتت هذه المحاولات بالفشل

وانا عيزت ادور على محول جديد في البحرين بس مالقيت

وكمان رحت الدمام والخبر مالقيت فيه كيبل (( رحت بعض المحلات ))

والحين واصل حدي مايصير الجهاز يتم مسكر وما العب فيه وخصوصا ان الحين عطله

فياليت لو احد منكم يعرف وين يبيعون المحول في الخبر او الدمام

او اذا واحد منكم يقدر يشتري لي ياه وابعث له الفلوس ويبعثه لي

او اذا في امل في تصليحه

او اذا هناك مواقع تبيع هذا الكيبل

المهم اني ابي اشغل ال 360

[SoS 360]

مرحبا اخوي بالنسبه للمحول قليل جدا راح تلقى محلات تبيعه لك لانه للاسف هو غير متوافر والمحول فقط يجي مع الجهاز الجديد يعني مو معقوله راح يعطيك محول جهاز جديد .....

وبعدين اخوي الحل بسيط ود المحول حق اي محل متخصص في اجهزة الاكس بوكس وراح يقدر يصلح لك المحول

لانه مجرد فيوز ضرب عليك تقدر تصلحه وعندنا بالكويت تقدر تصلح المحول المحترق ب 8 دنانير واظن يسوي شغله بسيطه هي تغير كم قطعة داخليه واظن يغير الفيوز وطبعا جهاز الاكس بوكس مافيه شئ لانه المحول مزود في فيوز يفصل الكهرباء العاليه

تحياتي لك

[سلماوي]

مثل ماقال اخوي سوس فيوز احترق ويحتاج تبديل لا اكثر

وده الى محل الكترونيات افضل من محلات التصليح

مشكله المحول عليه كبس فصعب يفتحونه يعني راح يعانون على مايفتحونه

واذا تبي يدديد ينباع

وهذا موقع يبيع واذا ماتعرف تشتري

شوفلك محل يطلبك اياه

http://www. divineo .cn/cgi-bin/div-cn/360-eaaca

امسح الفراغين بين اسم الموقع


المحول مواصلي بس الحلو الي فيه انه يستفل فولت من 100الى 256V


بس انصحك تحاول تصلح محولك لانه يتصلح حرام تقطه وتشتري غيره
والشحن غالي لان محول ثقيل لو وزنه خفيف ماكو مشكله بس مشكلته حجمه ووزنه

[Devil..S]

اخوي زي ماقالوا الشباب الله يعطيهم العافيه

وانا صاحبي احترق محوله وصلحه ب90 ريال

وديه محل ثاني شكلوا هذاك مايعرف شيء في الالكترونيات

[asay]

تقدر تشتري لك واحد من النت. ياخوي الضاهر انت من البحرين.
قول لي من وين شريت جهازك؟وبجم
ابي اشتري واحد ياباني ويشغل كوبي.

[kllor]

نفس ما قال sos
صارت لواحد أعرفة و صلحة
و إذ لم تستطع تقدر تشتري
و إذا مالقيت و مستعجل تعال الكويت في مجمع الرحاب
و راح تجده 100% و سعره 20 دينار
و لكن أفضل أن تصلحه أحسن
و مشكور